在家 (已結業)

做完嘢，一點九先食得飯，反而過左繁忙嘅食飯時間更好，店鋪只得我同另外兩枱客，座位鬆動唔焗促，一腳踢嘅女工作人員，近廚房張枱坐左位小朋友玩緊手機，應該係佢嘅小朋友，感覺就好似返左屋企食飯咁。先上附送嘅前菜同湯有驚喜，湯好濃郁嘅龍蝦湯味，入面仲有海帶同豆腐，開開胃，更期待佢個主菜。凍香茅茶清新解渴。食完前菜同湯，主菜旋風滑蛋炭雞丼就即上，好快手樣子超靚好吸引，滑蛋唔會話好生，撈飯食一流，揭開滑蛋層，入面好多雞，食到最後一啖飯都有雞可以一齊食，雞扒好滑好味，飯有黑白芝麻鋪面增加口感。個飯看似細碗，但食落都好飽。唔收加一，$98可以食到咁豐富嘅午餐，好高汁。