～為食兵團～的個人專頁

新開左一排都未有機會試食呢間餐廳，今日同事介紹過話幾好味之後就走左去試😋入左門口就行樓層上一層去用餐區，唔算好多位，坐得迫迫地，因為啲枱隔得唔開，set lunch 分量都幾多，有齊沙律🥗&湯&main course &甜品&飲品。先上個沙律，感覺幾特別，材料有扎肉新鮮蕃石榴粒&粟米，味道清清地 👍🏻👍🏻👍🏻再黎個南瓜濃湯🎃，好好味👍🏻👍🏻👍🏻👍🏻燒紐西蘭牛柳五成熟 好重牛肉味，好淋好好味👍🏻👍🏻👍🏻👍🏻推介😋燒春雞🐥 朋友話雞肉都好滑，啖啖肉，啱晒食肉獸既朋友👍🏻👍🏻👍🏻蟹肉burger 🍔 朋友無乜點comment但好快食晒😅煎魚配香煎大蝦🍤 特別值得一讚係呢隻大蝦，煎得好香好正👍🏻👍🏻👍🏻👍🏻👍🏻 另外必須要提再提佢個薯蓉都好好味，要留肚食呀！成餐飯既敗筆都算係呢個甜品... 唔好食，又硬，個味又怪😓我食左一啖已經無食lu 總括，以食lunch黎講，加埋一要成$120至$180一個餐，係貴左啲但就算物有所值，不妨一試👍🏻👍🏻👍🏻👍🏻…查看更多

今日因工作關係要去灣仔果頭，開工之前緊係要醫飽個肚先，一落電車就見到呢間餐廳，簡潔既西式裝修，靜靜地又唔駛等位，所以就入左去試一試。炸魚炒蛋牛角包🥐👍🏻👍🏻👍🏻👍🏻啲魚外面好脆，入面好滑唔乾，個炒蛋都好滑，但個敗筆係個牛色包，唔熱又淋左😓三文魚牛油果牛角包🥐三文魚唔會有雪味（應該喺雪櫃拎左出黎一陣），但係啲牛油果🥑唔太熟，有啲硬身，不過唔太熟就會無咁多果糖，會健康啲☺️我特別欣賞餐廳每一個早餐都會有沙律菜🥗&蕃茄仔🍅，感覺田園啲健康啲，fresh d👍🏻👍🏻跟餐可以加$選配特色咖啡☕️，如cappuccino/latte，我無加$揀左呢熱咖啡，奶另上，味道都唔錯😌整體感覺唔錯，服務好好，可以再黎👍🏻👍🏻…查看更多

自從幾年前食過呢間餐廳嘅牛肉餅，就深深愛上左佢，自此每逢經過九龍城，都定必要買返一兩件嚟食先至滿足。而呢間餐廳亦都成為左九龍城數一數二出名嘅必食餐廳。今日工作關係路經九龍城，固然要黎朝一朝聖🙇🏻‍♀️，下午四點零，餐廳冇乜人，所以啲餅係即叫即煎，心諗一定會更加好味，所以即刻外賣左4個招牌牛肉餅嚟食😋雖然餐廳無乜人食野，由於係即叫即整既關係，我都起碼等左15分鐘😓$18@招牌清真牛肉餅一啖咬落去，熱辣辣，味道依舊，點知個皮好明顯厚咗好多，未至於食到成口粉，但同以前嘅質素比確實差左好多（唔通我要求太高？）以為只不過係隅一失手，再試食另外一個...點知結果都係一樣... 一樣咁厚皮，頓時覺得好失望😣 …查看更多

今朝一番到工就生死時速咁衝衝衝，忙到抖唔到氣，所以決定lunch Time好好地善待自己，去食餐好嘅😌今日天氣好好，有微風又有太陽☀️☀️最適合去一啲有落地大玻璃嘅餐廳度食飯，呢間餐廳位處corner位，而且兩邊都係落地大玻璃，成間餐廳都可以有自然光照到，感覺非常溫暖而且座位非常寬闊，最啱幫啲辛勤工作左成朝嘅打工仔打打氣💪🏻💪🏻💪🏻餐廳大自然好舒適嘅設計吸引左好多外國人來幫襯，我有一刻都懷疑自己係咪去咗外國🤣餐廳食物選擇唔算好多，食物同飲品要分開order ,但樣樣都好精美，我哋幾個女仔忍唔住叫晒隔離枱叫嘅食物黎食😋😋呢個三文魚溫泉蛋飯，清清地幾好食👍🏻👍🏻炸魚三文治，啲魚炸得啱啱好啲魚肉仲係好滑好juice，唔怪之得好多台都有叫黎食吞拿魚刺身溫泉蛋飯，呢個個味好惹味，令人越食越想食，不知不覺就可以食晒成碗飯呢間餐廳值得再去😍…查看更多

好友生日一行四人想搵個私隱度高又坐得耐啲既地方慶祝，但尖沙咀好多餐廳都限時或分時段🕗，咁樣傾到計又食唔切野，好彩有朋友介紹左呢間餐廳俾我地，如果唔係都唔識去，因為間餐廳位於地牢，地面得一個水牌，唔係咁易搵。姊妹生日梗係要食好啲啦！一於食飛驒牛嘆番下先😋先上頭盤 - 海葡萄沙律再黎個刺身拼盤🦐🐟啲海膽好新鮮👍🏻👍🏻👍🏻三文魚同牡丹蝦都係超級鮮甜🤤🤤🤤諗起都好想再食有大廚喺我地面燒俾我地食果然係特別好食👍🏻👍🏻咁樣邊煮邊食啱晒鍾意雞啄唔斷嘅我哋🗣🗣燒大蝦一人一隻🦐🦐大廚仲會好細心咁逐隻挑走啲蝦腸👍🏻👍🏻入口即溶，簡直係齒頰留香呀😌 可惜得幾舊，好快就食晒😭😭😭黑松露蒸蛋👍🏻👍🏻啲蛋蒸到啱啱，不過冇乜松露味再嚟多一個黑松露炒飯是日甜品 - 木糠奶凍總括黎講，啲野食全部好好食(可能因為啲材料好新鮮全部都係貴價貨)，女仔嚟講套餐份量都算夠食，男仔就可能會覺得唔係咁飽，不過餐廳有得加錢($100)任飲啤酒/清酒，咁樣食唔飽都一定飲到飽🍻🍺🍻…查看更多

今日因爲工作關係黎到大角咀呢邊做野，呢頭除左住宅就得番奧海城，選擇唔係太多，加上午市時間怕多人要等位，所以就揀左呢間唔駛等位既黎食。雖然要搭枱坐，但坐得都算幾舒服，唔會太過嘈。 原來佢落單都幾環保，用透明膠套包住張餐牌，再叫人用擦得甩既筆寫喺張膠套上面，咁樣就餐單可以重複用好多次，簡單易用又環保方便，希望多啲餐廳採用👍🏻👍🏻除左有兩款麵（粗/幼）揀之外，仲可以揀要唔要酸菜，今次我就揀左要碗半腩半筋幼麵+酸菜😋落左單之後唔駛一分鐘碗面就黎到我面前首先講個湯底，非常夠味，仲係重藥材味，正👍🏻 個麵就普普通通唔會太硬，最值得一提係佢個半腩半筋果然好正👍🏻👍🏻超腍超入味，啲腩肉唔會好un，啲筋更加係有啲入口即溶feel，果然係專門食牛😍😍不過可能太夠味，食完好似比較口渴😓…查看更多

平時午市都大排長龍，久久未有機會一試。今日三點三下午茶時間見餓餓地，走去買左個下午茶外賣食。佢個下午茶套餐喺金鐘黎講唔算貴但對比灣仔區會貴少少，但勝有夠精緻，味道亦唔錯，正所謂，睇得又食得😋下午茶套餐都有十幾款選擇，不過全部都係比較飽肚既選擇，如果未食lunch，就最啱當late lunch食👍🏻👍🏻今日凍凍地我就揀左生牛湯河🍲，原來佢外賣都會好有誠意咁幫我分埋湯，仲會配埋辣椒🌶️+青擰🍋，食落味道更加豐富😌碗河粉分量都幾多，一個女仔未必食得晒。另外套餐可以加$轉特飲，而啲特飲都幾好飲，今次我揀左紅棗桂圓茶，幾滋潤又唔太甜最啱近排凍凍地飲☕️…查看更多

UCC早已成為左好多有小朋友既家庭既飯堂，加上馬鞍山唔係太多啱小朋友食既餐廳，所以每逢假日呢間餐廳都定必會大排長龍。加上呢間餐廳係香港少有仍然提供自助沙律吧，我相信好多馬友都一定試過呢間餐廳😋未既話，下次黎試試，沙律吧質素唔錯架🥗其實我都幫襯過好多次，但次次都係假日黎，今日難得放假路過發現原來呢間餐廳星期一至五有個special menu，仲係好抵食😍$69 包埋飲品，飲品仲可以揀我既至愛招牌咖啡☕️星期二精選 - 薑味雞排咖哩味奄列飯雞排個汁都ok，但個奄列原來只係炒飯面加一片蛋，而塊蛋仲要係超薄🍳有啲失望😑但勝在環境舒適，價錢合理，最重要係有杯靚咖啡嘆😌 整體黎講都ok 🤣…查看更多

難得閒日放假，訓到自然醒之後特登去左新港城閒逛食早餐，雖然新港城好多地方都圍左板仲裝修緊，唔係太多選擇，但呢間餐廳我見都有好多人幫襯，一於試下佢，睇下係咪真係集團式就一定無好野🤔成間餐廳好多都係卡位，坐得幾舒服又唔太嘈，落左單好快就有野食👏🏻👏🏻皮蛋瘦肉粥+糯米糭👍🏻👍🏻👍🏻啲粥夠熱唔會好多味精，特別值得一讚既係糯米糉😋好好味，男士必食👍🏻碎牛粥+混醬腸粉+熱柑橘蜜👍🏻👍🏻碎牛粥就一般般，但都唔難食，腸粉都ok，但如果熱啲就更好😅 最欣賞既係杯熱柑橘蜜☕️出奇地好飲，原來餐廳好有誠意咁搞碎左啲柑橘，啲柑橘全部都可以飲晒，正👍🏻啲野食果然靠得住😎…查看更多