QuinC的個人專頁

聽朋友講話荔枝角有好多好食既餐廳，佢仲介紹左哩間隱藏喺荔枝角工廈入面嘅西餐廳，咁我就即刻book定位去試一試。我地平日去食，都座無虛席，相信食物質素有一定保證。3-Course Set Dinner Menu⭐️餐包意式香草餐包上檯既時候係熱辣辣的，口感外脆內軟，蘸埋橄欖油同埋意大利黑醋一齊食，酸酸地夠哂開胃。Soup 餐湯⭐️巴拿馬芝士薄片配薯蓉湯哩個湯係將薯仔打至綿密既薯蓉，入面仲加左牛奶去打，口感好滑嫩細緻，飲落充滿濃濃既薯仔同埋牛奶既香味，面頭仲有一片燒脆左既巴拿馬芝士，兩樣夾埋一齊非常之夾。First Course 頭盤⭐️地中海香草番茄乾凍批呢道菜係一道好清新既開胃菜，食落口感似番茄啫喱，味道酸酸地，好特別。⭐️牛油粟米泡沫配加拿大海膽女孩見到一定心心眼既一道菜，因為佢係用一個玻璃首飾盒做擺盤的，睇落賣相十分精緻，一打開入面見到最愛既海膽，仲有爆谷、粟米、泡沫，海膽好鮮甜，加埋香甜既粟米、香脆既爆谷，同埋玉米味既泡沫一齊食，口感味道好有層次、好特別！Second Course⭐️意式雞肉捲配花雕汁雞捲肉質好嫩滑，一啲都唔柴口，將意式雞捲融合中式既花雕酒，原來可以咁夾。Entrees 主菜⭐️焗㭲陵蘭銀鱈魚 配黑松露忌廉汁真係第一次見咁厚身嘅銀鱈魚，銀鱈魚肉質好嫩滑，鮮嫩多汁，煎香兩邊仲更加香口，旁邊既醬汁係黑松露忌廉汁，味道有啲似黑松露忌廉蘑菇湯，兩者夾埋一齊食簡直係絕配。⭐️焗羊柳 薄荷青豆蓉 羽衣甘藍我自己一向都好怕啲羊羶味，但呢個羊柳一啲都唔羶，烹調時間亦都控制得剛剛好，可以保持到羊柳既肉質鮮嫩，羊味亦恰到好處，旁邊仲有啲炸過嘅羽衣甘藍，食落好似紫菜，好得意！晚餐跟兩杯餐飲，最後我同朋友都叫左有機薑茶，食左咁多野食之後飲番杯薑茶暖下個胃，真係好舒服~推介指數：⭐️⭐️⭐️ (3.5/5)📍FAB Kitchen (荔枝角)📍荔枝角長沙灣道883號億利工業中心7樓704號舖…查看更多

<澳門篇> 威尼斯人北方館久違的澳門之旅，閉關左咁耐終於通關了，趁住復活假期，就計劃一家人去澳門快閃兩日一夜。今次我地係經港珠澳大橋乘搭金巴去澳門，但由於係假期同埋大家真係閉關咗好耐既關係，過關時間頗長，我地前後用左大概5個幾鐘既時間先由香港成功到達澳門威尼斯人。咁辛苦先黎到澳門，一到埗就決定要食返餐好既，跟住我地一位住澳門既朋友就帶左我地去威尼斯人北京館食晚飯了。當日我地無訂位，所以都等左一個鐘先有位。餐廳裝潢走時尚中國風，色調以紅黑為主，餐廳樓底高且天花佈滿射燈，光線明亮，更突顯高尚格調。在餐廳的中央位置，有個開放式廚房，可以清楚見到師傅即製麵條，除左店內裝修，佢地既食物擺盤亦都好有心思。菜式⭐️酸辣湯哩個酸辣湯，質感較稀，味道方面唔太辣，但就唔係好夠酸，唔係我食開嘅味道，較為一般。⭐️ 掛桿蒜泥白切肉👍🏻食開嘅蒜泥白肉，一向都係白肉放底，蒜泥擺面，今日第一次食要自己包嘅蒜泥白肉。呢度菜，基本上每一檯嘅客人都會叫一份，係餐廳嘅必食菜式之一。一片薄薄既白肉夾住一片爽脆既青瓜，再加埋特制既蒜泥卷埋一齊食，成個感覺好Fresh，辣得黎又幾爽，係一道唔錯嘅開胃菜。⭐️炒烤羊肉夾饃👍🏻店員上桌既一刻，在空中已經飄住陣陣既羊肉香味，擺盤亦很精美。一向好怕羊羶味既我，今次食哩個完全唔覺得羶，羊肉味剛剛好，當中仲帶點辣味和孜然粉香味，再加上爆炒三色椒和洋蔥，放入烘過既夾饃食，真係好惹味。⭐️花雕醉雞哩道醉雞既肉質好嫩滑，嫩而不柴，而且酒味十足，令人十分回味。醉雞既每一種調料都恰到好處，令到成道菜既味道更加濃郁。⭐️牛肉松炒飯👍🏻牛肉炒飯既米飯炒至粒粒分明，散發著淡淡的米香味和濃濃既牛肉香味，令人垂涎欲滴。哩個炒飯既口感同味道都非常好，加入左蔥、姜、蒜一齊炒，香氣濃郁，食到唔停口。總括而言，雖然食品唔係每樣都滿足到我，但整體食物質素都高。另外，我又特別喜歡餐廳中國風既裝修，令到進食既客人有更舒適既體驗。哩間餐廳算係澳門性價比比較高既餐廳，值得一試👍🏻P.S 建議大家假期去的話，都係搭船去穩陣啲，同埋唔想去到排隊排咁耐，就記得預早book定位喇～推介指數：⭐️⭐️⭐️⭐️ (4/5)📍北方館(威尼斯人）📍路氹城金光大道望德聖母灣大馬路澳門威尼斯人地面大堂1015號舖營業時間：上午11:00至下午 3:00晚上6:00至晚上11:00電話：+853 8118 8822…查看更多

<📍元朗> 荒島中的美食今日試左屋企附近新開既牛奶冰室，牛奶冰室我聽就聽得多，一向都有唔少好評，今次我就第一次黎試。⭐️酸菜魚米線我自己本身好鍾意食酸菜魚，我第一時間見到有酸菜魚，就即刻叫左😍。本來都無乜太大期望，始終都不能夠同出面專門食酸菜魚既比較，但最後結果卻令我喜出望外。估唔到冰室既酸菜魚都咁好食，條魚好新鮮，魚質夠滑身，湯底呈奶白色，好鮮味，唔太辣又唔太酸，酸菜同辣椒既配合度，亦恰到好處，個湯又好飲，撈飯一定仲更加美味。酸菜魚既份量亦都唔少，入面仲有配料包括：酸菜、芽菜、萵筍、本菇。好味指數：⭐️⭐️⭐️⭐️⭐️ (5/5)⭐️黑糖牛乳涼粉冰我驟眼睇平均每枱都點左一杯哩款飲品，我就即刻點黎試下，果然非常之好飲😋 我叫左少冰少甜，所以唔會好甜。濃濃的黑糖混合牛奶既味道，感覺非常濃郁，但不會太甜膩，加埋涼粉，口感非常清爽又解渴，真係最適合炎炎既夏日必飲之選。好味指數：⭐️⭐️⭐️⭐️⭐️ (5/5)整體而言，第一次去茶記點酸菜魚，仲要咁好食，真係一個非常好既體驗，餐廳仲有好多其他款既野食可以叫，一路食既過程中，聽到隔離有唔少食客一邊食一邊話好好食，下次一定會再去，要試晒佢地其他菜式❤️推介指數：⭐️⭐️⭐️⭐️⭐️ (5/5)…查看更多

今日出咗去尖沙咀行街，我朋友心血來潮話好想食醬油蟹，咁我即刻上網搵吓邊度有得食，最後俾我搵到哩間「元豐園」，原來哩間餐廳開咗好多年。菜式⭐️醬油蟹我哋叫咗兩隻醬油蟹，醬油蟹膏都算多，厚肉，肉質鮮甜，每一啖都係金黃色嘅蟹膏，真係好正呀。蟹蓋啲膏都好多，醬油亦都唔算鹹，仲可以提起蟹本身嘅鮮味，我地另外叫左個紫菜飯，將蟹肉蟹膏撈埋啲紫菜飯一齊食，簡直係美味指數爆燈😋😍 ⭐️部隊鍋至於我地最期待既部隊鍋，就真係比較遜色左啲，鍋入面既配料有午餐肉、腸仔、金菇、蕃茄豆、菜等等，仲有啲芝士喺面添，所以配料和湯底味道都很一般。🙂 唔好睇個鍋好似好大，但其實個煲唔係好深。部隊鍋既靈魂之一，莫過於公仔麵，但哩度既部隊鍋係無包公仔麵，係需要自行另加，不過我地最後無加到。⭐️冷盤小食冷盤小食都係正常發揮同行朋友仲叫左Bibimbap韓式石鍋拌飯，同埋大醬湯飯，由於佢地太肚餓，所以一黎到相都未影就即刻食左了🤣 佢地表示都幾好食。整體而言，除左個部隊鍋相對一般之外，其他菜式都唔錯，環境黎講始終哩間餐廳都開咗咁耐，雖然舊左啲，但尚算坐得舒服，大家不妨可以一試。推介指數：⭐️⭐️⭐️⭐️ (4/5)📍元豐園 (尖沙咀)📍尖沙咀寶勒巷22-24號雲龍商業大廈地下☎️ 2721 8730…查看更多

我同閨蜜剛剛先喺日本返黎無耐，但仲係對日本之旅念念不忘，所以決定今日約埋閨蜜一齊去試哩間日本居酒屋，延續我哋嘅旅程🥰 哩間餐廳係位於加拿分道地庫，平時行過都唔會為意哩間餐廳，十分隱蔽。先講下餐廳既環境，一入到去餐廳已經感覺自己又好似去左日本咁，氣氛好好，令我印象最深既莫過於餐廳入面既魚缸，入面放左好多新鮮既龍蝦、活魚，成個感覺就好似自己置身於魚市場用餐咁🥰菜式⭐️河豚魚干呢款河豚魚干較厚身，質感較硬，好有咬口，面頭仲有甜甜的醬汁，連埋旁邊既沙律醬一齊食，令到魚干會更美味，攞黎做佐酒小食一流👍🏻⭐️魚子醬和牛壽司哩件壽司真係不得了，和牛好夠肥美，加埋魚子醬既味道，成件事好match，中意食和牛既朋友仔真係要試下😋⭐️鳶極上壽司10貫呢個壽司盛既食材非常新鮮，用上海膽、三文魚子、赤貝、左口魚邊、金目鯛、拖羅、油甘魚、白身魚、帶子、甜蝦，性價比較高👍🏻⭐️極上刺身盛哩個刺身盛入面有海膽、赤貝、金目鯛、吞拿魚、油甘魚、白身魚、帶子，水產食材新鮮，但係我地發現佢同Menu入面既圖片有出入，因為我地最想食既甜蝦都無，仲有menu入面明明係三文魚腩，最後俾左三文魚，哩個位令人有啲失望。經我地反映之後，師傅都換返幾隻甜蝦俾我地。⭐️日本生蠔哩隻生蠔本身質感較爽口，食落都好新鮮，味道方面較淡。⭐️梅酒整體而言，餐廳所用既食材新鮮，環境黎講都坐得舒服，用魚市場做主題既居酒屋唔多，大家不妨黎試下。其實佢地仲有串燒食，我下次會再去試埋佢地既串燒😋 另外，餐廳每日都有做唔同既優惠，大家可以參考下。推介指數：⭐️⭐️⭐️⭐️ (4/5)…查看更多

今日時間有啲趕，行過油麻地A出口，所以要速食個午餐，就走咗嚟呢間小食店食粢飯、腸粉，再加支豆漿。其實哩間野我都食左好多年，佢地既餈飯更係我食過咁多間最好食既，真係食過哩間之後就返唔到轉頭。⭐️即叫即制粢飯哩間啲餈飯係即叫即制既，唔似出面嗰啲包好晒，無咁新鮮無咁好食。餈飯外層既糯米飯很軟糯，好有口感，中意口感煙韌既朋友就岩晒，餡料方面有肉鬆、榨菜同油炸鬼，一咬落去真感受到滿滿既幸福感，因為真係太好食喇😋⭐️蒸腸粉蒸腸粉就好滑，加埋混醬同芝麻，實在好好食😋⭐️凍豆漿哩度既凍豆漿係枝裝，熱豆漿就係杯裝既，飲落唔太甜，感覺健康啲，口感好滑，好香豆味，幾好飲👍🏻整體而言，哩間小食店嘅小食都唔錯，值得一試。我知道佢其他小食都好多人叫，例如：生炒糯米飯、生菜魚肉碗仔翅、車仔麵、燒賣魚蛋等等，下次要再去試埋其他小食😁推介指數：⭐️⭐️⭐️⭐️⭐️ (5/5)…查看更多

今日行開旺角又想食酸辣野，就去左試下哩間貴香園。⭐️貴香園紅薯粉 (酸辣湯)呢碗酸辣薯粉一送到埋黎就聞到好香既酸辣湯味，飲落好夠酸，係我中意既酸辣湯口味😋 我叫左3款配菜，包括：韭菜餃、金菇，仲有我最愛既白蘿蔔。韭菜餃幾好食，餃皮唔會太軟，好多煮得太耐一夾就爛晒，哩隻煮得剛剛好。白蘿蔔煮得好林、好甜，仲好重胡椒味，應該係用胡椒湯煮過。另外，仲叫左杯凍奶茶少冰少甜，但飲落一般，茶底唔夠香，奶味唔夠重。整體而言，酸辣薯粉係幾好食既，係杯凍奶茶較遜色，其他so far都ok，可以一試。推介指數：4/5 (⭐️⭐️⭐️⭐️)…查看更多

有一日我去銅鑼灣，見到地鐵站有捕夢之旅既廣告就已經被吸引住了，因為哩個係全港首個衝擊五感，包括視覺、聽覺、觸覺、嗅覺、動感既一種體驗，由詹sir(詹瑞文)擔任導演既show，喜歡試新嘢嘅我，梗係唔執輸，即刻book定位同老公去撐枱腳，體驗一場華麗嘅盛宴💖你準備好黎一齊發夢未？正如星爺話齋「一個人無夢想，同條鹹魚又有咩分別呢？」哩個show可以帶大家搵返昔日同埋現在既夢想，幫助大家可以克服恐懼，繼續追尋自己嘅夢想💪🏻我同老公一入門口就俾店內華麗既裝潢震懾左，餐廳內外都好多打卡位，岩晒打卡一族黎朝聖。我地喺開show前已經到左，夢之菜單⭐️夢海浮沉 Roma is Red（羅馬蕃茄羅勒湯）哩個蕃茄湯既味道好濃郁，同埋好夠熱，飲落去酸酸甜甜，感覺好fresh好醒胃，感覺好似用左成個蕃茄落去打，好足料。喺個湯上面仲有幾粒麵包粒，好香脆。⭐️舊歡魚夢 Mr. D Fishing（時令刺身拼盤）刺身盛放喺一個玻璃盒入面，擺盤十分精緻華麗，玻璃盒入面主要有四款刺身，包括：馬糞海膽、北海道帶子刺身、油甘魚、三文魚籽魚子醬加柚子啫喱生蠔，所有刺身都好新鮮，我最鍾意就係佢哋嘅生蠔，好鮮甜，配合柚子啫喱一齊食，成個感覺好refreshing。一打開個玻璃盒，仲見到有隻蝴蝶同埋花放喺旁邊點綴，可見餐廳花左唔少心思作擺盤。⭐️夢朱豬 Nightmare（慢煮伊比利亞豬鞍•自家制蘋果無花果蓉）豬肩肉經過多小時既慢煮過程，再將兩面煎至金黃色，十分香口，切開肉質呈粉紅色，口感鬆軟，又juicy，肉味好濃，加埋旁邊酸酸甜甜既蘋果無花果蓉一齊食，簡直係錦上添花。旁邊既配菜有焗薯、車厘茄、茄子同埋西蘭花苗等既蔬菜，除左可以做點綴之外，仲可以平衡返豬肩肉既油脂。⭐️甜椰椰夢歌One piece of Cloud（椰子芒果朱古力甜品）哩款甜品椰香味好重，口感就正如甜品個名一樣，好似食左舊朵咁，甜品既外面係椰子慕絲，中間包住左芒果冰，唔太甜又太唔膩。放喺旁邊既鋼琴白朱古力都幾好食，唔會好甜。哩個甜品簡直係為哩餐華麗盛宴完美作結，食完好有滿足感。表演者整體而言，人生第一次可以邊食邊睇表演，一次過滿足晒五個感官既體驗，又好食、又好玩，真係物有所值，令人十分難忘。推介指數：⭐️⭐️⭐️⭐️⭐️ (5/5)人均收費：$1,680/位 (另收加一服務費)📍十八夢（銅鑼灣）📍銅鑼灣登龍街18號V Point 6樓…查看更多

⭐️自家製叉燒拉麵 ($59包飲品)外賣首要既條件係要夠熱，哩個拉麵送到黎嘅時候仲係熱既，仲有好多塊叉燒，叉燒嘅肉質好林，豬骨湯底都好香濃，同堂食無分別，好好味👍🏻好味指數：⭐️⭐️⭐️⭐️⭐️ (5/5)⭐️芝士年糕 ($40)我最中意食芝士年糕，哩個年糕炸得剛剛好，唔會太油膩👍🏻好味指數：⭐️⭐️⭐️⭐️ (4/5)⭐️即磨炭燒咖啡 (凍啡+$3)哩杯即磨炭燒咖啡奶味好重，味道都唔錯，只係比較多冰，同埋甜左啲，堂食既朋友建議少冰少甜。好味指數：⭐️⭐️⭐️⭐️ (4/5)整體評分：⭐️⭐️⭐️⭐️⭐️ (5/5)…查看更多

今日喺屋企唔想出街，又想食返個靚早餐加杯咖啡，就喺網上外賣平台碌下有咩食，見到呢間啲嘢食幾靚就試吓☺️⭐️ All day breakfast 全日早餐成個全日早餐黎到都仲係暖既，整體黎講都唔錯，好fresh🥗- 炒蛋炒得好香滑- 薯角炸得好香脆- 牛角包上加咗蜜糖，好好食- 沙律菜都好新鮮- 煙肉腸正常- 煙三文魚份量較少好味指數：⭐️⭐️⭐️⭐️ (4.5/5)⭐️Latte Macchiato 咖啡瑪奇朵，英文是Macchiato，喺意大利文中係「污漬」既意思，即係濃縮咖啡入面加上少少奶泡既咖啡。如果覺得Cafe Latte嘅咖啡唔夠香濃嘅朋友仔，可以試吓飲哩款😋好味指數：⭐️⭐️⭐️⭐️⭐️ (5/5)…查看更多