Cassie5687的個人專頁

在尖沙咀吃了這家日料，食物新鮮環境不錯又不貴噢，重點是活龍蝦刺身新鮮到蝦頭還會動的，推薦推薦！而且每款食物不貴，尖沙咀區來說真的是抵吃！而餐廳很有在日本的感覺，店員服務態度好、會跟客人說笑，有種輕鬆、舒服的氣氛，下次絕對會介紹朋友幫襯！…查看更多

琴晚放工同朋友喺屋企附近搵食，諗起好想食串燒，搵到一間係街角既鋪唔該頭—串門子。地方不大，但已經坐滿人，感覺溫馨，而且有街坊的味道。～～～～～～～～～～～～～～～～～～～罐裝椰汁呢個係內地經常飲嘅，估唔到呢度有得飲。充滿我哋風味，襯串燒都幾夾😜惹味蒜蓉燒茄子賣相一流，而且充滿辣粉同香料，燒茄子係食串燒必食嘅，佢哋都整得唔錯、好入味。最怕係有時茄子燒得唔夠熟，就會連住啲平呢個係燒得啱啱好可以完全夾所有茄肉，味道夾得啱啱好係唔錯嘅選擇！串燒雞全翼賣相係笑得乾身嘅，但食落肉質唔會鞋，而且帶少少肉汁、雞肉相當嫩滑。對比起其他串燒店，我覺得未揀嘅燒雞翼係有水準既！燒牛肉串食落有牛味、唔算太乾身。蒜蓉汁燒花甲蒜蓉控絕對啱食，夠晒多汁、花甲份量ok。不過花甲比較細隻辣酒東風螺感覺唔係充滿臘汁嘅花螺，而係炒得比較乾身嘅，不過值得一讚就係花螺非常大粒，而且煮得好惹，正！重慶酸辣米線/薯粉絕對係大大碗，好足料㗎，配埋串燒一齊食，好有大陸風味，滿足哂😝…查看更多

同朋友經過何文田勝利道，剛好肚餓想搵間餐廳醫肚，轉角位見到呢間樓上中菜館，即管去試下。餐廳環境好舒適，我地揀左任食火鍋。每位$298，首先可選兩款相拼湯底：椰子雞湯同酸菜魚湯底。可以一次過試齊兩款口味👍🏻接著會有牛肉、豚肉羊肉拼盤，我地最喜愛食牛，佢首先會送尼幾款牛肉：M4和牛牛肩胛、美國Prime牛板腱、美國Prime封門柳、美國安格斯肥牛同牛舌。M4和牛牛肩胛超好食，好有牛味、有咬口但唔會韌，食左幾盤☺️侍應遞上一碟鮮雞件，成半隻咁多！有鮮味，新鮮的，岩哂我鐘意食雞！再來就係送尼拼盤：有廣島蠔，超大隻既，而且好鮮味必定encore的。另有鯇魚片、羅白、准山、餃子。餐廳配搭既拼盤材料同湯底好夾，我見湯底係酸菜湯，不停落鯇魚片落去食，自製酸菜魚正！差唔多飽喇，出面bar仲有涼菜小食同無限量供應既雪條、雪糕，作為飯後甜品，滿足！特別一提，呢間餐廳侍應服務態度不錯，閒時仲會同食客傾兩句，整體都係一間有人情味既餐館，食飯過程都好舒服！…查看更多

一向好鍾意食立鮨，今日同朋友行街經過路德圍估唔到開咗間新分店，咁啱想食壽司，一於走入去試吓。呢間荃灣分店竟然一改之前立食風格，竟然擺放一堆吧櫈，今次終於唔使罰企咁食啦😆😆我同朋友首先每人叫左一碗燒蝦頭麵豉湯，蝦頭係即燒既，好香、配合麵豉湯味道即更上一層，而且整個蝦頭好大隻，可以食埋，超鮮味😋再來係迷你三文魚子海膽杯，呢度既三文魚子暫時係香港食過最好食既，粒粒脹卜卜、好大粒，應該加左柚子皮，食落完全唔腥，超鮮味，再配上海膽味道好夾，正接著落尼就係壽司：帶子壽司、原隻活赤貝壽司、北海道活象拔蚌壽司、粒貝壽司、三文魚壽司、海膽軍艦深海池魚壽司同真鯛壽司。我覺得最好食係帶子壽司，師傅一啲都唔孤寒，切到厚厚咁、又新鮮，的確正！接著原隻活赤貝壽司都食得出好鮮甜既，而且好大塊既赤貝肉，一件食完非常滿足。而其他壽司都一樣新鮮既，令我喜出望外😜我最欣賞嘅佢連醋飯都整得有質素，粒粒圓潤飽滿而且仲暖暖地既。冷烏冬，口感爽滑彈牙，唔錯最後師傅推薦多兩款壽司：螢光魷魚軍艦同炙燒拖羅。拖羅絕對係一是難忘嘅，以脆脆既紫菜包住拖羅，食落滿口充滿油份魚香，令成餐壽司加添點綴，食完呢個終於完滿了，對於鐘意食拖羅既人係極度推薦！！…查看更多

終於到左可以食晚市既時候，真係好耐無同fd出街食飯啦！經過太古城，來試吓呢間新野，！上餐啦！相機食先，因為真係好靚哦！首先order既飲品唔錯，叫左個抹茶鮮奶，只看賣相已加分，面頭有少少抹茶粉，成杯嘢飲色澤好靚，飲落味道十分濃郁，抹茶味超濃，奶味好香不過甜味如果多返少少會更加正。仲有佢地既招牌特飲，焦糖脆脆鮮奶咖啡，真心好飲，奶蓋沖得夠濃厚，而且加左焦糖脆脆，有啲咬，成件事幾夾。主菜就叫左墨汁海鮮意粉，熱辣辣，食落有鮮味好好食。最後食埋甜品第一個係戚風蛋糕，蝶底淋上焦糖醬，真係同個蛋糕好夾。Tiramisu pancakes, 一共仲有有三塊，加上Tiramisu餅，兩個人食完全無問題呀！滑滑既pancake,食落好滑有蛋味，我地都覺得唔太甜，的確好滿足！…查看更多

今日行街經過海港城順便搵間餐廳食飯，經過呢間塚田農場，位於尖沙咀海港城盡頭，絕對係靚景配美食，所以心思思想試吓。由於晏晝時段，仲有比較多位置淨，店員帶左我地坐靠近海邊嘅窗口位。餐廳仲可以揀坐戶外既，飽覽整個維港景色，對住咁靚既景食野真係心曠神怡🥰🥰由於今日天氣較凍，我哋都係揀返室內，一樣無遮擋的🤩我同朋友叫咗兩個午餐分係美人框飯定食同雞白湯辣味噌拉麵。首先我嘅美人框飯套餐揀左牛肉時雨煮框飯即係牛蒡牛肉飯，用竹筒盛載住，米飯係好食既、粒粒分明，而且牛蒡牛肉嘅配搭煮得好好，香味完全滲透係飯粒之中，唔錯！套餐仲配有另一個框飯、沙律、麵豉湯同燒豚肉排。我就揀左三文魚子蟹肉飯，呢個飯都係熱食既，雖然細細碗但相當多蟹肉，食落有鮮味，一個套餐包咁多嘢食真抵食！雞白湯辣味噌拉麵，個賣相絕對豐富，落左超多白蔥，碗內有一整隻雞腿，米白色湯底味道非常濃郁，面條亦掛上濃濃湯汁，配上蔥白亦沒有搶走湯味，唯獨面質較淋身，不過都收貨既。…查看更多

呢兩個星期無咗六點後堂食，收工之後我去咗呢間壽司店買外賣，今次係第二次幫襯，希望質素依然唔錯。壽司店嘅位置係工商業大廈裏面，位置都比較入，但就食咗好抵食，好多壽司或者拉麵餐都係幾十蚊而且份量好足。今次叫咗壽司烏冬餐，包埋罐汽水$88，加$20有多兩件花之戀壽司，抵食！個湯烏冬係手打烏冬，拎到返屋企食都唔會太林，而且烏冬質地唔錯，比較幼細，絕對唔係用普通貨。而壽司都幾大件仲有成五件，包括三文魚、油金魚、北寄貝、蟹子壽司，絕對食落新鮮既！另外花之戀壽司另加$20有兩件真係超抵！甜蝦刺身$58五隻，唔算大隻但絕對係新鮮同鮮甜，必食！散叫壽司：油甘魚、三文魚子壽司同帶子壽司，食落都保持到新鮮，而且每件都大大件咁。最正係三文魚子壽司，魚子粒粒都咁大粒，好正！呢餐叫咁多野食都唔洗$300，絕對可以成日幫襯啦！…查看更多

尖東新開左間手卷店，咁岩行過見到好似幾吸引咁，好想食新鮮即整既手卷，於是去試試。望個牌度有好多款手卷，我叫左兩個最愛既海膽手卷同一份三文魚子小食。海膽手卷好快就整好，海膽份量絕對係豐富既，而且壽司飯用左靚既醋飯，粒粒色澤鮮明。食落海膽好新鮮，一啲都唔腥，而且醋飯絕對有誠意的，即使唔洗落好多鼓油都食出鮮甜味、令整個手卷味道更上一層，一次過食左兩個手卷！三文魚子是我的最愛，滿滿的，加落手卷度食好正！ …查看更多

同朋友路經樂富，搵左間台式餐廳食-茶木。古早紅燒牛肉拌麵好似成個set咁，有麻辣鴨血加腐皮卷、紅燒牛肉、麻辣拌麵伴半隻糖心蛋。份量好多，我同朋友可一齊食同一份麵，麵質彈牙、食落惹味；而牛肉炆得好林同入味，唔錯！紅燒牛頰肉面啲湯汁同樣香濃入味，同剛才拌麵既牛肉係一樣既，但就湯麵尼，熱辣辣、暖胃啲，正！青蘋果味嘅蜜糖磚塊，新奇有趣，口感清新，顏色都好靚。再配埋一杯脆脆黑糖瀑布珍珠奶茶，已經10分滿足啦，奶茶杯外有少少脆脆，10分好食，一杯奶茶滿足我三個願望。…查看更多

琴晚同男朋友去荃灣行街想食台灣野，經過荃新天地唸起有間茶木，過去睇睇裝修得幾靚於是去左食。今次點左古早紅燒牛肉伴麵，裏面有麻辣鴨血加腐皮卷、紅燒牛肉夢白、半隻糖心蛋同麻辣拌麵。好足料嘅份量，而且所有野好夾，麵條既粗幼度岩哂我，食落好煙銀、辣辣地。而且牛筋腩韌度剛好、吸哂湯汁，配夢卜食一樣好味😋紅燒牛頰肉面，呢個一向食開既。湯汁好香濃，一樣配上牛筋腩肉，而麵條則相對粗身，如果同剛才拌麵比，的確拌麵更惹味😄接著我地一人叫左一杯脆脆黑糖瀑布珍珠奶茶，呢款係新野飲，一上檯好吸睛，賣相超靚。面頭係炭燒過既奶蓋同芋圓，加左啲脆脆可可粉，成杯飲落有唔同層次、亦唔太甜，值得一讚係有驚喜既！真想不到台式餐廳啲飲品越嚟越出色！最後食左青蘋果酪梨蜜糖磚塊，都係驚喜之作，賣相好靚！有超多青蘋果味cream同好大既雪糕球，配上脆脆多士，正！…查看更多

男朋友係觀塘附近返工，咁岩收工想買外賣返尼食，觀塘工廠區又有間新既外賣壽司店，於是叫佢買啲返尼。餐牌有好多選擇，有串燒、拉麵餐、丼飯餐、壽司餐，亦有散叫壽司揀，我地比較想揀自己鍾意嘅壽司所以散叫，因為感覺係即叫即整會更好食☺️壽司分別叫左三文魚x6、赤貝x2、帶子x2、海膽x2、芥末八爪魚x2、鰻魚x2、三文魚子x2、甜蝦x2，total:$306。咁大盤壽司先呢個價錢真抵食過大間壽司鋪果啲，而且食物質素幾高、件件都好新鮮，發現左有質素外賣店下之可以繼續😃…查看更多

今晚約左朋友食飯，唸住食打邊爐，係九龍城搵食，咁啱見到呢間餐廳叫牛精皇，岩哂我地喜鐘意食牛，我哋就入去試下。一開始揀左個藥膳醉雞鍋，見天氣凍凍地想暖下身。店完另上一盤雞，等啲湯滾就擺哂落去。湯頭好好味、有啲花醉酒味、配上足料藥材，幾正！而且啲雞件嫩滑。我地落左一份細既頂級手切安格斯牛肉做配料$128，抵！睇落都已經幾大份。呢間火鍋店專賣牛肉既，淨係牛都好多款、不過是但點左呢款都好好味😋牛脂唔算多、入口非常嫩、有牛味，正！接落嚟就海鮮拼盤，佢地有二人份量既是日海鮮盛，$298。岩哂我地想食唔同海鮮但又人少點唔到咁多份。海鮮有大蟶子、扇貝、蝦、鮑魚同大蜆；食落係新鮮、鮮甜，而且廚房處理得好乾淨、無沙，抵食！另外點左牛骨髓、皇帝菜同脆鯇魚片，全部都新鮮、質素幾好，價錢又合理！下次可以再試叫左咁多野埋單都係$942，飽到飛起😁…查看更多

星期日放假有得去食下好野，我同男友去左尖沙咀。天氣涼涼地想食打邊爐，見到厚福街有街叫鮮入圍煮，就走去試試。上到去見到有魚缸養左好多海鮮，知呢間野一定賣食材新鮮，啲嘢食應該唔錯。第一個鍋底揀左招牌既花膠雞鍋，叫到好多食客都揀呢款所以係必叫既，金黃色既湯底，店員叫先飲啲湯。第一口飲落去超濃縮雞味、飲得出好足料、超正！我哋一路咁飲左幾碗湯，而且啲雞肉食落好嫩滑😋火鍋料點左手切美國安格斯牛肉，$198勁大盤牛肉、都幾足料，而且唔係油脂分布平均。呢款牛食落好夠牛味、好正！新鮮田雞，可以續隻點、點左兩隻。上檯時啲田雞仲郁緊哈哈又肥美證明係新鮮！係我至愛！另外叫左白柏葉、水魷魚、油麥菜。整體既食材的確新鮮，我地都好滿意😁油麥菜又好脆嫩最後食埋個烏冬，吸哂花膠雞湯既精華，好完滿，仲飽到不得了，下次絕對可以再試😄兩個人一共食左$848連加一，合理價錢😋😋…查看更多

今日同個fd去左寶琳行街，見到有間和牛燒肉一郎，聽人講話唔錯就尼試試。餐廳門口整得相當闊落，正中間擺放一個巨型雪櫃陳列出一嚿嚿靚牛，證明餐廳裏面食既牛質素唔錯。我地點左B餐，呢個係放題形式，已經包左個盛合包括特選美國牛肉、雞肉、豚肉同部分蔬菜。一尼就即刻燒牛肉，油脂分佈唔錯、厚度適中唔韌，食完再不停order同一款牛都係任叫🤪我地另外都order左牛里脊肉同牛肋條肉，我相對鐘意食牛里脊肉，因為油脂豐厚而且牛味香濃，而牛肋條肉則較少油脂，食落略帶少少根，稍為遜色。雞肉就唔錯喇，估唔到燒完塊雞皮超香而且雞肉食落唔鞋口，好食！我地不停encore雞肉😋除左燒肉，餐廳仲有個甜品沙律bar, 有沙律、軟雪糕、雪條櫃、甜品櫃、汽水同特飲bar。我揀左美人柑桔水，好好飲、唔甜配燒肉一流😋另外都拎左啲奶凍仲有特別一提食左朱古力慕絲超正🤩入口極軟滑可可味香濃但唔太甜😛今餐完滿結束😚…查看更多

琴晚搵男朋友，去左鰂魚涌搵好野食，咁岩想食下辣野，男朋友就有左我尼呢間隱蔽既四川風味菜館。餐館唔大間，不過都有10張檯度，我地超肚餓，兩個人都點左幾多野食下。第一度菜就豉椒炒硯配枝啤酒，呢個配搭係必食！啲蜆炒得惹味而且好有鑊氣，食落有大排檔風味！配上啤酒絕對一流，加上餐廳環境乾淨所以都食風舒適既！第二度菜係椒麻雞，我男朋友好鐘意食雞所以特別叫。一上菜成碟面頭鋪滿蔥油同青花椒碎，一食喜出望外，雞肉非常嫩滑、唔鞋。香港餐館好難搵到整得啲雞咁好食既，我同男朋友都食唔停😋😋跟著再來重慶水煮牛肉，叫左中辣，辣度適中、岩哂我地口味。成盤餸落足花椒、辣椒既、牛肉都好多、好足料！略嫌牛肉唔夠入味，夠入咪的話相信更加吸引😄Last既係炸饅頭，呢個係我最愛，唔係度度都有得食，一見到就即刻點。食落夠脆而且即叫即做，做飯後甜點一流！…查看更多