重慶洪鼎火鍋 (已結業)

喺網上見到新開嘅麻辣火鍋店，又話有特別嘅升降火鍋爐，於是約咗幾個朋友去慶祝生日，我哋五個人被安排坐一張中型嘅圓枱，湯底到了，我哋問個火鍋點樣升降呢？個員工答話唔係張張枱都得㗎，只有大枱有升降功能，咁你個報導又唔講，訂位又唔講，都算喇！麻辣湯底得個辣字，完全唔麻，味道一般，食物唔多選擇，食物出咗一半，之後嗰半有d野冇晒又唔出聲，到我哋問先話好似冇，其他就漏單，最好笑係佢話牛肝醃緊，要等多10分鐘先有，出到嚟碟野唔知邊件醃過呢？叫杯野飲又漏單，埋單走都未有，D員工好多，但冇人加湯，冇人跟單，叫一樣野要分別叫2至3個人先有！最後上蛋糕，佢會將整個蛋糕連盒連膠袋一齊俾你，自己攪掂，服務真係好到嚇死你！絕對冇第二次！