hungryfatpo的個人專頁

自從懷有肥寶之後就會經常好想食點心😋有日好友相約到位於觀塘既龍點心飯聚😇，食到我同肥寶都非常滿足😌食點心前先試試足料燉湯🤗，因為天氣乾燥我地揀左滋潤既南北杏菜膽燉豬肺湯😋豬肺清洗得非常乾淨，無腥味；湯燉得清甜；菜膽是菜乾，若能加入新鮮白菜會更加豐富☺️點心方面，龍點心主打新式點心，有別傳統點心，款式和味道都帶左唔少驚喜比我地☺️ 馬拉小籠包，小籠包裡包著肉骨茶湯，蒜味十足，外皮造得煙韌👍龍餃子🥟（左上：酸菜魚鳳眼餃；左下：荀尖蝦餃；右上：蟹粉菠菜香蝦餃；右下： 松露野菌晶瑩餃）四款餃子各有特色，最令我留下深刻印象的是松露野菌晶瑩餃🍄，有非常濃厚的松露香味，喜歡松露的你一定要試試🤗龍燒賣（左上：滷水鵪鶉蛋燒賣；左下：龍蝦汁墨魚燒賣；右上：懷舊燒賣；右下：麻辣牛肉燒賣）滷水鵪鶉蛋燒賣和麻辣牛肉燒賣辣度都挺高的～不嗜辣的朋友要小心啊😈🌶記得食龍蝦汁墨魚燒賣時，汁多到噴到對面的友人🤣 真的是「爆汁」呢😆大澳蝦醬鮮魷卷外皮炸得非常香脆，蝦醬咸度適中，魷魚不會過熟，推介！😻脆脆富貴紅米腸粉外皮煙韌，包著脆米卷，裡面還有蝦肉😊 口感豐富👍濃湯浸小棠菜苗食點心少不免有點油膩，吃個蔬菜平衡一下也不錯😌豆腐布丁當然少不了飯後甜品🍮！綿密的口味，濃濃的豆味，甜而不膩😋！推薦龍點心給喜歡新鮮感的你，沒有一款會讓你失望☺️…查看更多

今日行經奧海城，見到呢間泰國餐廳有露天座，感覺好似去左泰國咁，於是同老婆試下。飲品點了龍眼冰，味道好清甜，甜度岩岩好，仲有好多龍眼。首先來了串燒，豬肉雞肉各三串，燒得好靚，本身已經茶左沙爹醬，唔會燒到好乾，隨碟再有沙爹醬可以點，沙爹醬好重花生同香茅味，非常夾，我同老婆都覺豬肉比雞肉入味。之後有個燒牛柳沙律，牛柳非常多，燒到7成熟左右，配上青瓜、洋蔥、椒絲，食落去好多口味，沙律愈食愈辣，怕辣就唔建議點。到了重點菜明爐烏頭，用左唔辣既冬蔭冬湯底，酸酸地又好重香料味，一路煮一路食，愈食愈入味，湯底唔會太咸，食到最後連湯都飲埋，老婆話多D椰菜就好，因為椰菜吸晒湯既精華。…查看更多

JOMO既全寫係Joy Of Missing Out🌻，意思是錯失的樂趣。偶爾的社交排毒，甚至脫節一下，讓我們可以暫且不被電子世界佔據生活，享受安寧和獨處的時間，也會是另一種體驗😌。呢一個陽光充沛既下午，同老公黎到位於將軍澳海濱既JOMO享受下午茶時光🍰☕️老公叫左Green smoothie🥝🥑🥦🥬🥒🍏🍐🍈飲落就係好清新既蔬果味😊 非常健康💪🏻而我就飲piccolo😻 我既all time favourite🥰 今次轉了oatmilk，同鮮奶一樣有厚厚既口感，而且比鮮奶更健康～☺️我地share左一咸一甜😋，咸就叫左黑松露意粉，意粉好像是手工意粉🍝，好彈牙😊甜就叫左Apple crumble pie🍎，上面係椰子🥥cream😍，配搭得恰到好處❤️JOMO係一間既健康又美味既cafe，推薦大家去試試😉…查看更多

女友網上見到最近呢間逢星期一有classic burger買一送一優惠，所以黎試下。Classic Burger 有三款，一個牛肉兩個素。呢個係經典的classic burger，食落去個漢堡非常juicy，係咁滴汁，加上大大片青瓜同芝士，鐘意最classic既朋友可以試試。女友點了素burger，牌子係beyond meat，食落去同真既好似，不過就無咁juicy，另外點了黑松露薯條，黑松露味好香，同薯條好夾。如果無優惠一個burger都成一百蚊，我自己就唔捨得食，burger係用心整既，值唔值就見人見致。…查看更多

今次上網見到Ritz Carlton 下午茶有9週年優惠，於是買黎同女友試下。今次店員安排左我地坐係近窗邊既枱，全程都係望住無敵大海景海景食tea，加上天氣好好，真係一大享受。一開始會有杯果汁做welcome drink。今次個tea set 有四款咸點同六款甜點，職員會介紹食左味道較淡的再食較甜的，我自己比較喜歡咸點，有部分甜點真係太甜。至於茶方面，就有十幾款選擇，主要分黑茶、紅茶同綠茶三大類。女友點左其中一隻黑茶，忘了名子，我就點了薄何朱古力綠茶，兩個茶都不錯，好適合配下午茶。平時兩位下午茶價錢係690再加一服務費，淨係有望住呢個海景食下午茶已經值回門票，景靚甜點又靚，同女朋友打卡一流。…查看更多

係香港好難搵到好食既天婦羅飯，今次呢間絕對推介。全餐廳只有三種天婦羅飯，自己鐘意食鰻魚，所以點了有穴子的江戶前天丼。餐廳有指引教你食法，不過參考性不大。坐在bar台就可以睇到廚師點樣整呢個天丼。天丼來到時賣相非常不錯，天婦羅放滿整個飯碗，穴子是原條炸的，食落去好肥美，上面仲有一小片柚子令你食落去唔會太油膩。仲有小柱魷魚餅都好好食，係一粒粒瑤柱同魷魚整成，好有口感，其他天婦羅都炸得唔錯，連紫菜都有用天婦羅粉炸過。最特別既係天婦羅溏心蛋，第一次見識，炸完之後仲係流心既，用來撈飯食一流。附送既前菜酸酸地，特別開胃，麵豉湯就正常日本餐廳的水準。總結：呢間天丼好有係食日本天婦羅飯的水準，未試過天婦羅飯一定推介。…查看更多

香港拉麵店愈開愈多，間間都係日本師傅過江龍，但好多食來食去都分唔出有咩分別，大多數拉麵店都係豬骨湯、醬油湯、鏗魚湯等，然後跟兩塊叉燒。今次呢間主打雞湯拉麵，個雞湯底係非常出色，飲落去好濃郁，感覺好似好多雞既精華，仲要好滑溜。拉麵可以選擇兩款，直身麵或捲曲麵，一個係爽口另一個就可以排多D湯或，配料有兩塊慢煮雞肉，同樣都係好滑嫩，再配有烤蓮藕、露筍同洋蔥絲，雞蛋係原隻溏心蛋，配料浸係個濃郁雞湯完全係吸收晒湯既精華。總結：如果鐘意食雞，又或者食厭左其他拉麵店的豬骨湯，就一定要試下呢間。…查看更多

好朋友生日，跟她吃生日飯慶祝 吃完飯意猶未盡，兩個女孩心思思要去吃蛋糕填飽另一個胃。於是來到了小念頭吃生日蛋糕🎂點了兩款蛋糕分享著吃這件是榛子朱古力烏龍茶芝士蛋糕🍰☕️🍫 上層是榛子朱古力，而下層是烏龍茶 蛋糕面鋪滿了榛子果仁碎。兩層都是綿綿的芝士蛋糕口感，分開吃，兩層一同吃，都各有風味 我和好朋友都比較喜歡兩層一同食，感覺較為豐富另外點了這件焙茶戚風蛋糕☕️🍰戚風蛋糕口感綿密，焙茶忌廉又滑又濃，真的超！好！味！小念頭的蛋糕為是日的生日飯畫上了一個完美的句號…查看更多

星期日一個遊車河的下午，來到了kaffeehouse☺️它的位置是在大尾篤的一個村落裡，所以平日都坐公共交通工具的我，一直放了它在to-Drink-list上，而今天終於可以來嘆啡一進入花園，kaffeehouse已經給了我一個很舒適，像家一樣的感覺🤤。還是點了到每一間cafe都會點的piccolo，喜歡它有咖啡的濃香，也有奶滑的口感。家啡這杯piccolo卻不是「我杯啡」😅，略嫌它有略有點太過濃，有種苦澀味🙈。男朋友選了這件焗烤甜橙西柚蛋糕和我分享吃😋 蛋糕有驚喜不太甜膩，很清新，店主還細心的幫我們烤熱了蛋糕，更能帶出橙和西柚的甜味在家啡渡過了一個非常悠閑的星期日下個:) 謝謝款待…查看更多

星期日租了車遊車河，去了平常很少會去的深井😆 男朋友揀左呢間係深井熟食中心裡面既Soul Café一齊食lunch😋雖然係街市入面，不過有點簡潔的裝潢，坐得都幾舒服～男朋友無幾耐之前食左早餐，話想食light d，所以揀左egg Benedict☺️味道都唔錯，不過我覺得底部既English muffin有點太濕，缺了口感🥴。旁邊配搭的沙律菜挺新鮮爽脆的🤩我就點了香草蕃茄鮮蝦意粉，蝦有醃過再煎香，蝦肉爽口😋。意粉醬味道略嫌普通，好像在超級市場買回來的一般😲咖啡出奇的驚喜，不酸不澀，又滑又濃。看到鄰座的人點了Latte，拉花也很美。吃的津津有味…查看更多

以前排隊要排好耐既壽司郎，而家開多左分店，唔洗排咁耐，今次終於食到。佐敦店大概等一小時就可以入座。壽司可以用檯上既平版電腦點，然後壽司會用運輸帶送黎，或者係回轉壽司帶拎。壽司郎出名食吞拿魚，有好多唔同部位，間唔中有店員會拎餐牌無既吞拿魚壽司，見到岩就即刻要，手快有手慢無。推介壽司：醬油吞拿魚：餐牌無得點，超級肥美，女友食完大叫左幾次好好味，第二次去食已經無緣再見鰻魚壽司同各款魚既魚腩壽司：非常肥美，食完成口都係魚既脂肪呢度有提供柚子醋點壽司，酸酸地，唔一定要點醬油食壽司。壽司郎一定係會同元氣做比較，香港壽司連鎖店選擇唔多，壽司郎絕對係可以取代元氣，壽司既味道、價錢同環境我都覺得比元氣好。食完之後仲可以儲印仔換好得意既壽司公仔。…查看更多

今年生日半島有生日優惠套餐，指定西式套餐，每位都係380蚊再加一，緊係要黎試下，兩人以上仲有生日蛋糕送。半島既氣氛係無得輸，建築係以前英式風格，現場仲要有樂隊表演，餐具都特別靚過人。晚餐有前菜、湯、主菜同甜品。餐前麵包有三款。簡單的前菜。這個湯係甘筍湯，非常好味，好濃郁。主菜牛柳比魚柳好食，牛柳邊的薯批幾特別，一層一層的。食完主菜會有職員拎蛋糕出黎，今次係朱古力蛋糕，入面既類似厘子既生果係浸過酒的，食落好勁酒味，職員仲會比把好靚既刀你切蛋糕。最後仲會有甜品，朱古力球比蛋白霜好，蛋白霜有點似小時候食的花塔餅，沒什麼特別，朱古力球就有濃郁既朱古力味。最後最後仲有餐茶，餐具就係靚，慢慢品嚐最後既檸檬茶再聽聽現場既音樂，就係生活態度。…查看更多

今天來到告急中的籽樂廚房😊，之前上網做了些資料搜集得知這是一間聘請聾啞人士的社企😲，小小的一間食店也為社會做了不少事，於是和友人決定來支持一下🥰在門口已經看到有在賣一些防疫用品，價錢也是合理。每張桌子上都有一盒消毒紙巾，非常貼心❤️我們點了兩個餐，分量很充足，兩個女孩都吃得捧著肚子～先來餐湯，今天是蕃茄湯，蕃茄酸酸甜甜，很開胃，加上忌廉，更加順滑餐湯配的蒜蓉包焗得很香脆友人點了巴馬火腿蜜瓜沙律，巴馬火腿和蜜瓜總是很相襯，唯沙律汁的無花果味較淡。只我點了這個煙三文魚田園沙律，我很喜歡，因為柚子沙律汁很清新，煙三文魚也不會太咸Main dish我們都是share食～這個漢堡包很大，漢堡排還可以點幾成熟，我們點了五成熟，我認為這樣牛肉會較juicy😍🤩 薯條炸得脆卜卜因為今天的龍蝦賣完了，於是變了比目魚拼德國豬手 沒緊要，因為我也很喜歡豬手❤️ 甜品我們都點了brownie，不會太甜，配上一杯檸檬茶，為今天的晚餐劃上了完美的句號…查看更多

呢間屋苑茶餐廳，經常都會黎食早午餐，質素唔錯。今次推介呢度既蒸魚，今次係蒸鯇魚，午餐通常都有，晚餐就會蒸其他魚，例如黃花，有時係梅菜蒸，有時就豉汁蒸，仲可以揀魚頭魚腩同魚尾，午餐都會跟無味精既中湯，仲要好足料，仲有餐飲一杯，價錢算親民。我今次揀左魚頭，蒸得岩岩好，鯇魚都幾肥美，不過就要小心骨，鯇魚都幾多骨，魚頭就有好多部位有魚既骨膠原，同埋魚肉係好滑，仲會跟一舊細魚腩，份量都唔錯，附隨既豉油同梅菜唔會太咸，味道岩岩好。呢度早午餐有時都好多人，附近返工或者地盤老都黎食，有時都一位難求。…查看更多

要食印度咖哩唔一定要去重慶既，今次荃灣呢間都係印度人開既，都一樣食到正宗印度咖哩。咖哩分左幾款，有辣有唔辣，可以配唔同既肉同素，同女友點左白咖哩同黑咖哩配羊肉，兩個咖哩都有好重既印度香料味，白咖哩係用甜腰果做底，食落去甜甜地，而黑咖哩就同扁豆做底，咖哩入面有好多一粒粒既扁豆，呢個係小辣，辣度唔算勁，就算我平時唔食得辣都接受到，女友話呢度既咖哩份量比起重慶既多好多，所以抵食好多。咖哩當然要配印度烤餅，今次點左Naan同蒜餅，兩個都係新鮮整出黎，非常熱辣辣，後悔無叫印度白飯，印度白飯就係長長地，掛汁一流。另外仲點左串燒，串燒就燒得有點乾，不過點左跟隨既沙爹或者咖哩就岩岩好，沙爹係好重既花生味。呢間最近多左人冒名而來，晚上大概要排半個鐘左右。…查看更多