Z君的個人專頁

某日早上11:00諗住幫襯呢度食嘢  入到去成個場坐咗大約三成客左右 有好多吉枱 同太太兩個人坐咗喺張四人枱 咁啱前邊又有一男一女客人 夥計姐姐係都要我哋同埋前邊一男一女嘅顧客坐落一張大枱搭枱 我同帶位姐姐講當時11點就算我哋食45分鐘都係11:45 飯市都未正式開始 肯定未會坐滿客人 帶位姐姐係都唔俾我哋坐果張四人枱 最後唯有同佢講拜拜！…查看更多

而家真係好難搵到一檔好食嘅上海菜館 細個住喺油麻地文明里附近有一檔上海菜叫麗施飯店 到而家50幾年都未搵到一間拍得住嘅上海店 某日喺呢間上海美味齋菜館 叫咗回鍋肉但啲豬肉乾到豬肉乾咁 醉雞麻麻哋 酸辣湯麻麻哋 最奇怪係擔擔面一上枱有陣味 對唔住 又係我寫的第一篇負評！…查看更多

呢間福彩喺第一城起碼超過十幾年 之前就算獨市咗咁耐都可以 Keep 得幾好 但最近附近開咗另一間酒樓 而家好多時都唔使排隊 某日諗住支持吓 晚市去咗幫襯 睇餐牌燒味類海蜇$108 薰蹄$108 無兩樣拼埋嘅價錢就問一問幾錢 諗住都係加十零廿蚊 點知回覆係$168 即係要加$60 諗極都唔明點解要加$60咁多 每樣一半 唔要求加份量 同經理反映 回覆係餐牌有味燒味雙拼係$168 咁樣兩樣叫就係雙拼 咁梗係無叫啦 經理都自覺唔妥返去檢討 最後回覆都要$138 都係果句 做飲食真係要識轉彎 唔係就唯有撞板 諗住支持下點知 . . .  相信嚟緊諗起呢單野都好難叫我再嚟 請我都係咁話 . . .  完…查看更多

星期四放假 通粉㽼起 第一時間諗起澳X牛奶 但星期四好似休息 喺附近有間牛奶冰室都有火腿通粉食 開咗咁耐都未試過即管試吓 蛋同多士都普普通通 但個通粉一嚟到即刻有啲驚嚇 用個大大嘅湯碗裝住 上邊有啲碎嘅綠色菜 望落真係有啲恐怖兼驚嚇 試第一啖 嘩點解係甜嘅？係落砂糖嗰隻甜 跟住嘅味道就好似係花奶加水再加啲牛油咁 可以講咁大個仔未食過碗咁唔好食嘅通粉 食咗唔夠五啖頂唔順放棄 仲有想講杯奶茶顏色正常 但完全冇茶香味 一啲都唔滑 唔該呢間嘢嘅有關人士睇到呢篇食評自己認認真真試吓自己的出品 以上純粹個人意見口味 大家有興趣可以去試試…查看更多

在會員 APP 中見到永華日常 本身超級鍾意食雲吞麵 但因為地點隔涉 一路都冇緣幫襯 終於今日去開牛頭角可以去一試 唔使諗一定係食雲吞麵 下午茶時段 沒有太多客人 但奇怪地等了很久都重未有得食 正當想催單時就見姐姐攞碗麵嚟 當時已經差不多20分鐘 第一啖試個湯 唔係好對路 完全唔熱只係微暖 亦冇正常零吞麵大地魚湯底味 好似係用湯粉開出嚟咁 再試啲麵 淋晒 應該係廚房煮好無人攞上枱浸到淋晒 所以啲湯凍晒同啲麵淋晒 最後試粒雲吞 嘩一聲 可以講咁大個仔未食過咁唔好食嘅雲吞 如果黃生睇到呢篇食評唔該叫廚房師傅自己試吓味道 因為如果唔係黃生叫我相信佢哋係連自己都唔會食 以上純粹個人口味 有會員有興趣試都可以去試吓 . . . . . . …查看更多

一坐低呀姐姐就問飲乜茶 話唔使 姐姐答飲水都每位收 $10 有啲想起身走 但講到世上最好食 即管試吓先 食緊期間 對面啱啱坐低兩位仁兄聽到 $10 位茶錢真係即刻起身走人 阿老闆呢 $10 真係會趕客㗎 OK 講返啲嘢食 叫咗叉燒同燒鴨 首先食物味道好主觀 我覺得啲叉燒完全唔好食 簡直唔合格 燒鴨 講真我舊公司 Canteen 馬老闆果檔燒味重好食過佢 只能夠講好過大家樂 $59 碗粉再加每人 $10 茶錢 兩人午餐$138 重要唔好食 老闆祝你生意興隆 . . . . . .…查看更多

由於在石門工作 午飯每星期總會到一至尊一次 早前OT要在石門解決晚餐 就幫襯晚市小菜 點了個西芹帶子炒蝦仁 麻辣雞煲 帶子蝦仁盛惠$108 成碟野乜味都無 西芹有渣無刨絲 蝦仁係啤水啤到乜味都無果隻水晶蝦 帶子 同樣係啤水帶子 味道口感就好似唔熟的感覺 總之就好怪 雞煲就費事再寫啦 總之都係唔好食 成間野燒味咁出色就係比小菜攪喎晒 又燒味又小菜又生滾粥 其實係咪專注D整好自己拿手野重好呢 總之結論就睇標題啦. . . . …查看更多

首先店名注明獅頭鵝專門店 但我好懷疑我買的鵝掌是不是獅頭鵝的 之前食過的獅頭鵝掌是超巨型及連腳踭較位的 在店外看鵝掌$25隻 SIZE 也可以接受 購買4隻 $100 但見到斬鵝叔叔不是從店外我看到的位置取鵝掌 而且SIZE爭勁遠 直頭細一個碼 3隻細SIZE 1隻正常 詢問女店長為何價錢一樣但SIZE有咁大分別 答案是鵝會有大細隻 我說有差別為何不分大細價錢呢 其他店亦會這樣分大小價 其後店長叫師傅斬多一隻 師傅晦氣地說 "差唔多啫" 本來都算數無諗住寫上呢度 但食落個人感覺完全無滷水香味 只有死鹹 一次都嫌多 肯定無第二次 .   .   .  .…查看更多

好榮幸可以寫這店的第一篇負負....負評某年某月某日一行10數人共點14款菜式坐下首先上四碟飯前小吃 每碟$15 但潮州鹹菜唔好食 FAILED1 鹵水鵝 2 鹵水鵝掌 3 鹵水元蹄 鹵水普通打冷店味道 FAILED4 炸普寧豆腐 正宗但超超...超貴5 碧綠川椒雞 完全不是一般潮式 不知如何形容 完全唔好食 重要伴碟D珍珠葉得幾片 FAILED6 潮式咕嚕肉 我唔知乜嘢潮式 總之一D都唔好食 FAILED7 傳統炸蝦棗 一D都唔傳統 叫泰式炸蝦丸似D 又係唔好食 FAILED8 古法炸粿肉 又係唔好食 FAILED9 汕頭煎蠔烙 唔好食 蠔仔極少 FAILED10 方魚炒芥蘭 正常但超少方魚11 蠔仔方魚肉碎粥 同煎蠔烙一樣12 欖菜肉碎炒飯 普通但超多油13 沙茶牛肉炒芥蘭 正常14 油泡南澳島鮮魷 味道一般 鮮魷唔爽 但價錢奇貴 $188 好似得10舊 FAILED甜品叫左薑薯海石花綠豆爽 成$45碗 薑薯兩片 綠豆真係數得出幾多粒 甚麼海石花一D都唔爽 FAILED本來都唔想寫食評 但有樣野令我一定要寫埋單茶錢二百幾 每位$17 本來唔係價錢問題 問題係D茶質素奇差 一沖黎第一泡已經淡而無味 如果知道$17位飲呢D茶就晨早炸型 就連D所謂功夫茶都唔掂店主花咁多心思設計咁精美既餐牌同時都要對食物出品要有水準及要求呢餐可以講完全肥晒佬 就算唔係咁貴味道都係FAILED我一定唔會再幫襯 就算有人請都唔會建議黎呢度…查看更多

聽聞已久的妹記今天終於可以一嘗 點了牛肉魚片粥及油炸鬼 坐的位置可以見到師傅煮粥 首先見師傅取出牛肉放煲內煮 煮煮下奇怪事情發生 師傅將細窩內煮好的粥用隔隔開牛肉倒入大窩粥底內 之後又從大窩「不」回細窩內煮 即是將有牛肉味的粥倒了入大窩粥底 此舉為何真係要問師傅了 此碗粥就只有味精粥底味道 （食完勁口渴）油炸鬼就一條價錢 半條份量 再者見師傅煮魚腩粥時 將魚腩放進煲內爆香的時間一秒都無 根本就係做樣 完全趕時間無誠意 另外提提不吃牛肉的就不要光顧妹記了 因這裡的粥底是有用牛肉煮過的. . . . .…查看更多

唔好意思 又係我要寫第一篇的負評 中午叫了海南雞飯走雞亦 湯 醬 飯 雞 湯無特別 味精水 醬 都係普通野 飯 理論上應該會有少少雞油或雞湯味 但Sorry乜都無 袛有黃薑粉加生油味 雞 由於講明唔要亦 但成碟九件雞 有八件都係胸 唔緊要試下先再講 都係果個感覺 唔話你知係乜 俾你食食咗都唔知嗰件係乜嘢肉 肉質非常削 完完全全冇任何雞味 叫咗個貌似負責人 問係咪如果唔要雞亦就全部都係雞胸 佢指住碟雞話咪有一隻雞鎚囉 我話雞胸唔緊要唔好成碟都係囉 佢話因為雞肶係留起比加＄10食肶嘅客 即係話唔加$10就一定係胸同亦 都唔緊要 都食左七成 埋單 原來午市都要加一 一碟九成雞胸無味又嚡又削既海南雞飯要$75 食到真係火都黎 快餐店都好食過佢N倍…查看更多

對唔住 我要寫呢度第一篇負評 在荃灣工作超過20年 海連耐唔耐都幫襯下 但次數由以前1個月3-4次 減到而家唔會再幫襯 原因有幾個 1 老闆好似硬性規定一定要開茶 $6一位 有一次話唔使開茶就比左壺水 埋單照收$6 2 出品真係麻麻地 簡直可以用差來形容 永遠碟頭飯個”顯”打到成Pat野咁 3 每碟飯的份量越來越宿水 試過叫涼瓜牛肉飯 成碟得5片牛肉 重要唔大片 星洲炒米好似食齋米 旦 叉燒 其他配料份量極少 4 味道認真麻麻 次次食完都口渴到爆炸 5 價錢係太興級數 但無裝修乜都無 重要係屋村夠膽收呢個價 最近一次食碟星米 一食D米粉硬到好似鐵線 叫左老闆攪 出返黎變左碟星洲炆米 我諗佢係加水煮淋D米粉再打個”顯” 食落硬係覺得有D唔妥 唔知係咪加左料 食完成個晏奏都唔舒服 諗返轉頭唔知點解會食？ 但唔知點解佢地好好生意 好多熟客 而我就永久BLACKLIST…查看更多

聯發燒味靚相信好多荃灣街坊都知道 雖然價錢貴些少 但都樂於幫襯外賣 但堂食燒味飯就真係要講講 話說在荃灣工作超過20年 有幾間係一個月總會去一兩次 其實都想寫好耐 但今日真係好過份 佢哋D斬料呀叔唔知係咪有股份 次次斬D料都係頭頭尾尾搭埋 最嚴重係燒肉 一碟最多有3舊係砌得埋 本來離譜極都有個譜 但今日都真係離晒譜 碟燒肉飯有九舊 食左一舊較正常 翻開遮住果四舊全部都係肥膏 係頭尾但有皮然後成舊白雪雪既膏 同個呀姊講換過 佢答得重好笑話睇下斬料師傅換唔換 未必有得換噃 我心諗你唔換我就搵收銀老細 換左返黎果碟好明顯個師傅玩野 成碟都係勁瘦勁乾無皮既肉 所以由今日起真係唔會再去聯發 如果聯發老闆有機會睇到唔該同師傅傾傾 錢賺多D唔緊要 最緊要唔好呃錢 希望唔會係老細意思啦！…查看更多

上星期的某天第一次到來 聽名都知陸羽茶室對茶應該特別講究 每位收$33茶錢都應該有D要求 之前講過我係潮州仔 由細飲工夫茶飲到大 點了鐵觀音 第一泡 頂 同其他點心店D3 5 7蚊位完全無分別 點心選擇少 質素亦極普通 清潔特別差 其實陸羽Sell懷舊 但點解唔係用陶瓷茶壺而係用不鏽鋼壺 重要黐左幾粒飯係壺邊 隔離街爭產果間都係收$15位 七個人淨茶錢連加一過兩舊半 火都黎…查看更多

潮洲菜由細食到大 真係未試過一餐咁差嘅 早幾日夜晚去食 點左滷水掌翼 方魚芥蘭 炸蝦蟹棗 掌翼普通滷水味但就超級咸 0分 方魚芥蘭個切法真係第一次見 成條垂直切開 方魚D魚鱗都無打走 重要打個杰”獻” 再重要打得唔好一舊舊 芥蘭”拾”到過晒龍 淋PAT PAT兼黃KAM KAM 0分 蝦蟹棗先經典 成舊野唔話你知比你食真係唔知果舊係乜東東 蝦無蝦味 蟹無蟹味 成舊粉同肥豬肉粒 兩人每人每樣食左半粒 成碟10粒淨6粒 0分 個廚師簡直係侮辱左潮州菜！…查看更多