shirleymon的個人專頁

我在灣仔工作，今晚遲了收工所以冇約人；就隨意看看有乜好食？🤔來到軒尼詩道見到一間以養生為主打的麵館，原來我一直冇留意；嘅不落味精又健康當然要入內品嘗啦!食肆面積不大只容納十張八張四人枱，非常光猛。藥膳農場雞養生湯米線🐓🍜   $62一上枱就嗅到D湯很香，急不及待地喝了幾口；味道濃郁很香藥材味，當飲到落喉嚨時感覺舒服一D都唔乸喉。湯底以當歸、紅棗、圓肉、子和木耳淆製，所以非常養生。而雞件採用三黄雞又嫩又滑又有口感，充滿雞味。配合埋米線清淡得來唔會太寡，最重要係個湯唔 肥膩。古法炆籮白   $28古法調味恰到好處，炆的時間足夠；故大大件蘿蔔很淋和充滿水份完全吸收哂其味道。食時除了有蘿蔔的清甜外，更有著其古法烹調的濃郁的甘甜味道。正👍…查看更多

聽聞「校長燒肉」日韓料理的任食放題很超值，除價格合理外欵式亦多完化。無論燒肉、火鍋、刺身、壽司、熟食、點心、沙律、甜品、花茶、飲品等等簡值包羅萬有不能一一盡錄。至於食肆地方很大，食物劃分不同區域。而坐位非常寬敞不像一般火鍋店擺設得密密麻麻；特別有一系列卞位旁有大玻璃窗很開揚和光猛，可瞭望觀塘街景。餐枱很大能容納燒烤爐和火鍋爐，仍有很多剩餘位置放食物是值得一讚。今次我們是吃午市燒烤火鍋刺身自助放題 。開始時已經覺得有選擇困難症，因太多食物大多欵式；根本不能一一享盡，惟有每類揀選少許作罷。服務員给我們介紹若晚上放題雖然比午市畧貴一些，但食物質素更高更多完化；還有生啤放題任飲和清酒添，若喜愛飲酒人仕不能錯過。刺身三文魚新鮮馬刀貝鲜甜爽口。燒物和火鍋基本牛、豬、雞和魚皆有，各欵肉類質素都唔錯。蔬菜菇菌類皆放置得整齊和新鮮，火鍋亦有數欵湯底可供選擇。…查看更多

「意粉狂熱」是一間以意粉為主打的專門店，以合理價格提供一系列美味菜式極具親民。它的意粉口感爽口彈牙，充滿濃郁的麥香味。而pizza🍕餅底亦是自家製造絕對新鮮， hamburger🍔 亦有獨特的風釆；令食客印象深刻。餐廳更有不同人數的套餐可供食客選擇，我們便揀選左Pasta Holic Sets  (8 items)。香濃南瓜忌廉湯南瓜打得很幼細， 口感濃郁好味。法式芝士洋蔥湯洋蔥味剛好不會太濃烈， 飲落很暖胃。凱撒沙律 🥗(半份)沙律菜非常新鮮，配以凱撒醬非常醒胃；順帶清清腸胃。蒜香白酒汁海蜆意粉🍝意粉以白酒和蒜蓉來炒份外惹味；亦能顯出蜆肉鮮甜；伴埋車厘茄買相更吸👀，感覺清新 唔漏。鲑魚牛油果焗飯🐟🥑鮭魚和牛油果用大量芝士來焗非常香噴噴，簡直是魔鬼的誘惑。再用大大片的紅番茄和翠綠的西蘭花伴碟買相了得，令人食到唔停口。日本抹茶窩夫🧇最後是甜品出場。濃烈的抹茶窩夫即叫卽焗熱騰騰外脆內軟。配合雲呢拿雪糕和幼滑忌廉，一凍一熱發有冰火交溶之感十分好食。😋玫瑰蜜蜂果茶  (熱)水果茶  (凍)…查看更多

收工後與女友在太子做完facial & body 順道食埋晚餐才散band，看見對面大南街有間串燒專門店；再望望門面美食推介價錢適中頗吸引，便急不及待地入去醫肚。店舖不大約有十幾張枱，服務員禮貌地招呼我們坐下並細心推介他們主打的美食。閑談中得悉原來店舖營業時間由下午四時至深夜二時，日後若在附近睇完戲就不愁冇嘢食啦!咸🍋七   😋7/10蒜蓉燒聖子皇   😋9/10店員極力推薦聖子皇，我們每人一隻。真的不負其名，聖子超大隻又厚肉；處理得很乾淨，肉質 新鮮爽口。 廚師更以牛油融合埋金菇來蒸讓客人咀嚼間散發出細緻的質感，令味道更為豐富美。蒜蓉燒扇貝   😋9/10大廚火喉控制得宜，扇貝非常厚身蒸得剛剛好不韌不鞋口，加入大量蒜蓉一齊蒸更能提鮮其味道。鹽燒油甘魚鮫   😋9/10肉質鮮嫩香口，魚脂甘香撲鼻；啖啖的鹽香更加惹味。蒜蓉燒茄子(原隻)   😋8/10燒茄子時間需長才能令茄肉淋身，同時又要保持水份其實確有難度；故在家很少烹調這個菜，通常在串燒店才會點。菠蘿   😋8/10新鮮菠蘿本身巳香甜多汁，燒烤後令甜度濃縮好味。牛油粟米   😋7/10…查看更多

側魚涌放工唔知食乜好，雖然真係有好多野食，不過見到呢間食日本嘢都幾吸引，雖然位置唔係好多但係每個位都幾闊落！一於決定入去試試佢！入面食物包羅萬有，我地今日就決定叫左2個set dinner! 🌻前菜, 餐湯，蒸蛋 7/10由於本人唔太喜愛蕃薯嘅關係，我就覺得呢款前菜有新鮮感而且唔會好似一般前菜咁咸!蛋花湯同埋蒸蛋非常好食，一定唔會令你失望 🌻幸圓雜錦魚生飯 (松葉蟹肉，三文魚)🐟 8/10非常清新特別嘅魚生飯!未必會見到好似平時咁一大堆魚生鋪滿成碗飯，但係千其唔好以為唔好食，大量嘅蟹子，玉子，青瓜再配上牛油果完全可以令你唔會覺得好漏，食多多都唔怕!加埋豐富肥美嘅三文魚同埋清甜嘅蟹肉，正！🌻俄羅斯黑安格斯肉眼扒🐂 9/10牛味非常濃郁！肉質鮮嫩，肉汁亦都鎖晒喺入面非常Juicy，值得一提，佢個蒜蓉醬配上肉眼簡直係驚為天人，叫呢款嘅同志們記得唔好錯過！ 🌻士多啤梨芭菲 6/10甜品相對有少少失色，味道偏向非常甜，不過都可以一試! 🌻芒果天堂8/10唔好比佢個名呃到，其實除左芒果仲有好多味道喺入面! 包括菠蘿，柑橘等等。口味清新唔漏，雖然天寒地凍但係呢杯野一定都係必點之選!…查看更多

金子半之助有「日本第一天丼」美譽，是日本過江龍天婦羅丼飯專門店，連續七屆榮獲日本全國天丼金賞。食材、醬汁等均是由日本進口；而炸油亦選用日本特製高級麻油精製而成，故能散發出陣陣麻油香。今晚專程到灣仔利東街品嘗它的風采，順道在這囍帖街感受下新春熱鬧氣氛。海老(2尾)🍤和日本產帆立貝(2個)   8/10炸皮十分薄身而香脆，海蝦肉質彈牙而帆立貝鮮嫩大隻；兩者皆非常新鮮。白身魚   7/10買相呈心形，亦似大蝦開雙飛；原來是白身魚天婦羅頗為別緻。海花天押壽司🍣    8/10壽司以長方形式呈現，與其他不一樣。炸蝦天婦羅卜卜脆，夾上紫蘇嘅淡香和自製醬汁創新好味。迷你天丼(牡巁)和稻庭烏冬   8/10迷你丼一D都唔迷你，有蜜糖豆、菇、南瓜、茄子等天婦羅。還有主配料的牡蠣🦪，鮮嫩肥美；最重要係炸漿又薄又鬆化不覺肥膩。另外米飯軟硬適中，可加入温泉蛋🥚令人回味。烏冬🍜 煙韌彈牙，隨餐跟上配料箱可讓客人揀選配料；如木魚絲、葱、海帶和天婦羅脆等加強口感和味道。 "…查看更多

每次行開尖沙咀中間道都會和閨蜜來room 3食嘢，因喜愛餐廳的氛圍很舒適很寧靜；令人可輕鬆地暢談和享用美食。食肆是一間高質素而極具性價比的日式餐廳，環境佈置相當有品味和優雅；客人可在三個風格迥異的用餐空間內分享多欵別具創意的東灜美點和小食。而午餐亦有多欵套餐選擇，今次我們揀選左兩個套餐一同分享。🌻 前菜，甜品，飲品   8/10沙律菜爽脆新鮮，配以車厘茄、、火龍果和蜜瓜；口感清甜，十分開胃。蛋糕雖然畧小，但勝在不太甜。🌻 燒汁白鳕魚扒和大蝦米飯   9/10魚扒肉質細膩，油脂豐富；魚皮煎得香口，就算沾上燒汁亦依然脆口。大蝦真的很巨，爽口彈牙啖啖肉。 🌻 美國頂級燒汁肉眼扒配帆立貝米飯   9/10優質的無激素草飼肉眼扒非常高質，內裡肉色呈粉紅非常鮮嫩；而且食落juicy，份量亦很足夠。👍👍 🌻 煎茶淡淡的煎茶有清腸胃作用，可減飽膩；最重要係服務員經常為我們加添。…查看更多

餐廳以傳統西餐廳格式為主調，一行的餐枱配合上柔和的燈飾;彷如置身於歐洲之感。餐牌有多欵精美午市套餐可供客人選擇，有麵包、是日餐湯、沙律、主菜或茶；還可以升級甜點或飲品。首先來個是日黑松露蘑菇湯。松露味就稍為弱左D，但整體個湯很綿很順滑很香的菇菌味。蒜茸牛油多士，卜卜脆蒜香濃。廚師沙律有多欵新鮮蔬菜，清新爽口；係唔錯的前菜。香脆杏仁三文魚件小茴香蕃紅花忌廉汁  $268魚片煎香再加上杏仁脆脆口感十足，肉質鮮嫩油脂香;以淡淡的蕃紅花忌廉汁襯托來食非常夾，毫無喧賓奪主的感覺。燒BBQ美國豬肋骨  $275豬肋骨份量十足未食已聞到香噴噴。肋骨烤得 恰到好處一啲都唔鞋口，咬落juicy ；吸收埋濃郁醬汁特別惹味。而薯條是卽炸的，外脆內軟薯味香。…查看更多

今天去鰂魚涌找朋友聚舊，她帶我去了一間餐廳食午餐。食肆位置頗為隱蔽，若不是該區地膽恐怕都幾難找到；而且週圍環境都很靜，路人稀少。但估唔到餐廳D食物質素很高和有水準，難怪友人刻意都要帶我來品嘗啦！🤪😋Under the crust   $138雲石墨魚餅海膽汁貝殼粉這道菜式很特別有驚喜！首先係墨魚餅切開粒狀露出雲石紋理都是第一次見到，咬落彈牙有口感；墨魚味濃郁。貝殼粉煙韌適中，吸收哂微辣的海膽汁十分惹味。Golden Ratio   $98香烤牛腹肉配甘薯藜麥沙律藜麥通常係女仕喜愛的食材，以它做沙律嘅可飽肚又健康絕對是最佳的選擇。甘薯香甜、火箭菜清新；以青瓜做成似莎莎醬料非常開胃。牛腹肉薄切一片片鋪在沙律上面，淋滑多汁；最重要是份量唔少。Strawberry Cream Cheese  $40士多啤梨忌廉芝士牛角包窩夫窩夫焗得外脆內軟很有蛋味，配以忌廉芝士香滑滋味；上面放些士多啤梨更覺高檔減輕罪惡感。🤣Cleanse with Coconut    $38集合綠茶、香茅薑、牛蒡根、椰子、蒲公英葉、 金盞花及檸檬皮等等用料十足，非常養生我喜愛。Matcha Latte    $46Latte面上拉花好靚， 宇治綠茶香濃幼滑好飲。…查看更多

🤩佐敦真係有好多野食，不過每次想食日本嘢都係食返呢間！雖然位置唔係好多，座位都幾闊落！🌻酒盜七味魷魚 10/10呢款前菜基本上係每次嚟到必點！味道唔會太濃或太淡，輕輕燒過嘅味道令到佢更加特別。而且有口感嚼頭，送酒一流！ 🌻鹽燒油甘魚鮫🐟 8/10外皮香脆，但肉質嫩滑有口感！加埋豐富嘅魚油，兩個人share fit晒！ 🌻玉子燒8/10今次嚟到試咗呢樣新嘅食物。坊間一般嘅玉子燒都比較濃味以及甜，但係呢間嘅玉子燒酒比較清新，再加上蘿蔔蓉並唔會令到你有非常漏嘅感覺。鍾意清新嘅朋友可以一試。 🌻網燒牛扒🐂 8/10牛味非常濃郁！肉質鮮嫩，入口即溶 ！大廚已經自動將佢變為五成熟，肉汁亦都鎖晒喺入面非常Juicy！醬汁方面有燒汁！值得一提，用炸蒜配上肉眼也不失為一個好選擇！ 🌻清酒煮海蜆 10/10另一款每一次嚟必叫嘅嘢食！除咗味道一流之外，更加10分抵食。大大隻蜆足足有10幾隻，亦都唔會有唔新鮮嘅情況！尤其是而家天氣轉涼，叫返呢一個暖一暖胃係必然之選！ 🌻刺身盛合🐟10/10嚟到日本餐廳點會冇刺身食！呢間餐廳更會定時有唔同嘅組合，照顧唔同口味嘅你🙆🏻‍♂️ 今次我哋就點咗深海池魚，活赤貝，帶子，黑鯛以及三文魚！所有魚生都非常新鮮，絕對滿足到大家嘅味蕾！ 🌻鰻魚炒飯 9/10鍾意食鰻魚嘅朋友，除咗餐廳嘅另一推介鰻魚飯團之外，都可以嘗試試吓呢個鰻魚炒飯。雖然看似好普通嘅食物，但係呢個炒飯可以炒到粒粒分明，而且鰻魚份量十足。絕對係物有所值！…查看更多

今天阿仔想食潮州嘢，於是近近地去了香港仔駟馬拖車晚餐。以往曾來過飲茶覺得這度地方寬敞，座位舒適；比起同區酒樓較為乾淨和不需要搭檯，這是個重點。滷水鵝片  $188鵝片切得剛剛好唔會太厚或太薄，肉質軟嫩。鵝皮脂肪少，令人咬起來香而不油膩;片片皆是肉相對不喜愛咬骨之食客係最佳之選。滷水豆腐很入味，除了滿腔滷水味外亦充滿豆香。椒鹽九肚魚  $98薄薄的炸漿加上椒鹽令整個九肚魚味道提升不少，食時外脆內滑又很惹味。韮菜豬紅   $56豬紅好香好入味，與韮菜相伴係絕配之選;是豬紅控必點。潮州式蠔仔粥   $128食潮州嘢除了滷水鵝外，蠔仔粥也是必點之一。蠔仔清潔得很乾淨一D蠔殼都冇，份量很多，每隻皆肥美嫩滑飽滿得有彈性。米粥亦有口感，整個粥熱騰騰食落毫無腥味。馬蹄綠豆爽  $33馬蹄爽口清甜有口感，綠豆煮得夠淋;兩者混在一起做成一道清甜解暑的糖水來完結今晚的晚餐。…查看更多

家賀屋在灣仔已開業很多年，疫情前也去過數次貪其食物質素唔錯。今次老友回港探親，一於約她去銅鑼灣分店午餐作為幫佢洗塵。食肆地方濶落感覺舒服，在這輕鬆環境下好讓我倆慢慢地懷念昔日的友誼。服務員有禮地招呼並遞上餐牌，我和朋友各自挑選心儀套餐。套餐包括濃郁的海帶味噌湯、新鮮開胃田園沙律、日式燉蛋等。值得一提是燉蛋食落很嫩滑，材料十足。横綱刺身定食(8貫)    $300師傅特選一點2切，有大本鮪魚腩、油甘魚、真鯛、日本凡立貝和持大赤海老等。真鯛味道鮮甜，而且刺少肉多，油脂含量又低，口感非常好。大本鮪魚腩卽拖羅，拖羅是刺身極品中之極品, 取自藍鰭吞拿魚肥美之魚腩。是全條吞拿魚中最肥美的部份!拖羅佈滿精緻的魚油花紋, 口感入口即化, 油香四溢而又鮮甜無比, 完全不膩。油甘魚非常厚實滑嫩, 色澤紋路分布均勻, 如大理石, 肉厚肥嫩, 魚肉細緻甘甜、滑嫩多膠質，油花均勻的散佈於每絲刺身當中，入口即能融化在舌尖上。日本凡立貝肉身豐厚，爽口彈牙；味道鮮甜。赤海老很大隻比一般蝦子較大；用它來做刺身甚有睇頭。另外可選湯烏冬或御飯。生薑燒安格斯牛肉丼定食  $180牛肉採用安格斯肉質細膩嫩滑，適量醬汁為牛肉味道更顯濃烈；配埋生薑令整個定食增添了口感和食慾。最後更order了芝士蛋糕和千層蛋糕作完美的飯局。😋…查看更多

陪老公去佐敦買嘢順道逛街，行到累了就找地方休息順便食埋晚飯。見到有間粥麵店門口有多人在等候，一些是排隊堂食另外是外買。好奇地上網search 原來是一間開業已有二十幾年的老品牌粥麵店，應其食物品質有保證才有那麼多人等候。店舖燈光火猛，座位長方形排開乾淨整齊。這裏有套餐供食客選擇，可從粥粉麵飯擇其一種，另配油菜或小食(有多項欵式)；再挑選飲品一杯，變化多到必有一欵合你心水。於是分別我們揀選了兩份套餐和一個小食。雲吞麵配蠔油西生菜加熱薏米水   $68雲吞size適中，內裹大大隻蝦和豬肉爽口又彈牙；用料十足。金黄色的麵條望見頗有質感，毫無鹹水味;麵就算拿回家吃亦毫無減輕它的彈性，非常爽口。薏米水微甜薏米料甚多，是健康去濕的極佳飲品。海南雞黃薑飯配蠔油菜心加熱豆漿  $83雞皮薄呈金黃色，雖然係不健康但吸引得唔捨得唔食；而肉質嫩滑一D都唔韌。雞肉沾上羗蓉、醬油或秘製海南醋份外滋味；而黄薑飯是我至愛，再夾片酸羗一齊食十分開胃。菜心很新鮮很淋。炸鯪魚球      $39鲮魚球是卽炸，所以熱騰騰脹卜卜；味道鲜和彈口，加入些自家製的蜆芥醬别有風味。…查看更多

今午來到中間道找朋友聚舊，當然要揾間食肆適合我們一面食嘢一面飲杯chill chill 啦!朋友是地頭蟲她隨意就帶領我來到H Zentre UG樓的Rooms 3。餐廳以新一派日式居酒屋裝潢，充滿時尚格調和高雅；環境很舒適很放鬆，確實是傾談聚聚的好地方。入口有大型酒吧陳列出各種酒藏如威士忌、拔蘭地、蔔葡酒、雞尾酒等認真吸👀。地方分為三個不同風格的飲食區，不論二人高椅座位或舒適梳化可供三五知巳外；還有廂房和吧檯適合不同客人要求。午餐有數欵套餐可供選擇，附送沙律、甜品、凍/熱日本煎茶(無糖)或汽水，亦可加費upgrade 飲品。最重要是餐廳現在做緊八拆優惠。👍我們各自選擇個人喜愛套餐。餐前先來個開胃沙律，配料有新鮮沙律菜、哈蜜瓜、火龍果、車厘茄；加上沙律醋酸甜開胃。餐湯濃郁美味，用料十足；牛舌很淋和入味，可惜份量略少。海之幸壽司TACO配日式冷烏冬   $248壽司用木座承托著買相有創意。饀料非常豐富有海膽、三文魚子、拖羅、帆立貝和蟹肉等等，各樣刺身非常新鮮舖滿整件壽司。而紫菜亦很香脆，與軟糯的內饀有強烈對比；令口感提升不少。冷烏冬質感更有彈性爽口，混入温泉蛋更覺嫩滑無比。燒汁纽西蘭頂級無激素草飼肉眼扒配米飯  $358來自纽西蘭草飼肉眼扒，品質很高。因餐廳用料一向嚴謹，專門揀選無激素的頂級牛排；好讓客人食得開心又放心。肉眼排烹調恰到好處呈粉紅色，肉質非常淋滑。 👍👍抹茶蕨餅配十勝紅豆採用日本十勝紅豆，大大粒豆味香煮得軟糯香甜。蕨餅煙煙勒勒口感十足，以抹茶粉鋪滿食時帶有甘香。兩者組合形成極有日本色彩的甜品。…查看更多

今午約了友人在上環午餐聚舊，特選了間隣近地鐵站的餐廳；貪其交通方便。環境以大自然為主題舒適優雅，適合我們暢談。食肆是正宗歐陸式餐廳，由一班盡喜愛週遊列國的朋友開設，常為餐廳搜羅各地優質食材。今次我們挑選了兩個set lunch，已包括餐湯、餐包、沙律和飲品。是日餐湯是金筍南瓜湯，口感幼滑味道濃；夾上蒜蓉包份外惹味。😋廚師沙律新鮮又健康。芝士蟹肉蕃茄忌廉汁粗管麵   $208粗管麵煮得恰到好處，軟硬適中;再以忌廉和蕃茄煮成醬汁混入其中，使整碟粗管麵完全吸收，非常入味。上面鋪滿芝士和蟹肉，既鮮甜又邪惡。煙燻鳳尾蝦配椰香南瓜黃薑意大利飯  $228鳳尾蝦大大隻有四隻，肉質彈牙爽口。Risotto濕潤creamy，南瓜啖啖充滿椰香味;加入黃薑煮的意大利飯煙煙靭靭好有口感和味道濃郁。…查看更多