太子冰室 (已結業)

是日除夕，本來諗住求其搵間餐廳醫肚，於是入左黎。坐底見到MENU先知今日得呢個餐牌，無其他選擇。想平平地食餐都唔得全部都係過百蚊既扖餐餐湯、蒜蓉包蒜蓉包好細塊，但夠脆。海鮮濃湯好香，有好多料。甜蝦拼煙鴨胸沙律有點兒奇怪既配撘，刺身同沙律好似分開上比較好。同埋無咩沙律醬，唔好食。鐵板雜扖老公叫既餐，同平時果啲差唔多，不大分別。不過都好豐富，好多肉。仲有成條粟米。黑毛豬拼薯皮呢個出奇地好食，好食過鐵板既豬扖，煮到入面仲有少少粉紅色，肉質好嫩好JUICY，食唔停口。不過個汁就怪怪地，唔點汁好食啲。