bruce.kswu的個人專頁

呢間潮州野，我都經常去買外賣，午餐真係好抵食今日第一次堂食，佢地啲經理，著西裝個啲，特別個两個男人，態度非常差唔好狗眼看人低，两個人lunch 食你600幾蚊，仲要受你两個啲氣300蚊人均一餐除左要食物可以，都要有服務態度，呢個咁既服務態度200蚊人均可以接受…查看更多

一行五人，訂左間房，提早食父親節飯房間，午市 min. charge 2000，晚市min. Charge 5000，非常合理5個人，叫左二人前精選，三個特選，大家share 黎食，又可以龍蝦，鮑魚，帶子，加多800蚊叫左隻斑馬賴尿蝦，過足口癮海鮮真係高水準，賴尿蝦真係鮮味一流，一隻足夠五個人分，可以淺嚐，賴尿蝦殼用黎一齊煮清酒大蜆，呢個超級推薦鵝肝多士多士鬆脆，鵝肝夠油花牛肉薄切可以，豬肉都可以，只係牛肉厚切用左牛柳，因為呢個parts 無油花，欠缺左少少油花味抽單4100，平均每人800，有咁多海鮮合理…查看更多

第一次幫襯呢間小店，買左一打沙葛 沙葛爽口，多汁，但唔夠糖肉份量足夠偏多半打韭菜，半打白菜 餃子入面好多汁，係爆汁調味好食餃子皮，好滑又有口感，食得出係自家制味道買左樽菜脯，味道偏辣，爽口，嗜辣者必配買左两碗湯，煮餃子，味道正常，無好突出…查看更多

見openrice咁多好評，外賣試下，但去到拎外賣餐廳一個人都無，拎到返屋企一試，就明白點解無人两個字：難食完全唔係正常粉面味，都唔明白點解可以咁多好評，仲話係得獎店…查看更多

熱死辣辣，無咩胃口，經過利寶見有新野開，試下個煎餅，未食飯order 左個咸味既芝士肉鬆煎餅，芒果糯米飯，加杯野飲醫肚芝士肉鬆煎餅，餅底夠香夠脆芒果糯米飯，飯落嫌唔夠咸香味，芒果切太薄，無啖啖口感野飲夠凍，同芒味十足…查看更多

前幾日同以前班日本仔同事，去LKF 慶祝萬聖節，人多又迫，想飲野前打定個底，見到呢間新野，個招牌幾吸引，行過去睇下咩料，原來舖頭以日式排為主，仲配飯同沙律今年太忙都未有時間去日本行番轉，日本仔同事話個餐牌有日本流行既吉列牛，吉列豬就聽過，吉列牛咩鬼野，咁咪叫個黎試下米：日本米有咬口米係飲酒前浪肚最好沙律：柚子醋沙律，個人口味，鐘意食柚子豆腐：配胡麻醬到主角：吉列牛（配陶瓷燒），上碟時大概2成熟，食得生既我，當然試两種食法：1）唔燒，即入口，外脆內軟，容易入口；2）陶瓷面燒一燒，迫啲油份出黎，有一種油香味食飽飽有力去玩…查看更多

Last week my girlfriend booked a table in sodam chicken and brought me to try. Me personally not a big fan of fried stuff but the chicken here is really good. The chicken we ordered was cheese bread fried chicken, the chicken was crispy, tender and quite juicy inside. Overall is pretty impressive. …查看更多

搬左去紅磡两個月，慢慢發現都幾多餐廳，特別日韓餐廳，今次係韓餐系列第一回，之後會去其他餐廳再試下咕咕雞，星期六晚9點仲要等位，但接待小哥非常友善，两個人叫左辣魷魚紫菜包飯，餐廳調味適合香港人口味，無咁辣，只係用小辣來調味，配上紫菜包飯卷，味道非常夾人蔘雞湯，只係想試下既心態，因為之前試過太多，都係失望，但今次餐廳既雞湯，有米香惹味豬腩肉，少少肥膩，两個人食細份都覺得有啲多最可惜，我最想食既牛肋骨，因為太夜，賣晒，無論炆既，燒既都無哂，下次再試…查看更多

焱丸同見城正好係棉登徑既盡頭，两間餐廳代表著两種日本飲食文化既風格，見城係高級日本壽司既代號，而焱丸作為日式消閒居酒屋既代號，當之無愧！市面太多自稱居酒屋既餐廳，賣幾片魚生，燒幾隻雞翼，賣日本啤酒就話係居酒屋，一啲心思都無！！但焱丸完全繼承日本居酒屋文化，俾人放工有一個落腳點，吹下水，飲下酒，唔需要理會食既禮儀，大聲講大聲笑，最重要一點！食物質素高！可以品嘗到師傅創意手藝食物！呢點係最關鍵有一款壽司係師傅創作，有蟹肉，蛋，三文魚子，海膽，同魚溶，味道配合，也表現了師傅既創意蟹！蟹糕好香，加上蛋黃香，燒個時好香既蟹糕味，經過炭火既燒熱，蟹香撲鼻，一邊飲住啤酒，一邊吹住水，一邊吸緊蟹香味，係一種享受！其他燒海鮮都非常出色，好彩我地6點就到，人多到一路行一路叫唔該，出面仲有成堆人等緊，要去記住訂台…查看更多

旺角係放題集中地，有日本野，有火鍋，仲有蒸鍋，蒸鍋出左咁耐都未試過，有日係油麻地開完會，就行去旺角睇下有咩野食，最後同女朋友會合試下蒸鍋雖然蒸鍋熱朝已冷，但呢間餐會依然人來人往，應該水準可以，有扁貝，鱔（仲要係豉汁），波士頓龍蝦（個人比較喜歡澳洲藍龍），蠔（加上蒜頭，味道尚可），鮑魚👍👍放題有田雞，好似比較少見，而我比較鐘意食其他食物，相比於其他放題餐廳，食物質素中上水平放題有海鮮蒸鍋作主題，價格比較合理，性格比高…查看更多

有日病病地同女朋友黎試新餐廳，6點鐘到，唔使等位就入座，但走個時開始人多，建議訂枱，人唔係好舒服，所以點左好清即野食叫左個魚，魚烤得乾身，但內𥚃保持肉汁，係魚上面晒左少少鹽調味，配上有椰汁味既飯，算得上係新既配搭而豬手太熱氣，無食到，但女朋友話皮脆肉嫩，又唔會太咸，性價比高至於cocktail 味道可以接受，下次黎可以try try 其他飲品，因為病，無得試咁得，適可而止心太軟，好香朱古力味，雖然無食，但係對面都聞到…查看更多

團隊到公司第一年，業務開始成形，決定開年飯豪派利是，兼豪食一餐，同時歡迎新同事，上次黎食係包房，但個晚落緊雨，無乜境睇，只記得成餐飯3個幾鐘，味道好好，因此係呢個好日子，請團隊黎試下數一數二既餐廳四個人點左午市套餐，我選擇左蠔，同時間有個同事選擇左焗田螺，两樣都有試，首先個蠔，啲汁太酸，蓋過蠔既鮮味，有少少失色，但個焗田螺，焗得好好食，撻皮鬆脆有牛油香酸上田螺，味道非常配合，只有少少美中不足，有少少沙主菜牛肉同芝士長通粉，上台既時候係一份藝術品，遠望似Chocolate Brownie plus cheese cake，近望先知係主菜，牛肉medium rare 啱啱好，有肉汁兼啖啖係口腔打滾既牛味芝士同長通粉亦非常夾，只係「漏左少少」贈送既小甜品喜出望外，特別係菠蘿檸檬Macaron 皮脆不甜，帶少少清新酸味今次去個境靚到哇哇聲，柔和既太陽，睇住個維港如果係室外有少少風，真係會瞓著…查看更多

年初二本應開開心心，俾個黑口黑面無禮貌侍應搞到大家掃興，大家已經一忍再忍，都繼續無禮貌！一行四人中午去飲茶，先叫左大概10個點心，咁再叫野飲，話說女朋友姐夫係外國人，想叫支sparkling water，個侍應唔知係咩，唔緊要，我地已經翻譯有無有汽既水，佢神回：「有，有可樂，雪碧」，我地再講有汽既水，唔係汽水，佢好無禮貌咁講你地玩野？好彩女朋友㩒住我，如果唔係我真係車佢一巴！再三解釋，終於明白，餐廳叫意大利水，點知黎左支無汽既意大利水，終於忍唔住叫另一個侍應換支有汽既意大利水，下次去呢間餐廳，大家記住講清楚意大利有汽既水好，sparkling water事件完畢，個仲過黎黑口黑面，上左個流沙包，但三個包其中两個爆左皮，我地都唔敢叫佢換，大家明咩事再上其他點心既時候，我好心拎起個籠俾佢擺，佢擺好點心後，居然一手搶我個籠，差少少車到我女朋友個頭，如果佢真係車到，我會同佢開年平心而論，豬手同手抓餅好味再好味都好，中環高級食府，請啲咁既侍應，倒米管理有問題…查看更多

年前無乜野做，两個男人行上九如坊睇下有乜好食，又唔想食拉麵，又唔想食西餐，諗住行上去九記附近再睇下有乜食，一轉角見到樓梯就唔想行，係樓梯底右邊有間燒肉店，午市套餐200蚊左右，決定試下两個人著住西裝，又唔想自己燒，同燒完成套衫都係燒肉味，最後两個都選擇左和牛海膽飯首先上左個沙律，餐前小食牛蒡煮牛肉，沙律菜新鮮爽口，個汁都非常開胃牛蒡煮得入味，牛肉都好有口感主角和牛海膽飯，牛味好香，加上海膽一齊撈埋，令飯變得更creamy啖啖海膽香夾住牛肉一齊食…查看更多

話說有日有個朋友吹雞話請食飯當團年，而佢知道我隨時訂到三，五，七間名店食飯，所以佢第二句就打底話，請食茶餐廳或大排檔，我第一句就話好，俾左個地址佢地，上海街，佢以為無死唔會係太貴我係無老點佢，呢間餐廳上手係茶餐廳，老闆接手裡面格局係茶餐廳，但賣優質既火鍋料我朋友見到我，面都青，我話佢聽食完佢就知推介菜式：588，細條加拿大象拔蚌，四個人夠食，6個人都差唔多，加拿大蚌，又甜又爽，唔似墨西哥蚌，無味得個樣，用588食到其他餐廳賣888既質素，我諗因為舖租同無乜裝修，所以無咁貴，俾好水準食物俾人客聖子，上次都講，30幾蚊條大聖子，旺區少有價格，性價比高上次食牛肉，只係普通偏上，今次人多點左牛肉塔，有一口牛粒，陀地手切牛，加上安格斯，400蚊有找，質量高，份量足湯底清，配泡飯，一流廁所係代表餐廳既管理，係旺角區呢間餐廳人來人往，廁所整理得好乾淨！証明管理得好！唯一投訴窩筍，唔夠爽…查看更多