maggiechan0412的個人專頁

朋友告訴我虹橋開了家日式居酒屋，主打日韓美食，就拉著男友過來試試午餐。 舖內只有兩張4人卡座，4張活動兩人座，空間不算大，一面牆上放滿日本美酒，我們點了兩份主食，美人雞白湯鍋配珍珠米飯和照燒封門柳水冷麵，再加兩串烤白鱔。先說雞白湯鍋，湯底濃香而不膩，不像坊間那種過於厚重的口感，雞肉嫩滑，不會很林，湯裡面還有金菇、日式魚肉片和半透明的麵，金菇的爽脆和麵條的煙韌，口感層次分明，我很喜歡，而珍珠米飯上面放了一些像東坡肉的豬皮，令一碗普通的米飯層次升華，請各位女士大膽嘗試，不要聞肥色變，那一點點的肥膏，不足以令你致肥。至於封門柳水冷麵，相信喜歡吃潮汕牛肉火鍋的朋友，對封門柳也不會感到陌生，沒錯，封門柳是一頭牛的優質部位，牛味濃郁，肉質嫩滑得來又帶點筋鍵的口感，配上京蔥絲和蔥花，瞬間醉了! 水冷麵湯底非常清香，估計是木魚熬製，內有冰塊，非常適合夏天或熱底人士享用，冷麵幼身，顏色淺啡，有點像蕎麥麵，但這種麵口感卻是非常有嚼勁，如果偏向喜歡林身麵食的朋友，這個就不太適合了。燒白鱔不過不失，魚皮燒得非常香脆，肉質軟滑，如果多加幾顆鹽，相信更能帶出其味道。…查看更多

與身邊人在海港城LCX閒逛，發現「映水芙蓉」舊址已變成「八十里」，對川菜情有獨鍾的我，豈能錯過? 餐廳裝潢清雅脫俗，佈置別出心裁，空間感十足，更坐擁270度海景，是夜天清氣朗，彼岸萬家燈火，與餐廳柔和的燈影襯托下，凸顯維多利亞港景色格外高貴迷人，身心沉浸在如此優美的氛圍，視覺與心靈都得到享受，期待讓廚藝潤澤味蕾。譚先生安排了一壺玫瑰花熱茶與琥珀核桃拉開是夜序幕，譚先生風趣幽默，言談間帶動了餐廳與食客的互動，感覺很親切，譚先生因應我們的口味推介了幾款菜式，他對用料、做法、口感與味道特點都暸如指掌，非常專業，彷彿他就是主廚。 譚先生推薦的冷盤櫻桃鴨肝，一顆顆顏色鮮艷的櫻桃造型，伴以食用花及脆米，置於流動的煙霧中，尤如貢品下凡。櫻桃的外表下內藏鴨肝醬，櫻桃皮口感像厚實的果凍，細膩絲滑的鴨肝醬配上低溫，在口腔內逐漸溶化，尤如鴨肝味道的冰其淋，剛好化解了肝醬的油膩感。第二度菜式煙燻辣子通心鰻，在大紅色的乾辣椒堆下，藏著一顆顆以豬大腸包裹的鰻魚肉，大腸皮薄乾身，酥脆可口，鰻魚肉質豐盈，一口下去肉汁四溢，滿咀魚香。 主廚以煙燻烹調，將一千四百多元一斤的頂級貢布胡椒的香氣完美帶出，大腸和鰻魚的配搭非常創新，味道層次豐富，亦十分有驚喜!第三度菜式酸湯桂花魚片配西澳龍蝦，譚先生建議我們兩個人點一只一斤重的西澳龍蝦便足夠，論賣相已相當有氣派，酸湯魚為貴州黔系菜餚的代表作之一，有別於我們常吃到的四川酸菜魚，在香港能吃到高質的酸湯魚餐廳絕對不多，因此譚先生強烈建議起筷前，先嗜一口湯頭，此酸湯呈橘黃色，氣味香濃，口感豐厚，酸味較重，配以醃製過的蘿蔔粒、酸菜、辣椒和鮮蘿蔔片。 一羹入喉，非常惹味，根本停不下來。 桂花魚片刀功一流，透白如雲，火候適中，味鮮嫩滑；西澳龍蝦宛如白玉，纖維緊緻，爽滑彈牙，煮出了南澳的口感，這趟真是值了! 原諒我在如此精緻的用餐環境，也忍不住「親手」將龍蝦瓦解。第四度菜名字記不起來了，也忘了拍照，是招牌炒飯，譚先生表示，黑醬油是特別調製的，配料有蛋絲、青紅辣椒粒及豬肉絲，口感乾身，粒粒分別嚼勁，屬於我喜歡的質感，但若辣椒粒可以加倍，一定更惹味。由於菜肴份量不小，因此炒飯也沒有吃完，但一頓圓滿的晚餐，總難避免由甜品畫上句號，若能添上幾分醉意更是錦上添花。 因此，譚先生為我們送上甜品與醇酒，杏汁燕窩奶凍與中式白酒。 奶凍上鋪滿了晶瑩剔透的燕窩，澆上花奶提香，奶凍散發著淡淡的清甜杏香，白滑軟綿，配上炸過的越南米紙薄脆，口感鮮明。 至於中式白酒只敢淺嗜，因沒有喝酒習慣，最初以為濃度如此高，肯定難以下嚥，沒想到入口順滑，吞下後一股暖流沿食道下走，感覺奇妙! 八十里除了用膳外，也設有酒吧和調酒師，各種中西酒類都有，相信也是個品酒的好地方。是夜感謝譚先生的用心服務，帶我們體驗了一次嶄新的味覺旅程，期望將來與是夜的身邊人，能懷著愉快的心情重遊此地，以填補心中的遺憾。…查看更多

公司附近賣魚蛋既有幾檔，但食過D魚蛋都係唔多掂而家又貴，大約一星期前見到角落廚房開張，開頭以為只係得果汁，後尾發現原來仲有綠茶味雞蛋仔、燒賣同魚蛋，前日試左燒賣同五青汁，不過不失，不過我都係中意食細細粒又彈牙果種舊式檔仔燒賣，至於飲五青汁既人都不求好味，但求健康兼真材實料，要好味就揀其他果汁XD。今日再去試魚蛋，有驚喜喎，KO晒附近咁多間魚蛋店，平! 不在話下，$10有10粒，邊到搵啊? 老友，重點係D汁，唔算好辣，但好香濃好杰身，好鬼惹味，對於一個年青老板可以煮到咁好味既汁，感覺好似有D格格不入，哈哈! 唔理啦，呢個係油麻地人既福利。…查看更多

麵包香軟較淡口，牛油香滑，如果牛油可以花點創意會更吸引，比如加入紫菜碎、蕃茄粉、紫蘇葉粉等配料。白酒由男朋友評價，因我不喝酒，他說較薄和較酸，較適合女生飲。一般龍蝦忌廉湯麵撈成份較重，湯質杰身，而且不會很鮮甜。但這個龍蝦忌廉湯是可以與五星級酒店餐廳媲美的，甚或更好，湯質較稀，奶油味不重，飲完不會好飽滯的，而且有龍蝦膏的甘苦味，喜歡吃龍蝦膏的人就知道了，湯面還浮著紅色的龍蝦油，四個字-真材實料。這個白汁鏡石蜆是必食item，這是我第一次見和食這種海鮮，大廚介紹這種蜆是來自紐西蘭，蜆類海產是很容易煮過火的，一過火蜆肉便會縮，口感變韌，但看圖可見蜆肉仍非常大粒，水份飽滿，而且湯汁鮮甜，一飲而盡，絕不浪費，不吃這個你絕對會後悔。生龍蝦肉混合牛油果、沙律菜等食材，在沙律菜裡加入橙味的醬汁，完全發揮到提鮮的作用，沙律菜非常爽口，多士香脆，龍蝦鉗多汁爽口，不會是雪到地實實乾爭爭既彊屍貨，一個字-鮮。龍蝦肉"石切"粒，加入磨菇及白汁一起烤焗，這個奶味較重，蓋過龍蝦肉的鮮味，但龍蝦肉仍不失爽脆口感，這釀法比原件烤焗更有心思，而且吃起來不會"拿手唔成勢"。吃酸菜清新一下味蕾就到羊架，肉質軟稔，不韌也不"鞋"，配上法式芥末味道一流，配菜有菠菜和磨菇，兩款都不錯。旁面待著的那個醬汁，一直沒有用，所以不知道是甚麼味道。已經有七成飽了，但還欠一個甜品，看到是Movenpick的雪糕，兩眼馬上發亮，因為除了在超級市場買回家外，在外面基本上都比較少有Movenpick的雪糕，連LCX的檔口都沒有了，現只剩一間在機場禁區，而且一般餐廳都是入Hd，但個人覺得Movenpick比Hd好吃。我們點了兩杯啤梨雪葩，裡面有啤梨肉。…查看更多

呢幾日係st pauls渡假, canteen D野食又難食到死, 偷走出去食又唔可以遠, 驚醫生突然黎巡房st pauls樓下食肆好少, 得豐竹茶餐廳, 大快活, M記... 快餐我一向唔多食, 咁check in果日見到有檔魚蛋粉, 咁近近地咪去食, 入到去環境衛生都非常一般, 燈光暗暗咁, 裝修好舊, 廚房個地下坑污渠上面好多食物渣滓比人感覺都好污糟下, 當時得我一個堂食, 我叫左碗蛋河, 等緊既時侯眼尾突然有生物快速經過, 係一隻大型黑色強哥, 話口未完個瘦瘦既阿叔已經一腳踩死左, 仲要"線"住咁踢走去後門, 我最怕小強, 呢一幕已經睇到我眼都突, 即刻望下周圍有冇其他強哥, 都未夠10秒, 個阿叔又係放外賣紙皮果個'駁'位到踩1左一腳(我睇唔到佢踩中D乜..但應該痴實左係佢鞋底), 之後佢利用個"駁"刮返果條屍出黎... 成個過程真係令我好反胃之後講返碗蛋河, 河粉唔碎唔會好林幾好, 魚片夠爽口都唔錯, 但魚蛋就差D喇, 好似空氣丸咁咬落去冇咬口, 而且好似有腥味, 不過19蚊真係好抵, 食左半碗我就走左喇, 最後要去M記買個魚柳包..…查看更多

早排買左張團購劵，係因為比佢個蟹茄湯底吸引左，我1月2日打去預留個蟹茄湯米線，1月4日晚去食，佢間舖係寶勒巷篤篤，同前排d餐廳隔開晒，唔怪得知無乜人啦。我叫左個素菌蟹茄湯米線，朋友要左個炸豬扒蟹茄泡飯，另加一個尖椒皮蛋，一個豬耳小食先黎，皮蛋同豬耳都有d醬汁撈係面，好似係芝麻醬，但味道唔濃烈既，而且幾好味，而且下面會有芽菜墊底，呢個真係第一次見，但我覺得好夾，同埋我中意食芽菜，我唯一影左個米線張相，但竟然比我錯手del左之後到我個米線，好大碗，當然即刻試啖湯先，好有蟹味好正，d菇好新鮮~ 之後到炸豬扒蟹茄泡飯，我試左舊豬扒，普普通通啦，但泡飯既湯底反而仲濃，我下次會試泡飯~ 因為其實主要係想飲佢d湯~ 我飲左好多湯都唔口渴，所以應該無落味精!…查看更多

或者12月食得太多好野，由平安夜開始到除夕都係胃部不適，還是想食清清地所以選擇左呢間粵菜餐廳。當晚book左7:00, 我地7:20去到都仲係冇乜人，環境寧靜，地方乾淨，侍應非常有禮貌，服務亦週到，餐牌內主菜一般100-200元內已有交易，喜歡仲可以叫鮑魚，記憶中都唔係好貴。今晚所食既幾乎全部都係齋菜，共有響螺同魚茸係肉(忘記影相)雲耳(前菜)- 初頭以為係陳醋雲耳，但原來佢係甜甜地，所以感覺有d怪，無一般既陳醋雲耳咁好食。焗釀大響螺- 位上，佢將螺肉切碎加咖哩汁再焗，d螺肉切得太細，冇左個口感，但味道係不錯既扇影甘蔬- 呢個非常清淡，大概係用上湯烚熟d菜再淋上"獻"汁，雖然簡單，但很清新，而且外觀好看，心情都好d~冬菇扒蝦子柚皮- 我向來非常喜歡食柚皮，媽媽有時都會親手做，先講柚皮，我覺得煮得太林身，失去左柚皮本身果種纖維口感，但蝦子汁既味道係一流既，而且蝦子落得非常重手，冬菇雖然大隻，但一d都唔un，好滑好林，如果呢個汁撈白飯就一流!魚湯魚茸稻庭麵- 呢個真係幾失望，以為是稻庭烏冬，口感煙un果種，點知原來係林身，魚茸即係綾魚肉，佢切粒仲要加左臘肉，我本身唔中意食臘肉，所以覺得口感味道都怪怪，但個湯底飲得出佢係自己煲既，好香好濃好好飲。雖然話好好食又未至於，但菜式外觀好看，環境寧靜，咁既食飯環境令人好舒服，一定會再來…查看更多

食西餐西到厭，而且唔想爭崩頭訂位，所以上年(2013)平安夜食中菜本來BOOK左7點，但由於行到腳攰就提早上去，6點幾上到去一個人都冇，waitress安排我地坐1樓，唔知係咪冬天慳電唔開冷氣，窗口又冇開，感覺有d焗。餐廳內環境不錯的，不會好迫，地方及廁所夠乾淨。menu內既主菜大約100多元起有交易，由於我當晚胃部不適，唔可以食太多野，所以叫左4個菜，已經飽到反艇。文鼎十八斬- 呢個係招牌菜，點都要試，初頭以為酒味好濃，點知原來係酸甜鹹辣，幾開胃，不過都係偏鹹，隻蟹幾多膏，肉質都鮮甜，雖然調味很濃，但仍食到蟹鮮，不過真係愈食愈鹹，好好食就稱唔上，但感覺的確係幾新鮮，因為我只食過韓國生蟹，未食過中式生蟹。燻魚- 呢個真係好失望，佢燻唔燻過我就唔係好食得出，上菜時係暖的(不過朋友話燻魚係暖既，正常)，佢係用鯇魚，但佢無去到骨，計果一路食一路吐骨，皮炸得好脆，肉質非常鞋口，伴汁酸酸甜甜，味道似上海菜中的小排骨。文腳紅燒肉拼羅白- 呢個菜可以叫一客或者例牌，但由於只有我喜歡食肥肉，所以就叫左一客過口癮，佢有d似上海菜中的蜜汁火方，都係將舊豬腩肉切成四方型，加埋d白羅白一齊炆，白羅白炆得非常入味同林身，風頭幾乎蓋過舊豬肉。黑松露蝦仁少飯- 平時在家都會用黑松露醬煮野食，佢呢個炒飯真係唔合格，同行朋友非常喜歡食飯，食飯無數，佢都話茶餐廳炒得好過佢，我呢就覺得佢毫俘松露醬既味道，只見到一點點黑色，似鑊撈炒飯多d，呢個我只係試左一碗仔，其餘朋友全清。…查看更多

八一蕃真係最好味~~~!! 因為我中意佢配菜夠多~~ 有我中意既魚卜，同埋又多小食之前去過佢附近既川味雞，其實都好味，但衰在配菜唔夠多唔夠了能~~由於八一蕃成日都要等位，所以我今次預早BOOK定位，準時去到就唔洗等位我地兩個人叫左小半邊烤魚，雞翼魚湯米線，皇帝菜，萵筍，雲耳，魚卜，串燒烤羊，串燒烤雞1) 烤羊 - 超級好味，佢加左好多果D好似叫孜然粉既香料，羊肉又夠酥夠羊味2) 烤雞 - 無烤羊咁出色3) 雞翼魚湯米線 - 呢個有驚喜，好抵食，有好多隻炸雞翼~ 個湯底都幾好飲4) 陳醋雲耳 - 呢個味道有D怪怪地~~5) 魚卜(烤魚配料) - 鮮甜爽口無腥味6) 萵筍(冷盤) - OK啦7) 皇帝菜(烤魚配料) - 新鮮8) 烤魚(加配料) - 味道的確係好味，條魚燒得夠透，D皮全部食得唔腥脆卜卜，但我唔中意佢個盤太淺，又易乾水，落D配料落去浸到天一半地一半 …查看更多

睇過食評，見到D龍蝦大大隻，麵包蟹好正啊! 又多膏~ 於是早半個月BOOK定位上次去56樓，今次係7樓，一入去最觸目就係凍盤，之後甜品counter，色彩繽紛侍應幫我暫存紮花，唔洗阻住我用餐，出去兜一轉發現原來冇生蠔(不過呢個半估到，因為見人地d相都無post過)，但估唔到連最大期望既多膏麵包蟹都無，仲有刺身櫃無我最愛既吞拿，不過就竟然有海膽帶子，有驚喜!1) 波龍 - 雖然夠大隻，但我覺得毫無鮮味，ifc french window brunch雖然唔係波龍，細細隻兼冇鉗，但鮮味卻比呢到重。2) 鮮蝦 - 都鮮甜3) 蟹 - 無麵包蟹，用左海蟹代替，就咁食就完全無味，我點小籠包d醋食就幾開胃4) 三文魚,八八魚 - 刺身櫃有八瓜魚，北寄貝，三文魚，仲有一種唔知咩魚，我一向唔食三文魚，不過都覺得幾好味，夠新鮮唔會太肥(因為我好憎魚油味，太肥會覺腥)，八爪魚刺身鮮甜，北寄貝男朋友話ok5) 小籠包 - 我食左兩次，第一次係剛剛蒸起，皮薄多汁好正，點知第二次去攞係賣剩蔗，仲要塊皮穿左窿，無晒d汁唔好食~所以一定要食岩岩蒸起的~6) 粉絲蒸鮑魚 - 一般般啦，係無殼的，急凍野7) 海膽配帶子 - 呢個好好味呀!! 海膽同帶子都非常新鮮，佢仲有d紅/黑魚子比你加落去，另外仲有一隻綠色既，呢個必試，我初頭以為係魚子，但原來係wasabi味，好過癮!8) 銅鑼一響，又有燉湯出爐，我試左一盅，今晚係藥材湯，不錯不錯~~~9) 意式雲吞，佢好重芝士味，加上唔凍唔熱，感覺好酥10) 炸魚 - 又係唔凍唔熱，炸到硬掘掘11) 燒蔬菜 - 我唔知係咩瓜，但總之我地兩個都覺得好難食，味道超怪12) 雪葩 - 我食左紅莓味同芒果味，紅莓味唔會整到似藥水味~兩隻味都好好食~13) 朱古力棒 - 超級甜，食左一啖就再食唔到落去14) 迷你cone - 佢有個甜品係一個迷你cone既樣，我唔知入面有咩料，但就好好味~~唔會好甜15) 例湯 - 例湯唔同燉湯架，不過一椒好好飲，今晚係花生煲雞腳~16) 粉麵檔 - 有配料比你揀，我揀左烏冬，蝦仁，魚仁，嗚門卷，每人枱頭都有枝black pepper，我加左少少落個湯底到，嘩，個嘩馬上昇華，比我飲曬~~d蝦仁好大隻又爽口，由於我尾聲先去食，我叫佢比多幾隻蝦仁我其餘我無食過既仲有沙律吧，天婦羅，燒味，咖哩，cake，生果，凍青口，中式點心…查看更多

幾個月前見到團購好抵! $228四個人有12道菜兼全包，見食評都OK，就買張劵黎試下，由於上一次掛住食，食晒先記得影相，所以今次係第二次食豈料服務同食物質素都有驚喜，侍應唔會因為係團購而敷衍，依然好好禮貌食物質素比預期中好，其實全部都好平均，雲吞雞湯唔會好鹹，應該無落味精，入面有一大隻雲吞、菜同雞件小食我地揀左雞絲粉皮, 淆肉同素鵝，我一向好喜歡食雞絲粉皮，淆肉軟硬適中，JELLY唔會佔大部份，因為之前係其他餐廳食過偷工減料，JELLY起碼佔7-8成，最面頭果塊皮仲硬過乜添，我由細到大都唔中意食素鵝，不過呢個我OK，可能佢整得唔油，好鬆化好香口主菜我地揀左小排骨同賽螃蟹，小排骨酸酸甜甜陣陣醋香味好開胃，而且D肉唔肥，我成日覺得賽螃蟹會係油林林，所以上次都無叫呢個，不過今次家人話想試下，原來係唔油同埋好滑，不過就寡左少少，因為成碟都係蛋白無其他既味道麵食我地揀左酸辣麵同擔擔麵，酸辣麵湯底唔會太酸，好足料，擔擔麵辣左少少，其實已經飽左，之後仲有一籠小籠包同兩款餃小籠包我好中意，入面超多湯，皮又薄，鍋貼都好味~ 不過個蒸素餃就麻麻地，味道有點怪怪的最後就係桂花糕，清甜不膩，不錯不錯，成餐飯都好滿意，所以有比貼士，如果WALK IN去食，佢餐牌D野都唔算貴，貴既菜都只係100-200多元，如果佢下次再搞團購而菜牌換左，一定會買~~~…查看更多

有次睇雜誌唔覺意見到呢間餐廳裝修幾特別，終於搵一次去試~ 入面裝修好中國風~ 環境好乾淨，其中一個女人應該係老闆娘黎~我兩次打電話去book位都係佢聽，佢好nice我地叫左個二人餐，有八道菜，因為新張優惠，300幾蚊，尖沙咀地區有呢d環境，食物質素，呢個價錢好抵食喇~ 海皇羹好清甜，飲唔出有味精味，左下角係豬軟骨，炆得岩岩好，感覺唔肥膩，松露魚柳係最突出最好味既一道菜，魚柳好滑，唔會有雪味，食得出松露醬既香味，雞煲d雞比較肥... 不過無辦法，香港地都係打針雞，右邊中間果兩幅圖我已經唔太記得係咩黎了，右下角個脆麻花都好味呀! 但可覺得甜左少少，除左呢七道菜，仲有個甜品，好似係紅豆沙~ 味道普普通通啦，所以寧願想分享下個餐廳環境，我feel到老闆娘好有誠意想做好品質，佢埋黎問我地覺得d菜好唔好食，不過以晚飯時間去睇，可能因為新張，所以人流唔多，到我地食完，都坐唔滿~ 希望下次去食，滿膳仍然係到~…查看更多

八月份去食的，果日落雨濕濕，想搵間坐得舒服d，靜靜地既餐廳食飯，就揀左八月居菜名我已經唔記得了，四個菜之中我最喜歡右上角果個，佢以一個竹籠上菜，感覺好特別入面有d'九'菜、松子仁、好似仲有豆粒，夾住餅皮一齊食，清清地幾好味，右下角果個竹笙卷係素食，入面有髮菜芹絲，個汁好好味，至於左上同右下果兩個煲就做得比較油膩，如果單點一個都幾惹味下，兩個就太滯了! 左上角係茶樹菇雞煲，入面有豆腐，加下角粉絲雜菜煲。最後個煲每到食剩一D，因為兩個人食兩個煲真係太滯了~今次點菜策略失敗~! 但有機會會再去，因為食物有水準~加上環境寬敞，坐得好舒服，D waiter又好招呼。…查看更多

八月份時買左個逸東酒店英式下午茶團購，好似80蚊一個人(大約呢個價錢)當日係平日下午三個去食，去到時原來好多人都係買團購劵，下午茶主要係兩個area，一邊係樓底高d，有落地玻璃窗既，有自然光，比較光猛，另一邊係普通餐廳咁，我地坐低後大約等左20-30分鐘，就見有waiter拎野出黎，呢到既橙汁係任飲，基本上個架上層係好食d+下層巴牛奶布甸，其餘都係好甜，唔好食。環境呢就真係麻麻，如果你話200幾蚊食酒店環境就超值啦，野食麻麻都唔緊要，但你要比返酒店既環境我喎，唔係有蚊之飛來飛去，仲要唔係一隻... 所以如果200幾蚊我寧願去元氣食左佢好過…查看更多

自從某次在灣仔駱克道食過'信得過'既黃沙豬膶粥就一試愛上，黃沙豬膶獨特既口感真係非一般豬膶可比美但由於信得過太遠了，位置又差，在灣仔銅鑼灣之間，兩頭唔到岸，有灣仔地鐵站行過去遠到死，所以有時想食都只好放棄。剛巧今年屯門又開了間'靠得住'，兩間店名字都相似，唔知係咪同一公司分支，就好似海天堂同大家姐咁，唔理咁多，一於去試下，呢間舖最吸引我既食物就係白灼魚皮同黃沙豬膶粥，第一次去可以叫到白灼魚皮~的確好爽口又唔腥，價錢又唔貴，另外叫左一碗黃沙豬膶粥，真係黃沙架，果種軟綿既口感真係好正，心諗真係好喇，以後唔洗去到灣仔先有得食，因為好多粥店都話自己係黃沙膶，但其實就唔係，包括屯門碼頭一粥麵都唔係，我聽人講黃沙膶唔係咁易有貨，因為係病豬肝黎，所以唔知係咪因為咁，供貨咁唔穩定，跟住我第二，三次去食黃沙膶粥，已經唔再係黃沙膶兼無魚皮食，由於佢都要50幾蚊一碗，而且環境唔係好，成日有烏英飛來飛去，d人態度又唔係特別好，如果50幾蚊一碗普通膶粥，我係舊式粥檔都食到，價錢平一半有突添。…查看更多