CK鼠's Profile

好早食左晚餐，所以8點幾食個甜品就岩岩好，今日唔想食松記，所以過左隔離食明師傅。有啲比較特別既甜品，唔會來來去去都係雪花冰、涼粉、西米露咁。OREO布甸呢個好重OREO味，真係好似食緊OREO餅咁，不過食多兩啖覺得有點兒膩。涼爽我超鍾意飲椰青，所以叫左呢個。仲有個熱既版本但因為有我唔鍾意食既湯圓，所以無叫到。椰青入面有生果、椰果同朱古力雪糕。隔離個樽仔係椰青水，幾青甜，可惜個椰青太老，刮唔到椰青肉出黎食，我聽到隔離有一、兩枱都係咁。如果可以食埋椰青肉就100分喇。…Read More

入到黎長洲梗係要試下好出名既芒果糯米滋真係好大粒個皮好薄，入面就係成舊芒果，好滿足，芒果又唔會酸。芒果布甸估唔到芒果布甸上面都仲會舖滿芒果，布甸好味，有芒果肉，唔似出面果啲淨係用粉溝無果肉。粒朱古力波波既野好得意，外面有啲似金莎，但原來內面係雪糕，好驚喜。芒果奶凍個奶凍好滑，連平時唔鍾意奶既我都覺得好食，可能又有啖啖芒果肉，可以減輕我唔鍾意既奶味。…Read More

見天氣幾好，又放假，所以入長洲食下野。一落船就見到好多大大粒魚蛋，但係有上OPEN RICE做功課，就梗係知甘永泰先最正宗啦！大魚蛋真係好大粒呀，好似乒乓球咁大個，咬落都好彈牙，食一粒都已經好夠。三文魚丸拼芝士丸芝士丸係平時打邊爐果啲無咩特別，反而三文魚丸幾好食。佢用紙巾一串串包好又幾特別，拎住無咁熱同埋唔怕油淋淋。…Read More

V City 開左咁耐都未行過，所以今日就去行下。都好多似多餐廳，但大部份都唔平，咁岩又想食燒肉，所以就揀左無咩特別既牛角。第一次LUNCH黎食，之前食過都係晚餐。有LUNCH SET，平既五六十蚊都有交易，我地叫左兩個牛五品SET，因為想試哂唔多既部位。叫左一份鹽燒一份汁燒，但食唔出有咩分別。有粟米幾好，可以食番少少蔬菜。佢無講有咩部位，所以食左都唔知係咩黎，淨係識牛舌，不過我覺得薄得濟，厚番啲會好少少。其他部份都唔錯，有牛味，唔會韌。不過腸就麻麻地，好難會燒得好味。粟米好甜，唔錯，切左一半比較容易燒。牛角飯呢個可以任添，估唔到又幾好味，加左少少醬油同紫菜，咸咸地食食下就好易食哂。…Read More

已經第三次寫食評，去到元朗想食小菜都多數會黎呢間，有電視睇又有卡位，坐得夠舒服。今日叫左個2人SET加黃金蝦跟餐既燉湯今日係海底椰雞，好好飲好滋潤，連唔多飲例湯既我都飲哂成碗。芥蘭炒臘味芥蘭有幾條係凍架，大部份都係潤腸無咩臘腸。無咩特別，炒菜唔會難食。黄金蝦呢碟係散叫既，今日啲蝦比較細隻，但佢都有俾多幾隻，所以都夠食。不過咸蛋黃好似少左啲。冰鎮咕嚕肉見咁得意叫黎試下，其實啲冰放左係下面，初初上枱既時候食唔出冰鎮，仲係好熱辣辣。到差唔多食哂，尾果幾舊先食到好凍。但我個人覺得麻麻地，好似放左落雪櫃岩岩拎出黎咁，啲汁瓊哂唔好食。不過波蘿凍冰冰就好好食，所以都係見仁見智啦。…Read More

星期六行街行到有點兒肚餓，諗住意粉屋唔駛等位，所以黎左食下午茶。叫左2個TEA SET酥皮龍蝦湯個酥皮焗得幾靚，龍蝦湯都好香，不過料就好少，搵唔到龍蝦肉。芝士火腿煙斗粉呢個好好味，唔駛另外加芝士粉都已經好夠味，又夠多汁，不過食到尾就會覺得芝士膩得濟。歐陸拼盤有炸雞、薯條、三文魚炸磨菇。係見個炸磨菇吸引先叫呢個，但食落唔好味，粉漿太厚，油淋淋，食唔到三文魚味，唔推介。炸雞就偏細件，不過都好JUICY，唔會炸到無哂肉汁。薯條都OK，夠脆，配芥末醬別有一番風味。…Read More

又到一年一度的老公生日，老公今年有要求，人均消費唔可以過五百蚊，終於俾我搵到呢間，有得玩有得食，仲唔貴。平時行過都唔多覺係間酒店，今日先第一次入去。出lift既時候仲見到paco，呢度唔太多人，好適合靜靜地食飯。都算多選擇，可以淨食肉、肉拼海鮮或者淨海鮮。呢度係semi-buffet，揀完主菜就可以出去拿頭盤，種類唔算太多。海鮮有青口同蝦，煙三文魚，火腿、有溝好左既沙律，唔鍾意都可以自己溝。青口同蝦都新鮮好食，我地都encore左幾次。蒜容包配黑松露醬出面可以任拿麵包自己烘，但唔及呢個好味。好新鮮熱辣，夠多蒜蓉。黑松露醬都夠多，足夠填滿兩塊蒜蓉包。黑松露唔會少到睇唔到，啖啖都充滿香味，連唔太鍾意食黑松露既老公都話好味。石燒 - 美國極黑豚肉拼龍蝦尾食完頭盤，就可以叫佢起主菜。呢個係老公叫既，舊石好大舊呀，仲有圍裙俾我地帶，唔怕整污糟。好神奇，無火就咁放係舊石度就會熟。煮既時候仲聽到"炸炸"聲，好好玩，仲會越黎越香。不過自己燒好怕會燒得太耐會韌。肉本身無醃，燒既時候可以自己落鹽同胡椒調味，仲有2個醬俾你點，可以完全調教岩自己既味。石鍋燒 - 鮑魚拼美國桶蠔(黑魚子醬香檳忌廉汁)石鍋燒係新既，所以我叫黎試下，不過呢個就無得玩喇。佢放哂啲野落去，跟住同你講大概幾多分鐘就開蓋食得，淨係可以睇住佢滾......:(相反之下，我好似得好少野食，得3粒仔。不過其實可以飲埋個湯，好飽好滿足。個汁真係落左好多黑魚子，啖啖都食到。甜品甜品都有7、8款選擇，不過無咩refill，拿哂就無。但佢啲甜品唔多掂，焦糖燉蛋濃得濟，好苦。連最穏陣既芒果布甸都好難食，好粉好鞋，仲差過麵包舖幾蚊杯果啲，食左一啖就放棄左。左下既朱古力慕絲最正常。所以甜品拿左一轉就無再拿。…Read More

做完野返黎岩岩10點10分，6折岩岩開始，所以就入左去食壽司。要自已寫no.咁都幾好，環保啲，唔駛一張紙淨係想食一樣野又浪費左張紙。燒雞翼同冬菇雞翼我無食，所以唔知咩味。冬菇面舖滿木魚，冬菇仲好juicy，唔會燒到乾哂。八爪魚、帶子刺身刺身都有6折，但個賣相真係麻麻。帶子薄切，八爪魚得3塊。煙肉帶子串、煙肉三文魚腩串上面有啲芝士粉，唔太襯。唔知係咪由細食到大，都係覺得煙肉腸仔好味啲其實呢兩串都唔差，不過煙肉味太濃，食唔出帶子同三文魚。火炙壽司火炙一向係我既最愛，燒到微焦，香噴噴熱辣辣非常好味！三文魚燒得熟左少少，蝦配上沙律醬減輕油膩感。燒海膽第一次食，估唔到又幾好味，燒完無咁水汪汪，連唔好海膽既老公都話好味。普通壽司軍艦新鮮即整，紫菜好脆。三文魚唔夠肥美。其他不過不失。燒蠔呢個係唯一無特價，但好想食蠔所以都照叫。好味，芝士味香濃，蠔又好juicy。…Read More

是日除夕，本來諗住求其搵間餐廳醫肚，於是入左黎。坐底見到MENU先知今日得呢個餐牌，無其他選擇。想平平地食餐都唔得:(全部都係過百蚊既扖餐餐湯、蒜蓉包蒜蓉包好細塊，但夠脆。海鮮濃湯好香，有好多料。甜蝦拼煙鴨胸沙律有點兒奇怪既配撘，刺身同沙律好似分開上比較好。同埋無咩沙律醬，唔好食。鐵板雜扖老公叫既餐，同平時果啲差唔多，不大分別。不過都好豐富，好多肉。仲有成條粟米。黑毛豬拼薯皮呢個出奇地好食，好食過鐵板既豬扖，煮到入面仲有少少粉紅色，肉質好嫩好JUICY，食唔停口。不過個汁就怪怪地，唔點汁好食啲。…Read More

今日經過見無人排隊所以又買兩杯黎食下。每個月都換口味，今個月好有聖誕FEEL。榛子朱古力星星呢個得粒星星無咁靚，係金莎味，好好味，一粒放大左既金莎。朱古力飄雪樂園呢個有聖誕樹餅乾，舖滿棉花糖。但味無咩特別，係好濃好苦既朱古力，唔係人人鍾意。…Read More

成日行過已經想食，但係人龍永遠都好長，今日平安夜竟然有好多吉位，即刻入去食。原來果啲係有訂位，不過我地兩位，佢都俾我地WALK IN。有好多野食，花多眼亂，樣樣都想叫黎食。燒菠蘿好甜美，不過我覺得批埋皮會好多，要自己吞皮，比較麻煩。蒜蓉生燒茄子原條燒，蒜蓉可以再香口啲，同埋茄子皮燒燶哂，好苦食唔到，只可以食肉。燒牛舌呢個真係好淋好好味，得3塊有啲唔夠喉。芝士煙肉通心粉釀蟹蓋見個名幾吸引又叫黎試下，但係味道麻麻，好似普通忌廉汁通粉。右邊既粒粒食完都唔知係咩。真係得蟹蓋裝住，食唔到蟹肉。香濃芝士燒扇貝食串燒當然要叫海鮮，呢個真係好香濃芝士，但扇貝燒得比較乾身，變左瑤柱，唔JUICY。香濃芝士燒生蠔呢個最好食，連唔食生蠔既老公都話好味。雖然芝士已經燒到焦香，但隻蠔仲好JUCIY，好飽滿！燒花枝丸食番啲小朋友野，燒得好香，夠彈牙。燒車厘茄煙腩卷將腸仔變做蕃茄，可以減低油膩又開胃。煙肉燒到脆扑扑，蕃茄好JUICY。燒羊架我唔食羊唔知咩味，不過老公話好味，燒得岩岩好。…Read More

未夠6點已經肚餓，本身諗住去荃灣食韓燒，但係醒起未試過呢間就入黎試試。我地係第2枱客，可以第一時間拿野食，野食種類都幾多，熟食都唔錯。第一次出去見到有蟹，但諗住唔識燒所以無拿，但之後已經無再出蟹。不過就拿左好多蝦啲蝦都算大隻，有不斷添，我地都食左幾轉。用網燒幾好，無咁多黑色一粒粒痴住野食，同埋燒得靚會有網紋，好有滿足感。熟食既蟹同青口都唔錯，拿左啲食。三文魚刺身當然唔會肥美，不過自己燒一燒再食，自製火炙三文魚很不錯！…Read More

星期日周圍都好多人等位食飯，見呢度有位就入黎食。枱同枱之間都好迫下，野食放出少少都驚會俾待應整跌。特飲買一送一，天寒地凍都飲凍野係我地既特色，哈哈！椰果白桃梳打少椰果，個底仲成pat糖漿無搞勻，白桃姐係藥水味......芒果沙冰老公叫既，所以唔知咩味。冬陰海鮮辣湯我以為會好辣所以無叫到，試左老公既幾啖，又幾好飲，唔算好辣，我接受到。仲有2隻大蝦，但可惜有芫茜，我覺得好臭既野......馬拉盞炒通菜普普通通，但我覺得唔多夠味。大蝦粉絲煲係太興食過好味，所以又叫黎試下。有2隻大蝦，粉絲都夠多，足夠飽肚。但粉絲唔夠入味，不過大蝦好正，夠多膏，仲開埋邊，方便食。炸蝦餅得4粒好似少左啲，啲肉好實淨，唔夠脆。同埋佢點個汁唔係平常既泰式辣醬，好似係酸梅醬，味道怪怪地。串燒蝦我見半打串燒同呢個差唔多價，梗係叫呢個抵啲。岩岩燒好上枱香噴噴，但個燒果醬好咸，得個殼有味，蝦肉無味。是日係蝦宴，全枱都係蝦，因為老公今日唔想諗，交俾我發板，一個唔覺意就全部都係蝦。…Read More

同兔仔睇完醫生，拿拿聲食完野就同佢番屋企，所以近近地揀左食太興。燒腩仔太興燒味，出味燒味唔好食。不過可能間間唔同，所以都試下佢個燒腩仔，凍冰冰，皮唔脆，但肉係OK，入味唔會"鞋"。魚香茄子煲上枱好熱辣辣，出哂煙。茄子夠多，魚鬆就少左D，唔多夠送飯，但整體都好味。生煎咸魚肉餅我同老公都鍾意食煎肉餅，貪佢夠香口。出面好多餐廳都係一小塊煎會方便D，但佢就成塊煎，但都唔錯，煎得都好脆，好快就俾我地KO哂。冰鎮奶茶冰鎮好好多，唔會因為冰溶左溝淡左D奶茶，抵讚。…Read More

今日去IKEA買野，所以黎左Mega Box。一直好想試Ramen Champion，但係佐敦太唔方便，咁岩見到呢到有，即刻要去試試。牆上有電視不斷介紹不同的日本美食。係好有日式風味既範圍，入場會俾張卡黎，買拉麵就用呢張卡，食完走之前就拿張卡去俾錢，都幾方便。每一間都好落力叫賣自己有咩特色，行左一個圈先好決定到食邊間。落完單就會俾隻UFO既物體你，可以拎野食UFO就會閃燈，咁就坐到遠都唔怕聽唔到叫號碼啦。老公揀左試呢間，佢話要試佢個豚骨湯。豚骨濃湯特製拉麵正宗日本拉麵，得3塊叉燒。我覺得塊叉燒麻麻，太瘦，無肥肉(可能我食慣肥叉，哈哈)。麵底唔錯，軟硬適中，流心蛋都係一流。最期待既豚骨湯真係唔錯，夠香濃，唔會太油，食完都唔覺口渴，值得一讚。…Read More