Kwan4421的個人專頁

路過依間野其實好多次，不過一路都無試過。今日想食日本野即管入去試下。佢午餐$70蚊。有前菜，麵鼓湯，茶、飯。我就叫左個生薑豚肉飯。一個差唔多間間日本料理都有既餸。我食過好多間，無乜邊間令我記得佢。今日一食。E! 得喎。味道好得。佢啲調味好正，好蜜味。又香又濃。好野味。價錢係依區黎講唔算平。但食完我又覺得值依個價錢。佢應該係家庭式經營。兩公婆。老公煮老婆睇樓面。依啲小店我最鍾意，食物質素一定穩定。有下次。…查看更多

因為這段時間在火炭返工，試左好多間早餐。來來去去都係中式早餐。食得多都有點悶。咁今次就試下依間西式早餐。我叫左個三文治餐配麥皮再加$5要個意式蕃茄螺絲粉。因為我食量比較大，淨係食三文治同麥皮唔係好夠。蛋治嫩滑，螺絲粉個湯底都唔錯，幾香濃。麥皮就正常野。杯咖啡都幾好飲。係火炭黎講簡直有點綠洲一樣。有時有啲cafe飲茶野都幾十蚊，食埋野成舊水。依間野咁多野食，都係$39蚊。性價比黎講，真係算唔錯。值得推介。…查看更多

之前睇食評見佢咁多劣評有啲驚。但由於係附近工作見都唔小人食。即管博一博。點知一食就有驚喜。又幾好食喎。價錢都唔算貴。人均一百蚊跟埋杯咖啡。以佢既質素黎講就好高性價比。依個係白酒蜆肉意粉，佢用既意粉偏幼，但夠彈牙、剛剛好、唔會淋哂，保持到口感。有小小酒味。個味調得幾好，料又夠。另外食左個蒜片雞肉意，平時食果啲蒜片意粉都係冇色，佢紅紅地。唔知係咪落左茄膏呢。但又唔覺佢係茄汁意粉。個味幾好。賣相又靚。所以有時都唔可以比啲劣評嚇親。依間野值得番食。…查看更多

岩岩今日係尖沙咀做完野路過見到求其入去試下。之前食過其他乜哥啲燒鵝好失望。但今次真係好有驚喜。外表睇間間燒味舖都係咁上近。今次完全係撞彩撞出黎。今次就試下佢個燒鵝髀飯一食就眼都突埋。皮脆肉嫩。好出色。完全唔駛點酸梅汁都覺得佢個原味好正。平時我都唔係好鍾意食燒味。因為我都唔係食肉獸。但今次真係忍唔住。成碟連片都食哂。你話百幾蚊食碟飯貴唔貴，貴我就覺得幾貴，但質素真係有返咁上近，間唔中食一次都唔過份。好正，值得推介。…查看更多

星期日大角咀都好鬼多舖頭閉門，所以都無乜選擇。我就醒起依間野，都開張一段時間，就即管試試依間野。兩條友叫左兩個麵。依個係紫菜蘿蔔牛柏葉鯪魚球米線，牛腩汁。紫菜就正常野，無乜特別，蘿蔔都夠淋幾甜，牛柏葉爽口，唔會好韌。煮時間剛剛好。應該唔似煮好放定哂係到果啲。似即叫即放落去煮果啲。鯪魚球都幾好，唔腥，都幾新鮮。米線夠淋夠滑。另一個麵叫左牛肚咖喱魷魚豬紅娃娃菜底，唔要麵。娃娃菜夠淋甜，牛肚都夠味，可以淋多小小，魷魚辣辣地都唔錯，豬紅正常野。依間野自助落車，車仔麵黎講都唔錯，味道都幾好。男仔黎講就麵小左啲啲，女仔就一定夠。五十零蚊一個人。總體黎講都幾好。可以再食。…查看更多

最近新開左間法國餐廳，即刻試一試佢個午餐。佢個午餐跟湯或者沙律，今日得幾度，當然飲返個湯暖一暖先。唔知係咪真係天氣凍呢，佢個南瓜湯加左薑落去。飲完暖立立。好creamy。主菜就跟左個蝦意粉。一食⋯⋯e…幾特別喎個味，酸酸辣辣，幾鬼惹味喎。啲意粉又夠彈牙，唔會淋哂咁，幾有咬口。味道幾出色。最後加埋個甜品，佢地自家制既朱古力心太軟。完滿結束依餐飯。好滿足。好飽。食完百零蚊落樓，質素真係幾高，值得翻食。…查看更多

有人次係富多來整野問姐姐有乜好食，佢就推介左依間比我。一食就食左幾年。今日先發覺原來依間野一個食評都冇。咁唯有寫個食評支持下佢。依間野係毫不起眼既餐廳，又冇乜裝修。如果唔係人地介紹，行過我都未必入去。但一食就發現佢既性價比係超高。四五十蚊即叫即炒，任意配搭菜同肉。又可配湯或者野飲。湯清甜冇乜味精。無論午餐/晚餐都係咁上近價錢。重要質素係好味。唔係流四煮定放汁就上枱果啲垃圾餐廳。今次食左個涼瓜菜甫肉碎炒蛋飯，瓜爽肉香蛋嫩。新鮮熱辣。都係$48重要連埋湯。對唔住, 真係無得輸。睇樣都知乜料。湯好清甜。我唔係好鍾意啲煲到傑撻撻，又重味精既湯。佢啲湯唔會好濃，係清得黎有紅蘿蔔既清甜味。飲落舒服。所以論價錢同質素，佢真係100分。…查看更多

依間野轉左手都好多次，間間我都食過。發覺都係日本野。所以我都成日留意依間舖，今次又轉左手。變左韓國加日本野。我個人比較鍾意小店多。因為覺得廚師穩定啲，因為通常間舖都係佢既。今次試左佢個炙燒牛板腱丼飯，都唔錯既。牛肉加蛋係最佳既配搭。對我黎講份量就小啲，我一個大男人黎講係唔係好夠，最後都加多左啲飯先得。佢跟黎個餐湯都幾好飲，好清甜。見佢有兩片唔知係咪腐皮同埋羅白。整體黎講我覺得Menu款式偏小，可以加多小小款式。…查看更多

大角咀都好鬼多咖啡店，但富多來商場依頭就唔係好多，之前有一間但最近都摺左。最近睇住佢開，一開頭見佢好似冇乜野食淨係得咖啡，心諗應該都好難做。但依家見佢愈來愈多野食，又沙律又三文治，依家重有牛尾湯同牛尾通粉添。不過我一早過去唔食果啲住。食三文治算喇。我叫左個雞肉三文治，啲料都算多，成堆沙律係入面。價錢依家真係算好低食。因為買三文治野飲係減$20蚊。三文治加杯肥威都係$47。平時去買杯野飲都三十幾蚊。依家有啡飲有文治食好低。最重要既係佢啲啡都唔係流四。平時我其實唔係好鍾意飲啲鮮奶咖啡之類既野，但佢唔同。啲啡味夠重，唔會比啲奶冚左啲味。依間真係值得推價，性價比十分高。…查看更多

其實成日經過都好想食一食，但一路都未有機會。今日想食日本野，終於的起肝入去試試佢。叫左個鹿兒島一口豚肉珍珠米。啲豚口切到細細粒，一啖一粒剛剛好。啲肉好淋有肉味。師傅仔調果個味幾好。係啲飯好似偏硬左啲。但都可以接受，我諗我比較晏入去食去食，係咪熄左電飯煲。$58即叫即煮，依區黎講都唔算平，但都值依個價錢既。質素幾高。飯類選擇唔算多，有機會試下佢啲串燒。好似都幾多選擇。依間舖轉左好多次手，冇一間頂得住，今次轉得幾高質。…查看更多

依間小店新開冇耐，轉左手。食物都唔同哂。佢有車仔麵食，有5，6款飯食。好家庭式。我叫左個涼瓜炒蛋飯。毎飯大大個，男仔一定夠食。佢個飯可以跟野飲/湯。佢個湯係冇肉既素湯黎。不過冇影到。啲料係有紅羅白、有個好似係佛手瓜既野。好清甜好夠味喎。煮係由一個姐姐煮既，食落唔會好咸，應該唔冇落味精。火喉岩岩好蛋唔會好老，幾好食，好有家既味道。媽媽既感覺。五十零蚊即叫即炒熱辣辣重有得跟湯添。另外叫個麻辣皮蛋。佢係有四舊既，即係一隻完整既皮蛋。都係$10姐。好低食。佢係似口水雞果隻味。好野味。另外佢真係有口水雞，不過冇試，有機會再食。…查看更多

平時經過見到好鬼多人排隊。今日路過依度，見有啲時間即管排下隊看看好唔好食。排左大概半個鐘到。都還可以。可能我一個人。所以快啲。叫左個cake同意粉。今次剛剛調轉。意粉有點耐。食完甜品先食主菜。平時我唔食cheesecake不過見個個都食，咁即管試下。都幾滑，濃濃芝士味。唔怪得咁多女仔係到食蛋糕飲咖啡。依個墨汁麵份量都係偏小。女仔就可以。男仔就應該食到兩個。啲魷魚都幾新鮮，意粉硬左啲啲。整體味道都可以。同埋都幾辣。唯一有樣野奇怪係無論你有冇叫野食都好，都要叫杯野飲。你話我唔食野迫你叫杯野飲都好正常。但我叫左又意粉又蛋糕2百幾蚊重要迫人叫野飲。好似有點兒那個。…查看更多

去開土瓜環，睇下有乜野食。望落依間野好似幾好咁。即管試一試。依個蕃茄沙律靚係幾靚，但味道冇乜特別，成舊水食一隻蕃茄就唔係好低。依餐唯一覺得好食小小既係依個燒八爪魚。雖然係貴啲。要成$178。但啲汁都幾好食。最後叫左個二人份既西班牙海鮮炒飯。食落先知原來係fusion菜。西班牙mix日本。食落有啲日式風味。啲料似日式料，魚子、尤魚、有啲類似曼魚既肥魚同埋蝦。可以啦。味道不過不失。但個2人份好似一人份咁。小得可憐。寫餐牌果個人係咪女仔黎。最嬲就係叫杯野飲小冰，黎到成杯都係冰。失望。最後2個人食完都唔飽就離開。埋單6百幾蚊。…查看更多

依間野我記得開左好鬼耐。但依家佢轉左手比個法國人。以前我記得啲意粉比較港式。依家啲意粉味道就變得外國口味。叫左個ratatouille spaghetti。一開始完全唔知乜鬼黎。上網揾下。原來係法國菜黎。普羅旺斯雜燴（法語：ratatouille）或普羅旺斯蔬菜鍋、普羅旺斯燉菜是法國南部的普羅旺斯和尼斯的一道特色菜肴，各種蔬菜的大雜燴。鍾意食菜既我當然唔可以放過。佢啲菜係先用油焗好調味，再混埋一齊煮。個醬汁幾有層次。唔似果啲現成汁咁單調。啲意粉質地又好彈牙。確實唔錯喎。味道幾好。（我特別叫老闆落左小小肉，menu冇）佢今日個湯係忌廉湯。好濃味同creamy。喝完成個下午都好Full。…查看更多

咁岩去依頭做野，揾下附近有乜好食。見佢好似中式得黎又好似特別啲就一於試下佢。叫左個墨汁吹筒仔肉餅飯同埋月桂奶茶。原來依間野睇落好似平平無奇。一試。隻眼叮一聲。好特別喎。啲吹筒仔同墨汁混埋哂啲肉餅。好彈牙。佢話係客家餸黎。我其實都係客家人。不過我唔識。咸咸香香咁。好送得飯。之後都唔夠喉。加多碗飯。另外，加10蚊叫左杯月桂奶茶。飲落冇平時茶餐廳啲茶咁濃，但佢都幾滑。加埋月桂葉啲味，有小小似印度啲茶啲味。幾特別。依個價錢個肉餅重要即蒸添。值得推介。…查看更多