巴巴站

營業中

休息中

要食印度咖哩唔一定要去重慶既，今次荃灣呢間都係印度人開既，都一樣食到正宗印度咖哩。咖哩分左幾款，有辣有唔辣，可以配唔同既肉同素，同女友點左白咖哩同黑咖哩配羊肉，兩個咖哩都有好重既印度香料味，白咖哩係用甜腰果做底，食落去甜甜地，而黑咖哩就同扁豆做底，咖哩入面有好多一粒粒既扁豆，呢個係小辣，辣度唔算勁，就算我平時唔食得辣都接受到，女友話呢度既咖哩份量比起重慶既多好多，所以抵食好多。咖哩當然要配印度烤餅，今次點左Naan同蒜餅，兩個都係新鮮整出黎，非常熱辣辣，後悔無叫印度白飯，印度白飯就係長長地，掛汁一流。另外仲點左串燒，串燒就燒得有點乾，不過點左跟隨既沙爹或者咖哩就岩岩好，沙爹係好重既花生味。呢間最近多左人冒名而來，晚上大概要排半個鐘左右。