清真牛肉館 (龍崗道)

自從幾年前食過呢間餐廳嘅牛肉餅，就深深愛上左佢，自此每逢經過九龍城，都定必要買返一兩件嚟食先至滿足。而呢間餐廳亦都成為左九龍城數一數二出名嘅必食餐廳。

今日工作關係路經九龍城，固然要黎朝一朝聖🙇🏻‍♀️，下午四點零，餐廳冇乜人，所以啲餅係即叫即煎，心諗一定會更加好味，所以即刻外賣左4個招牌牛肉餅嚟食😋雖然餐廳無乜人食野，由於係即叫即整既關係，我都起碼等左15分鐘😓

清真牛肉餅

$18@招牌清真牛肉餅

一啖咬落去，熱辣辣，味道依舊，點知個皮好明顯厚咗好多，未至於食到成口粉，但同以前嘅質素比確實差左好多（唔通我要求太高？）以為只不過係隅一失手，再試食另外一個...點知結果都係一樣... 一樣咁厚皮，頓時覺得好失望😣