ChuChuCheung的個人專頁

湖南菜，簡稱湘菜，是中國八大菜系之一。我個人很喜歡食咸辣，所以知道銅鑼灣開了這間正宗的湘菜館，便立即來試！這頓湘菜盛宴以清湯燉小蚌仔揭開序幕，湯底清澈見底，鮮甜中帶著淡雅的海味，蚌仔肉質細嫩彈牙，燉煮得恰到好處，讓人感受到湘菜中講究原汁原味的烹調哲學。接著上桌的陽雀湖辣椒炒野生鱔魚（黃瓜燜），鱔魚肉鮮美滑嫩，搭配爽脆的黃瓜，辣椒的香辣刺激恰如其分，帶出湘菜標誌性的酸辣風味，令人胃口大開。口味羅氏蝦配手臂油條則是創新與傳統的結合，羅氏蝦鮮甜多汁，配以外酥內軟的油條，口感層次豐富，鹹香中帶有微微的辣意，令人回味無窮。我最喜歡便是老家米粉蒸肉則展現了湘菜的家常風味，米粉（其實是粘米碎）吸收了蒸肉的醬香與肉汁，軟糯香濃，十分下飯。青椒紫蘇瀏陽土豆帶來清新微辣的口感，土豆細膩綿軟，青椒的微辣與紫蘇的清香相得益彰，為整餐增添一抹清爽。整體而言，這套湘菜菜式完美融合了湘菜的酸辣鮮香與細膩烹調，既有家鄉的溫暖感，也不乏創新的驚喜，適合喜愛重口味又講究食材原味的食客細細品味。…查看更多

身為有要求嘅吃貨，重量同時重質！🤤近來，小編就嚟咗灣仔大阪風日本料理OZAKAYA，食咗個唔錯嘅半自助Brunch！自選主食以外，仲可以3個鐘內任食日式小食、甜品，所有食物都非常高質，人均都係5舊水咋！非常滿足！😝👍🏻✦ OZAKAYA Weekend Brunch HK$498 \日式小食/由於有成12款小食，今次我就分享必食之選！✦ 特色刺身 🍴4/5造訪當日，可任食3款刺身，包括有三文魚、油甘魚及𩶘魚。雖然任食，但刺身全部厚切及新鮮，絕不偷功減料！個人至愛油甘魚，油脂豐富，正！🤤✦ 和牛他他🍴4/5好特別嘅和牛他他，加咗蘿蔔絲同微辣嘅阿根廷青醬，食上口有啲麻辣風味，又幾惹味！✦ 埼玉縣果糖番茄 🍴3.8/5番茄好清甜，伴有紫蘇油及柚子果凍，口感清新！食完好開胃！✦ 青檸味噌栗米 🍴4.5/5店家幾栗米切件奉上，夾起即食好方便！青檸突出到味噌嘅咸甜，同栗米又勁夾！好食！\主菜/主菜共有7款， 囊括豚肉、魚、天婦羅素鍋飯、和牛，選擇比想像多呢！✦ 西京銀鱈魚（另加HK$120）🍴4.5/5入口輕輕化開，肉質軟嫩，加上燒得微脆嘅魚皮及西京燒汁，真係大件兼高質嘅銀鱈魚！我好鍾意佢哋自家製嘅蜜糖芥末，點魚肉甜中帶辛，伴飯一流！✦ 龍蝦天婦羅 （另加HK$160）🍴4/5用活龍蝦製成天婦羅，炸皮好脆薄，蝦肉Juicy 鮮甜！另外不似一般天婦羅點酸汁，而係點青檸柚子醬，平衡返炸物嘅油脂。✦ 和牛西冷（另加HK$200）🍴4/5油脂非常豐沛嘅和牛西冷！入口即爆油，靚肉自然不必多說！為肉點上少許粗鹽及芥末同吃，解膩一流！\甜品/✦ 北海道奶脆牛奶雪糕🍴4.5/5北海道奶脆係乳酪味，好特別！底層仲有北海道牛奶雪糕，加上紅豆，不會太甜！✦ 抹茶朱古力流心蛋糕 🍴4/5火喉相當不錯，切開即是熱辣辣嘅朱古力流心，抹茶蛋糕外殼濃重，唔會比朱古力流心蓋味！佳餚點可唔配美酒？嫌唔夠喉，呢個Brunch可以加190蚊，任飲四小時指定清酒（想天坊 越後の心伝える、蛇逃 蛇薔薇 超辛口 純米生原酒、利休梅 静香 純米吟醸）、氣泡酒、紅白酒、汽水及鮮橙汁，同成班Fd邊食邊小酌兩杯，真係特別Chill！…查看更多

提起OMAKASE，常會被人冠以定價進取嘅印象。近來，小編發現銅鑼灣開咗間新店「鮨政 × 大湖」，套餐價位最貴不過五百，相常親民，重點食物質素仲要唔錯，CP值極高！聯乘大湖清酒 時令四時料理 「鮨政 × 大湖」裝潢以日式木系為主調，樸實闊落，坐得舒服。小編仲好鍾意店內嘅橫額，寫著「一屋二人三餐四季」，盡展親民貼地嘅感覺。此外，「鮨政 × 大湖」供應4個價位餐單，分別有 $198/$298/$398/$498，最抵嘅$198，都已經包8款江戶前手握壽司、前菜、湯品及甜品，非常豐富；而我今次食嘅$498套餐，足足有成17道菜，以豪華來形容都不為過！且全日供應，想幾時食都無問題！美食豈能缺少美酒？餐廳仲聯乘擁有350年歷史嘅大湖清酒品牌，只須另加$198或$298，即可享用4-6款大湖手工清酒！非常化算！小編身為酒怪，今次常然有加配體驗啦！😍✦ 「鮨政 × 大湖」廚師發辦套餐 HK$498✦ 大湖清酒體驗 HK$298（加配價）✨ 茶碗蒸 先出茶碗蒸比人暖暖胃，水蛋幼滑，入面嘅白果好有咬口。✨ 前菜三品 - 水雲醋物、磯煮鮑魚及吉列九繪水雲醋物偏酸，膠質豐富，令人開胃；磯煮鮑魚好腍，甜甜地，底下有鮑魚肝醬，點嫌稀咗少少，不過挺鮮味；吉列九繪加上牛油果醬，咬開炸皮，入面嘅魚肉味濃，牛油果醬有啲辛口，幾特別。🍶 以上配：大湖大吟釀，米味較弱，入口第一下好辛口，但隨即化開，口腔留下清醇花香及果香。✨ 日本北海道兵庫縣室津真蠔 - 真蠔肥美，帶少少creamy，加上少少酸汁jelly，好fresh！✨ 拖羅 - 油脂豐沛，啖啖Juicy，入口即化。✨ 牡丹蝦 - 膠質好重，多肉，一口食下大滿足！🍶以上配：大湖純米大吟釀，口感甘香，擁有最豐厚嘅醍醐味。✨ 真鯛壽司 - 加了柚子皮，入口清新，肉質綿軟。✨ 甜蝦壽司 - 加了香水檸檬（海南島），隻味有啲似香茅味，蝦肉膠質重，幾鮮甜。✨ 黑鰽以壽司 - 加上柚子胡椒，魚肉味略淡。✨ 文甲魷魚壽司＋海膽＋紫蘇葉 - 海膽滿甜，文甲魷魚好滑，中間有紫蘇葉提鮮。🍶 以上配：大湖特別純米酒 - 帶有一陣獨特奶香，口感温潤。✨ 深海池魚壽司 - 鮮甜又爽脆，口感彈牙。✨ 灸燒左口魚邊壽司 - 左口魚邊入口即化，經過灸燒，油份好出好香，又有櫻花蝦增添口感。✨ 穴子壽司 - 汁醬甜甜地，肉油份不算高，味道不錯。🍶 以上配：大湖特別純米酒 （生原酒），酒精高達18度，配油膩豐富食物好夾。✨ 飄雪紅酒鵝肝吞拿魚壽司 - 「鮨政 × 大湖」獨家fusion壽司，用法式手法製作紅酒凍鵝肝，食前再即刨碎絲於吞拿魚上。吞拿魚赤身又腍又鮮甜，面層鵝肝絲口感好似雪糕，甜甜地似爆谷，非常好味，有驚喜！🍶以上配：大湖本釀酒 - 品牌自300年以先，酒裝製作嘅第一支酒，精米步口低，酒體爽身，第一下味道強烈，隨即化開，餘下滿口甘香。 ✨ 海膽拖羅魚子三色杯 - 採用俄羅斯白膽，肉身肥厚，鮮甜肥美！又有拖羅魚子，咬開卜卜脆，口感十足。✨ 湯物 - 白魚湯 - 偏咸，奶油咪濃，幾解膩。🍶以上配：大湖梅酒 - 加咗梳打，開胃解膩，不過酒精都有12%，唔因為易入口就放心狂飲！✨ 甜品 - 芝士豆腐，牛奶creamy cheese好幼滑，重奶味但不會太甜，上面仲有紅酒鵝肝絲呢！…查看更多

人氣巨蟹滑蛋吐司店"Try my bread"最近喺荃灣開分店！作為荃灣上班族，由舊店再而家都一直支持，開得咁近真係好興奮，立即去咗幫襯！😍新店除咗一系列招牌滑蛋吐司、越式法包、貝果包，仲出咗全新嘅玉桂蘋果牛肉漢堡！買任何包都可半價換購，同同事二人開心share剛好，正正子！✦ 玉桂蘋果牛肉漢堡 HK$70（新張優惠 HK$35）🍴4.5/5以烤蘋果取代傳統嘅煙肉、芝士，比傳統嘅漢堡包多一份果香，牛與蘋果隻味又勁夾，食上口好fresh！此外，最鍾意Burger入面仲加咗店家秘製嘅蛋黃醬，味道有啲似乳酪芝士，好滑好香！✦ 脆炸軟殼蟹滑蛋吐司 HK$60 🍴4.5/5每次食都會嗌嘅吐司！蟹好大隻、滑蛋超多、加上焗到好鬆脆嘅吐司，次次食都好滿足！強烈推薦！😝✦ 開心果脆醬厚吐司 HK$25 🍴3.5/5開心果醬入面有粒粒果肉，香甜有咬口！不過食多幾口，略嫌有少少甜膩。…查看更多

日本美學「侘寂」(わびさび Wabi-sabi)， 範指一種對事物本質的欣賞及接納態度，即便其不完美、不恆常及不完全，也可從缺陷中發掘美。近來，小編就來到SENSU銅鑼灣時代廣場新店，得知此店以侘寂作為主題概念，作為一個祟尚日本美學的人，立即約友人一聚！與其他SENSU不同，新店以大地色調為主，配合枯木裝飾、金線罩燈、硅藻土漆牆、實木傢具，用色簡單又舒服。據說採用金線元素，是跟據了日本的金繕（Kintsugi）修補技藝，即在破損的器物間加入漆和金粉縫合，突顯破損器物的紋路缺憾，呼應侘寂的主題呢！至於食物，主打自由度高的和洋套餐，可自選前菜、主食及飲品，唔怕揀不到心水食物！此外，新店好著重茶，供應了六款優質茶種，如散發淡淡天然牛奶香味的金萱烏龍、麝香甜味的葡萄烏龍、濃郁鮮甜的白桃烏龍以及獨特夏日果香的荔枝烏龍等，味道均以清新淡雅為主，茶香尾韻繚繞！\Starter/✦ 火炙吞拿魚‧辣香料蛋黃醬 HK$32 🍴3.8/5✦ 羽衣甘藍蝦沙律‧檸檬沙律醬 HK$32 🍴3.5/5✦ 紅菜頭‧藜麥沙律‧蕃茄沙律醬 HK$28 🍴4/5前菜都係清新開胃為主，個人最愛紅菜頭，配蕃茄沙律醬，好fresh！火炙吞拿魚就辣辣地，好惹味！羽衣甘藍有揀過，食落好爽口唔老，蝦大大隻，好食！\Main/✦ 烤豬柳‧烤菠蘿‧黑豆沙沙醬‧香茅椰子汁 HK$98 🍴4.5/5個人好鍾意呢款烤豬柳，經過慢煮，好嫩口！有埋個酸酸甜甜嘅烤菠蘿碎及香茅椰子汁，入口有微微奶香，好特別！\Side/✦ 炸芝士泡菜越光米飯團 HK$28 🍴4/5呢個炸芝士泡菜越光米飯團真係好邪惡！咬開香脆嘅飯團皮，入面係飽滿嘅越光米！有流心芝士及泡菜，微微香辣！難得食完又不會膩！\A la carto/✦ 石蝦天婦羅‧香辣蒜蛋黃醬 HK$108 🍴4/5非常推薦呢款石蝦天婦羅！蝦肉爽口，外層包滿蓋滿香辣蒜蛋黃醬，甜甜地，有啲供鼻，有少少似wasabi，好味！另外，鍾意佢上面加咗啲瓜子粒，食落好有咬口！✦ 北海道帶子‧煙肉‧牛油果蕃茄醬‧酸種吐司 HK$138 🍴4/5帶子大粒，煙肉香脆，牛油果蕃茄醬有啲墨西哥風味，幾香糯，連酸種吐司，食完意外地幾飽肚！…查看更多

人愈大，發覺對辣愈來愈上癮！我指嘅辣不是食到噴火嘅程度，亦不是死辣嗰隻，而係辣中帶麻、鮮及香，多種層次嗰隻，咁先充分滿足到我！🤤🌶️近來，同幾位朋友去食米芝蓮食府鋒膳旗下嘅精緻川菜館「井巷子」，試下店家招牌嘅九道菜餚，果真味道無得輸，非常想推薦比大家！\前菜/✦ 麻辣鮑魚手撕雞 🍴4/5一睇前菜已覺得好有睇頭，麻辣鮑魚手撕雞用咗南非孔雀鮑及三黃雞雞絲，中間加咗黑醋及辣椒粉，鮑片煙韌，手撕雞鮮嫩，非常惹味！✦ 脆皮芽台乳鴿 🍴4/5至於脆皮芽台乳鴿，外脆內嫩，帶有淡淡酒香，濃郁嘅油脂香，令人一試難忘！✦ 白胡椒山藥雪蓮子班骨湯 🍴4.5/5食完較油膩嘅乳鴿，店家貼心配上白胡椒湯，清口腔同時喚醒味蕾。呢款湯入面有山藥及雪蓮子，清潤得嚟帶有濃濃嘅胡椒辛口感，非常暖胃。✦ 麻婆嫩豆腐伴炸饅頭 🍴4/5我幾滿意呢度嘅麻婆嫩豆腐伴炸饅頭，醬汁唔太辣，豆腐好滑溜，炸饅頭外皮乾身脆口，非常邪惡！略嫌炸饅頭數量不夠，感覺一人分2粒就無咗。😂\主菜/✦ 井巷子片皮鴨 🍴4.5/5呢款真係必點之選！味道真係無得輸！燒鴨皮脆肉嫩，帶有微微煙燻香！至於餅皮，則隨蒸籠座熱奉上，幾時攞餅皮食都新鮮軟熟，好正！此外，店家嘅填鴨配料都好非傳統，不只包京蔥、青瓜，仲有金奇異果絲！食上多咗一份清甜，甘香而不膩！✦ 川辣生炒羊肉鬆拌荷葉餅由於個人唔食羊，所以都係同行朋友食，無法評價分數。不過，菜式上枱前，店家好講究咁附上一張卡仔，仲介紹埋正確嘅食法同次序，我覺得勁貼心！將荷葉餅放上炸鍋巴，再配搭英國乾熟成羊肉鬆、紫洋蔥、蔥段，夾埋一齊食，個個都讚好惹味，羊肉鹹香味重但唔會太膩。✦ 重慶水煮黑白牛肉 🍴3.8/5另一款重慶水煮黑白牛肉，上枱紅噹噹，以為實好辣，但食落又唔太辣，比較偏重麻香！牛肉有分三種，分別係騸牯牛、牛胸爽及牛柳心，騸牯牛及牛柳心深色，牛胸爽較淺色，故名為黑白牛，個人覺得前者2款牛一嫩一爽，後者則食落似花膠，口感豐富！此外，好鍾意湯底有薯粉、秋葵、青瓜、大豆芽菜，每樣都吸收哂醬汁精華，食上去勁惹味滿足！✦ 麻辣蒜香小龍蝦麵 🍴4/5份量非常巨大嘅小龍蝦麵！整兜都都舖滿小龍蝦（目測有3-50隻），連同行肥肥大食怪友人都覺得誇張！活小龍蝦都用左西班牙金星啤酒、泡椒汁浸透，超入味，邊食邊剝殼食，係有點麻煩，但食晒成盤好滿足！此外，我超愛湯底中嘅手工風乾麵，入口好彈牙，好有咬口！✦ 甜品雜果土紅糖冰粉、時令水果最後結尾係雜果土紅糖冰粉及水果，前者用咗紅糖味甜潤醇厚，口感冰粉爽Q，配料有松子、脆紅棗、花生，甜度適中，消暑一流；水果則係日本靜岡赤肉蜜瓜同埋藍莓，作為一餐結尾真係誠意十足！…查看更多

作為「我媽家姐」控，近來嘗了位於九龍城嘅三和叙，表示非常滿足！🤤三和叙顧名思義，主打三大類和食料理，包括壽司刺身、鐵板燒及爐端燒，而名字中嘅「叙」，喺日文就有聚會嘅意思。餐廳用餐區有三層（四樓及五樓係團體包房區），每層都分別主理唔同料理，下層係爐端燒，二樓食鐵板燒，而我今次食嘅Omakase則在三層。裝修都係一貫淺木色嘅和風吧枱及卡位，地方幾闊落舒服。​✦ 「叙」晚市Omakase HK$1,880呢度晚市套餐由先付、刺身及酒肴、北海道蝦夷鮑、季節料理、壽司8貫、卷物、玉子燒、季節清湯、果物構成。份量非常足，CP值頗高！此外，魚鮮嘅質素及擺盤都相當不錯！當中特別印象難望係季節料理，有4款可比客人自由揀，而我當然揀咗矜貴嘅鐵板燒龍蝦，睇得出店家都幾不惜功本，成件事誠意十足！​\先付/✨ 漬物 🍴3/5送有幾款開胃漬物，分別有牛蒡、蓮藕、榨菜同埋薑，正常發揮。✨ 山芋水雲草 🍴3.5/5白色的山芋蓉，加上滑溜嘅沖繩水雲草，仲加左酸汁，食落酸酸地好開胃。​\刺身及酒肴/✨ 真鯛薄切、真鯛海膽卷 🍴4/5真鯛薄切二食，一款係魚肉加柚子皮酸汁及芽蔥同食，爽甜開胃；一款則係真鯛＋雲丹海膽，點wasabi及醬汁食，彈牙魚肉加鮮甜海膽，口感豐富。✨ 北海道仙鳳趾生蠔 🍴4/5生蠔伴有海葡萄、柚子酸汁及辣蘿蔔，正路組合，非常好食！建議先食頭嘅部分先，口感較爽，肚位則較creamy濃郁。✨ 明石八爪魚 🍴3.5/5呢度食到嘅明石八爪魚相當厚切，則一點都唔韌，八爪魚汁有日式煮酒、味醂，清清甜甜，上面仲掃有柚子皮，簡單加wasabi就好惹味！✨ 帆立貝、象拔蚌伴蒓菜 🍴3/5師傅先拍吓兩款貝類，等肉裡嘅神經收縮，提高爽口質感，灑上岩鹽，鮮味十足。可惜貝肉下係蒓菜，蒓菜溝咗酸汁，好濃味，有少少搶咗貝肉嘅味。三款食材分開咁食都正，但夾埋一齊就唔太啱。✨ 北海道蝦夷鮑 🍴4.5/5清蒸2小時製成，鮑魚非常軟腍彈牙，再點上自家製鮑魚肝醬，味道層次豐富！鮑魚底下有少少骨膠原湯，喺清蒸時留下，非常鮮甜，輕鬆飲晒！✨ 鹽燒赤鯥魚 🍴3.5/5用上備長碳燒製，魚肉外脆內Juicy，魚油混合炭火香，簡單又好食！✨鰆魚 🍴4/5用禾稈草煙燻鰆魚，再加上芽蔥及茗荷同食。鰆魚肉嫩，肉質飽滿，同禾稈草香好襯！​\季節料理/✨ 白蘑菇鐵板燒澳洲龍蝦 🍴4/5將蝦肉溝埋蝦膏及忌廉燒製，下面伴有生紫洋蔥，蝦肉鮮味爽口，蘑片脆薄，幾有口感。​\壽司8貫/1️⃣ 石垣貝壽司 🍴3.5/5經過拍打，石垣貝更彈牙爽口，簡單加岩鹽就好夠味。2️⃣ 富山灣白蝦壽司 🍴3.8/5肥美嘅富山灣白蝦，膠質重，好鮮甜黏口，配柚子皮及醬油。3️⃣ 鰤魚壽司 🍴3.8/5因為日本魚季亂了，意外食到鰤魚（即10公斤以上油甘魚），肥美爽口，不錯。4️⃣ 中拖羅壽司 🍴4.5/5呢度用宮城縣野生鮪魚，中拖已魚味極濃，配上醬油，超正，食完有感動感覺！5️⃣ 秋刀魚磯邊卷 🍴4/5去到尾聲已經好飽，師傅好體貼特別為我將原本嘅秋刀魚壽司，改為無飯嘅磯邊卷！👏🏻雖然季頭，秋刀魚未係話最好味，但個人都覺得好正啦！6️⃣ 大拖羅壽司 🍴3.5/5呢款大拖羅對比中拖較遜色，肉味較淡，不過入口即化，口感還是不錯。7️⃣ 黑鯥魚壽司 🍴4/5用備長碳燒黑鯥魚，炭火香好濃，魚肉彈牙滑嫩，好食！8️⃣ 白海膽壽司 🍴4/5海膽肥厚，質感似雪糕般creamy，入口鮮味停留鼻腔長久，非常高質！​\卷物/玉子燒/✨ 乾飄卷 🍴3.5/5用胡蘆瓜製成嘅卷物，甜甜地。✨ 玉子燒 🍴4/5幾蝦打成蓉，加入蛋液焗製，好似布丁質地，甜甜鮮鮮。​\季節湯品/果品/✨ 大蜆鮮魚湯 🍴3.5/5魚白湯入面有蘆筍、豆腐、大蜆及素魚翅，湯好鮮甜，讚！✨ 紫蘇花香印提子 🍴4/5紫蘇花嘅清香，豐富了香印提子嘅爽甜，兩樣嘢估唔到咁夾！…查看更多

自上次去月山食Omakase後，一直念念不忘，今次終於約齊朋友去食晚巿套餐！😍很喜歡月山嘅設計，船屋位置為壽司Bar枱，專為Omakase客人而設，竹林步橋嘅位置則係嘗會席料理嘅地方，利用裝修自然分隔兩類客人，禪意滿滿，環境真係無得彈！近來，月山推出兩款會席料理套餐，價位分別係HK$1088及HK$1488，兩款都食到A5 和牛及招牌嘅北海道鮑魚，只係後者菜品相對更繁多及矜貴！視乎個人喜好選擇！而作為為食顧積嘅小編，當然有貴食貴，揀HK$1488嘅Signature套餐啦！✦ Signature Menu HK$1488✨ 甘酢水雲蓴菜 · 海膽豆腐 · 鯖魚棒壽司 🍴4/5光是前菜都相當精彩！甘酢水雲蓴菜酸酸甜甜好開胃；海膽豆腐好嫩滑，加上入口即化嘅海膽，口感一流；鯖魚棒壽司則滿滿酸甜醋香，同樣食完好開胃！✨ 北海道雲丹金槍魚腩杯 🍴4/5非常精緻嘅海膽魚蓉杯！有齊鮮甜肉多嘅雲丹、金槍魚腩蓉，十分鮮甜，火速清晒！✨ 日本天然蠔 · 柚子水啫喱 🍴3.5/5蠔肉肥美清爽，酸甜嘅柚子啫喱，帶出蠔肉嘅鮮味！店定仲貼心將生蠔切開了兩件，方便食用！✨ 龍蝦天婦羅 🍴3.5/5炸皮脆薄，龍蝦肉爽口鮮甜，味道不錯。就咁食有啲dry，相信配埋酒食會更正。✨ 慢煮北海道鮑魚 🍴4.5/5非常高質嘅慢煮鮑魚！鮑魚好腍，但不乏彈牙嚼勁！重點係個鮑魚肝醬，好濃郁鮮味，點鮑魚一齊食，一流！✨ 松葉蟹 🍴3.5/5蟹膏及蟹肉塞滿蟹蓋，份量充足！個人不算好愛蟹都覺得唔錯。✨ A5 和牛西冷 · 松露醬 🍴4/5經過煙燻嘅A5和牛西冷，每一口都有濃重煙燻香！和牛油花豐富，入口即熔，點松露蛋黃醬食，非常惹味！✨ 龍蝦汁稻庭烏冬 🍴4/5龍蝦汁又濃又鮮，稻庭烏冬掛汁一流，作為全餐結尾真係夠晒飽肚滿足！…查看更多

喺香港云云意大利過江龍店中，小編最愛Caffe Milani嘅咖啡！平易近人嘅口味真係百飲不厭！✨近來品牌相當進取，不知不覺已開咗第六分店，仲選扯潮人聖地旺角THE FOREST，經過行開行埋都可飲返杯，夠晒方便！是次分店同過往唔同，由橘白色調子，轉成灰Tone木系裝潢，同樣走文青路線，但就添加咗少少型格！此外，店內仲搵咗本地人氣插畫家  畫意大利3D地圖牆畫，轉角行入去仲有佢嘅畫展，Milani開新店不忘連結本土藝術呢！✨作為吃貨，最關心自然係新店有咩新嘢！同步推出，原來有旺角店限定嘅純素咖啡及件裝蛋糕系列，今次就夥同幾個朋友仔去食，現場仲見到唔少iger朋友仔，好熱鬧呀！🤑​\新店限定純素咖啡/✦ 純素海鹽咖啡 HK$52 🍴3.5/5近來愈來愈多人食素，雖然小編就無呢個定力，但都好開心呢度出咗素啡！喜歡Milani做嘅海鹽奶蓋，好濃郁又不太甜，味道同店家招牌黑啡好夾！​\新款件裝蛋糕系列/✦ ​ 經典提拉米蘇 Hk$48以Milani特濃咖啡入饌，配合提拉米蘇忌廉、榛子冧酒、可可粉及海綿蛋糕，入口香滑甜糯。✦ 蜂蜜柚子綠茶蛋糕 HK$48以鬆軟的綠茶海綿蛋糕，包裹著秘製蜂蜜柚子慕絲及芒果醬，茶香清新。✦ 熱情果香芒慕絲 HK$48上層是熱情果及芒果慕絲，下層則是橘子味海綿蛋糕，外層為芒果鏡面，入口酸甜清新。✦ 牛油果雞肉貝果 HK$68貝果上有麥皮，好香好有咬口。慢煮雞肉好嫩，同牛油果醬好夾!同場加映，店內有本地插畫師AngryAngry的壁畫及畫展。…查看更多

前陣子碌IG，因一張日落＋稻草傘相，一直深深念念要去尖沙咀新開嘅天台酒吧餐廳"Kaboom"！終於前陣子同朋友慶生時去了！​對於Kaboom，印象難忘，皆因海島度假主題，藤椅、稻草傘、白色梳化...置身其中，旅遊感返晒嚟！ 餐廳共2層高，樓下有270度大窗可欣賞維港靚景，至於天台樓層，則每日6時開放，正值仲夏，早啲去仲可捕捉到日落呢！愛打卡嘅朋友一定不可錯過！​至於菜品，主打Fusion泰菜＋搞鬼Cocktail，無論味道定賣相都非常高質！此外，值得一讚係上菜速度極快，食物上晒，尚有日光，以新店嚟講非常難得！另外，侍應介紹菜單時都非常風趣，態度好好！☺️✨​入夜後，大概8點仲見到維港對岸嘅幻彩fing啷啷匯演，氣氛100分！​​\主菜/​✦ Tom Yum Gong Risotto HK$258 🍴3.5/5​幾鍾意呢個Risotto！冬蔭功汁好入味，食上口幾香辣！米粒不會過硬過軟，有蝦、帶子、軟殼蟹同蓮藕脆脆，整體幾香口！​✦ Golden Fried Rice Topped with Grilled Pork Chop and Spiced Tomato Gravy HK$198 🍴4.5/5​呢款「焗豬」最得我心，豬扒大件，肉嫩無筋，炒飯配印度番茄牛油咖哩汁，仲有一大塊芝士脆片，成件事勁惹味！​✦ Typhoon Shelter Style Crab Pasta HK$188 🍴3/5​避風塘炒辣蟹意粉，其實呢款意粉都幾好食，不過對我嚟講那咗啲。由傳統避風塘炒蟹變成炸軟殼蟹，食時唔洗忙於拆殼，幾得意嘅嘗試。​✦ GO Big GO KABOOM Roasted Spring Chicken with Surprise Sides HK$268 🍴4/5​令人意外地大份嘅燒春雞！雞皮烤得脆薄，備有多款配菜！當中烤茄子，更係火速比我哋搶晒！😂​​\小食/​✦ KABOOM Sharing Platter HK$218 🍴3/5​小食拼盤夠2-3人分，送酒一流！入面有雞翼、串燒、cocktail shrimps、枝豆同蒜蓉包。雞翼及串燒帶香茅味，幾惹味！略嫌蒜蓉包烤得乾咗少少，有啲硬。​​✦ Crab Bao Bao HK$118 🍴3/5​喺刈包入面夾軟殼蟹，無傳統夾腩肉咁肥膩，另有沙律汁椰菜絲，味道不過不失，個人還是覺得腩肉更啱。​✦ Tuna Cups HK$88 🍴4/5​呑拿魚脆杯，隻杯有點似千層豆腐紙，好脆好薄，tuna tartare有點芝麻醬油味。​✦ Corn on Cob in 3 ways HK$88 🍴3/5​三式烤粟米，有避風塘、香草牛油及香辣粟米味，送酒唔錯，不過有少少難咬。​​\Cocktails/​Kaboom嘅Cocktails整體造型都好得意，有浴缸、竹盤、椰子、紙遮仔，影相好吸睛！📸​✦ Life Sucks, Let's Get Drunk! HK$128 🍴4/5​最鍾意呢杯椰子杯cocktail，有Rum、Melon Purée，帶點椰子及金橘味，好易入口。​✦ Kaboom HK$138 🍴3/5​同店舖同名，係菠蘿杯造型，入面有Whiskey, Brulee Liqueur, Homemade Darjeeling Milk Tea, Condensed Milk with Vanilla Flavour。​✦ Enough Is Enough! HK$128 🍴3/5​用上大杯裝住嘅Cocktails，西瓜汁base，上有紙遮仔，好易入口！​✦ Damn Pissed Off! HK$128 🍴3/5​最得意一定係浴缸杯！仲附送一隻黃色鴨仔😂🛀🏻入面有Vodka + Passion Fruit Purée + Pineapple Juice with Ginger Flavour。​✦ Wohoo, What A Day! HK$128 🍴3.5/5​用藤籃杯裝住，入面有Tequila + Mango Purée + Calamansi Juice with Kiwi Flavour。​…查看更多

向來鍾意飲TEA WG嘅靚茶，不過真係喺餐廳門市度食飯，反倒係第一次呢！🤪​前陣子同朋友喺又一城行街，本想入去Tea WG買茶，發現店家新出咗全新晚市套餐！由前菜、主食、甜品都以Tea WG嘅茗茶入饌，仲可食到澳洲和牛及矜貴海鮮，人均約$500都唔太貴，於是就坐低醫肚！​✦ Tea WG 3道菜晚市套餐配茗茶 HK$448​​\前菜/​✦ 餐包 🍴3.5/5​不得不讚Tea WG嘅餐前包，大大隻，外脆內軟！最正係配咗個海苔脆脆牛油，熱辣辣食，好滿足！​✦ 薄切北海道帶子刺身 🍴4/5​北海道帆立貝厚身鮮甜，加咗店家特調嘅檸檬木紅茶香醋醬，加上三文魚籽、紅蔥、香蔥同埋芫茜，清新又爽口，食完勁開胃！​​\主菜/​✦ 澳洲和牛西冷 🍴4/5​澳洲和牛西冷火候啱啱好，入面仲見到嬌嫩嘅粉紅色！粉嫩軟腍帶焦香！醬汁用咗特濃 2000年普洱，味道清優，更突出牛肉脂香。​​✦ 香煎虎蝦海膽墨汁意大利飯 🍴4.5/5​超豐富嘅墨汁risotto！唔似出面成日食到嘅墨魚汁都係死咸，呢度食嘅版本咸淡得宜，啖啖鮮甜！至於意大利米也煙煙韌韌，不會太硬或太爛。​Risotto上仲有北海道海膽、虎蝦、大蜆及魷魚，新鮮彈牙，以 伯爵茶日式高湯燉煮好特別！​​\甜品/​✦ 香桃綠茶泡芙 🍴4.5/5​今次甜品仲試咗新出嘅仲夏甜點「香桃綠茶泡芙」！真心超級推薦！泡芙散愛陣陣茶香及桃香，入面注入咗蝴蝶夫人之茶嘅軟滑忌廉及香桃果肉，甜而不膩，超高質！！​✦ 夏日蛋白霜蛋糕配糖漬菠蘿 🍴3.5/5​蛋白霜用咗品牌Signture嘅皇家婚禮茶及熱情果製成，加芒果啫喱及菠蘿蜜餞，酸酸甜甜，味道正正常常。​​\飲品/​✦ 六安瓜片茶(熱) 🍴4/5​今次我哋揀咗中國十大名茶之一六安瓜茶，好重花香和煙燻香氣，非常獨特！​✦ 曼吉山谷(熱) 🍴3.5/5​呢款茶來自喜馬拉雅山海拔1300至1500米嘅緩坡上，帶花香，有點晨露清香，超正！​…查看更多

最近，人氣高企嘅網店"Soulgood Bakery" 喺尖沙咀開咗pop-up store！唔洗下下等抽籤，可即場買到蛋糕，真係巴斯克芝士蛋糕控們的福音！當然要即時去入貨啦！​pop-up store全店採用粉紅x藍嘅色調打造，好有美式風情！打卡100分！😍​店內分別提供4吋、6吋及8吋嘅蛋糕，自私食又得，成班fd共享又得，切合唔同人需要！​✦ Matcha Mochi Basque Burnt Cheesecake (4 inch) 🍴4/5​今次我就買咗2款4吋Cake自私食！呢款抹茶用咗京「丸久小山園」所出品嘅抹茶粉製作，茶味極濃，甘香，但零苦澀味！此外，蛋糕內仲配有煙韌嘅麻糬做餡！質感外軟綿內Q韌，好正！​✦ Sticky Mango Rice Mochi Basque Burnt Cheesecake (4 inch)🍴3.5/5​相比起抹茶口味，芒果就會清新啲！用咗呂宋芒果，平衡巴斯克芝士蛋糕嘅濃重口感，入面仲有乳酪，令味道更清爽又唔過膩！​​✦ Cake Jar - VERY MISS YOU 🍴4/5​隨pop-up store成立，Soulgood.bakery仲新推出罐裝蛋糕！一共三款既系列中就揀左罐裝tiramisu口味既蛋糕！入面有意式手指餅乾，加上無糖咖啡甜酒浸香，再係手指餅上加上法國黑朱古力粉！手指餅充滿濃厚咖啡酒香，忌廉香滑creamy，加上朱古力粉後甜而不膩，每啖都充滿滋味！​…查看更多

早前同朋友入沙田觀禮，晚餐就隨心去咗沙田嘅幸匠燒食Omakase！過往，幸匠燒主力做串燒料理，壽司Omakase似乎都係近來先有，暫時供應一款Omakase set，$1,088即可食足16道菜，包括前菜、刺身、壽司八點盛、湯及甜品，作為晚市Omakase嚟講，確實CP值頗高！​​\前菜/​✦ 日山和牛春卷、紅酒啫喱、海髮菜 🍴3.5/5​三品前菜，擺盤賞心悅目。日山signature 和牛春卷，免治和牛肉香濃郁，咬落香口；紅酒啫喱微甜，帶有紅酒嘅獨有礦物味，喚醒味蕾；醋漬咗嘅海髮菜，酸酸甜甜，滑溜可口。​​\刺身/​✦ 昆布漬北海道牡丹蝦 🍴3.5/5​肥美嘅北海道牡丹蝦，我頭尾切件奉上，食得方便。經過昆布汁醃漬，將蝦肉鮮甜濃縮在蝦肉上，味道相當不錯，不過略嫌蝦肉實咗少少。​​✦ 鱸魚包左口邊魚 🍴4/5 ​左口邊魚油份頗重，師傅先火炙一下逼出油香，又將柚子皮、岩鹽及芽蔥卷在鱸魚刺身上，可同時嘗到肥美、爽口兩種魚肉質感。​​✦ 火炙金目鯛 🍴4/5​厚切金目鯛，師傅輕輕火炙魚肉外層，令魚肉呈外煙韌香脆，內實淨彈牙嘅口感！伴自家製蛋黃醬食，兩隻味意外地幾夾。​​✦ 赤崎真蠔 🍴4.5/5​赤崎喺夏季依然肥美，由於生長係岩石邊，礦物質味比較重，蠔肉濃郁。師傅再加入青柚子皮、少少蘿蔔漬點綴，突出蠔肉鮮味。​​✦ 北寄貝 🍴3.8/5​新鮮北寄貝刺身，切好放回貝殼上，擺盤幾靚。底部加咗梅酒啫喱、青瓜皮、海帶及醋菊花，用料豐富。​​\壽司/​✦ 活赤貝壽司 🍴3/5​活赤貝爽甜，加咗青柚子，增添清香。活赤貝乾身咗少少，但味道正常，唔算好驚艷。​​✦ 深海池魚壽司 🍴3.5/5​深海池魚油份較重，不過口感好嫩滑爽身，師傅喺上面加咗北海道赤馬糞海膽，配搭幾好。​​✦ A5和牛鵝肝壽司 🍴4/5​用上日山直送嘅自家A5和牛，上面有一粒火炙鵝肝，成件事幾惹味。​​✦ 海膽手卷🍴4/5​師傅大方塞咗唔少北海道赤海膽入手卷上，海膽入口即化，鮮甜而不膩，紫菜香脆，高質！​​✦ 大拖羅壽司 🍴3.8/5​師傅為大拖羅切上菱形紋，經火炙，令魚肉油香更突出，又加入咗辣蘿蔔蓉及蔥花，入口即化，口感一流。​✦ 澳洲黑邊鮑‧鮑魚肝醬飯 🍴4/5​師傅以昆布、酒及糖，蒸熟澳洲黑邊鮑。鮑魚嫩滑，醬汁鮮美，上面仲有鮑魚魚肝醬，非常惹味！最讚係底層嘅飯，充分吸收鮑魚嘅鮮甜，呢個飯真心超正！​​\湯及甜品/​✦ 鱲魚湯 🍴4.5/5​食完一系列刺身及壽司，最後飲鱲魚湯，成件事好暖胃！鱲魚湯膠質好重，奶白色好鮮甜，又有足料舞茸菇，令人印象深刻！食完幸福滿瀉！​​✦ 紅豆雪糕、柚子卷蛋 🍴3.8/5​甜品有2款，感覺都大份！紅豆雪糕無得輸，好足料紅豆，食到入面有粉糯嘅紅豆蓉，好正！至於柚子卷蛋就比較普通，不算好甜。​​P.S. 整餐以人均一千嚟講，我覺得質素對得住價錢，感受到師傅有努力設計不同嘅壽司及刺身配搭，味道都別樹一格。此外，壽司配菜都不是同市面一皮，係燶重嘅薑片，反而用咗紫薑，直切奉上，好嫩好爽，食完油膩嘢，清口腔一流！​…查看更多

近來，中環The Pottinger開咗絕美餐廳"HUSO" ！Huso係盛產頂級魚子醬嘅鱘魚品種，單聽餐廳名字就知佢哋專食靚魚子醬！據說餐廳菜式仲糅合咗地中海和法式料理元素，可以嘗到好多口感細膩嘅新派料理！結合埋餐廳藝術佈置，相信好快就會成為中環區火熱嘅Dining好去處！趁著陽光好，打卡靚，今次我就與友人來個快閃Lunch！Lunch menu可自選2 course HK$288 或 3 course HK$328，前菜方面除左有Tomato & Fennel Velouté、Citrus Kale Salad 外，仲可加錢升級食 Steak Tartare 或 Oyster Champagne Caviar。主菜方面，有蘑菇意大利飯、香草烤雞、Daily Catch、Penne Bolognaise Parmesan、或者加$98 選擇Roasted US Picanha。牛臀肉蓋既位置食落都算鬆軟。選擇多多，豐儉由人，感覺幾高自由度！✦ 麵包籃 🍴3/5每一款麵包都唔同，焗起熱辣辣，搽牛油食好正！我鍾意德式結麵包，外皮脆脆地，口感好好！\Appetizer/✦ Steak Tartare 跟餐＋HK$58（單點：HK$198）🍴3.5/5牛肉他他有酸瓜調味，撈埋蛋黃，口感幼滑 ，加埋自家製脆片食，幾香口。不過略嫌調味有點重，咸咗啲！✦ Oyster champagne caviar 跟餐＋HK$68（單點：HK$198）🍴4/5日本生蠔經過輕煮，口感更扎實肥美，又可平衡過份creamy嘅質感。再配上魚子醬及秘製醬汁，味道好fresh！✦ Dior Egg.Champagne.Soft Boiled Egg HK$258（另外追加）🍴4.5/5Dior Egg真係必食嘅前菜！以香檳做嘅高湯果凍，包住半熟温泉蛋，切開時澎湃嘅蛋液流出，真係引死人！連魚子醬食，清新中帶有鮮甜味！價錢略貴，但味道絕對值回票價！\Main/✦ Roast US Picanha 跟餐+HK$98（單點價：HK$368）🍴3.8/5慢煮牛臀腰肉，肉味濃郁，難得係牛肉無咩脂肪卻煮得好腍，嫩滑，伴creamy嘅馬鈴薯泥食，不錯呢！✦ Herb Roasted Chicken🍴3.5/5烤得外脆內嫩嘅烤雞，食時啖啖香草味，更突出雞肉嘅肉香！食時不忘點上店家自製嘅醬汁，成件事好惹味！\Daily Dessert/✦ 朱古力慕絲蛋糕配熱情果醬 🍴3/5食完兩個Main，感覺都幾飽，呢個慕絲蛋糕偏酸，正好解膩。…查看更多

趁著放假，小編時時會約朋友去食Omakase，慰勞一下平日工作嘅辛勞！近來，我就試咗銅鑼灣新開嘅鮨山月午市廚師發辦！諗住簡單食個飯，點知無論食物品質、服務及環境都比預期中好！😍鮨山月提供2款午市套餐，分HK$680及HK$880兩個價位，前者係13件壽司＋卷物，後者則為4品前菜＋10件壽司＋卷物，只係差200蚊，但相對豐富好多，我當然揀後者。驟眼望，價錢唔算特別平，但食起上嚟，份量都幾足！難得嘅係，師傅用上好多同級Omakase所沒有嘅稀有魚類，如價格可比海膽、僅有一個月魚季嘅天草新子魚，夏季限定嘅石川縣荒魚等，據說都係師傅相熟嘅日本朋友，每日新鮮投標得來，非常難得！至於服務及環境，我都覺得鮨山月整體都好好！壽司Bar枱闊落，配上竹林和室，感覺舒適！Bar枱仲特登設計成同客人枱同樣高度，方便師傅同客人交流，展示是日魚鮮，同埋製作過程，唔似部分Omakase店咁遮遮掩掩，係信心嘅表現！✦ 午市Omakase HK$880✨鮑魚茶碗蒸 🍴3.5/5前菜先是暖胃嘅茶碗蒸，上有慢煮鮑魚、蘿蔔苗及木魚高湯芡汁，芡汁增加咗蛋嘅鮮甜及嫩滑度，鮑魚軟腍，清清地，口感不錯。\4品料理/✨愛媛縣象拔蚌、石川縣荒魚、磯之雪昆布淮山卷 🍴3.8/5先嘗象拔蚌，好易咬開，但又不失爽甜口感，簡單點岩鹽，更能引出鮮味。是日造訪，剛巧嘗到稀有嘅石川縣荒魚，魚肉好腍，帶微微甜香，好特別！至於磯之雪昆布淮山卷，以白昆布包住切絲淮山，昆布薄如紙，味道清爽。✨昆布漬北海道牡丹蝦 🍴4/5牡丹蝦先用昆布漬過，上面再有蝦清湯做嘅啫喱、蝦籽＋蝦膏做嘅蝦油，唔使剝殼，一口氣就食曬成隻蝦嘅精華部位！✨明石八爪魚 🍴4.5/5用上日本優質嘅明石八爪魚，以蘿蔔漬約7-10日，軟化＋熟成八爪魚肉。食上口外層呈啫喱狀，內裡煙韌，師傅仲加咗少少柚子皮，襯托八爪魚肉嘅鮮味。✨青森縣 BB吞拿魚🍴3.8/5BB吞拿魚不算油脂高，較重味，師傅用稻草燻燒，令魚肉帶有炭火煙香，食落口，煙燻，再伴有福岡高等蔥及蔥油做嘅醬汁。\壽司10貫/店家用咗北海道高質嘅夢美人米，黏度好適合做壽司，飯醋比例較高，感覺同sake特別夾！1️⃣ 愛媛縣鱸魚🍴3.5/5夏季限定嘅魚，肉質軟腍，鮮美十足！2️⃣ 富山縣白蝦🍴4/5全年產嘅白蝦，膠質好重，店家放了足料岩鹽及柚子皮，清新得嚟又唔寡。3️⃣ 福岡伊佐木魚🍴3.8/5又係夏季先有嘅魚，油脂豐富 ，食上去幾彈牙。 4️⃣靜岡地金木鯛 🍴4/5店家不會好行咁用火槍燒，而係重本用和歌山備長炭燒魚，呢種炭密度高，火會比一般炭熱好多，快速令魚外層燒熟。食時陣陣炭香味，微苦，口感一流。5️⃣和歌山紡錘鰤🍴4/5魚肉口感極腍，超鮮甜，油脂豐沛而不膩！6️⃣長崎赤陸魚 🍴3.8/5經過炙燒，魚脂香好突出，味道不錯！7️⃣赤身漬 🍴4/5用上青森大間吞拿魚，以醬油輕漬赤身，去除赤身嘅微酸，質感又腍又滑，咸度剛好。8️⃣大拖羅 🍴4.5/5平時好怕食大拖羅，怕太油膩。店家特別將大拖羅一番腹上放喺0-1度櫃，花14日熟成，去除令魚肉本身嘅油膩感！師傅仲細心將大拖羅細切，將大拖羅嘅根膜切開，同時令醬油可充分滲入魚肉，味道一流！9️⃣天草新子魚 🍴3.8/5師傅用上矜貴嘅新子魚，據說一年只有一個月可捕捉到，價格同海膽差不多！師傅指一件壽司就用上三條新子魚，師傅要細心去骨風乾，仲要加糖鹽醋漬，工序繁多！魚肉結實，極濃郁，鮮味令人難忘！屬於江戶前嘅做法。🔟北海道馬糞海膽 🍴4/5北海道馬糞海膽甜度較高，入口即化，有種雪糕般嘅質感！\卷物/✨碎蔥拖羅手卷 🍴3.5/5加了京蔥，令拖羅蓉帶有微辛，不過香氣撲鼻，連爽脆嘅紫菜食，正！\湯及甜品/✨豆腐味噌湯 🍴3.5/5✨抹茶雪糕 🍴3.5/5…查看更多