sundy cheung的個人專頁

一班同事到鴻星嘆茶, 慶祝johnathan 榮昇marketing head, 下午一點中準時到達, 八成滿海港城的分店水準平時幾好, 但今次就麻麻地, 例如個石頭魚湯, 唔夠熱, 唔知係唔係因為喱個原因, 飲完一陣成塊面痺左, 好似中雪加毒xo牛河都有類似情況, 唔係好夠熱, 所以唔係好好食娃娃菜同奶黃包就過得去, 但係整體唔算合格, 下次都係去稻香算吧…查看更多

食完泰菜之後行過隔離食雪糕, 原因係有好多人烘埋去, 羊羣心理的我, 像一塊鐵片被吸了過去雖然一杯雪糕要成$33, 但抱住一試的心態, 試了一杯菠蘿雪糕, 雪糕得好細pat, 不過因為係甜品, 多都未必係好事, 味道最大的分別係口感比較滑, 奶味比較重, 都幾好食, 不過價錢太高, 所以只會間唔中試女店員多是青春少女, 有口靚模feel, 呵呵呵…查看更多

喺喱個新商場入面開o左間金寶, 午飯時間唔係好多人, 大抵係因為無set lunch啦不過散叫價錢又唔算得上好貴, 例如我今次去食, 一碟"泰式海南炸雞飯賣$45, 有碗湯飲, 加$5 仲upgrade可樂, 而且仲有冰杯分開上但最impressive係個$88的青咖喱海鮮鍋, 青咖喱夠濃烈, 有四隻大蝦, 兩件軟殼蟹, 魷魚同麵包, 等青咖喱煲滾之後食, 個idea似打邊爐, 都幾得意, 一個大大煲的青咖喱 (仲要係海鮮) 鍋, 喱個價錢, 勁抵忍唔住要介紹比大家…查看更多

今日下晝坐小巴落九龍城買床上用品, 經過豪華餅店見有人龍排隊買麵包, 在獅子石道買完要買的東西之後, 走去望望原來係排隊買新鮮熱辣出爐的蛋撻, 咁多人排, 估計係好多名人介紹過, 睇門口貼的雜誌介紹便知了, 蔡瀾, 阿蘇, 周潤發都幫襯過!蛋撻果真熱辣辣, 好彩剛剛去到係出爐時間, 個酥皮好正, 好多層, 入口即溶, 蛋心味道較甜, 不過唔會漏, 件蛋撻都算係一件水準之作食完仲買多四件番去俾老豆食, 佢都話好食…查看更多

朋友帶左我去街的堂記食腸粉, 話蔡瀾都介紹過, 要試吓喎:)間舖其實好細間, 坐位狹窄, 我地坐在入面的長枱其中兩個位, 朋友食燒鵝腸同菜干粥, 我則獨沽一味, 食炸兩, 因為唔係好肚餓, 有點陪跑性質!炸兩長長的, 切開成十六七件, 腸粉係即做的, 粉皮不算很薄, 但都幾好食的, 油炸鬼比較硬, 如果淋身會比較好味朋友大讚菜干粥, 係唔係真係咁好, 我就不知道了, 因為無食, 不過眼見粥煲到稀爛, 最低限度都係易消化吧我自己覺得腸粉的味道唔差, 都可以一試的…查看更多

本來想買三件, 因為十蚊三件, 但係唔知好唔好食, 而且一件都係四蚊, 所以就只係買左一件椰汁糕食件糕揸上手已經覺得好得意, 好有彈性, 好似揸住個義乳咁咬落, 幾好食, 雖然椰汁味唔係太重, 但係件糕好滑, 仲唔會食到成口粉下次一定會再嚟買的! 好想試吓個桂花糕…查看更多

個食評其實係笑同ok 之間做決定, 因為覺得佢地個服務只係一般..不過, 考慮到個韮菜果的味道實在係好, 於是都係俾個笑臉, 唔推介俾大家好似好可惜咁服務唔夠好係因為買左半打拎走, 三個現場食, 現場食完之後發覺唔夠, 因為太好食了, 於是叫阿姐同我煎多兩件, 點知阿姐就講一係煎哂, 一係唔煎, 結果成盒拎走的韮菜果就俾佢煎哂不過一隻三個幾, 平, 靚, 正! 美食當前, 個心都涼哂了, 算吧, 六師弟!…查看更多

試過三十二度的天氣打邊爐嗎? 極度唔願意之下, "被迫"地, 去左小肥牛打邊爐真係被迫的, 咁熱, 其實根本沒心情去食, 只係三個朋友一至的要去, 咁我這個小數民族, 邊有得話事呢?但係, 我今次都食得幾滿意, 因為食物有水準, 火鍋的配料很新鮮! 湯底我地用了番茄牛腩湯的味道, 個味道算合格啦! 先來一客章紅魚刺身, 食得出係新鮮劏的魚生, 一點腥的味道都沒有, 比食日本刺身更優勝!火鍋配料之中一定要食安格斯牛脊, 雖然要七十八蚊一碟, 但係唔貴, 牛肉的脂肪分佈得好平均, 入口有香濃的牛脂味, 肉質又唔un, 大家一至讚好!另外仲有芝心牛丸, 唔好叫鵝肝墨魚丸,因為唔好食, 我地兩樣都食因為雙拚只加兩蚊, 所以咪試囉, 結果係一個好食一個唔好食仲食左桂花蛑, 海蝦滑, 烏冬, 芝士腸, 唔好expect 係好平的十蚊, 廿蚊一碟個種, 價錢係正常的收費, 最緊要好食就得!如果而家得十度八度, 就好啦…查看更多

在九龍城經過一間幾別緻的小店, 叫渝薌烤魚, 食客不少, 於是入去食餐廳主要係賣魚類的食物, 有烤魚, 米線, 小食, 有點川菜味道多款米線都係魚的不同部份做餸, 就試試個魚鮫米線吧, 未食過, 都唔知係咩! 只知道唔係魚腩, 有些似膠質的部位, 連住一點魚肉, 味道幾鮮甜, 湯底不俗, 感覺唔差side order一客小食串燒鱔, 有點麻辣的味道, 鱔肉肥美, 脂肪位比瘦位更香口, 兩款食物味道都不錯, 可以一試! …查看更多

呢間名字叫清溪川韓國食堂的韓國餐廳味道其實係唔錯的, 唔知點解會劣評多過好評呢, 難道以前係好難食?見隔離枱樣樣野都好大碟, 都唔敢叫太多了, 只叫個牛肋骨煲同個薄餅未食兩個主菜, 侍應已經把十數碟小菜端上了, 泡菜醃得幾好味, 魚仔干好脆, 又甜, 好正, 忍唔住叫左枝hite啤酒飲, 用魚仔干送好野味牛筋骨好淋, 個汁幾濃, 落左兩粒蜜棗, 好甜, 件紅蘿蔔好入味, 牛筋骨唔多肥油位, 食左四件都未滯, 得呀個薄餅就一般, 唔啱我食, 叫之前以為係好似街邊賣的韮菜粒脆薄餅的味道, 但原來係兩回事, 有大量肉蔥段, 加埋韮黃, 有少少似食草咁不過剩係個牛筋骨, 已經可以俾個笑佢了:)…查看更多

lunch 只係到麥當勞買個魚柳包餐食, 食完仲要去買貨, 好忙魚柳包當然無咩好講, 主角係第二樣食物..而家麥當勞買餐可以將個薯條轉做薯角, 味道比薯條好食好多, 不過無芝士醬點, 都係比番茄汁你, 失望:( 但係薯角好香口, 令到食老麥都多番些樂趣!:)又話學人即叫即做, 結果都係做定, 不過係即叫即包裝...…查看更多

尋晚同同事收左工落嚟食, 仲未收, 朗豪坊個foodcourt 10:00p.m. 都仲有野食, 包括呢間嚟食都係呢個原因, 上左榜! 我就食一碗香茅豬柳撈檬, 因為又係見d相好正, 跟餐可以加$3 有罐雀檸, 唔加就笨了!撈檬幾大碗, 檬粉同賴粉其實好似無咩大分別, 落個酸, 辣, 甜都有d的魚露汁食幾開胃, 豬柳幾有味, 用老抽醃過掛, 色水都幾深! 豬柳的份量都幾多, 但係食到最後底部的生菜絲唔食, 因為有好多味道怪怪的香葉喺度, 下次再食要走香葉先得夜晚呢個場, 好似d人主要都係食pepper lunch 同佢多d, 同事的黑椒牛肉飯同我差唔多價錢, 食一餐飯, 要四十蚊之內解決, foodcourt係不二之選! …查看更多

之前有印象呢間過橋小鍋米綫上過榜, 見食物的相片影得幾吸引, 所以趁休息日去食問阿姐什麼是甜湯, 佢就講其實係普通的雞湯米線, 好啦, 咁就要碗甜湯火腿魚旦米線食!米線夠滑, 食到shet shet 聲, 味道好好呢, 甜湯的味道其實有點咸, 都感覺到有落雞骨去煲, 唔係糖水嗰種甜法 比佢嚇親, 好鍾意有落到韮菜同豬肉碎, 食起上嚟更加野味 服務一般, 都唔係太覺d阿姐串, 不過係唔會溫柔講野啦, 只係一間普通街坊米線店, 都唔可以要求九十度菊公了:)…查看更多

休息日去ｏ左Shake'em Buns 試食上等漢堡包的滋味!朋友幫我買o左個磨菇漢堡, 有高水準 無論係包, 漢堡扒, 沙律汁, 蕃茄, 芝士, 都有高水準的味道! 漢堡扒的牛肉味香濃, 有肉汁, 好好食, 而那個沙律汁溝芝士味道好rich, 同磨菇好襯! 個包夠熱, 仲因為煎過, 所以包邊有小小脆的效果, 好好食:)自助形式, 買完飛之後等叫攞, 雖然價錢係貴, 但物有所值!…查看更多

下晝三點半想食碗粉醫肚 (因為十一點就食lunch:() 就到工作地方的隔離食碗魚蛋河, 雖然係返左三個月份工, 但倒是頭一次去食魚旦河二十蚊一碗, 唔算貴, 但係味道只係麻麻, 辣椒油唔辣, 魚旦仲可以係ok, 但係魚片就勁咸, 落左幾粒蔥的魚湯, 唔算係好味, 河粉比較碎, 好多都係斷左的粉碎, 第一次嚟幫襯這個隔離鄰居印象只係麻麻好多張枱都係吉, 但係好多張都有留座二字, 真係咁多人留座? 優點一個係有電視睇, 阿ger唔喺度可以蛇過嚟抖抖…查看更多