yuhh的個人專頁

長輩鍾意食中菜，就近近地揀咗呢間太元樓。先品嚐上海菜例必點的酸辣湯，味道夠濃，辣度恰到好處。另外也點了一杯冰凍豆漿，炎炎夏日下飲返啖相當解渴。主菜叫了黃金銀絲卷，外皮果然炸到金黃色，包皮幾脆；裡面的包也果然以不絲絲呈現，軟熟度十足，逐條逐條撕出來點煉奶食，實在無得頂！最後，想推介一味紫心番薯浸莧菜，上枱第一件事就飲下啖湯，嘩，味道相當清甜，清湯裡d紫心番薯🍠夠林夠入味，值得推薦。價錢算公道，而且餐廳內裝修不錯，同親友共聚唔錯。…查看更多

一人中午速食，眼見店內人客不多，未算迫爆，故選了這間餐廳。甫入店內，午餐選擇不多，只有6-8款午餐set可供選擇，最後點了午餐D——麵鼓雞扒番茄湯烏冬；期間我一直忙覆電郵，過了20分鐘，竟然還沒送上午餐，離譜的是桌上的茶杯仍是空的，店員又沒加茶。我催促店員跟進食物，卻被反問能否等多5分鐘，我選擇等，結果等了9分鐘食物才送到餐桌。食品質素ok，雞扒炸得脆，咬落多汁，最緊要是夠熱（等咗咁耐唔熱就弊）；惟烏冬略嫌太「林」，有點失望。…查看更多

家人想食上海嘢，結果選了這間外觀裝潢不錯的食店。雖然已過9pm，但店內依然接近爆滿，好在仍有幾個卡位任我們選座。因太夜故未有柯打太多食物，只叫了上海粗炒、蒸銀絲卷及砂鍋雲吞雞。先講上海粗炒，色澤不俗，店員送到餐枱已聞到濃厚香味，可能是肚餓關係，特別覺得好吃，好快就KO晒成碟。呢碟粗炒，麵條唔太韌唔太「林」；味道也不太咸，兩個字講晒：好味跟住點評下蒸銀絲卷，呢一味主要是叫給同行的小朋友食，結果小朋友連食兩個，筆者只食了1/3件⋯⋯銀絲卷蒸得好透，能夠逐條逐條撕出來點煉奶食，值得推薦最後登場，是全晚個人覺得最正的一味餸——砂鍋雲吞雞﹗呢煲湯熱辣辣充滿濃郁雞味，湯入面半隻雞浸得唔算太「林」，邊飲湯邊嘆雞肉；至於雲吞，亦大大粒，配合雞湯，夠晒juicy，大滿足…查看更多

選了Uluru cuisine 與情人慶祝周年紀念日，這是樓上舖，雖然離地鐵站有段距離，但餐室鄰近環境清靜，很適合晚飯聊天。甫就座，我先點了杯飲品——Uluru gin tonic，值得一提是飲品內有些黑胡椒，偶爾透過飲管食到黑胡椒，會嚐到微辣感覺，但個人認為餐前咬返幾粒清一清味蕾，不失為好選擇。Set dinner 我點了香煎安格斯牛肉眼扒配紅酒汁，牛選了5成熟，肉汁夠；配菜薯仔硬度剛好，另外點了一個跟餐沙律，材料新鮮，整體都很滿意。題外話，侍應同經理服務得好好，有求必應，加分！…查看更多

早前與友人慶生，結果選了位於銅鑼灣的「滿屋」。入坐已接近9pm，肚餓下一埋枱便在自助吧夾了蟹子蟹柳作前菜。由於天氣稍為炎熱，當晚主力點選冷食料理。Menu設計得很好，分門別類，結果我點了甘蝦松葉蟹膏手卷、山葵八爪魚軍艦、三文魚子甜蝦軍艦、黑松露櫻花魷魚軍艦。3款味道不俗，之後再點了壽司類，包括黑松露赤蝦壽司丶鵝肝伴帶子壽司丶海膽伴拖羅蓉壽司。整體賣相、新鮮度與味道皆不錯。較深刻的一款是冰鎮鮑片，食物相當鮮甜，更encore 了5碟⋯⋯食食下看到隔離枱傳來雞翼香味，結果也點了少量芝麻雞翼，雞翼炸得香口好味。甜品方面，顧客有雪榚一杯供選擇，我選了榴槤味雪榚，一個字正！…查看更多

約朋友去銅鑼灣睇戲前食個晚飯，經開炊豕店又未有人排隊，就拿拿臨入去食個快飯。本身好想食呢度最出名嘅豬扒飯，但朋友點了蔥油豬扒飯，我唔想同佢點同一款，因為想大家share 試下，所以我點了肉燥滷蛋撈幼麵（我忘了影相）。先講我點嘅肉燥滷蛋撈幼麵，好多肉燥又多汁，幼麵份量好多，撈勻食，好好味，滷蛋味道不算突出，但我推介鍾意食肉燥嘅朋友要試下呢間肉燥麵。蔥油豬扒飯：我朋友點，我只食咗一舊豬扒，依然厚身，不鞋口，有肉汁！另外蔥油頗多。我朋友覺得好正，好好撈飯。…查看更多

約朋友去銅鑼灣睇戲前食個晚飯，經開炊豕店又未有人排隊，就拿拿臨入去食個快飯。本身好想食呢度最出名嘅豬扒飯，但朋友點了蔥油豬扒飯，我唔想同佢點同一款，因為想大家share 試下，所以我點了肉燥滷蛋撈幼麵（我忘了影相）。先講我點嘅肉燥滷蛋撈幼麵，好多肉燥又多汁，幼麵份量好多，撈勻食，好好味，滷蛋味道不算突出，但我推介鍾意食肉燥嘅朋友要試下呢間肉燥麵。蔥油豬扒飯：我朋友點，我只食咗一舊豬扒，依然厚身，不鞋口，有肉汁！另外蔥油頗多。我朋友覺得好正，好好撈飯。…查看更多

A-1 bakery 尖東站昨晚趁住初七人日，放工經過尖東站，特意走到A-1 揀個小蛋糕和家人慶祝人日，好讓小朋友吹下蠟燭，開心下。A-1 蛋糕櫃內還剩下大約7-8個蛋糕，細蛋糕有限定的沖繩紫薯蛋糕，雜果蛋糕，其餘是較大的蛋糕。結果我揀咗紫薯蛋糕，貪其紫色是家人喜愛的顏色，而且細細個11cm, 每人食幾啖都足夠。回家飯後就切蛋糕，甫打開蛋糕盒，小朋友看見蛋糕即時興奮大叫。點蠟燭許下新年願望後，立即切蛋糕食，紫薯味濃郁，不太甜，而且蛋糕輕盈，最愛奶油甜而不膩，最啱怕肥嘅女士。蛋糕面還有一些甜甜的豆，蛋糕內亦加有合桃，增加口感。確是適合小家庭品嚐。…查看更多

明華食堂在鴨脷洲大街開鋪了不夠一年, 地點就腳, 就在利東站地鐵站口不遠處, 我曾經光顧兩次買炸蕃薯條, 好好味。另外上個月亦光顧買兩餸飯回家吃, 上次點了鎮江骨+魚香茄子, 兩款餸都味道濃, 很適合撈飯吃。鎮江骨更是我推介, 希望下次可以再買到。今次我同樣買了兩餸飯($38), 點了香草茄醬肉丸及沙茶醬椰菜炒肉絲, 另外加三隻滷水雞翼($16), 驚喜的是茄醬肉丸包含了很多新鮮蕃茄, 減少油膩感, 亦健康一點。肉丸像是IKXA吃到的肉丸。另外沙茶醬椰菜炒肉絲都幾好味, 椰菜份量頗多, 沙茶醬不太咸, 可以撈飯吃。…查看更多

午膳時間，同同事去香港仔「福緣」食開年飯，可能我哋比較晏到達，接近2點才坐低，所以唔算多顧客，一去到就有座位。本人以前住香港仔，特別喜歡「福緣」，食物有保證，而且店名亦有意思！「福緣」幾年前轉了老闆，之後就少了光顧，因為價錢比之前貴了四份一，光顧的慾望降低了。今次難得有同事提起「福緣」，就去再試試。點了魚生飯併細碗烏冬，魚生依舊新鮮，而且肥美，輕輕點了豉油wasabi，就能帶出鮮味，不錯！烏冬份量不多，彈牙，湯底香，幾啖食完了。已約同事下次再光顧。…查看更多