jo712的個人專頁

有一次經過見到有這間店, 被佢既大公仔吸引覺得好得意...原來係韓國燒烤仲有個好似熨斗既野壓住D肉去燒...所以上二星期就忍不住來試下...這個商場食店好多, 但真係間間都要等位, 所以我地都提早食個晚飯免得排隊之苦, 估唔到我地6:15PM 到達都已經滿座..用餐時間無記錯係得90分鐘.如果唔想食燒烤, 佢地都有好多熟食選擇.佢地既熟食都好似好吸引咁.不過我一心一意就係想燒烤, 所以2個人就叫左個五花腩, 雪花牛同一盤什菜.點完野就有個小姐來倒D蛋汁係個爐, 跟住就話粟米同芝士可以放落蛋汁內...另外仲有4款配菜同一份生菜供應再來就送上大大份既五花腩, 小姐就會幫我地用個熨斗壓住塊肉去烤啦...跟住再反轉再燒D肉時, 小姐就連個熨斗都收埋...我基本上都無得自己去玩個熨斗..@@講番D食物先...我同友人最喜歡都係五花腩. 肥瘦分明再包埋生菜同D配菜一起食真係好滋味呀...反之雪花牛就較遜色, 雪花唔算多啦有D仲有筋位麻麻地,不過2份肉份量十足, 我地都係好吃力先可以清晒D食物.我地覺得最唔好食就係個烤蛋呀..味道好怪.另外這裡服務都唔錯, 仲會主動問要唔要加配菜都唔錯...整體上食物質素都唔錯, 只可惜用餐時間太短,同任食時間一樣..我地2個人每人$300真係去食任食仲多D選擇.地址:鑽石山龍蟠街3號荷里活廣場3樓320C號舖 …查看更多

一直見到好多人都介紹話這間位於九龍城既聯發炒蛋好味過佐敦澳洲牛奶, 其實我都多年無去澳洲牛奶度食野, 果度真係多人又迫, 食野食到咁唔舒服更好味都無用.上星期六無無聊聊決定一早去九龍城聯發試下啦...估唔到9點幾來到都要等位,認真巴閉...好彩等左唔夠3分鐘已經可以安排入座.早餐都係得3款選擇價錢盡對唔平呀..不過份量亦相當十足.友人就叫左個火腿通+炒蛋多士+飲野, 而我就真係無咩胃口只係叫左個炒蛋多士+飲野就算..其實2個早餐都係差3蚊, 不過食唔落就係食唔落架啦.. 友人既通粉係似忌廉粟米湯底係非常之濃郁既..不過真係罐頭湯..唔算特別好味.至於佢地出名既炒蛋係做得唔錯, 但我就覺得塊多士偏硬又無牛油香,杯茶收得咁既價錢, 茶無苦澀係應該...所以整體來講食物都只屬一般叫做試過就算.地址:九龍城侯王道2-4號地下1號舖…查看更多

原本打算去附近的餐廳食個輕量午餐, 點知要成1點先開門, 天氣又熱真係無咩力再行, 所以我地就亂入這間咖啡店到食個LUNCH SET(好似只係平日先有供應) 時間尚早基本上店內都無咩人. 一打開門已經聞到陣陣咖啡香, 見到有幾個人入來都係點杯咖啡來嘆, 真係唯獨我地2個人係點午餐...相信這裡的咖啡一定做得好出色. 可惜我今日唔想飲咖啡... 我點左個炸魚薯條+可樂; 友人點左個煙三文魚沙律+黑咖啡. 這裡就算係一杯簡單的黑咖啡都會問你要果酸味定堅果味..絕對認真對待每杯咖啡. 店鋪唔算大; 旁邊有4張2人枱, 講真座位唔算舒服, 但人唔多樣樣野都慢慢來時, 入到去整個環境就係令到你好relax又真係唔錯.餐飲既咖啡, 友人話真係唔錯帶點果香少少苦係佢喜歡的味道.再來既食物, 我自己覺得係叫OK.個沙律份量都大; 可惜黑醋落得太重手啦..好酸..至於個炸魚薯條; 我最欣賞係個薯條炸得好香脆; 炸魚都炸得唔油膩; 魚亦滑唔乾身, 不過外層既粉漿我就覺得好糊唔夠脆身. 整體上這一個比起個沙律就更出色既.下次有機會再來都要試下佢地既特色咖啡. 地址:旺角黑布街21號地下…查看更多

以前食牛腩麵就係簡單一款, 無話有咩崩沙; 坑腩咁多款式..今時今日大家對生活飲食都有要求啦..所以簡單一碗牛腩麵又點可以滿足大家...咁就多左不同牛既部位整出來..相信好多人都對中環九記唔會陌生啦..佢除左出名多人排隊; 佢地既牛腩亦非常有名氣...之不過佢地既服務都同樣出名...AHHAH..咁其實香港咁多美食; 亦唔止佢地有提供不同牛腩部位既麵店..好似這間係土瓜灣區既合隆麵家都同樣做得出色唔錯, 起碼唔洗排隊; 舒舒服服食餐飯仔. 就算晚飯時間去都係小猫三四隻; 不過唔代表佢地既野唔好食...當晚我地叫左崩沙腩麵同埋沙瓜河...我覺得崩沙腩真係做得幾出色, 牛味重又淋身而且唔會覺得好肥; 最正係個湯底好濃牛湯味..真係唔錯.至於個沙瓜河都可以, 係爽口但我自己覺得就無咩牛味...可能這個部位唔算我自己喜歡這一店如果大家簡唔中喜歡食下崩沙腩都係一處唔錯既選擇.地址:土瓜灣譚公道40號富康大廈地下…查看更多

每次經過這間食店都見到有條小人龍, 一直都叫話去食. 終於星期六就試左...為免要排隊我地6時15分鐘就到達, 點知都係剩番4個吧枱位真係厲害!!!店舖真係好細, 大概20個座位啦...仲要齊人先可以入座....餐牌亦簡單都不能..只有4款魚生飯選擇, 價錢都係由$108-$298;第一款係9款魚生飯; $298就魚生多D旁邊再有魚子,蟹肉同海膽.同友人叫左最平最貴各一款.枱上有建議食飯, 先將芥末加醬油攪勻加入魚生飯內食; 跟住再用紫菜包飯當手卷食; 最後將飯及初時送上2片魚生及麻醬加入碗再叫店員加入熱湯以茶漬飯食. 真係估唔到一碗魚生飯都可以3款食法又幾特別. 至於佢地出售唯一食物魚生飯; 當然魚生更係新鮮美味; 以佢地既醬油一D都唔咸,加晒入魚生飯都係岩岩好...又唔會蓋過魚生既鮮味.魚生份量多過飯咁, 不過提供既紫菜就有點失色唔知係唔係放得太耐, 我同友人既都係軟晒身既紫菜.反而個茶漬飯既湯底就非常鮮味; 唔係太飽都想再飲多碗佢地既湯...整體上食物都有水準份量十足, 服務亦好好.地址:深水埗青山道60號地下B舖…查看更多

難得星期六想出外走走食個早餐, 同友人決定來這個創意藝術中心行下兼食野.這裡11點開, 估唔到11點半來到已經滿左一半, 原本之前見到人地介紹話這裡的芝士熱狗好正好多溶既芝士係面, 一心一意就係要來點這個來食..點知佢地話轉左menu, 無左啦.唯有選左個All day breakfast, 友人就點左個百香果茶; 我就要左杯綠茶Latte 因為來時都已經滿左一半, 店員就開埋後面的位置俾我地入去座. 有2大張圓枱同2張二人近窗的枱...我地2個人更係坐二人枱. 雖然D 梳化唔算好座, 但環境同氣氛都幾好..D人講野都唔會好嘈, D店員亦唔會因為多人會趕客.講番野食..我好喜歡杯綠茶latta, 唔太甜仲要好濃綠茶味真係好好飲; 另外食物都唔錯. 平時出面食果 All day Breakfast我個人覺得偏油, 這裡就少油選左少肥既煙肉, 炒蛋都係少油但仍然香濃...自家製既酸麵包好正..下次再來都要試埋其他食物.食完有時間都可以係這個中心行下, 岩岩當日有市集行, 我地都花左2小時係度行下.地址:石硤尾白田街30號賽馬會創意藝術中心1樓05室…查看更多

又係土瓜灣搵食, 今次係OR 搵野食見到係區內都排頭幾名而且評語唔錯, 就決定來試下. 2個人胃口唔算好, 加上俾佢地既甜品吸引住, 更係留肚食甜品仲好. 叫左個紅菜頭薯仔沙律; 帶子意大利飯最後叫左叫栗子麻糬夾餅. 講個沙律先, 紅菜頭就偏少反而大量薯仔, 所以食到一半都覺得有D飽同漏, 另外沙律係凍既而加隻暧既流心蛋就覺得怪怪, 自己就較喜歡佢地加入腰果有D脆口幾豐富. 再來既帶子意大利飯, 味道都唔錯, 意大利飯都做到有咬口加上帶子煎得半熟都幾好味. 最正亦係今晚主角就係個甜品. 即叫即製夾餅, 夾餅既內部麻糬煙韌再配埋栗子蓉真係好好味; 另外店鋪想得非常周到地想令大家有refresh既感覺, 特意提供中間既檸檬愛玉.單單一客甜品都係收幾十蚊就可以提供多個想法同食法, 真係誠意小店. 整體上, 我個人比較喜歡這裡的甜品, 反而試左2款咸點都只屬一般. 下次有機會再來都係為甜品而來.這裡店舖座位都幾舒服, 都算係一處好hea座既地方.地址:土瓜灣北帝街149號地下3號舖…查看更多

上星期約左友人係APM食晚飯, 大家都無咩意見之外..我地就決定來試下過江龍~錦麗.由於我早來到商場就來搵位先, 平日晚上6點左右到達, 幸好唔洗排隊被安排到一張大的8人枱, 講真座位都幾迫下又要真係坐得幾唔舒服.每個位都已經放上一張好細的點菜紙同每人一杯既配菜, 睇下餐紙河粉都係得5款選擇, 小食亦只有4-5款; 飲品算多有10多款.我同友人點左生牛肉河; 熟牛肉河另外再點左一客牛油雞翼. 初時見到個碗好細, 以為份量都唔多, 點知原來河同牛肉份量都多.先試左一啖湯底十分清甜, 特別喜歡佢地的河粉好滑, 再來我點既熟牛肉有牛肉腩位咁好淋身帶少少牛香; 而友人既生牛肉河既牛就覺得會比較滑身D牛.整體上二款既牛肉河又真係做得唔錯, 反而覺得佢地既小食就非常一般..牛油雞翼炸得好油連碟上都仍然有好多油; 而且亦無牛油香.我地食到一半時已經見到門口有一條人龍等位.整體上這店既牛肉河粉又真係唔錯,仲要唔洗加一價錢都公道..唔怪之得開業已有一段時間仍然會有人龍啦.地址:觀塘觀塘道418號創紀之城5期(apm)4樓19號舖…查看更多

土瓜灣周圍都好多不同既小店, 今次這間是友人介紹, 趁店內唔係好多人就決定入來試下. 店鋪唔大只係有幾張圓枱; 好多食客都係熟客啦...都未坐落就可以點埋食物...唔似我左望右望...原來這裡食物選擇都唔多, 只有3款蒸飯/粥品; 腸粉反而有成8-10款選擇; 另外留意到最多人點計腸粉之外就係例湯...真係厲害!!今晚我點左皮蛋瘦肉粥再加個薑汁豬潤腸粥好綿好香; 最喜歡佢加左多蔥花同大菜頭粒帶點咸香好好味; 另外皮蛋切到細細粒, 每一啖都食到皮蛋...另外要一讚都係佢既腸粉, 皮薄而做得好滑真係好得; 而且入面既豬潤都係蒸得剛好, 好出色.下次必再來試埋其他口味既腸粉. 地址:土瓜灣譚公道98號兆豐閣地下1號舖…查看更多

琴日上完堂又係土瓜灣搵食, 見到這間粉麵店都幾多人食就同友人入去試下.每日都會有2款粉麵作午/晚餐優惠, 琴日係四寶米線($34)包一杯熱飲; 另外可以加錢換油菜.另外我就點左個冬蔭公魚蛋河($22)店舖就細細; 入面都只有十幾個座位啦...不過佢地就提供好多不同款式既粉麵.而佢亦標榜佢地既魚湯出色...講真試左友人個四寶米線個湯底只係一般有點偏淡; 而我既冬蔭公湯底就更加只係少少色無咩酸辣味道, 我D魚蛋亦麻麻; 友人就話只有魚皮餃比較好味之外, 其他都只係一般.這裡只係價錢取勝, 至於食物真係一般.地址:土瓜灣譚公道50號德勝大廈地下5號舖 …查看更多

近期喜歡去唔同地方搵食, 今次來新浦崗. 來前已經鎖定目標食越南野. 晚市開6時半, 我同友人6時40分左右到達,入面已經坐左幾枱客.店鋪唔算好大,不過勝在光猛, 就算安排同其他食客坐同一張枱, 但大家都有足夠距離唔會坐得唔舒服. 2個人叫左個走地雞湯粉; 牛柳紙米卷同埋椰肉椰漿大蜆.3款食物當中我自己最喜歡就係個大蜆,一D沙都無好鮮甜, 基本上我不自覺地連湯底都飲左好多. 雖然用左椰漿做湯底, 但唔會太濃係帶清甜椰子味同個大蜆好配合.再來既牛椰紙米卷都同樣出色, 牛椰無筋好重牛香.最後既走地雞湯粉就有點令我失望. 雞肉可能俾左雞胸位有點鞋口, 而個湯底亦唔算特別清甜只屬一般.整體上食物都做得出色, 下次有機會再來要試埋其餘美食.地址:新蒲崗景福街87號地舖…查看更多

近期轉陣去左土瓜灣搵食, 這裡有好多食店真係可以慢慢發掘多D食店...不過琴晚去完這間之後, 我同友人都決定下星期要再來試下.這店一入去就俾我覺得好有兒時食過上海野既懷舊感, 就算連店員都非常親切, 咁樣就似我地以前既香港啦.2個人安排坐係卡位, 佢地都有D2人晚餐, 但我一心一意就係想食小籠包, 所以放棄套餐.點左小籠包, 嫩雞煨麵同蘭花豆腐干.初時都唔知咩叫蘭花豆腐干以為係西蘭花加豆腐干..HAHAHA..點知上來就知道自己完全錯晒...原來係豆腐干畀花再滷是一個冷盤菜式.這個豆干滷得岩岩好唔會滷得太耐偏咸, 食時都豆干香味真係好好味. 再來既嫩雞煨麵, 湯底帶點咸香雞肉唔會煮得過火, 最後既小籠包皮當然唔係宜家出面食既薄如紙啦, 但內裡充滿肉汁這就是以前兒時既小籠包味道,實而不華. 這裡份量十足2個人食到頂住走都係每人$70都唔洗. 地址: 土瓜灣美善同里13號…查看更多

一直都想來這間試下,趁星期六得閒終於有機會. 估唔到附近都好多食店, 下次都要搵機會試埋其他.我同友人大約12時半到達, 店鋪真係超細仲要幾個座位都滿左, 我地都係等左一陣坐係露天座位.我地點左個炸蝦餅檬再加左燒牛舌同燒蘆筍因為食客多還有幾個人等外賣, 所以點完餐後都等左成10-20分鐘先有得食.2款燒串燒都做得唔錯, 燒得剛好牛舌帶少少鹽香非常美味.再來既蝦餅檬同樣做得出色, 蝦餅彈牙得來又唔會油膩, 份量亦多. 一碗都係三十幾蚊, 唔怪之得未到1時都已經咁多人來.地址: 石硤尾偉智街38號福田大廈地下63號舖…查看更多

同友人慶生鎖定到三聖食海鮮, 估唔到星期六6點左右來到, 周圍人多車多. 第一站去左買海鮮, 但得2個人都唔係買得幾多款式.選好海鮮我地就選食店, 之前2次我地都係去興記, 今次就搵另一間試下..因為無訂位, 我地都係只可以坐露天帳篷的枱.今晚食辣酒煮花螺; 西芹炒龍躉, 白灼赤米蝦同油鹽焗奄仔, 另外再點左個芝士蝦丸.赤米蝦白灼都無難度只要新鮮就可以, 再來西芹炒龍躉這一碟真係令我地非常失望整碟都係得6片但已經有3片係唔熟, 真係浪費我地買既料.幸好再來既其他菜式都算唔錯, 油鹽焗奄仔整得好好味, 帶少少微咸亦可食到蟹本身既鮮甜做得唔錯.最後既辣酒煮花螺亦做得出色, 煮得剛好花螺吸晒辣汁好惹味, 只係略縑咸左少少..另外再點店內既招牌芝士蝦丸反而令我覺得有D失望. 雖然炸得香口蝦膠亦彈牙, 但入面既芝士無咩味道, 一粒要成二十幾蚊真係貴又唔值得試.整體上煮功都唔錯, 但可惜魚片切太厚整到唔熟反而浪費客人既料錢仲唔好, 這裡既服務都幾好幾令人舒服.今晚料錢就四百幾, 煮功就二百多都算幾抵食.地址:屯門三聖街6號三聖商場地下5-9及14-16舖 …查看更多

食完豆花同一串炸蠔, 2條友都仍然餓底咁見到這檔有粉麵又有炸物,我地又來第2 round.我點左豬扒麵, 再叫左串炸魚蛋同炸海蝦, 海蝦再翻炸, 但炸完都係偏油呀, 粉漿好油好厚, 不過蝦本身就係彈牙, 反而魚蛋我就覺得唔錯, 最低要求係唔會食到成口油先...叫做OK.再來既豬扒麵都算唔錯, 豬扒醃得入味.整體上炸物無雲姐炸得咁好, 不過坐位就比較舒服.地址: 流浮山正大街17號…查看更多