Nomadic Sheep的個人專頁

🔶 Smoked Salmon & Guacamole Bagel $66Bagel本身好驚喜！表面香脆但唔會硬掘掘、唔𠝹口～入面濕潤軟熟，就算放耐咗都唔會乾柴 💯一上檯即聞到面頭啲芝麻焗到勁香～本來想加牛油果但賣晒，轉咗做牛油果醬，都一樣夾！🔶 Blueberry w/ Cream Cheese Bagel $40Bagel個口感同樣咁好味！藍莓果味唔會太假，加埋cream cheese又唔會好膩，鹹甜配搭搵到心水🫐🔶 Caffè Latte (Iced) $42咖啡香帶少少微苦，飲落順滑唔酸，啱我口味～🙈原本想試Tiramisu Scone，不過長沙灣分店冇供應～結果幾日後又去咗旺角分店，專登為咗試返件鬆餅！🔶 Tiramisu Scone $60鬆餅口感偏實，配上滑身Tiramisu醬幾特別～不過唔算正宗Tiramisu味，食到後段鬆餅略乾～都係Bagel好食啲～Bagel款式多，有鹹有甜，配搭彈性大～裝潢係木系風，光猛又舒服～平日嚟幾Chill ～週末旺場要等位，要有心理準備💬…查看更多

想試左好耐嘅燒肉！今次終於有時間去試到！佢有3個燒肉餐～我地今次試左＄488/位嗰款～鞍下-人氣No.1「經典之選」A5和牛與多款肉品的完美組合🔶 是日前菜 - 醋漬蕃茄醋漬蕃茄咬落去真係好多汁🍅！第一啖係好甜，之後帶啲好輕微嘅酸，好開胃！配埋啲冇辛辣感嘅洋蔥，兩樣加埋一齊真係好夾～好食到要即刻搵職員encore 🤣🔶 幻切牛舌（澳洲樂天頂級和牛牛舌）幻切牛舌係用澳洲樂天頂級和牛牛舌🥩，作為一個超鍾意食牛舌嘅人，尤其係厚切款，初初見到係薄切嘅時候，其實都冇抱太大期望～但係呢個真係博得過，薄切之餘依然keep到牛舌嘅彈牙咬口，完全冇失望！😋🔶 龜の子薄片龜子（カメノコ）係牛後腿根部「和尚頭」嘅一部分，本身屬於脂肪少、口感偏結實耐嚼嘅瘦肉，但A5和牛嘅油花會令佢更細膩。嗰日食到嘅龜子切得薄、火候啱，入口即化，幾乎唔使咬就溶咗，食完仲有種「唔夠喉」嘅空虛感，但味道真係好正🥹～職員仲教我哋點少少柚子醋，清爽解膩，香氣更加突出。🔶 鑄鐵の厚切三筋扒三筋是位於牛隻肩胛骨的外側，出產稀少，由於該部位活動較多，所以肉味濃厚，油脂偏少表面煎到焦香微脆，一切開仲見到中間微粉紅～肉質超嫩滑，油脂分佈均勻，入口即化😚💕燒汁偏甜，整體有啲似壽喜燒style～可以點埋生蛋液一齊食，提升咗層次感！🔶 松葉蟹甲羅燒蟹膏味超濃郁🦀燒完之後拌入蛋漿，滑上加滑！不過味道偏濃，建議可以加埋飯一齊撈住食，中和返膩感，成件事會更易入口～又香又邪惡😋成個餐其實仲有唔少配菜同熟食，樣樣都OK、對得住個質素～🔶 A5赤身肉🔶 A5霜降肉🔶牛油燒野菇🔶和牛燒肉飯🔶香蔥柴菜溫泉玉子飯🔶漬物拼盤（柚子蘿蔔＋泡菜）我哋今次仲加咗90分鐘半放題任食 +$99包生啤，非酒精飲品（蘋果汁除外），厚切白豚腩，柚子雞腿肉，飯品，綠茶雪糕任食基本上冇點再加肉都夠飽，係不斷encore嘢飲同雪糕🍨🤣成個晚餐體驗都幾開心😚～Staff好有禮貌又親切，見我哋對個模型有興趣，仲專登拎落嚟俾我哋玩吓🔥雖然餐廳面積唔算大，枱與枱之間都幾密，但係抽風做得唔錯，唔會成身大油煙～整體嚟講，環境都OK，坐得舒服，氣氛夠Chill！…查看更多

港鐵宋皇臺站D出口，行10分鐘左右就到，位置唔算搶眼，店內裝修偏暗色，座位大概20個左右～🍽 餐前小食椰菜沙律，食落口感幾清爽～泡菜，無辛辣感，味道偏甜～醃蘿蔔，爽口，酸酸地幾開胃！🔶 蔥炸雞半隻(有骨) $108佢有好多款炸雞🍗，可以揀有骨=微辣；或無骨=唔辣今次試佢嘅蔥炸雞，炸粉薄脆，雞肉唔嚡，外脆內嫩；鋪面嗰堆蔥絲甜甜地幾加分，蔥香突出，整體好香口，不過炸雞本身偏辣🌶️，唔食得辣嘅朋友仔揀無骨好啲！🔶 韓式泡菜煎餅 $108薄餅外皮煎得香脆，泡菜味都幾突出，不過整體偏濃味，建議2–3人share！配埋啤酒🍻或者飲品🥤會好啲～🔶 砂鍋蒸蛋 $58韓式餐廳常見嘅配菜之一～上枱時熱辣辣，質地偏實淨，唔係滑溜款， 味道唔算特別濃，不過夾埋炸物一齊食，算係清清地中和吓油膩感🔶 梨汁嗌咗杯梨汁嚟試～雖然唔係鮮榨，但入口清甜，仲有啲啖啖果肉食得到🍐唔會太假太甜嗰隻，食炸雞之後飲落幾解膩～想飲吓酒、食吓炸雞、朋友吹吓水都幾啱…查看更多

行街行到攰想搵間餐廳坐低飲杯咖啡食個甜品👦🏻就帶咗我去呢度～呢間位於土瓜灣嘅餐廳，一入門就感覺到強烈嘅復古懷舊風～裝潢同擺設都充滿老派浪漫，每一個角落都係打卡位，好靚又有心思～甜品主打老闆娘自家製雪糕、鬆餅、鯛魚燒等，每樣都好有心機🤩🔶 人氣 期間限定手工雪糕 伴 小鬆餅 🍨 $108鬆餅熱辣辣、外脆內鬆，一啲都唔乾～質感濕潤得嚟又有空氣感，口感近乎完美👏🏻 雲呢拿籽忌廉係偏泡沫狀，唔會好實身，食落輕盈滑身又唔會死甜，仲有淡淡天然香草味，襯埋雜莓果醬一齊食，酸甜平衡、果肉足料，真係好有驚喜！🔶 粗粒芝麻雪糕（香濃） 🍨 $69口感有啲似雪葩，唔係傳統滑身Creamy嗰種～但芝麻香氣超突出🔥 經自家焙磨芝麻，食得出粒粒質感，香濃而不膩～下次都想試埋最濃版本，應該更過癮😆🔶 沖繩青檸冰茶🍹 $53茶底清爽，加上沖繩青檸果香～清酸中帶微甘，飲落好清涼，🌿配住熱天氣飲真係秒回沖繩海邊🏖️🔶 【拿鐵】意式牛奶咖啡 ☕️ $45呢杯係有誠意之作！咖啡味濃郁，帶好微酸果香～最正係有條大冰粒係用咖啡做，唔怕融咗會溝淡味道☕️ 凍飲黨必試～整體環境好復古懷舊，有好多老闆收藏，Menu圖畫又畫得靚(太多版冇影到)，除咗特色甜品同嘢飲仲有好多日式小食同定食~有機會一定要試吓!!…查看更多

呢間係我encore咗好多年嘅隱世西餐～價錢公道&出品穩定，絕對值得回頭🙌🏻以前去我多數都食西冷或肉眼，直到某次試咗鴨胸同羊架，發現全新美味～今次索性兩樣齊上，唔駛揀🤣全間餐廳由老闆＋老闆娘兩位打理～繁忙時間要有啲耐性等一等🙌🏻！🔶 烤原隻法式鴨胸及燒菠蘿|香橙青檸汁🪿 $118 (跟餐)鴨胸外皮煎得香脆、脂香四溢，入面仲保留粉紅肉質，唔乾唔鞋，肉汁豐富，認真正😍跟餐可以揀沙律或者餐湯，餐湯通常都係忌廉湯，順滑得嚟唔會太稀，啱啱好落口～配返多士，食落去夠哂完整✨🔶 散叫羊架（2件） 🐑 成日都話羊架難掌握，但佢哋真係煎得好！外層焦香、內裡粉嫩，唔羶又夠juicy～口感啖啖肉又唔韌，一流💯🔶 海鹽燒是日精選海洋魚扒 🐟 $120 (跟餐)朋友仔嗌咗條魚扒，煎得香口唔腥，魚肉滑嫩～配埋個淡淡嘅汁，味道啱啱好，唔會搶戲又唔會寡味～🎶星期六晚仲有Live Band Dinner！之前join過一次，氣氛好正～鍾意現場音樂嘅朋友記得bookmark💃🏻🎸整體嚟講，出品有誠意，味道穩定，無論食牛,羊,魚,鴨，每次都冇失手！想搵間唔花巧但實淨、有質素、有溫度嘅西餐廳，紅煮意真係值得一試再試！…查看更多

荔枝角站D1出口步行約1分鐘，交通方便～成間cafe風格偏歐陸法式感覺，光線唔錯～✨🔶 龍蝦蕃茄汁手工卷粉（配燒羊柳／虎蝦肉） 🍝 $98 > 手工捲粉+$20 / 燒羊柳+$10我哋揀咗A款自由配搭Lunch Set，都係揀咗手工捲粉同自家製龍蝦蕃茄汁，分別配燒羊柳同虎蝦肉手工捲粉彈牙有口感～可惜醬汁出奇地蒜味好重🧄，完全食唔出龍蝦味，反而係淡淡嘅酸蕃茄feel🍅燒羊柳略乾，但未去到𡁻柴皮，味道尚可～虎蝦肉新鮮彈牙🦐～整體偏中規中矩。🔶 +$18會有餐湯或沙律＋餐飲，餐飲可以揀$28或以下飲品(多咗補差額)餐湯質地順滑，但冇乜記憶點 ～ 飲完都唔太記得係咩味😂🔶 Mocha ☕️唔會甜死，入口順滑，有拉花可以打下卡😆🔶 Grapefruit Lemon Soda 梳打飲落口幾fresh ～西柚味幾出🔶 巴斯克芝士蛋糕🍰 $88我喺OpenRice訂枱佢有個買一送一優惠 ～ 蛋糕本身芝士味唔突出，口感鬆散，不過配住雪糕食都還好🍨～唔係難食，只係冇想像中咁香滑～🔶 朱古力心太軟配雪糕 🍰 $108心太軟因為主要係同朋友慶祝生日，生日碟超有誠意🎂朱古力味濃，擺盤有心機❤️整體嚟講，環境舒服，服務唔錯，想坐低打卡傾吓偈、唔趕時間慢慢食，都係一個可以考慮嘅選擇～…查看更多

大圍站A出口步行約4分鐘，交通方便～門面木系裝修，清新又低調，平日朝早嚟唔算多人，坐得幾舒服～成間cafe感覺寧靜自在，好適合慢慢hea～✨🔶 英式奄列 🍳 $62芝士🧀煙三文魚🐟奄列煎得幾滑，不過煙三文魚係已經煮熟咗混咗落去🫣，原本expect會係另上style，係我理解錯咗啦～唔怪得人哈哈😂～牛角包窩夫🥐🧇香脆好食😋！菠菜🥬芝士🧀薯仔🥔波就略嫌口感實咗啲～🔶早晨熱香餅 🥞 $58Pancake🥞鬆軟，唔會乾爭爭~配炒蛋煙肉一人份量剛剛好～🔶 Iced Latte ☕️ $44順滑易入口，都係偏向Nutty味～🔶 桂花蜜糖鮮奶咖啡 ☕️ $44賣相幾靚，仲有淡淡桂花香氣，飲落有層次～整體黎講，食物水準算穩陣～加埋環境舒服，喺大圍想hea下飲杯咖啡、食返個brunch都係個唔錯嘅選擇～…查看更多

最近港鐵土瓜灣站B出口行過去大約4分鐘，交通方便～舖頭裝修日系居酒屋風，唔算大間但幾舒服～✨🔶 極上牛舌定食（1.5倍）$238食過幾次都覺得水準穩定✨出品穩陣～💯全部都係用牛舌心部位，🐮厚切處理，燒到表面微焦、內裡微粉紅～咬落去彈牙有咬口🤤配埋店員建議我哋點豉油Wasabi嚟食，另外都有配埋檸檬🍋～不過我覺得咩都唔加原汁原味已經好好食！定食配白飯、沙律、茶碗蒸、味噌湯、小鉢同漬物～配搭夠晒豐富～其中茶碗蒸質地比較實啲，但係都好香同滑🤤！餐牌上都有其他定食、小食、串燒同炸物，選擇都算豐富！呢間店我已經食過好多次啦～對牛舌有要求嘅真係可以試試！好食嘅厚切牛舌真係唔係間間做到～✨…查看更多

🔶 屯門馳名生炸髀🍗 $35（可配套餐$47起）食咗咁多年都仲係咁鍾意！🤤雞髀即叫即炸，拎上手熱辣辣🔥外層超脆但又完全唔油膩✨啖啖肉仲好嫩滑！一啲都唔鞋口！～可以自己落調味粉，有紫菜椒鹽🥬蜂蜜牛油🍯車打芝士🧀麻辣椒鹽🌶️香草辣🌶️勁辣死神🌶️魔鬼辣🌶️我以前食開紫菜味，因為我一啲都唔食得辣😂～今次轉試咗蜂蜜牛油味🍯甜甜地又幾特別😍估唔到都幾夾炸雞，意外驚喜！炸髀可以配嘢飲~或者其他小食炸髀之外都有漢堡包🍔滷肉飯🍚碗仔翅🥘嗰啲嗌~有經過一定要試吓！…查看更多

灣仔總店門口就係電車站，搭叮叮去好方便！成間餐廳之前翻新咗，裝修轉做粉紅主調，感覺乾淨企理咗～入到去都幾少女心😂～✨🔶 金牌脆皮燒春雞🐓配茄汁意粉🍝 $88一眼望過去幾乎枱枱都有人order!可以揀配 飯🍚意粉🍝薯條🍟沙律🥗（4選1 ）燒春雞上枱時熱辣辣～雞髀部位勁嫩滑又Juicy🤤！雞胸部份雖然冇雞髀咁滑，但都唔會乾爭爭咬柴咁😍！佢有碟淮鹽&酸甜醬(類似麥當勞嗰隻)跟埋，不過我覺得本身隻雞都夠味，點唔點都得～配菜我揀咗茄汁意粉～酸酸甜甜蕃茄味幾開胃，但口感偏乾身，如果炒濕少少會更加好食～🔶 紅豆冰(跟餐)🥤 +$13紅豆冰偏甜，主打懷舊啊🤣～🔶 鹹檸檬七喜(跟餐)🥤 +$13薔紅其他扒類/飯我以前都試過，始終主打大路+選擇多，味道就唔算非常精緻，但勝在夠飽、夠多款揀～其他分店未去過，灣仔呢間去過幾次啲水準都算幾穩陣！…查看更多

地鐵站行過去大約10分鐘，唔算太近，用餐環境一般，人多會有啲嘈~✨🔶 甘筍鹹水角 $39呢個賣相幾得意~外皮煙煙韌韌，食落同平時鹹水角差唔多，好食！🔶 黑松露野菌餃 $46黑松露味勁香~菇味都幾突出，素食版嘅小奢華~🔶 素翅灌湯小籠包 $48失望位之一…個皮厚同韌，冇咩湯汁，食落唔多Juicy，有少少難咬開~🔶 香菇燒賣 $42超濃嘅香菇味~但口感有啲奇怪，重口味嘅朋友可能會鍾意~🔶 香煎蘿蔔糕 $39蘿蔔糕質地偏實，煎得唔夠香脆，味道好平實，冇乜驚喜~🔶 春風得意腸 $46腸粉皮夠薄又滑，入邊炸物都仲脆脆哋~整體唔錯，值得encore ~🔶 金箔棗蓉糕 $46煙韌口感幾好，不過甜咗啲…如果轉做薑汁紅棗糕可能會更啱口味~🔶 特色芒果布丁 $48完全係細細個去酒樓食嗰種芒果布甸味！滑滑地、唔會太甜~整體黎講，初頭食落都幾有驚喜，感覺幾新鮮~但食到中後段開始有啲攰，可能因為用嘅食材都圍繞住菇類為主，味道上比較單一，個口入邊成個下午都係菇味，略嫌有啲漏⋯而且價錢都唔算平，對比落性價比就…見仁見智啦~如果您本身鍾意食素、特別係鍾意食唔同種類嘅菇，可以一試~…查看更多

最近地鐵站行過去大概5分鐘，唔算難搵~✨🔸 Smoked Salmon Bagel 🥯 $98 (Lunch Set)個bagel🥯真係⋯硬到可以鎅親自己條脷嗰隻🥹，煙三文魚同cream cheese都算正常發揮，不過個cheese好膩，食到中段已經有啲滯🥹要靠啲生洋蔥先勉強中和到個味🥹之前食過牛油果牛角包覺得好食(但係冇影相)，點知今次就中伏🥹🔸 Tiramisu 🍰 $58呢個Tiramisu係呢度嘅signature🧐，之前都聽人講過~試完覺得啖啖都幾細緻，手指餅浸得啱啱好，唔會淋晒又唔會硬倔倔；cream滑得嚟唔膩，都幾香🤤；咖啡味都有~不過如果您鍾意重酒味嘅Tiramisu就未必啱喇🙅🏻‍♀️~整體甜度啱啱好，呢個價錢嚟講值得一試~🔸 Iced Latte ☕️ (Lunch Set包)咖啡味道偏Nutty~冇特別~環境方面係酒店大堂入邊，要自己搵位坐，人流都幾多，好多人出出入入，唔係太寧靜~如果想慢慢chill個下午就未必適合啦～…查看更多

旺角飲杯咖啡呢度絕對係個好選擇😋一入門口就聞到好香嘅咖啡味🤤雖然位置唔算多 但座位之間都有啲距離 都坐得舒服！🔸 COMBO SET ☕️ $60(Single espresso + Piccolo)揀左ESPRESSO "MOUTHFEEL" 咖啡飲落Nutty & Full-bodied，Piccolo比Latte更加濃郁，口感更加醇厚🤤鍾意飲Nutty咖啡嘅朋友仔一定要試！🔸 Latte ☕️ $45🔸 Homemade Basque Cheesecake 🍰 $55軟心嘅效果做得好好，芝士味亦都好出，配住佢嘅Expresso可以中和到唔會覺得膩。有時間想再試吓佢哋個Lunch😋…查看更多

🔸 經典日式牛肉醬汁蛋包飯 🍛 $86超級好味嘅蛋包飯🤤對半切開個蛋, 入面係好完美嘅半熟狀態💯用左蕃茄炒飯底, 帶微微酸好開胃！牛肉汁好濃郁, 份量唔會過多, 啱啱好夠撈哂成個飯😋🔸 明太子奶醬蛋包飯 🍛$118另一種風味嘅蛋包飯, 食得出好香滑嘅明太子😍 配埋蕃茄炒飯一啲都唔覺得膩！🔸 升級套餐 + $25 配是日湯+前菜及飲品 (包含美式珈琲或茶・凍飲 + $3)(配其特色飲品熱 + $10・凍 + $5)🔸 Latte ☕️🔸 抹茶巴斯克 🍰 $55味道係帶少少回甘嘅抹茶，而蛋糕質地偏向硬身少少~🔸 焦糖醬油糰子雲呢拿新地 🍨 $42醬油糰子嘅口感係煙韌得嚟偏向腍身少少🤏🏻 食完呢個甜品好掛住日本嘅糰子同雪糕啊🥹*記得上網訂位啊📝…查看更多

🔸 Latte / Iced Latte ☕️ $44/$48🔸 烤焗薯荷蘭鬆餅 🥧 $83第一次食荷蘭鬆餅, 上枱熱辣辣聞到少少芝士香🤤, 入邊主要有薯仔🥔煙肉🥓大啡菇🍄‍🟫同芝士🧀, 全部嘢加埋一齊口感唔怪, 亦都唔膩, 好食！鬆餅底有有少少帶煙靭嘅感覺, 而且好香蛋味！下次可以試吓其他口味~🔸 炸薯條配三色蛋黃醬 🍟 $48三款蛋黃醬分別係黑松露蛋黃醬/是拉差辣椒蛋黃醬/煙辣椒蛋黃醬, 感覺兩款辣嘅蛋黃醬冇太大嘅分別, 係煙辣椒嗰款比較辣少少(有啲搶喉嘅辣~🔸 DIRTY TIRAMISU 🍰 $58同平時食開嘅Tiramisu有啲分別~ 偏重芝士味, 最好有朋友仔一齊share, 如果唔係一個人食晒會有啲膩~🔸 BRULEE BASQUE CHEESECAKE 🍰 $58呢個蛋糕有驚喜！原本都驚會好膩, 但點知一啲都唔會~ 芝士蛋糕本身夠滑身, 加上燒脆咗嘅焦糖, 口感都💯…查看更多