YuyuLee9889的個人專頁

樂富啱啱新開，有新嘢一班同事梗係一齊試吓啦。不過大家都覺得唔會有下次。因為啲食物質素真係幾差下。同事嗌咗一個鹹魚雞粒炒飯，見唔到雞粒，最多係蛋炒飯，而且啲飯炒到濕粒粒。而我就嗌咗一個蔥油叉燒蛋包飯。啲叉燒柴咁硬，啲蛋淡而無味，唔知佢用咗咩米啲飯都係濕粒粒，夾硬吞咗落去。不過杯奶茶都唔太差。但係我唔會再為咗佢杯奶茶再去食佢啲劣食囉…查看更多

給午市買一送一仲有M5和牛吸引過嚟，試過之後認真伏，非常懷疑啲食評係買返嚟嘅，信唔過囉，食材唔靚又唔新鮮，落單之後啲嘢永遠上唔齊，唔信既話，好似我咁黎試下囉，包保你冇下次…查看更多

晚市行經發現餐牌幾吸引，就即管試吓啦。今次俾我發現新大陸，兩個人試左水煮魚、雞煲。真係有驚喜，食到我地舔舔脷，兩個人試唔到太多菜式，大把藉口下次再試其他菜。咁近屋企，可以做我地飯堂啦…查看更多

一家人陪囡囡係深水埗參加完活動就係附近搵食，囡囡想食泰國菜，咁就上OpenRice睇下，見到食評唔錯，就決定食呢間。我哋嗌左冬陰公炒飯、泰式炒金邊粉、海南雞飯、泰式鳳爪、木瓜沙律加兩個椰青同一支啤酒最後加左兩串雞腎串燒。最後消費盛惠$417價錢相宜。食物味道都唔錯，但最後上既兩串雞腎顏色睇落就唔靚，試一塊之後頭先食嘅嘢都想嘔返出嚟，又酸又粟又臭，擺明壞左，老公試完話對筷子都臭埋🤮🤮🤮即刻同店員講，店員都馬上同我地話可以換其他，不過我地選擇取消呢兩串雞腎。埋單時收錢既唔知係咪老細，我就同佢講啲雞腎真係壞左，點知老細好唔耐煩咁答我：得啦得啦，啱啱拎出嚟，無壞到，應該係啲醃料既味！聽完O晒嘴，咁既態度，我真係想講我比錢你同我食晒佢！！不過我都係冇講到出口，但佢呢種態度就確係令人不滿！仲有啲嘢食完超級口渴，落味精應該都幾重手！都係咁話無下次！！👋👋👋…查看更多

同朋友行行下街，見到間小食店有章魚丸子買，之前係其他地方食過一次超級好味，咁見到呢間就忍唔住買左份，but堅難食，真係未食過咁難食既章魚小丸子，兩個人買一份都唔知點啃落去，最抵死就係食完個口好難受😣…查看更多

成日經過都鬼死咁多人，食評又唔差，就想一試，就黎母親節，咁就提早一家人食餐飯，6點就就讓家人去攞位，唔使等就可以入座，不過真係一試冇回頭，啲食物味道麻麻，份量又小，最經典就係香酥鴨，幸好只點左半只，一家七口一致認為超級難食，小籠包冇驚喜，不過擔擔麵啲面就好彈牙，唯一一個覺得好食啲！服務態度就不過不失，我真係唔知點解成日都咁多人排隊，真的不值得一試。…查看更多