BeeForDebby的個人專頁

一向都好鍾意Milksha嘅仙草杯，但大埔分店嘅員工同食物質素都好差。- 落單時，店員冇禮貌，語氣差。到拎甜品時，我遞番張單俾店員，店員無視。（呢位店員係長頭髮，冇戴眼鏡。）- 衛生問題，店員冇戴口罩，一路整仙草杯一路傾偈。- 芋泥仙草杯嘅芋泥好硬，未煮夠。- 份量比其他分店少，芋泥嘅size係平時嘅一半。…查看更多

幾年前試過銅鑼灣分店，呢次就試下尖沙咀分店。無book位，夜晚7點黎到，等左5分鐘就入得。我地點左牛油果醬芝士牛肉漢堡、菠蘿燒烤醬牛肉漢堡同旋風薯條。兩個Burger嘅牛肉都厚身，有牛味，同埋幾鬆軟。菠蘿燒烤醬牛肉漢堡，燒烤醬配埋菠蘿同番茄，酸酸甜甜，加埋生洋蔥嘅辣味，甜、酸、咸、辣都有齊哂，味道夠哂豐富。牛油果醬芝士牛肉漢堡，牛油果醬就少得滯，唔係好食到有牛油果醬味。旋風薯條都唔錯，夠脆夠香口。…查看更多

今日去「家嫂」食lunch，晏就有lunch set同打邊爐。整體黎講，味道合格。不過廚房嘅職員無帶口罩，呢家疫情期間，食肆職員帶口罩係好基本。我地點左粟米龍躉飯，我地以為係蒸魚，上抬先知係炸。魚肉既味道就一般，好在炸粉夠薄。粟米蓉係另上，唔會整林炸魚。出餐時間耐左少少，都等左大約5個字。火炙吞拿魚魚蓉丼飯，份量幾多，味道不過不失。魚腐鴨血蝦湯烏冬，味道合格。湯底夠味，係舊魚腐淋左D。餐飲就去雪櫃自己揀，有果茶飲。…查看更多

今日去馬鞍山睇戲，經過呢家好有日本feel嘅小食店「大手燒」，就入去試下。鋪面得少量位置，做外賣多。一坐底，Staff就將部流動冷氣機轉向我地，幾細心，服務唔錯。我地點左軟殼蟹牛油果漢堡🥑同糯米釀手羽。軟殼蟹牛油果漢堡，味道唔錯。炸軟殼蟹無比D醬整到淋哂，似係即叫即炸，牛油果醬幾fresh，配埋蕃茄同菜，幾開胃。糯米釀手羽就不過不失啦，雞翼幾入味，但肉就唔夠滑，有少少韌。我覺得糯米飯可以多少少，咁望落就會飽滿D。…查看更多

星期六下午茶食三多，黎得三多，緊係要食招牌炸雞肶啦。炸雞肶有BB/小/中/大辣，我地就叫左小同中辣各一隻，雞肶上面有辣椒片，我覺得小辣剛剛好，中辣辣好多(我平時食開譚仔3小辣)。雞肶肉質嫩滑，醃得好入味，外脆內軟。中辣既辣椒片明顯多過小辣好多，但唔好以為佢嘅辣係由辣椒片黎，我就咁食中辣嘅雞肉(無連皮同辣椒片食)，都覺得辣。我地仲點左法蘭三層西多士，入面一層係花生醬，一層係火腿。西多士炸得啱啱好，唔會好油。不過得一塊火腿就太薄，煉奶同花生醬都蓋過左佢，好似有無火腿都唔大分別。…查看更多

呢派好多酒店中菜廳推出午市點心放題，我地揀左去九龍海逸君綽酒店嘅海雲天，90分鐘任食點心。星期一至五價錢$168，加埋一同茶芥都要$210。除左40款點心任食，毎人仲有花膠蟹肉灌湯餃、芝士焗蟹蓋同鮑魚撻各1客。鮑魚撻細細隻，鮑魚食落唔韌。芝士焗蟹蓋完全無芝士味。至於任食嘅點心都係蝦餃、燒賣、腸份個D，味道不過不失啦。特別少少嘅有黑金流沙包。燒賣一上抬就係咁，賣相麻麻。:(有D點心唔洗一籠咁點，可以逐件點，咁就可以試多幾款點心啦。總括嚟講，雖然係任食，但味道一般，唔算底食。…查看更多

約左friend去旺角，咁就一於食蘇媽啦！一放工就去，大約6:45PM到，門口已經有少少人等緊，拎左飛大約10分鐘就入得。平時好少飲港式奶茶，呢杯馬拉拉茶又唔錯喎，茶味幾濃。我鐘意食甜野，咖咉多緊係必點啦，咖咉比較甜，配埋拉茶就啱啱好。不過塊麵包唔夠熱，唔似剛剛烘出黎，如果再熱D就更加正。辣死你嗎配咖喱雞肉，除左雞肉，仲有青瓜、花生、魚干仔、深巴醬做配菜，撈埋椰醬飯一齊食，小小辣，幾惹味，但係塊蝦片太林，扣左分。食完出黎7點半到，門口就好多人等，唔想排隊就要避開放工時間黎喇。…查看更多

夜晚12點餓餓地，就去左神の手卷買手卷做宵夜。我同阿哥就點左兩件香蔥吞拿魚蓉手卷同一件芥辣八爪魚手卷。都夜夜地，所以唔洗點等，落左單大約5分鐘就拎得。手卷塊紫菜可以揀「外賣紫菜」，即係有個膠套包住塊紫菜個隻，咁唔係即食的話，拎到番屋企塊紫菜都唔會林哂。香蔥吞拿魚蓉手卷價錢係$16/件，食落幾香麻油味，唔錯。老細話就快收工，所以比多D吞拿魚蓉我地，份量都幾多。😊至於芥辣八爪魚手卷，價錢都係$16/件，夠芥辣味，Pass！總括嚟講，性價比係唔錯的，買黎做宵夜一流。😋…查看更多