Stellalammon的個人專頁

無意中發現開咗一間新店，因此去試一下，雖然店面不大，小店一間。但環境也不錯，座位也舒服。結果有驚喜 👍🏻，食物質素唔錯，價錢合理，店員服務態度也很好！值得再去！…查看更多

咁耐以嚟真係未試過食嘢食到咁谷氣，前後落單+等食物+用餐加埋都未夠50分鐘就比人叫咗一句 “可唔可以埋咗單先？”尋晚和男朋友再嚟食佢哋個芝士撈麵，因為之前食過真係幾好味，同埋上次嗰個侍應哥哥服務態度好好~~真係估唔到今次會咁，今次我哋叫咗炸雞髀薯條+豬扒芝士撈公仔麵+凍咖啡+熱朱古力 (共$120)，等咗15分鐘左右食物到齊，我們就用咗大約25分鐘時間食嘢，當我哋一食完枱面上食物嘅時候就已經有人嚟好快清枱，我哋都不以為意，但之後最離譜嘅係當我哋仲飲緊嘢嘅時候居然有個女侍應走埋嚟同我哋講 “你哋可唔可以埋咗張單先？” 突然聽到佢咁講，我同我男朋友都好愕然，我哋仲以為門口排晒人龍等位，所以咁急趕人走，但我都忍唔住問咗佢 “乜有限時嘅咩？” 當時個女侍應扮聽唔到亦無答，等佢找返錢比我準備起身走嘅時候，個女侍應居然仲好意思話 “唔駛急，飲埋杯嘢先啦”，我男朋友一聽到即嬲到講 “就算啲嘢幾好食都無用，無下次。。。”原先我哋咪話一直都以為門口有好多人排隊等位嘅，所以佢哋先咁樣趕客，但事實係門口只有2-3個人等緊。。。真係有需要咁樣趕客嗎？真心講，食物質素唔差，飲品唔得，服務質素更加係差 👎🏻👎🏻👎🏻…查看更多

昨晚和兩個朋友到此晚餐，本身食物質素和味也不錯，但職員的服務態度和上錯餐這兩樣令人極度失望。1. 點餐出錯我們叫了E02套餐 (全豬肉~~因為我是戒了牛肉的)，但當上餐時，已發現4式小碟拼盤上的應不是豬肉，跟着就問送餐店員 “這是豬肉?” 而店員說 “是”，之後我再跟店員說 “這真是豬肉嗎？因為我不能吃牛肉的。” 店員再回答 “是，豬肉。” 但點知埋單時佢居然計我E01餐價錢，跟住我當然同佢理論啦，佢仲話佢地出餐記錄係E01，我話我已經一而再，再而三同你地講我係唔食牛肉的，所以係唔會叫牛肉的，跟住佢哋先肯改返單。。。但連一句 “sorry” 也沒有說。由於心中忐忑，回到家即上網對相，結果。。。真係牛肉 😭😭，而家佢地應該慶幸我係因為信仰而戒牛而唔係因為身體敏感而戒，若然我因敏感而誤食，後果就真係不堪設想啊！2. 服務態度非常差一進門口，在接待/收銀櫃位的那位韓籍女職員(看似經理) 不單一句簡單的 “歡迎” 也沒有，甚至黑口黑面 😓，跟着還試過有幾次需要幫忙時剛巧叫她來也同樣黑口黑面，目無表情，問她什麼都不回答，完全是不尊重客人的態度，令人極度反感。。。相反，那些落單/送餐的店員好禮貌得多，起碼會有笑容跟客人說 “Thank you!” 缺點係完全不識廣東話，若然客人不懂英文又如何落單？本身之前也光顧過幾次，食物質素👍🏻，感覺也不錯，因此也會推介朋友來試，但經過這一次~~就真係完全失望了。。。試問若然一間餐廳有好的食物，差的服務態度，客人吃完後會滿肚委屈和一肚氣的話，你會選擇再光顧嗎？…查看更多

今日去買午餐想食清啲，咁啱見到佢張相有芋絲有南瓜又有豆腐，諗住都👌🏻啦！但點知。。。返到公司一開。。。居然得2件豆腐，2塊薄片紅蘿蔔，幾粒西蘭花，跟住全部係黃芽白。。。1舊芋絲都無，成個餐要65蚊 (中午12點半前買有88折)，個收銀仲要唔記得計折，要問先話唔記得咗，無計買咗都要食㗎啦，結果係。。。飯無味，鍋底淡如清水，即刻完全唔想食。60蚊食個咁嘅飯，真係唔得囉，仲要已經唔係第一次。。。真係完全失望。…查看更多