fatty family的個人專頁

今晚去了石塘咀日富里的湘聚小廚吃飯，餐廳處理小辣程度的菜式精準，十分適合像我這種吃不到太辣，但又有時心思思想吃辣嘢的人。乾鍋田雞(128元)， 田雞多肉少骨， 配菜豐富，小辣的程度恰到好處，但因為是放在鑊仔連蠟火上的，吃到一半之後辣味慢慢增強，可說是一鍋有齊小辣和大辣口味雙重的享受。椒香酸菜魚 (198元)， 除了鮮嫩的草魚肉外，還有酸菜大豆芽、多款不同辣椒和薯粉在窩內，份量大得驚人，吃得滿足。手撕包菜 (88元)， 椰菜炒得清甜脆口，雖然配以薄薄的腩肉， 但卻一點都不覺肥膩。三碟大餸再加上一杯凍檸茶和一罐無糖可樂， 埋單都不用五百元，十分抵吃。…查看更多

大埔區越開越多餐廳，成日都想去試吓新嘢，不過就唔係成日有驚喜。 不過今日試咗依間日本餐廳，又真係令我有驚喜感。 餐廳雖然開喺大街，門口又有個巴士站遮住，唔太起眼。 不過我6:30左右到，未到正式晚飯時間已經坐滿一半。門口見到生蠔買二送一，入到去第一時間嗌咗先，啲蠔隻隻脹卜卜又新鮮又大隻入口鮮美見到隔離張枱叫咗海膽爆丼飯，見到啲海膽好多好吸引，梗係即刻跟。 一上枱見到厚厚海膽再加上刺身，令人食到停唔到口，海膽口感奶滑而又濃郁，味道相當鮮甜！雖然已經食到飽，但又想試吓佢啲三文魚刺身，一放上枱已經超吸引，厚切加上油潤脂三文魚脂肪，真係冇得輸。 另外花之卷雖然係普通款式，但係三文魚一樣切得厚，食得都好滋味。總結今餐食完都好滋味，由其響大埔區都冇乜咁正嘅日本餐廳，會再嚟幫襯。…查看更多

幫屋企人去集運取包裹，看見在附近一間唔起眼嘅壽司刺身專門店喺度。 雖然唔係開正響大街，但我等緊攞包裹嗰時都見到不停有人買外賣。 我行去睇吓發覺佢啲價錢都抵，同埋見都多人買，信心大增。 揀選左兩款套餐及海膽花之卷，兩個套餐都包括左飲品，除了一般既可樂之外，仲細心有烏龍茶或兩款零卡路里嘅飲品選擇。刺生每片又厚又新鮮，三文魚籽大大粒，好正壽司飯細細塊加上大大片刺生，一啖一件好有滿足感海膽花之卷美味配搭，入口好有豐富口感…查看更多

在修頓球場附近覓食，見到「露面手工拌面料理」，從外看到餐廳裏面啲人食得好滋味，一於入去又試吓。鮮茄牛腩拌麵牛腩肥瘦相間，淋滑之餘亦帶有口感，拌麵彈口，與微甜的番茄汁和牛腩味十分相夾。嫩雞白布湯闊麵非常大碗，這款手工闊面滑嘟嘟的，配以鲜嫩雞絲和奶白鮮甜湯底，感覺像一面吃麵一面喝着老火湯，值得推薦給喜歡喝湯的朋友。巴蜀粒粒大餛飩$35有五粒，我選擇了微辣，餡料有豬肉、木耳和紹菜，清爽可口，十分合我口味。秘製香槽醉豬手酒味香濃微甜，豬手爽而不硬，值得推薦。滑溜溜香芋鮮奶28元， 鮮奶裏面有細微香芋粒粒，芋頭香味十足。 這餐廳的食物十分可口，價錢相宜， 下次路過灣仔區我一定會encore此店。…查看更多

同朋友喺山林道附近shopping ，行過聞到陣串燒味，就俾佢吸引咗埋嚟，餐廳唔大不過環境都幾有日本屋台既感覺。叫左十幾樣野食，主要講幾個最特別出色的 -蒜蓉燒原條茄子 燒茄子配上木魚乾令賣相增色，外皮微微燒焦更加香。 茄子本身很多肉，鋪滿蒜蓉十分惹味，味道拿捏得很好。 燒牛舌餐廳的選料很出色，牛舌上油脂平均分佈，每咬一口都感覺到油脂溶化在口中，配合牛舌表面簿簿一浸蜜糖和海鹽，味道絕配，呢個係必食！鹽燒豆腐外脆內軟，表面簿簿一浸蜜糖，性價比超高，不用夠說，燒得好出色。脆燒日本原條鰻魚肉身燒到微微焦香，魚油脂感充足啖啖肉，十分滋味。餐廳更有供應特色手工啤，炎熱天氣之下極想啤一啤，再加上美味嘅串燒令人食慾大增，心情都特別靚。…查看更多

在 yoho mall 附近上堂，放學行過餐廳聞到陣打邊爐味，就俾佢吸引咗埋嚟。睇menu 除咗麻辣或者清湯之外，佢有幾種嘅特色湯， 包括花膠雞、卜卜蜆，豬軟骨番茄、黑椒蟹肉同胡椒豬肚，好吸引。 炎炎夏日就揀咗個清清地嘅蜆湯試下。特色卜卜蜆湯 $198目測材料有唐芹，白胡椒，卜卜蜆，芽菜，辣椒，蒜蓉，呢度值得一讚嘅係個湯料一d都唔hea， 用料好足，尤其係蜆，粒粒厚肉又鮮甜。 湯底嚟講材料配搭出嚟味道唔錯，可以突出蜆肉嘅鮮味。手打丸拼盤 $128樣樣都想試嘅人最啱叫拼盤， 每款味道都唔錯，尤其係蝦丸。 各款丸都唔差，下次嚟會試下唔喺拼盤入面嘅蟹子鮮蝦丸。珊瑚·桂花蚌雙拼 $ 128兩種蚌都好鮮甜，尤其是珊瑚蚌。 配搭呢個卜卜蜆嘅湯底啱啱好，而且價錢合理。 美國桶蠔 $198桶蠔就周圍都有， 冇咩特別好講， 唯一講一講就係每隻都好大。雜菜拼盤 $68應有盡有，份量都ok，足夠2-3人份量。唔想特別揀菜又要呃自己要食得健康嘅朋友order佢就啱啱好。今晚兩個人食咗$800左右， 考慮到我地食嘅都係海鮮之類， 價錢都係合理。佢用嘅食材，餐牌，配方，爐具，裝修都有佢自己嘅店鋪特色，整體嚟講飯後感唔錯。 …查看更多

呢間餐廳我book mark左好耐，一直都未嚟試， 今日咁熱最啱就嚟試佢個Gelato同其他Signature drink。去餐廳路線好簡單，就喺西邊街直鏟斜路上到高街就係。今日order 咗四樣嘢：Gelato,Signature coffee x 2 & Matcha Cheese CakeGelato 40 HKD / ball先講主角Gelato，今日有四種口味可以揀，分別係Kumquat柑橘， Darjeeling大吉嶺，Pistachio開心果同Cantucci義大利杏仁餅,今日試咗大吉嶺茶味先。Gelato奶味好香，口感好滑，甜度都啱啱好，適合我呢d偏淡口味嘅人士， 唯獨有少少美中不足嘅係奶味重唔夠突出茶香。 不過呢個係茶味嘅Gelato通病， overall嚟講值得一推。Iced Honey Ling Black 50 HKDLong black 上面加左風乾檸檬片嚟突出味道， 用乾檸檬好處係咖啡入喉果陣有檸檬香氣，但係又唔會俾檸檬嘅酸味蓋過咖啡嘅味道，入喉都好舒服，好適合喺炎炎夏日嘅天氣來品嚐。Iced Morning Call 60 HKD同Ling Black一樣加左風乾檸檬片嘅coffee drink，唔同嘅係Morning call以Cold Brew同Scened tea花茶做底，面頭有層厚身嘅咖啡泡，檸檬嘅香氣冇Ling black咁出，但係味道飲落更清新更提神。 冇改錯名，好適合啱啱訓醒嘅第一杯嘢飲，個人偏好Morning Call更多。抹茶芝士蛋糕 50 HKDOrder蛋糕純碎為左飽肚，對佢本身唔算期待，不過食完第一啖之後係有d小驚喜。 抹茶芝士蛋糕雖然常見， 但係要將抹茶同芝士嘅比例做得好就唔簡單， 芝士味太多抹茶就冇意義，抹茶粉太多會有苦澀， 而呢件蛋糕調教嘅比例啱啱好， 而且蛋糕食落唔算甜，口感唔錯，下次會再嚟encore。今日試嘅四樣嘢水準都幾好，味道清新，好適合夏天嚟消暑。 總括嚟講有自己特色嘅小店，適合文青或者想試特別嘢嘅朋友嚟一試。…查看更多

在銅鑼灣堅拿道西「火鍋隨意門」吃火鍋是種超級享受，因為無論食材或環境佈置都很有質素。火鍋湯底非常多種類， 包括了有中國、法國、日本和土耳其特色的湯底可供選擇。卜卜蜆火鍋湯底上層放了很多芽菜和其他配菜。通常火鍋湯底料我都不會很快進食，以便湯底慢慢滾出味來。 但我不想蜆肉變老，所以便一下子把蜆全部撈了出來，但想不到竟然撈出超多份量，兩個碗都裝不下，真的令人咋舌😜 更重要的是，每隻海蜆都肥美飽滿，鮮甜度爆燈👍花雕雞件處理得 十分有水準，甜味從高質的紅棗和杞子滲入花雕酒中，品嚐的時候，每件雞都甚有酒香，可見廚師花了不少時間醃製。羊肉片上碟賣相漂亮， 肥瘦相間比例剛好，沒有感到濃烈騷味，是高質材料。脆肉鯇魚厚切，每片都Q彈和帶有魚脂香味， 絕對不是下價貨可媲美。餃子拼盤有五款共十粒，當中我最喜愛的是黑松露蟹肉餃，裏面一絲絲的蟹肉差不多塞滿整顆餃子，十分鮮甜。其餘的蟹王豚肉餃、韭菜豬肉餃、菜苗帶子餃等等，也十分美味。值得一提的是，這店在晚上7時前結帳離座，可以享有全單68折優惠。而我這一餐連加一服務，結帳只需$469， 以這店的食物水準、特色裝飾和侍應的有禮服務，絕對是超超超值之選👍…查看更多

去西環「栢檔海南雞飯」吃晚飯，餐廳裝修雅緻潔淨 ，價錢亦很相宜。餐廳除了海南雞外，亦有供應滷水元蹄、肉骨茶、手剁魚香肉餅和滷燒豬頸肉等等，全部都可以單點或跟一\二人套餐上，十分之有彈性。單點海南雞飯 $60，海南雞皮脆肉嫩，而且份量也不少。跟雞上的油飯不太 油膩，很適合正在減肥但又想吃油飯的朋友。用作點雞的甜豉油、薑蔥和甜酸醬也調教得不錯。海南雞喇沙也是$60，份量大得驚人， 配菜有雞蛋、豆腐卜、芽菜和花生等等，再加上主菜的海南雞件，十分適合大胃王。肉骨茶$50，原以為只有一兩件肉骨，怎知卻有四、五塊之多，湯料亦包含了桂元、玉竹、當歸、黨參和杞子等等，材料豐富。…查看更多

天氣乾燥好想喝燉湯和吃有味飯, 經過「椰粉湯紅 」 見到menu 可以一次過滿足我兩個願望。 這小店售賣的食物很多元化, 除了燉湯和招牌自創竹絲海南雞, 還有創意甜品、自製涼飲、中西式套餐配以彩虹飯、白米飯、招牌米粉或紫黃番薯, 創意得嚟又健康。竹絲海南雞套餐$109已包括了椰香飯、 蔬菜和食療拿杯湯， 非常抵吃。 竹絲雞肉很嫩滑, 比起一般的海南雞少了一層油膩感, 亦很欣賞椰香飯是椰奶與飯分開上, 讓客人自行控制味道。 當天的食療杯湯水是陳皮菜乾龍杏湯, 喝得出材料十足和沒有放味精。炭燒鰻魚椰香蛋包飯$94，賣相漂亮, 鰻魚肉彈口, 蛋也做得很滑溜, 雖然沒有像海南雞餐跟菜心一盒, 但也有青瓜和粟米伴碟。並且, 只需加$15還可換購一杯原價$28的食療拿杯湯, 再加上此店有抗疫外賣優惠9折, 認真抵上加抵!…查看更多

今日到西灣新開的＂相馬日式火鍋＂吃放題，餐廳內座位都十分闊落，感覺舒適。放題方面可以選擇任食或定量肉食套餐，兩款都可以到自助區享用各種蔬菜、雜丸和麵食。 分別在於定量套餐只配送飲品一罐和沒有雪糕供應。我與朋友選擇了牛肩胛任食放題，配有定量海鮮盤，而日式燒物、炸物、 飲品和雪糕就無限量供應。海鮮盤確實令人感到驚喜， 肉質新鮮鮮甜，包括有大頭蝦丶大蝦丶花螺、肉蜆、鮮帶子丶大青口和蟹柳等等。這放題主角牛肩胛肉質充滿雪花，入口淋滑我與朋友足足 encore 了三次，食得大滿足，另外豚肉和雞肉的肉質也不錯。自助區的丸類有很多選擇，特別推介明太子芝士流心和帶有像小籠包餡的醬爆豬肉丸， 特別得嚟又十分美味。熟食方面我們叫了薄燒牛舌串、虎蝦串燒 、蒜蓉牛油雞翼、蔗蝦、蝦多士和蝦丸，全部都是即叫即整，熱辣可口。餐廳的飲品除了有罐裝凍飲，亦有一個自助花茶區供應熱飲，而且有獨立茶包以供盛載，真是十分貼心。至於雪糕方面，雖然可供選擇品種不多，但都是高質之選，十分香滑。總括來說，在星期日以$278享用這款放題，實在十分超值，再加上店內侍應十分有禮，享受美食之餘亦令人心情愉快。最後一提，此店也有鐵板燒套餐、鰻魚飯、雞肉飯和牛肉飯等等供應， 我與朋友已相約下次到來試試。…查看更多

每逢和朋友聚會都會想吃放題丶火鍋或韓燒，有時還會為吃哪樣而煩惱。 今次約去＂紅火＂吃，就沒有這個煩惱了，因為它可以在同一個桌上，無限量享用刺身，壽司，天婦羅，炸物，這是放題熱門食物外，還有無限添加雞煲或多樣火鍋湯底選擇，更提供各種肉類讓你韓式燒烤或火鍋。我和朋友一看餐牌已經勁開心，因為可以一次過食到不同種類食物。 我們點了一個雞煲，刺身點了三文魚、帶子、松葉蟹棒、北寄貝、甜蝦、赤蝦、八爪魚、馬刀貝、希靈魚、鮑片。韓燒點了羊架、牛仔骨、生蠔、牛舌、雞軟骨、安格斯牛粒、午餐肉。火鍋肉則叫了是日海鮮(蜆)、脆肉鯇、雪花肥牛、豬膶、豬腸、雞心、芝士腸、芝士丸。其實以上的食物都只佔餐牌五分之一，但已經足夠撐爆我們的肚皮了，尤其雞煲啲份量比想像多。還有各類飲品提供，我們拿了竹蔗茅根水，降降火。最後還拿了一個綠茶雪糕和豆腐雪糕作甜品，另外還提供朱古力，士多啤梨和香芋口味的雪糕。我認為食物的質素不是最頂級，但是絕對合格的，最重要的是，即使是最貴的時段 (248)，在兩小時半享用那麼多樣化的食物，絕對是抵食，除了食物外，調味料和飲品都很多選擇，我已同朋友約定下次再在這裏聚餐。 …查看更多

今日同朋友去旺角買嘢，行咗成幾個鐘累累地，一於去吃吃喝喝繼續放鬆。 在旺角地鐵站出口附近，見到有八幡屋涮涮鍋，記得之前在油塘吃過它的火鍋放題，真的物超所值，既然相遇就吃它吧。 去到餐廳門口已有指定動作，check 溫度及抹消毒手液 。 在入坐前要選定了火鍋湯底，最近長時間戴口罩，皮膚也差了，選了骨膠原豬骨湯滋潤一下皮膚。 坐底後餐廳也有溫馨提示客人，記得出去取食物時要戴上口罩，確保衛生。 每枱也送上一大盤特色火鍋海鮮，內有鮑魚丶帶子丶海螺丶大蜆丶青口及大蝦，全部大大隻又新鮮，也有一碟靚和牛。最好就係用自己手機掃QR code 柯打食物，環保丶衛生又方便。 刺生肉質肥美又新鮮，加上厚切，吃得十分滋味。 天婦羅炸得好，薄薄粉漿炸至金黃香脆，最緊要又唔油膩。 最正就係有多款海鮮任叫，番柯打了兩次質素也高。甜品方面更有一系列特色和菓子，十分特別又特色。令人吃得開心又放心又好味，下次一定要再約朋友嚟吃過。 …查看更多

西環近水街的十二味熱辣火鍋莊的中午套餐很便宜, 分量卻大得驚人。 套餐中除了主菜外，還包括 了酸梅湯丶涼菜和白飯，非常適合大食量人。當天的涼菜是土豆絲， 土豆絲處理得十分爽口，味道微辣。川式口水雞，雞皮晶瑩脆口，雞肉佈滿辣汁，非常美味。泡椒鱸魚腩並不太辣，鱸魚腩連皮用油爆過，吃上去有點像吃班腩， 而且配菜很多，有木耳、芹菜和大紅椒等等，味道豐富。 酸菜煮魚，鍋中的魚片分量比酸菜還要多，魚肉嫩滑，連指天椒一起進食美味無窮。跟餐的酸梅湯酸酸甜甜，而且也夠冰凍。埋單的時候，發現中午套餐是沒有加一的，三份午餐竟然連二百元都不到，又再加分!…查看更多

在中環吃晚飯普遍都很昂貴，不過今天下班後，跟同事來了這家抵食麵店吃晚飯。菜單選擇很多，搭配靈活度也高，可以只要麵和飲料或再加小食和甜品，亦可加麵加配菜也是可以的。我點了瘋狂牛肉麵餐加大排和一杯冰糖雪梨汁，同事則點了酸菜豬肚麵，滷水拼盤，成都老冰粉和凍檸茶。牛肉麵是白湯底，清清淡淡的，麵質很嚼口，牛肉和大排都很鬆軟，份量也充足。一個麵和飲料只需$78，十分扺吃！酸菜豬肚麵是四川酸菜湯底，除了麵，還鋪滿了酸菜，豬肚也很爽口。滷水拼盤有牛輾丶牛舌和豬肚，本來已很入味了，再沾上特製的調味粉又是另一番美味。老冰粉放了花生，糯米，黑白芝麻和梅乾，增加不少口感，冰粉很清甜。 跟著再喝一口清涼的雪梨汁和檸茶，令人暑氣全消超爽。 …查看更多