Chan Five的個人專頁

晚市85折，好抵滷水鵝件拼大腸，唔會太咸，底有豆腐墊底，索滿鵝油，好惹味蠔仔粥，痴線架，嗌一「碗」都超大份，兩個人每人分左4-5碗，超飽，唔咸，清新好味，超多蠔仔脆炸鮮奶卷，好脆好好味炸蠔餅好多蠔仔，有點油唯一不足處係上菜有點慢，每度菜都將近食完才上下⼀度菜，最後嘅炸蠔餅係落單後嘅45分鐘後才上台，因為前面幾個菜已經食得好飽，所以有點食唔落餐廳位置有點隱蔽，不在大街上，要屈入工廈電梯大堂才找到。⼀個門口分開兩邊，⼀邊係「大盛日本料理」，左邊才是潮州菜館…查看更多

星期六下午三點去買雞蛋仔，唔算多人，前後同時間應該只有四五個人等緊，阿姐只顧住整公仔麵燒賣腸粉嗰邊，3部雞蛋仔機得一部function，等左5分鐘先出到一底俾我上一個客人，心諗如果好食唔介意慢工出細貨。等多5分鐘終於到我底出爐，阿姐挑起底雞蛋仔一放風扇位就即刻攞紙袋入起俾我，底雞蛋仔喺我未行出地鐵站已經淋到變成一pat嘢。質感，我以為自己食緊雞蛋糕，味道，無蛋味，淡而無味。$16，真係曬錢曬時間。…查看更多

做完嘢，一點九先食得飯，反而過左繁忙嘅食飯時間更好，店鋪只得我同另外兩枱客，座位鬆動唔焗促，一腳踢嘅女工作人員，近廚房張枱坐左位小朋友玩緊手機，應該係佢嘅小朋友，感覺就好似返左屋企食飯咁。先上附送嘅前菜同湯有驚喜，湯好濃郁嘅龍蝦湯味，入面仲有海帶同豆腐，開開胃，更期待佢個主菜。凍香茅茶清新解渴。食完前菜同湯，主菜旋風滑蛋炭雞丼就即上，好快手樣子超靚好吸引，滑蛋唔會話好生，撈飯食一流，揭開滑蛋層，入面好多雞，食到最後一啖飯都有雞可以一齊食，雞扒好滑好味，飯有黑白芝麻鋪面增加口感。個飯看似細碗，但食落都好飽。唔收加一，$98可以食到咁豐富嘅午餐，好高汁。…查看更多

星期五下午，睇完展覽，見到合舍最入有個小cafe，display櫃入面的蛋糕同馬卡龍都好吸引，剛好有兩個位，便同朋友坐低抖一抖叫左芒果蛋捲同apple crumble tart嘢飲叫左凍綠茶同cold brew coffee鋪頭主打100%純素，不含雞蛋牛乳製品，但無損甜品嘅美味，蛋捲質地感覺似面包，好得意，芒果新鮮，蛋捲上面嘅檸檬cream酸酸甜甜，好味。 apple crumble tart更加好味，蘋果蓉酸甜，加上脆撻皮，比蛋捲更驚豔凍綠茶無糖，清新，cold brew coffee有果香味，喺炎熱嘅下午飲番杯，真係無得頂，埋單$197。工作人員兩位女仔都好好服務，細心又好禮貌，不時會襯空檔出黎介紹店舖嘅蛋糕同多士，但座位就得6-7個，見有人會外賣蛋捲馬卡龍拎走…查看更多

同老人家11點去飲早茶，觀塘多間酒樓都要等位，呢間仲有位就揀呢間，點知有位原來係伏!叫左鮮蝦腸，蝦餃拼什菌餃，黑金流心奶黃包，欖仁馬拉糕，食物本身問題不大，不至驚豔，但尚算正常。但服務認真麻麻，職員推車經常撞到食客嘅枱同凳，無論推點心阿姐定係收碗碟推住一大盤污糟碗碟嘅阿姐，都有意無意的用車撞向有食客嘅枱邊或者凳背，我枱俾撞3次，亦見旁邊枱被撞2次，其實枱與枱之間有足夠空間位置俾佢地過，唔明點解仲係會不斷發生食物再好食都令人唔想坐落去，同埋呢個價錢喺觀塘絕對有更好嘅選擇。…查看更多

曾經午市去過但好多人，今日得登晚市去會一會佢。晚上5點半去到先知6點半先開門，唯有行下附近商場夠鐘先折返，但絕對值得。叫左人氣嘅石燒牛小排定食同醬燒鰻魚定食，好好味，又抵食。牛小排有熱石自己燒，生熟自己控制，撒上少少鹽就已經好好味，用麻醬反而太搶。鰻魚定食有原條鰻魚，無論午市晚市都只係$68，超值。估唔到熟食市場內有咁高質嘅日式小店，下次要試埋另一人氣鹽燒牛舌定食要留意小店得兩個人，一腳踢，食物預左要等一陣，但絕對值得。…查看更多

同朋友夜晚5點55分到餐廳，俾告知walkin要等到6點正先入得，唯有門囗望下menu先。座位安排好嚴謹，見有幾pair客人都詢問可否坐室外，但侍應堅持室外只可以for drinks only，晚餐一定要坐室內有客人再問就話室外最多只可以叫pizza，真唔明白佢地所謂嘅rules今晚叫左個三文魚露筍pizza豬肉腸pasta同2杯cocktail(lemon kiss, white beauty)真心講，其實食物唔差，酒亦ok，座位雖然唔係近窗位置，但視野都唔差，但侍應服務真係超趕客!!座落海港城高級西餐廳，侍應行路""踢踢""聲，等客人落order時叉腰蹺腳，客人未諗到叫咩嘢飲，就背對住嗰枱客人(但其他枱望得好清楚!!)反白眼同"廟"咀，收走面包唔出聲問一句仲要唔要，舉手想叫侍應，明明四目交投望到都可以"廟"下咀向相反方向走，可能我張枱""唔係佢負責""吧!!食而無味，就算限時個半鐘交枱，食左一個鐘連甜品都唔想叫就賣單走人!…查看更多

下午3點前入到酒樓3樓，得數圍枱客人，正猶疑下午茶時段是否已完結，一位女部長示意坐中間位置的枱。一坐下，一位男部長便過來說下午茶要上4樓(但4樓的茶錢係貴啲!要$9一位)上到4樓，得兩枱客，員工全部企埋一邊傾偈，完全無人理你！一架點心車仔都無！想落3樓搵點心車，得番3架，有兩架嘅嘢係一樣嘅：都係鯪魚肉、鳳爪排骨、蓮蓉包、叉燒包，另一架係蝦蛟同唔記得咩唔好食嘅嘢，見無咩嘢揀，求其攞左蝦蛟同叉燒包回4樓。點心咭上釘左張點心紙，話“即叫即蒸，照劃單價錢(即係又貴啲！)，供應至下午3:30,剔左兩樣點心，揮手，兩個侍應見到唔諗住過黎，只叫身旁的男部長過來！一個推一個，男部長不情願地過來，望左張紙一眼就話不如等3樓啲點心車上黎啦。我話我去過下面無呢啲點心所以先剔啫。佢話係呀，晏啲啲車仔開始收架啦。我話咁咪落單囉，你寫住供應至3:30架嘛(當時未夠3:15)！佢竟然話我做4樓唔知3樓有無得落點心架咼，不如你等下啦。你剔另外嗰樣通常好耐先整到架咼(水晶包)，我唔知你等唔等到咼！咁你仲落唔落呀？怒火升到頂點，同佢講你咩都話無咁咩都唔駛落啦！佢滿意咁話：咁同你擦左張紙啦！ 就行番去傾佢嘅偈！一肚氣咁食蝦蛟同叉燒包，全部都係唔熱，蝦蛟又細粒又乾。叉燒包餡少但味道尚算可以。到3:30，部長再行黎話有車仔上黎啦，你揀啦！只見都係嗰3架車仔，叫賣着一樣嘅嘢！環境：枱布全部都係灰灰的，一路食嘢一路有員工攞住巨型吸塵機企喺你側邊一路吸地毯一路傾偈！呢種趕客嘅方法真係一流真係好難搵到一間上上下下都唔願做嘢同齊心趕客嘅酒樓！咁嘅服務態度、食物同環境真係絕配！！…查看更多

為同事慶祝生日, 訂左位, 去到即刻有得坐之前訂左半隻乳豬, 好脆好味見枱枱都叫海哲, 果然不錯仲有唔記得叫咩同名的 "花甲" 同 "帶子", 都ok主角: 龍蝦伊面 同 生炒糯米飯, 好!蓮蓉壽包, 好味好滿足個個waiter,waitress都好好笑容,一揮手就有人黎, 快手, 又肯不嫌其煩介紹有咩好食, 同佢地講伊面漏左加底又即刻道歉兼整番個芝士伊面出黎, 好好服務!…查看更多

見宣傳單張下午茶有優惠,所以去試下,但一d都唔平,普通腸粉都要$25,小點都要$16,只有2個傳菜員,等左半個鐘先有1籠點心味道唔算特別好食,但衛生認真唔掂2款點心的蒸籠里面都仲黏住唔知幾手之前的點心漬(好似係蝦餃粉果d皮)仲已經發黃灰灰的,都唔知幾耐無洗過裝叉燒包的蒸籠的竹條已經爛到散開, 更有幾條竹絲散落左叉燒包上見到都好唔開胃…查看更多

住在附近一直無試過這間餐廳，見網上咁多好評，今晚去左一試...夜晚六點，人不算多，叫好菜色後滿心期待....等左大半個鐘見其他枱陸續有菜上我地仲未有....隔離枱剛到叫完餐後,一個好似經理嘅人見我地枱咩都無,check完電腦仲斯斯然走來問叫左嘢未,跟住大大聲問d細嘅有無人落過單!! (唔係呀!!!) 一個戴耳環的男侍應看看自己袋的紙仔便走到電腦前篤篤篤,分明無幫我落單!! 一切都發生在近距離的面前，但全部侍應就當咩事都無發生過咁散開!無人想過過來交代一下!!!咩態度呀!!再等左15mins先有菜上!!!竭力忍住度火，但已經無mood影相,只一心希望嘢食好味,點知....小籠飽---一上枱就穿!!醬爆里脊絲---得個油字, 無味風沙雞---乾柴咁......連一向咩都食的爸爸都話無下次!!!…查看更多

相約友人食生日飯, 8點向一位經理落單(男, 姓莫),叫左小籠包,四喜烤夫(即面筋),竹笙砂鍋雲吞雞,豆沙鍋餅, 便開始開心的傾談。不知不覺傾到8點45分都未見有食物上菜便叫來侍應追單，男侍應check完後竟回覆沒有落單，愕然問 "吓?頭先係你地經理落單ga　ｗｏｒ？"，　男侍應話去問清楚，轉頭另一女侍應就過來話不如宜家幫你落番呀？忍住度火問佢經理貴姓，可唔可以叫佢黎交代一下，女侍應拖拉左陣先肯去叫經理，經理知道後不但沒有即時過來交代，還扮忙咁ｏ係我地面前行過兩次都唔望我地！５分鐘後終於肯行過來，第一句唔係道歉，仲要扮傻咁問唔知有咩可以幫到你？　火黎問”你無幫我地落單ｗｏｒ，我地宜家坐左５０分鐘都無ｏ野食，隔離都換左兩枱人啦！！”呢位經理仍一ｄ悔意都無，只係答”呀係呀，宜家幫你落番呀，你想食咩嘩？”　如果唔係友人想食就會立即走人．．．重新落單後經理就再無行過我地枱附近，一肚火都無再理會過最後ｄ食物幾時上菜！小籠包：無特別,金滿庭，小南國更好味四喜烤夫：　普通面筋竹笙砂鍋雲吞雞：　ｄ湯好似白開水一樣無味,　雞又無味又”鞋”豆沙鍋餅：餅皮好厚服務差,食物又唔好，千祈唔好幫襯…查看更多