龍門客棧

咁岩去依頭做野，揾下附近有乜好食。見佢好似中式得黎又好似特別啲就一於試下佢。叫左個墨汁吹筒仔肉餅飯同埋月桂奶茶。

墨魚汁吹筒仔肉餅

$48

原來依間野睇落好似平平無奇。一試。隻眼叮一聲。好特別喎。啲吹筒仔同墨汁混埋哂啲肉餅。好彈牙。佢話係客家餸黎。我其實都係客家人。不過我唔識。咸咸香香咁。好送得飯。之後都唔夠喉。加多碗飯。另外，加10蚊叫左杯月桂奶茶。飲落冇平時茶餐廳啲茶咁濃，但佢都幾滑。加埋月桂葉啲味，有小小似印度啲茶啲味。幾特別。依個價錢個肉餅重要即蒸添。值得推介。