小肥牛火鍋活魚專門店 (已結業)

試過三十二度的天氣打邊爐嗎? 極度唔願意之下, "被迫"地, 去左小肥牛打邊爐真係被迫的, 咁熱, 其實根本沒心情去食, 只係三個朋友一至的要去, 咁我這個小數民族, 邊有得話事呢?但係, 我今次都食得幾滿意, 因為食物有水準, 火鍋的配料很新鮮! 湯底我地用了番茄牛腩湯的味道, 個味道算合格啦! 先來一客章紅魚刺身, 食得出係新鮮劏的魚生, 一點腥的味道都沒有, 比食日本刺身更優勝!火鍋配料之中一定要食安格斯牛脊, 雖然要七十八蚊一碟, 但係唔貴, 牛肉的脂肪分佈得好平均, 入口有香濃的牛脂味, 肉質又唔un, 大家一至讚好!另外仲有芝心牛丸, 唔好叫鵝肝墨魚丸,因為唔好食, 我地兩樣都食因為雙拚只加兩蚊, 所以咪試囉, 結果係一個好食一個唔好食仲食左桂花蛑, 海蝦滑, 烏冬, 芝士腸, 唔好expect 係好平的十蚊, 廿蚊一碟個種, 價錢係正常的收費, 最緊要好食就得!如果而家得十度八度, 就好啦