tsang hin ho的個人專頁

今日同朋友行山去良景邨上大峽谷，之後落返嚟良景邨食嘢，發現Lee度好味茶餐廳，唔係咁多茶餐廳有自家製麵包，食咗佢個叉燒包都幾好味！主要係啲麵包質地好食,五香肉丁煎蛋麵，啲面煮得夠爽口!奶茶亦都好有茶味，好飲的!下次去開Lee頭都會再食!…查看更多

今日同女朋友遊車河去土瓜灣海心公園睇日落，之後去咗紅磡Lee間亞金南洋茶室食飯，果然有驚喜！1.Lee份無骨海南雞真係驚喜！皮夠薄滑仲帶雞油香，肉質嫩到咬落有汁，骨拆得乾乾淨淨，唔使手忙腳亂剝骨。油飯更係靈魂，粒粒分明吸晒油香，唔會膩口。2.古仔路肉骨茶真係夠火候！湯濃味香，藥香襯住肉香，配牛油咖央多士外脆内軟，奶油酥餅鬆化掉渣，鹹香配甜香超夾，成餐食完齒頰留香！3.飲品：椰汁紅豆冰超解暑！椰香濃郁，紅豆綿糯，凍冰冰飲落好過癮！椰汁真多冰，椰汁滑溜，椰子味香濃，夏日飲呢杯正到爆！性格比極高嘅南洋口味，下次再來！…查看更多

今日喺西灣河室內運動場同朋友打完波，朋友介紹嚟呢間小店食嘢，唔怪得知叫鹿巷，因為係一個隱世後巷入面，橙橙燈光好有溫暖家庭feel！佈置好似睇緊日劇入面嗰啲居酒屋咁，氣氛一流！1.鴨胸炙得香噴噴，肉質嫩到爆汁，日式咖哩辛香夠喉，撈飯食每啖都好過癮，真係超正！2.雙色豬扒脆嫩夠味，溏心蛋一戳爆汁，拌埋飯食超夾，簡直係碳水快樂天花板！3. 特製雞軟骨醬香好夠喉，咬落脆卜卜有嚼勁，越食越上癮， 一口一粒停唔到，簡直係送酒神器！4.淺漬蓮藕爽脆帶酸香，絲燒後多份焦香，鹹甜平衡，食落好開胃，做小食一流！下次一定會再來！…查看更多

今晚同個朋友去咗金雞廣場25樓食西餐，Lee度環境舒適闊落,一大班朋友嚟呢度玩board game就啱晒，有feel幾好！1.煙三文魚油香夠，忌廉蕃茄醬酸甜啱味，裹實扁意粉超惹味！口感滑溜唔膩喉，good 😊 2.黑松露香得夠突出，蟹肉鮮甜又飽滿，拌埋黑醋沙律汁超開胃！酸甜平衡得好，每啖都有層次，清新又唔膩！👍3.Lee個特色拼盤真係款款有驚喜！洋蔥圈外脆內嫩好惹味，芝士條咬開爆漿香到漏，雞翼醃得夠入味，魚手指鮮嫩，天婦羅魷魚脆爽，樣樣都唔錯！4.叫咗兩杯嘢飲，飲品名好得意，一杯叫節制，一邊係西柚同菠蘿汁整出嚟，酸酸甜甜好飲！一杯叫小天使，係薰衣草、紅玫瑰花、茉莉花、檸檬草所沖，有安定情緒，改善失眠嘅作用。下次會再嚟！…查看更多

今日同靚女朋友遊車河飛左轉山頂睇風景吹吹風，之後去咗呢間日本餐廳食嘢，環境優雅，幾有日本風情畫feel！喺中環斜路馬路結志街嗰度，隱世舒服，食物好食！1.番茄吸盡梅汁，酸甜夠喉，開胃又醒神。2.唐揚雞軟骨外皮脆卜卜，咬開帶汁夠彈牙，惹味到舐舐脷！3.秋刀魚刺身夠鮮甜，油脂香好突出，入口滑溜，配芥末超夾！👍4.燒雞翼外皮焦香，肉嫩多汁，一咬滿口惹味！5.燒雞肉嫩多汁，夾大蔥超香，惹味又解膩！6.九條蔥豚肉卷，肉嫩蔥香，食完仲想食！7.燒日本豚肉嫩，油香夠，一口好正！ 8.燒虎蝦夠大隻，殼脆肉彈，滿口海鮮甜香正！😍下次再約靚女嚟燭光晚餐！😍🤣👍…查看更多

今晚同朋友遊車河去到筲箕灣避風塘海邊吹吹風，然後喺東區一帶遊下，最鍾意喺屋邨搵嘢食嘅我，今晚就試下耀東邨呢間酒樓。1.今次食嘅豉油雞真係正！雞皮油潤夠彈，咬落滿是豉油香，肉質嫩到飙汁，鹹甜比例岩岩好，連骨都入味，舐舐脷仲想再食多件，絕對要試！2.鹹菜豬肚浸蜆超惹味！豬肚腍得嚼得透，蜆肉鮮甜無沙，湯底帶鹹菜嘅鮮爽，飲落好開胃，一口湯配啖餸，簡直係送飯神器！3.美極煎蝦夠晒香口！蝦殼煎得脆卜卜，肉質緊實彈牙，美極醬裹得勻勻哋，鹹香帶微甜，咬落滿口鮮，一粒接一粒停唔到口！好多時候屋邨都會有啲小驚喜，下次有機會再嚟啦！…查看更多

尋日都著緊T卹,今晚突然間變19度,當然係要去打邊爐呀,有個去咗加拿大嘅老友介紹我去Lee間好多海鮮食嘅任食任飲火鍋,今晚就同朋友去試下先，真係正呀！未食過咁多海鮮嘅打邊爐任食，龍蝦同鮑魚放落個鍋度仲郁緊嘅，仲有一盤魚生刺身，夜晚九點半去都咁多人，就知唔係普通啦！1.麻辣雞煲夠晒惹味！雞肉腍滑吸晒汁，少辣得過癮又唔搶味，食到舐舐脷！2.龍骨石斛湯超清甜！骨腍肉嫩，石斛味夠，飲落潤喉又舒服，正！3.刺身拼盤：有油甘魚、八爪魚、赤貝、北寄貝、吞拿魚蓉赤海蝦同帶子，全部鮮甜新鮮！4.安格斯牛薄切打邊爐正到痹！涮幾秒就熟，入口嫩到爆汁，肉香超濃，good ☺️！5.超級海鮮盒：有龍蝦、扇貝、鮑魚、海蟹同海蝦，龍蝦同鮑魚仲係郁緊嫁，超新鮮！全部都鮮甜彈牙。飲品選擇多，有汽水啤酒同無糖茶，之後再叫咗啲任食配料：鮑魚、蟶子、龍躉頭腩、大魚頭、白鱔、珍珠蠔、牛胸爽、墨魚滑同牛筋丸，實在太正啦！仲有太多配料真係食唔曬冇叫，淨係海鮮呢個部分都無懈可擊，肯定之後打邊爐就會諗起阿爺八鮮鍋！下次見！…查看更多

今晚happy friday，梗係要約個靚女朋友搵下好嘢食啦，今晚嚟咗尖沙咀Lee間全港第一間嘅韓國自助餐,有好多韓式嘢食，都幾特別！Lee度有150幾款地道韓式嘢食，係韓國廚師整嘅，好多員工都係韓國人，真係好似韓國食緊嘢。韓燒就食得多，韓國自助餐真係第一次，Lee間韓國自助餐真係超驚喜！喺尖沙咀加拿芬廣場3樓全層，地方夠晒大，入面好乾淨，取餐區擺得好整齊。海鮮都好新鮮，醬油蝦同醬油蟹係重點，餐廳大部份選用韓國食材，主打嘅紫菜包飯/壽司/軍艦等，都係選用韓國大米。每日有指定時段做live food station，廚師會即場安排唔同美食，好有氣氛！即燒五花腩夠曬溫度，燒得夠香，人參雞湯又係一定要飲嘅，甜品種類好多，又有韓國雪葩同韓國軟雪糕，服務員換盤好快，全程冇催促。性價比好高，下次一定再嚟！…查看更多

今晚同朋友遊車河走咗轉大清水，之後八點幾落咗將軍澳搵嘢食，經過坑口村就泊車落地睇睇，呢度有幾間餐廳，間間都冇咩人，唯獨是Lee間好多人，走入去試下，果然冇令我失望！兩個人叫咗三樣嘢食得好飽,最後甜品都冇叫，正正正！1.牛肉他他切得夠細膩，肉香濃郁仲帶住意大利嘅清新，入口鮮嫩唔韌。鵪鶉蛋就流心，多士外脆內軟吸晒汁，幾樣撈埋食，口感層次好豐富！2.辣肉腸夠鹹香，夠惹味又唔嗆喉！芝士熔得勻滑，餅底外脆內軟有嚼頭，成個pizza香到忍唔住一口接一口！3.炭燒黑毛豬梅頭好juicy，外皮微焦帶香，肉質嫩到咬落有汁！烤甜薯粉糯夠甜，中和油膩，加埋大蔥三十樣搭埋食，鹹香配甜好過癮，超滋味！真係要嚟多幾次，試埋其他嘢同埋甜品，good！ 👍☺️…查看更多

- （前菜）甘甜的水八爪魚 配上鮮甜多汁的蕃茄，清新爽口 - （前菜）鮮嫩爽彈的北寄貝配上酸甜紅芋醋，鮮味爆棚 - 入口即化的皮剝魚 - 鮮鮮彈彈的九州赤貝與赤貝群邊，搭配油脂豐富的秋刀魚，完美鮮味組合，加上銀杏葉的擺盤，仿佛置身京都🌸 - 濃郁鮮香的鰹魚佐嫩嫩牙蔥，鮮甜滋味誘人 🍀- 香濃鮮甜的中華錦繡蟹，入口滿滿海洋鮮味, 幸福感💕- 魚皮烤得十分甘香的目光魚配上清甜無花果，果香鮮味交融 🉐- 鮮美豐盈的木蟹，搭配爽口青茄子與濃郁魚子醬 - 幾款廚師手作壽司海膽份量十足，魷魚及Toro好鮮味- 清新的竹筴魚，裹在鮮味十足的昆布卷中，好吃又特別🍣-（甜品）栗子撻🌰不止外觀漂亮還有大大粒栗子係入面，配上清甜蜜瓜🍈，完美！杣‧YASHIMA九如坊2-4號地舖…查看更多

今日同愛人女神遊車河去觀塘，之前上網搵到呢間西餐特登去試下，環境好有氣氛地方好大，全得舒服！餐廳有 live band 表演，食物真係唔錯！之後會約一班朋友再來。1.廚師雜菜湯夠晒鮮！湯底濃郁不膩，暖肚又惹味，正！2.西班牙火腿鮮果沙律真係正！火腿鹹香帶油潤，酸甜鹹香好平衡，沙律汁夠惹味，一口落去好開胃！3.西班牙八爪魚鮮墨汁扁意粉超正！八爪魚彈牙鮮甜，意粉掛滿墨汁够香濃，鹹香得嚟不膩口！4.美國頂級肉眼扒5成熟，外皮微焦夠香，內裡粉紅多汁，肉質嫩到咬落無筋，油脂香超突出，good！5.火焰焦糖蛋白布甸超正！面層焦糖脆卜卜，底層蛋白滑捋捋，蛋香濃郁唔會太甜，暖食入口超治愈！…查看更多

今日同個老友遊車河走咗轉石澳 ，出番嚟筲箕灣搵嘢食，見到金記，就行入去，好少茶餐廳有自己嘅麵包，所以今日除咗食飯仲叫咗兩個撻食，正呀！1.外皮脆卜卜，咬開肉汁滿瀉！雞肉嫩到彈牙，調味夠惹味，正！2.馬來西亞炒烏冬，醬汁勁惹味，烏冬吸滿椰香同香辣！配料夠足料，炒得幾好，good 👍 ！3.豬扒夠腍，咬落juicy！鮮茄醬酸甜開胃，配埋菌香好夾，飯吸滿醬汁，焗完惹味。4.胡麻汁濃香夠滑，野菜爽脆鮮嫩！入口清爽解膩。5.蛋撻餡滑似布甸，皮層鬆化；葡撻焦香帶甜，蛋香更濃！兩款各有風味，雖然有啲邪惡，但食完好滿足！下次再來吧😊👍…查看更多

今日去東區遊車河,之後搵個喺附近做外賣嘅朋友食嘢,佢就推介嚟Lee度,搵食跟外賣仔絕對冇錯，因為佢哋實在去太多餐廳，知道邊度多人食，今日食咗五樣嘢都幾好食！1.烤北京填鴨皮脆到咬落「沙沙」聲，鴨肉夠嫩，包皮加京蔥甜醬，一口落肚超過癮，正！2.野菌紅燒豆腐好入味！豆腐吸滿菌香醬汁，咬落軟腍夠滑，野菌鮮甜彈牙，超惹味！3.雞絲粉皮夠冰爽！粉皮滑溜彈牙，雞絲嫩口入味，淋麻醬超香，一口落清爽開胃，夏天食最正！4.青城山杏汁白肺湯好清甜！杏香濃郁夠潤，入口順滑暖胃，飲完好舒服！5.杞子桂花糕好清甜！入口軟滑，桂花味夠香，咬到杞子好有嚼頭，好正！Good 👍，得閒再嚟！…查看更多

揸車遊車河經過好多次鴻圖樓，成幢六層樓嘅建築好有中國風，原來係1970年落成嘅，仲大我五年，所以今晚決定約個喺觀塘住ge朋友嚟試下，今晚星期三都有好多台人，環境好溫暖feel，食物都唔錯喎！1.外皮脆卜卜，咬落帶少少煙韌勁正！內裏素菜餡夠晒入味，豆香同醬香好夾，完全唔會過鹹。齒頰留香，京式風味好地道，食多幾舊都唔覺膩！2.粉絲吸滿蟹子同醬汁，咬落粒粒蟹子爆香好過癮！乾身唔黐鍋，惹味又唔鹹，一啖接一啖，鍋氣夠晒足，食完仲想舐舐脷！3.皮脆到咬落「卜卜」聲，油脂香夠晒突出！瘦肉嫩，配酸黃芥辣一流。每啖都咸香惹味，食完仲掛住個脆皮口感，超正！4.紅豆沙正呀，甜度啱啱好唔膩喉最正！得閒會再來！…查看更多

今日喺宜合道朋友屋企會所打完保齡球，喺附近搵嘢食，見到Lee間餐廳有泰式嘢,啱胃口就入去試下,冇諗過喺石籬Lee個地方會搵到呢啲隱世餐廳,其實佢係一間中泰美食都有ge餐廳。1.Lee間嘅芒果魚真係正！魚肉嫩滑，芒果酸甜襯托，味道層次豐富，食完仲掛住！2.泰式生蝦刺身夠晒新鮮！蝦肉彈牙，酸辣汁惹味醒胃，過癮！3.冬陰功湯夠濃香！酸辣度啱啱好，海鮮鮮甜出晒嚟，飲完暖笠笠超正！4.生菜包好惹味！餡料鹹香夠镬氣，裹住脆生菜咬，清爽又好食，正！5.泰式拼盤好豐富！有串燒、春卷、魚餅同蝦餅，一次食晒多款好過癮！6.青咖哩雞夠濃香！雞肉嫩，配熱辣蒜蓉包蘸汁，鹹香帶辛，一口超滋味！7.咖哩蝦超惹味！蝦大隻彈牙，咖哩濃稠夠香，撈飯食真係停唔到口！8.芒果糯米飯正到爆！芒果甜多汁，糯米軟糯掛椰香，满足！性價比極高，七個人食，完全唔睇價錢叫，都係每人$240，之後肯定會再嚟好多次！…查看更多