mini_tabo的個人專頁

我同老公見新開個food court咪試下囉，點知中伏，Lunch 叫咗個海南雞髀飯同香葉肉碎蛋飯，兩杯泰式檸檬茶，先講海南雞飯，啲油飯完全未熟，硬到食唔到，個汁不是另上，已𣺉晒喺啲雞上面，不過只有少少，雞髀肉還算可以！香葉肉碎蛋飯完全唔係泰國菜嗰d， 係似屋企普通嘅肉碎炒豆角，老公話冇乜味，自己整仲好食過佢！最後係杯泰式檸檬茶先係最恐怖，嗰個茶味怪到難以形容，飲咗一啖已經無辦法可以飲落去，最後成個lunch好似冇食過咁！真係冇下次！…查看更多

喺網上見到新開嘅麻辣火鍋店，又話有特別嘅升降火鍋爐，於是約咗幾個朋友去慶祝生日，我哋五個人被安排坐一張中型嘅圓枱，湯底到了，我哋問個火鍋點樣升降呢？個員工答話唔係張張枱都得㗎，只有大枱有升降功能，咁你個報導又唔講，訂位又唔講，都算喇！麻辣湯底得個辣字，完全唔麻，味道一般，食物唔多選擇，食物出咗一半，之後嗰半有d野冇晒又唔出聲，到我哋問先話好似冇，其他就漏單，最好笑係佢話牛肝醃緊，要等多10分鐘先有，出到嚟碟野唔知邊件醃過呢？叫杯野飲又漏單，埋單走都未有，D員工好多，但冇人加湯，冇人跟單，叫一樣野要分別叫2至3個人先有！最後上蛋糕，佢會將整個蛋糕連盒連膠袋一齊俾你，自己攪掂，服務真係好到嚇死你！絕對冇第二次！…查看更多

中伏！食咗個大閘蟹餐，相片與實物不相符，份量少之有少，收＄588 加一，實在不值，食完好似冇食過野咁！原本個餐個呃人呃到10月尾都算喇，而家仲延遲到11月尾，真係太過份喇！我真的忍唔住要分享俾大家知，唔係就中伏！…查看更多

我一向都唔係好寫食評嘅，但呢次好想幫呢間舖平反吓！因為好同壞嘅評論實在差太遠喇，我食過之後，應為有惡意中傷嘅成份！我同朋友2人點了招牌粉仔，碗仔翅，生菜魚肉湯，辣魚旦，椰汁同豆漿！首先講招牌粉仔，我細個未食過，但我覺得好好味，湯夠濃，冇之前個評論話D粉太淋，加埋辣菜脯簡直一流。碗仔翅唔係最好，但都唔係之前講嘅生粉水囉！生菜魚肉湯D魚肉夠彈牙，一食就知係新鮮靚魚肉。魚旦$10有10粒，仲有人話貴？街邊買都買唔到啦！仲要係我最鍾意食嘅細細粒彈牙魚旦，正！！椰汁冇得輸，真係人手開椰子，見到伯伯咁辛苦，一定要試，好好味！豆漿都好香豆味，聽講都係老闆娘每日自己磨豆煲㗎！一間咁有heart嘅舖，收廿幾蚊一碗真係唔貴，唔通唔使交租俾人工咩？！我會再嚟支持，請繼續努力！！…查看更多