海雲天

營業中

休息中

呢派好多酒店中菜廳推出午市點心放題，我地揀左去九龍海逸君綽酒店嘅海雲天，90分鐘任食點心。星期一至五價錢$168，加埋一同茶芥都要$210。除左40款點心任食，毎人仲有花膠蟹肉灌湯餃、芝士焗蟹蓋同鮑魚撻各1客。鮑魚撻細細隻，鮑魚食落唔韌。芝士焗蟹蓋完全無芝士味。至於任食嘅點心都係蝦餃、燒賣、腸份個D，味道不過不失啦。特別少少嘅有黑金流沙包。燒賣一上抬就係咁，賣相麻麻。有D點心唔洗一籠咁點，可以逐件點，咁就可以試多幾款點心啦。總括嚟講，雖然係任食，但味道一般，唔算底食。