anthcyh的個人專頁

星期六去食下午茶，成間餐廳得一個侍應。落單之後等咗15分鐘，侍應先至行過嚟同我講個肥牛已經賣晒，跟住就咁問咗句：「轉豬肉片可以嗎？」等侍應送餐，前後已經成半個鐘。個飯到咗枱面真係呆咗——所謂嘅「豬肉片」，原來係五、六塊手指公長度嘅肉片，肉片掛芡汁撈埋底下啲白飯，食完成個感覺都係空虛。我食吉野家又或者街邊茶餐廳都好過佢。就連個鳳爪沙律，明明唔使煮，都一樣要等足半個鐘先送到，個飯都已經食完，唔知係咪廚房得一個人，定係張單飛咗去第二度。等又等得耐，食又食得唔滿足，以後都係唔好嘥時間再嚟。…查看更多

食晚飯，見到會員有迎新優惠85折，就入咗會。老婆今個月生日，除咗迎新優惠之外，仲有食$600減$300嘅現金券。見到呢個更加着數嘅優惠，眼前一亮，就問店員可唔可以用呢個減$300嘅優惠券。佢話85折同埋減$300係二選一，冇得同時使用。聽到佢咁講，咁冇問題啦！我地就叫多啲嘢食，諗住用減$300嘅優惠券。點知，埋單嘅時候，有個似老細/經理嘅人走過來，佢話店員唔識嘢，又死都話一定要用咗85折迎新優惠先。（因為85折佢可以收貴啲。）其實，優惠券上邊根本冇寫到要用85折迎新優惠先。優惠券喺我手上，我當然有權選擇用邊一張，不過當然有嗰一句「餐廳保留最終決定權」。好囉，俾你贏囉，張單最後比貴咗$170。😡😡😡😡…查看更多