JeffTCN's Profile

今日放工同女友去左啟德零售館打保齡球，然後去左附近鐵牛食晚飯。上一次食鐵牛已經係四年前，以前只賣牛肉麵、原來依家鐵牛連涮涮鍋都有，仲有經典台式小食，應有盡有🤩裝潢方面，啟德分店幾大間，燈光非常充足，粉紅色主調令餐廳變得打卡able🥰- 鐵牛手沖涮涮牛肉麵牛肉級數明顯高一個層次，油脂分布好靚，肉質非常稔身。湯頭好重牛肉味，仲有一陣好香嘅藥材味，麵條煙煙韌韌，非常吸湯😋- 鐵牛臭臭鍋話就話一人火鍋，食材非常豐富，包括安格斯牛肉、臭豆腐、鴨血、大腸、芋頭貢丸、蜂巢豆腐、響鈴、蔬菜等等。湯底好濃郁，滲透陣陣「臭味」，食材吸曬臭臭鍋精華，微辣相當惹味。白飯上面舖滿大量紫菜，非常滿足🥰- 木魚炸豆腐炸豆腐超級好食，豆腐外表炸得金黃香脆，入面仍然濕潤，口感同臭豆腐差唔多，加埋木魚同甜酸醬直頭💯- 鹽酥雞拼夜市小香腸前者外脆內嫩，調味啱啱好。後者非常juicy，味道香甜，夾埋生蒜片仲有少少辛辣味。餐廳仲有提供台式飲品，選擇頗多，我地叫鴨屎香狂打檸檬茶同珍珠奶茶，味道同比出面飲品店有過之而無不及👍🏻雖然鐵牛以牛肉麵出名，但以上其他菜式都好好味，證明鐵牛已經從一間牛肉麵專門店轉型到全面台式餐廳👍🏻…Read More

之前返大陸試過Richkat貓員外，原來已經係香港開到第四間，餐廳位於大廈頂樓，室外面積好大，坐吧枱既客人可以遠眺銅鑼灣美麗夜景，不過今次我坐喺梳化，坐得都好舒服。餐廳既draft beer最出名，而我係餐單上面見到幾款「中西合璧」既菜式。比起draft beer，我更期待香辣油封鴨肉意粉、雲貴川臘腸薄餅😻- 爆炸薯仔炸薯仔粒外脆內軟，灑上辣椒粉同花生粒更多惹味。旁邊臘肉腸令整體味道口感更豐富，送酒一流。- 香辣油封鴨肉意粉溫馨提示意粉超級辣，而且越食越辣。鴨肉分量好大，味道鹹香十足。- 雲貴川臘腸薄餅薄餅底外脆內煙韌，上面舖滿臘腸同青椒、味道完全係四川風味，辣得過癮🥵飲品方面，餐廳提供多款craft beer，仲有tasting set可以試曬六款味道。我地試左兩款，味道都啱我地口味🥰，下次再試唔同款式！…Read More

女友公司附近開左一間食雞白湯既拉麵店，餐單只有三款拉麵，亦有提供餃子。入面掛咗好多貓貓嘅相😍，整體環境乾淨，座位唔算多，大約10個左右。客人可以選擇黃麵或白麵。前者口感更煙韌彈牙，波浪型既賣相令麵條更有口感。後者比較爽口，各有特色。- 瑪瑙瑙麵雞白湯用左11小時熬製而成，見到師傅用攪拌器打發雞白湯，拉麵湯底額外有一層泡沫，質感更加厚身，湯底非常出色，叉燒肥瘦適中幾惹味。慢煮雞胸肉質仲嫩滑過叉燒，非常juicy完全唔柴👍🏻- 黑蒜雞白湯拉麵雞白湯加咗黑蒜之後香氣撲鼻，但唔會蓋過雞白湯既味道，相輔相成👍🏻。對我地嚟講，溏心蛋係拉麵最佳拍檔😍，餐廳既溏心蛋煮得恰到好處，呈半熟狀態，味道偏甜，蛋黃味亦好濃郁。相信之後一個月都會光顧一至兩次，雞白湯實在太出色😍…Read More

對上一次食滾得囍已經係六、七年前，當時覺得宮廷裝潢風格好靚，連餐具都好有中國元素，整體食材新鮮不過唔算好抵，最近從朋友口中得知滾得囍下午有一人火鍋，價錢親民得多。餐廳一共有三款一人火鍋，包括瓏、御、鼎。- 御御係最貴既一人火鍋，主菜係A5黑毛和牛，色澤均勻，入口即化。其他配料包括手打黑松露惹菌鮮蝦丸、紫皇蟹粉豚肉餃、日式廣島蠔、豆腐、唐生菜同烏冬。廣島蠔好肥美飽滿，鮮蝦丸黑松露味好香🥰- 鼎主菜由牛肉變左伊比利亞橡果豬肉，今次配料有手打紫薯留心豬肉丸同芋泥豬肉餃，材料一樣新鮮。湯底可以五選一，我試左康𤋮花膠雞湯鍋，湯底好濃，花膠同雞件有一定分量。朋友就試左順治特式卜卜蜆鍋，入面好多蜆肉，湯底完全吸收曬海鮮精華，味道非常鮮甜👍🏻餐廳仲有麻雀枱，相信係全港唯一可以打麻雀既餐廳🤩…Read More

講起銅鑼灣西班牙菜，Casamigos絕對佔一席位。菜式種類非常多，甚至有好多中西合璧嘅配搭。室內座位唔算多，但氣氛幾好👍🏻- 北海道帶子刺身帶子新鮮肥美，同柚子醋既配搭好完美，不過麻油味道好搶，個人認為有少少蓋過帶子鮮子鮮味。但無可否認擺盤同配搭係💯- 炭燒西班牙伊比利亞無骨黑毛豬肋條配香脆薯餅黑毛豬炭燒味道香濃，油脂咇晒出黎，下面既薯餅好乾身食落唔油膩，外脆內鬆😋- 川式麻辣忌廉鮮蜆手工闊條麵手工闊條麵真係好Al Dante，彈牙之外有嚼勁，醬汁非常creamy，食落麻辣味就會滲透出嚟，越難越過癮😍。蜆好飽滿大粒，肉質鮮甜。- 燒白鱔西班牙海鮮飯海鮮飯焦香粒粒分明，味道有帶少少鹹香，燒白鱔好香口，油脂滲透落飯焦到，非常惹味，份量亦啱啱好。- 紅絲絨西班牙油條配士多啤梨朱古力醬油條好脆身，上面灑滿砂糖，加埋朱古力醬真係好邪惡😍- Red Sangria 食西班牙菜我一定要叫Red Sangria，入面水果種類幾多，味道豐富，飲落清新，剛中帶柔😋所有菜式非常唔錯，下次叫多啲人一齊食，咁就可以試更多菜式🔥…Read More

原來有間正宗麻辣燙一直係我公司附近，餐廳位於Eastmark，面積唔大，但裝潢設計充滿七八十年代香港懷舊氣息。餐廳採用自助模式，客人用一個大竹籃夾曬自己想食既食材。雪櫃放滿唔同種類既材料，包括肉類、魚蛋、海鮮、粉麵、蔬菜，一共有九十款。價錢由重量決定，如果客人估中價錢就會免單，我估左$75，結果係$77🥲，答案同最終價錢相差正負$1都會全碗免費。餐廳有四款招牌湯底，包括牛骨、藤椒、蕃茄同菇菇湯底。我地今次試左牛骨（少辣）同菌菇湯底。牛骨湯底好好飲，牛味香濃好鐘意🥰- 爆打港男檸檬茶過程中見到職員好用力咁爆打檸檬茶，檸檬既精華完完全全榨乾，鴨屎香茶底味道濃郁👍🏻整體而言，價錢唔算貴，食材都幾新鮮，估價錢既部份最印象深刻😂…Read More

自己一直係吃茶三千嘅fans，每個星期至少飲一杯🥰，因為佢哋個茶底真係好好飲，吃茶三千喺香港唯一有現萃茶的機器。最近吃茶三千喺啟德開咗分店，雖然由我公司行去啟德分店需要二十分鐘，但無阻我要飲到吃茶三千嘅決心。吃茶三千近排推出金鑽鳳梨系列，總共有三杯。我試咗鳳來厚奶。估唔到奶茶同鳳梨味道幾夾，本身皇家厚奶己經奶味濃厚，加埋慕斯令層次更豐富，然後就食到啖啖鳳梨果肉，絕對係一加一大過二😋我朋友叫咗寶島經典水果茶，茶底飲落好清爽，甜度適中，入面有好多生果包括百香果同蘋果等等，難怪係吃茶三千其中一款signature嘅飲品👍🏻吃茶三千嘅外賣杯設計好靚，以復活節為主題😍適逢五一黃金周，吃茶三千3/5-17/5有多項活動。職員同我講follow 左社交平台既顧客可享全單8折優惠，但每店每日只限40人。另外係活動期間點讚、留言及分享並標記吃茶三千貼文到個人社交平台，都有$10現金券！…Read More

聽餐廳名就知道係中菜廳，一入門口見到酒吧，酒吧counter係一個聚寶盆造型，非常吸睛。餐廳面積非常大，今日係平日但差唔多座無虛席。- 豔影帶子厚多士比起蝦多士，我更喜歡帶子多士，多士香口脆身，帶子煎得恰到好處，- 公子牛肋排估唔到有咁西式既菜式，牛肋排超級大份，肉質軟嫩多汁，牛味突出。醬汁偏甜，食極都唔覺得膩。餐廳幫客人切開一件件，非常貼心。- 豔影蝦球炸蝦球差唔多有我拳頭咁大，入面蝦球好大粒，肉質鮮甜，配上酸酸甜甜既香芒醬非常惹味，開胃但唔油膩。- 鮮腐竹蕃茄浸菜苗呢道菜完美中和以上三道菜式，味道清清淡淡。腐竹索曬湯汁好好味，番茄同菜苗好香甜。雖然張公子係中菜廳，但佢哋都有唔少西式菜式，西式菜式味道同中菜一樣咁好味👍🏻…Read More

今日同女友去葵廣掃街兼購物，掃街之前當然要食正餐。葵廣商場後面尤其系仁芳街有好多卧虎藏龍，稻田食堂絕對係其中一間。餐廳有好多款便當，壽司刺身都應有盡有。裝修充滿日式食堂既感覺，傢俬全部係木製，另外用QR落單非常方便。- 炙燒左口魚裙邊壽司灸燒後魚油出晒黎，味道更甘香濃郁，入口即溶🙇🏻‍♂️- 吹波漲漲第一次見到壽司磋成波既形狀，非常得意😍。其實呢款壽司係日本女兒節既傳統料理，一共有六款味道，包括三文魚籽、海膽、蟹膏蟹柳、黑松露吞拿魚、櫻花魚鬆三文魚同帶子，以上材料都好新鮮👍🏻- 秋田便當便當非常豐富，有咖哩飯、脆香吉列雞扒、豬軟骨、螺肉同三款刺身。咖哩質感濃稠順滑，味道微甜帶少少辣，完美掛住每粒米飯。吉列豬扒外皮酥脆、入面鮮嫩多汁。豬軟骨煮得超稔好入味😍。刺身三點有三文魚、帶子同甜蝦，擺盤精緻，味道都唔錯。總結而言，便當份量比我想像中多，性價比非常高。…Read More

銅鑼灣世貿旁邊有一座比較新既大廈叫Tower 535，今日俾我發現呢間couch club，面積幾大，裝潢充滿日式家居風格，入面大部份傢俬都係木製。落地玻璃令中午陽光照射係傢俬，令人有少少懶洋既感覺，非常寫意舒適。餐廳可以俾客人選擇便堂食材，選擇頗多，主食有四款，包括米、烏冬、沙律同蕎麥面。肉食更加有六款，我同女友各自叫左一份便當🍱- 木魚湯鳥冬、椒鹽玉子豆腐、溏心蛋、手打雞肉餅配牛油香蒜日式菇汁、味噌比目魚玉子豆腐外脆內軟，調味啱啱好，比目魚配上味噌非常惹味，手打雞肉餅入面有香菇，口感幾豐富，食埋烏冬同溏心蛋非常滿足🥰- 紫蘇醬油醋蕎麥面、薯仔沙律、明太子日式蛋卷、唐揚炸雞配自家製他他醬、日式洋蔥炒牛肉蛋卷好香甜，炒牛肉份量比想像中多，味道香濃，炸雞大件肉質juicy，蕎麥面既紫蘇味道太強烈，有少少招架不住😂- 唐揚炸雞楓糖漿班戟炸雞大小幾乎係班戟既一倍，外皮香脆，入面肉質嫩滑。班戟一共有兩塊，口感厚實，上面仲有流心班尼迪蛋，一齊食啱啱好唔會話太乾身👍🏻- 接骨木花濃縮咖啡湯力咖啡湯力好清爽，而且散發出淡淡接骨木花既花香，令味道更上一層樓🔝餐廳係pet friendly，今日見到好多隻得意既寵物🥰…Read More

返工必經之路會經過Jollibean，睇返IG介紹，原來Jollibean 豆乳原材料係用左A級加拿大黃豆，每日石磨鮮製👍🏻- 好立克豆乳Jollibean供應三款熱豆乳，包括好立克豆乳、即磨咖啡豆乳同微甜濃豆乳，今次試左好立克豆乳，口感順滑，豆味濃郁，果然係每日豆乳新鮮製造，好立克味道唔會太甜。- 樽裝可可豆乳豆乳嘅豆味一樣咁濃味，同時間朱古力味都好突出，味道非常平衡。- 爆餡芋泥吐司芋泥質感綿密，一咬落去芋泥就爆餡，入面仲有肉鬆，一甜一鹹既配搭好好味。唯一可惜係吐司口感有少少硬，因為外賣拎返屋企用左20分鐘，即場食應該100分😋- 三色芋圓西米露芋㘣煙韌帶少少甜度，入面好多粒食極都有。西米露晶瑩剔透，整體味道香甜爽口。有別於傳統豆漿店，Jollibean既豆漿同食物賣相好吸引，係美味同健康取得平衡。明白點解Jollibean可以突出重圍，吸引年輕一代，每次經過都係年青OL排隊🤣…Read More

每次經過澳南海岸都會發現新既餐廳，今日見到ground Floor開左一間蘭州牛肉麵。餐廳入面座位都幾多，而且可以見到師傅拉麵條既過程。- 喜牛牛肉麵餐廳非常仔細，連麵條都有八種粗幼度選擇。湯底清甜唔油膩。牛肉方面用左牛腱部位，牛肉切得幾薄，入口好稔，牛味香濃。- 蕃茄牛肉刀削麵刀削麵係即叫即製，睇得出唔係用機器整，口感煙韌。蕃茄酸甜程度適中，- 鹽焗雞味道鹹香，而且剝曬骨食落好方便。不過肉質唔算好嫩滑。- 蒜香豆角豆角好爽甜，不過我覺得蒜味可以再香濃啲🤔我認為麵食無可挑剔，價錢以香港物價算抵食。值得一提係餐廳可以免費續麵，啱曬食量大既我🤩…Read More

海悠喺熟食中心入面有好多個舖位，喺觀塘返工嘅朋友經常大大力推介海悠，不過我返工地點喺九龍灣，所以平日唔會去到觀塘咁遠食午飯，唯有今日星期六去。餐廳用電話落單，上菜速度都好快👍🏻- 黑松露滑蛋炒蝦仁滑蛋好𡟹滑，上面灑滿黑松露粉，另外蝦仁數量超級多，送飯一流。- 秘製蟹黃醬海皇炒飯炒飯非常乾身，本身炒飯已經有有一陣蟹黃香味，廚師仲落多一羹蟹黃醬喺炒飯上面，整體味道更濃郁。裏面仲有魷魚同蝦，材料非常豐富。- 蟹黃醬蝦仁炒福花又係好多蝦仁同好多蟹黃醬😍，福花食落同椰菜花差唔多，口感爽脆。海悠嘅蒸海鮮好鬼抵食，估唔到瀨尿蝦可以咁大隻，有我手掌咁大，肉質好鮮甜👍🏻- 蒜蓉粉絲蒸龍蝦肉質新鮮彈牙，而且好大隻。不過略嫌碟下面嘅豉油太多，粉絲浸得太耐味道有少少鹹😂海悠嘅海鮮真係好抵食，炒飯係我食過最乾身同最濃郁，即係山楂價錢但做到燒鵝味道🙇🏻‍♂️。下次要試海悠另一個招牌菜炸子雞！…Read More

水門雞飯係觀塘開左分店，終於有分店開係我屋企近少少🥹。今日買外賣返屋企食，發現外賣質素唔差。餐廳設有外賣專區，非常方便。- 脆炸香茅雞翼放到屋企用左20分鐘，雞翼仍然好香脆，每一隻炸到金黃色，香茅味道好突出。追加小食只係叫$20，一共有4隻。- 水門雙拼雞飯餐廳用既白身走地雞脂肪比較少，肉質非常嫩滑，好有雞味，無骨最啱唔鐘意lur骨既我。同埋一定要點祕製雞汁，酸酸甜甜好好食。雙拼另一主角係炸雞，雞件炸得恰到好處，仍然juicy。雞飯粒粒分明，香但唔知油膩。雞飯仲會附送雞湯，每次都會飲到一滴不留👍🏻- A5和牛泰式船麵麵底有五款咁多，我揀左蛋麵，掛湯能力一流，和牛有三大片，味道好出色，油脂甘香。湯底好濃味但唔會太甜。外賣既話，餐廳會將湯底分開👍🏻- 泰式炒通菜通菜脆嫩，可以揀少油少鹽證明即叫即炒，- 泰式奶茶奶茶唔錯，最緊要夠甜🤣食物水準一如以往地高，即使唔同分店，雞飯依然係香港第一🙇🏻‍♂️…Read More

麗晶商場距離我公司大約5分鐘路程，五日有三日都會去麗晶商場食飯，今日試咗呢間新開泰國餐廳，環境好乾淨。- 泰式雞肉炒金邊粉金邊粉炒得幾乾身，口感彈牙，雞肉嫩滑，撈埋花生粉同辣椒碎之後味道非常豐富。- 香葉肉碎蛋飯肉碎比較瘦，份量好多，一定要將流心蛋黃篤穿再撈埋肉碎一齊食😍，不過略嫌唔夠香辣。- 冬陰功海鮮湯鍋好有泰國氣息，一直點火令冬陰功保持暖笠笠。入面海鮮有蝦同青口，味道好濃郁，酸辣平衡。- 馬拉盞炒通菜份量好多，馬拉盞味道好香，整體味道唔會過鹹。呢個舖位短短六年已經轉咗三次手，泰之味係我認為最好食嘅一間，希望可以長做長有！…Read More