Mokumoku Yakiton (永光商業大廈)

食晚飯，見到會員有迎新優惠85折，就入咗會。

老婆今個月生日，除咗迎新優惠之外，仲有食$600減$300嘅現金券。

見到呢個更加着數嘅優惠，眼前一亮，就問店員可唔可以用呢個減$300嘅優惠券。佢話85折同埋減$300係二選一，冇得同時使用。聽到佢咁講，咁冇問題啦！我地就叫多啲嘢食，諗住用減$300嘅優惠券。

點知，埋單嘅時候，有個似老細/經理嘅人走過來，佢話店員唔識嘢，又死都話一定要用咗85折迎新優惠先。（因為85折佢可以收貴啲。）

其實，優惠券上邊根本冇寫到要用85折迎新優惠先。優惠券喺我手上，我當然有權選擇用邊一張，不過當然有嗰一句「餐廳保留最終決定權」。

好囉，俾你贏囉，張單最後比貴咗$170。

😡😡😡😡