E0E0E0的個人專頁

食係人生不可缺少的一個環節，最近比我留意到石門開左間火鍋放題“豐鍋”~佢係一人一鍋既火鍋放題，所以可各自揀鐘意既湯底~有6款湯底可以揀，分別係豐味麻辣鍋、美肌豆乳鍋、野菌蕃茄鍋、豐味醬油鍋、北海道昆布鍋和日式豚肉鍋~係門口見到個餐牌都覺得幾吸引，星期一至四7點前埋單或9:30pm入座，每位減30，見到呢句，真係太引人犯罪了🤤最後我地都係入左去食，揀左美人豆乳鍋同豐味醬油鍋~米國Prime特選牛肉 黑豚肉放題套餐成人$228 小童$128放題時間為90分鐘~呢到環境都唔錯，坐得舒服~飲品中，我最愛既就係柚子蜜清新既柚子香再加上甜甜既蜜糖，簡直係完美既配搭自取火鍋配料有丸類、菇類、玉米芯、午餐肉、冰菜、芝士腸、蘿蔔和烏冬等等。。而牛肉和豚肉食完要加的就直接同店員講便可~牛肉同豚肉都好滑，我本人較喜歡牛肉多一點豐味醬油鍋呵呵，我既火鍋面世了☺️🤘，這湯底不咸也不甜，味道適中，但有點美中不足的，就是欠粒雞蛋🥚~甜品有Movenpick雪糕，仲有軟糖同糖水…查看更多

街上冷清清，天氣又冷冰冰想打打邊爐暖暖胃，一於烚下烚下🥳今次去左尖沙咀既老鍋台式火鍋~仲以為街上咁靜，應該會冇咩人結果反而係相反，又幾多人食火鍋邊爐~自助火鍋醬料區膠原蛋白美人鍋 $228有4款火鍋，老鍋秘製麻辣鍋、老饕酸菜白肉鍋、膠原蛋白美人鍋、尚膳養生鍋，最後我地就揀左膠原蛋白美人鍋~美人鍋材料豐富用原隻既烏雞、南棗、杞子、桃膠、龍眼肉、人蔘和金華火腿老火腿去淆湯~桃膠有豐富既膠原蛋白、美人鍋滋陰又養顏🤘，多數係女士們既首選~美國梅花豬肉 $98豬肉塊塊都切得好平均，肉質鬆軟食落都好滑口魚皮餃半份（4粒）$48魚皮餃魚味鮮，肉餡結實，啖啖肉兼彈牙降火冬瓜片 $48打邊爐之餘都叫左個冬瓜片，降降火氣冬瓜片塊塊都好juicy🤤三秒響鈴卷半份（4條）$48響鈴我就鐘意放落個邊爐到浸3，4分鐘，等響鈴爽晒湯底既精華再撈番上來食，正夜市炸臭豆腐 $48臭豆腐炸到金黃色食落又脆又爽口，一d都唔臭的，好好食臭豆腐仲跟埋泡菜一碟，食完臭豆腐再食泡菜都幾頂隱😛新竹米粉 $48米粉好香，口感爽滑杞子抗菊露 $28杯裏面有菊花 、杞子 和 龍眼肉味道清甜，重菊花香食完好暖胃☺️，大滿足~…查看更多

我同朋友都好鐘意食大排檔，因為貪佢夠鑊氣和夠惹味，見網上好多人推介陳根記，所以我地都特意前來一吃~都好多人，全場爆滿好彩剛有張枱埋單✌就直接入到去~清水韭菜餃 $48餃子皮薄餡靚，韮菜味濃，另跟埋菜脯同辣油一碟~薑蔥廣島蠔 $108廣島蠔好juicy,落埋d薑蔥一齊炒夠鑊氣又惹味咕嚕蝦球 $90蝦球外脆內軟，青椒爽口，味道酸酸甜甜，好開胃~鹹肉娃娃菜 $65上湯娃娃菜，湯底好清甜鹹肉就鹹鹹地，少少肥~福建炒飯 $78福建炒飯都幾足料，裏面有蝦、雞肉粒、冬菇片和紅蘿蔔片都好大碟銀芽假翅$79聽個名我地仲以為係湯來，點知係炒粉絲XD裏面有青紅椒絲，芽菜，味道就辣辣地，幾惹味~特級楊枝甘露 $30碗食完飯仲可以係陳根記叫埋甜品，非常方便因石門附近都冇咩糖水店~呢到既楊枝甘露係比較結身同濃味，好多芒果粒😍，啖啖芒果肉☺仲有水晶珠，一咬就爆汁，正總結，盡興的晚上，我地完全係飽到一個點，大滿足❤…查看更多

好耐都冇食過放題了，見今日交通情況都許可下，就去左旺角食放題，今次我地就去左瓊華中心到食，一如以往，好多姐姐係樓下派傳單，有好多食物選擇，有邊爐放題，也有日本料理放題，最後我地揀左至尊滿屋放題~是日收費: $218加1,任飲任食2小時門口有餐牌show左出來，都幾多野食，好吸引仲以為今日係閒日會小d人，點知都好多人下😮雪櫃都幾多飲品，另外仲有熱茶、柚子蜜 、薑蜜和其它特飲~放題Mode啟動好興奮呀，鐘意食咩就食咩，呢個就係放題既樂趣🤘先來個刺身先，我地叫左大赤蝦、甜蝦和帶子~刺身好鮮甜冰涼，再點埋豉油wasabi 食🤤北海道焗廣島蠔好香沙律醬和千島醬味，廣島蠔好肥美吉品鮑汁燴花膠盛宴呢個比想像中好食，起初仲以為佢會好咸，因為見佢都幾多汁，但食落就剛好，唔會太咸花膠完全係索晒鮑魚汁既味道，好淋身，淋得來又有個種"張住張住"既咬感，感覺好重骨膠原咁~牛肉火鍋呢個係我既大愛，因為佢係壽喜燒湯底，甜甜地，好好味牛肉鍋入面有娃娃菜、金菇、豆腐、牛肉、雞蛋和芋絲,夠晒豐富佢地仲有其它多壽司同炸物可以食~甜品除左有蛋糕和生果外，仲會有埋雪糕，但雪糕就不是任食，只限每人一杯~雪糕我地就揀左Movebpick雲呢拿味和Dreyers既紅豆味🤠2個鐘真係食到飽，大滿足的一個晚上😛🤘…查看更多

Happy Friday 同媽咪撐枱腳, 今日想食台灣野，就近近地去左八方麵屋~門口都幾多人，要等3張枱大約等左10分鐘就入左去，真誇張，全場爆滿~一來到台灣食店，就緊係要食番個滷肉飯、台灣香腸同炸豬扒啦懷舊飄香滷肉飯Braised Pork Mince Rice滷肉好淋，滷水汁亦都好香好味👍麻醬椒香乾拌麵Dry Noodles with Spicy Sesame Sauce拌麵麵質好煙韌，非常Q彈~P.S.個麵係極度麻辣既，小妹冷勁要挑戰，最後我係要9秒9咁order杯凍飲止辣😆如果喜歡麻麻辣辣既朋友就岩晒嗱，佢係愈食愈辣，絕對係會食到嘴都麻埋架😂台灣古早味香腸Traditional Taiwanese Sausage超級大愛台灣腸，甜甜地又juicy師大香酥豬扒Fried Pork Chop豬扒被炸到金黃色，肉質鬆化，非常香脆~飲品就叫左黑糖珍珠鮮奶和蜂蜜檸檬(左)黑糖珍珠鮮奶Brown Sugar Milk with Bubbles十分解辣，黑糖味甜甜地，珍珠好有咬感，仲好香鮮奶味，正呀🤤(右)蜂蜜檸檬Honey Lemon Juice媽咪話呢杯味道都幾清新潤喉，不會太甜~總結，味道ok,價錢合理~…查看更多

今晚同男人行馬鞍山，見到地舖開左間飲品店Six Tea (六茶)，哈哈，個名又改得唔錯，就入去睇下~店舖都乾淨企理，旁邊有得比客人立食~除左飲品，原來仲有其它小食 : 牛肉球、燒賣和魚蛋仲有埋甜品: 雞蛋仔雪糕新地,厲害水果柑桔茶 M ($27) Kumquat Fruit Tea柑桔味道好清新，仲有啖啖果香味紫芋椰奶 M ($27)Purple Taro Coconut Tea呢杯要再攪勻後先飲得，味道方面，本人覺得甜左少少，所以揀呢杯既時候可以揀微甜，因我個時係揀正常~其它都沒有問題，芋香和椰奶味都很出🤘牛肉球$12 (3粒)燒賣$12 (8粒)我地仲叫左牛肉球和燒賣最後都係心思思想食埋個甜品😂，就叫埋個雞蛋仔雪糕新地雞蛋仔雪糕新地 $25雪糕我地就揀左忌廉曲奇大約等8分鐘， 😍雞蛋仔雪糕新地出爐了，賣相好吸引🤤雞蛋仔外脆內軟，重蛋香味再配上忌廉加雪糕，外暖內凍，面頭仲有士多啤梨醬和珍珠粒~總結，不錯的多原化小店…查看更多

網上見到呢間幾多好評，所以突意同媽子去食早餐，當日門口都多人排隊，所以要等一陣，我地等左大約15分鐘就入左去~餐廳唔算大，裝修簡潔燈光都光亮~我同媽子睇完餐牌後就叫左碗酸菜肉絲花枝丸米線和滷蛋滷肉飯~酸菜肉絲花枝丸米線 $28跟台式奶茶可加$8要炒蛋烤多士滷蛋滷肉飯 + 紫菜魚丸湯+伴菜 $34飲阿華田我很喜歡它的紫菜魚丸湯，滷肉飯就不過不失~總括來講，味道ok,服務就一般，斟水係自助，落單都係要自己出去買，係出餐個下先服務員送餐~…查看更多

今日同男人提前1日慶中秋，我地放工之後就去左星海薈食晚飯，因之前雜誌見過呢間，覺得環境都幾靚，仲係婚宴場地，所以來呢到食飯，順便參觀下個場~一入到去就見到呢5個黃色物體既人仔，擺晒pose咁，又幾過隱 XD呢到環境算大，裝修華麗~場地顏色配搭唔錯地毯圖案特別，就連天花燈都甚具氣派~我地叫左香片 茶芥每位$15足料老火湯 服務員會幫我們分湯，然後拔起d湯渣~裏面有白菜仔同豬展燉湯重菜味，清甜~熱熱的，很暖胃😀星海脆皮雞 個皮又真係幾脆口，咸咸地好惹味，雞肉肉質都好嫩滑脆皮咕嚕大蝦球 我最愛這個，咕嚕蝦球，冇骨易食，味道酸酸甜甜，好開胃如果份量多d會更好😆~涼瓜炆掌翼 呢個味道甘苦，掌翼普普通通，不過不失~最後祝大家中秋節快樂🤗…查看更多

之前係九龍灣已食過發哥粥底海鮮火鍋，覺得味道唔錯，估唔到依加觀塘都開左分店，而且在我公司附近，放工去食十分方便🤟呢間店朝頭早係360冰室，而夜晚就係食粥底海鮮火鍋~裏面好大好寬敞，有卡位，也有圓枱~環境簡潔整齊，燈光光亮，則邊仲貼滿左好多香港特式既牆紙~當晚我地就叫左龍蝦套餐，每位$288套餐每位送燉湯一盅，花生一客和蒜蓉泰醬焗青口(每位2隻） 姬松茸燉雞湯燉湯真係好足料🤩裏面有松茸菇、螺片、淮山、龍眼肉和雞肉~清甜又暖胃，正😋蒜蓉泰醬焗青口 青口好香蒜蓉味，而且仲加左泰醬，味道甜甜辣辣，好開胃惹味~飲品任飲，包括有橙汁汽水、可樂、忌廉。。。仲有埋竹蔗茅根先來盤粥水店員仲比埋個粥底海鮮火鍋計算表比我地，然後我地就可以跟住將d海鮮煮來食~登登登登。。。龍蝦餐到wow...好豐富呀，賣相非常吸睛😍成盤都係海鮮，呢盤海鮮自己出去買都應該唔方平😧海鮮包括有:龍蝦、鮑魚 、 聖子皇 、貴妃蚌 、多寶魚 、黃金蜆、海蝦和時令貝~鮑魚可揀新鮮鮑魚或冰鎮鮑魚，我地就揀左新鮮鮑魚~上枱時鮑魚都仲係識郁，果然夠新鮮龍蝦都好大隻下，而且仲好多膏🤤聖子、貴妃蚌和黃金蜆都好鮮甜~龍蝦餐仲會有埋安格斯牛肩肉 + 自選8款火鍋配料最低下個碟係牛肩肉8款火鍋配料:(左上) 日本黑豚肉3片(右上) 美國肥牛3片仲叫左皇帝菜、芝士丸、貢丸蘿蔔、自家制雲吞和炸魚皮特別要讚一下佢地既炸魚皮，因佢地呢隻炸魚皮係連魚骨都一齊炸脆埋，食落去係比較硬身d,同平時既炸魚皮好唔同~當所有野都食晒後，粥水就已經吸收晒所有海鮮既精華，係呢個時候就可以放入之前店員預先比我地既南瓜、芋頭和玉米粒落d粥水到，然後再放入棉棉既飯粒和少許芫茜調味店員會幫我地煮埋d粥仲幫我地分埋，真係非常貼心d粥真係好鮮甜，大愛呀套餐真係好多野食，絕對係大滿足~…查看更多

如果你喜歡吃甜品，Mina House絕對係不錯之選，因為佢係個甜品放題，可以食到多款不同口味既蛋糕，我都係琴日去山頂食lunch先知道有呢間店既存在，但個時太飽，所以冇食到😟~好彩今日係假日，突登同男友去番山頂，食番我想食既甜品放題甜品Buffet任食2小時，由11am - 5:30pm價錢都係$158一位~Mina house環境同37 Steakhouse & bar hk差唔多，都係好寬敞同華麗，因為大家都係同一層~甜品Buffet就唔包飲品，所以我地都叫左2杯Mina Latte賣相好靚呀，面頭拉花藍色的，都幾特別~Mina Latte係用藍碟花、香芋、茉莉花和鮮奶弄成的, 飲到好重既茉莉花茶味，仲有啖啖既香芋鮮奶味~朱古力鬆暖笠笠既朱古力鬆，咬落鬆脆牛油味重，同埋都幾多朱古力，正呀☺出面有架甜品餐車，有12款甜品放晒係車到，客人可以任吃2小時蛋糕有5款口味，香草栗子蛋糕 Vanilla Chestnut Cake呢個係我最愛既蛋糕，頂層既栗子蓉好滑好creamy,香濃栗子味，又唔會好甜，海棉蛋糕都好鬆軟~芒果熱情果蛋糕Mango Passion Fruit Cake面頭係熱情果啫喱，酸酸甜甜，而底下就係香濃芒果味既慕絲~巧克力蛋糕Chocolate Layer Cake呢個係極濃既朱古力味，係濃到有d苦澀，唔係死甜個隻~綠茶紫蘇蛋糕Greentea Shiso Layer Cake綠茶味道甘苦，蛋糕鬆軟，最特別係中間有層紫蘇啫喱~伯爵歌劇院蛋糕Earl Grey Opera Cake 面頭係朱古力，底下就係伯爵茶加雲呢拿味蛋糕，甜甜的，好味(左)煎茶芝士杯Sencha Tiramisu Shooter茶味比較出，芝士味相對淡左，味道還可以~(右)香草紅桑子杯Vanilla Raspberry Shotter味道酸酸咪咪，好開胃底下係乳酪蛋糕~其實仲有其它甜品，如雜果杯、柑子撻、玫瑰香草杯子蛋糕、香草豆泡芙、巧克力燕麥曲奇etc......最後食埋個雲呢拿雪糕作結尾其實款式唔算少，12款既甜品放題，咁既價錢，環境又唔錯，仲要係山頂，真係性價比高…查看更多

今早係金鐘見完客後，就自己去食lunch，但金鐘都好似冇咩野食，此時比我見到有X15巴士可直達山頂，就一於去山頂食個lunch，反正自己都好耐冇去過山頂~一上到去山頂廣場，見到有間37 Steakhouse & Bar， 好似都唔錯，就上去睇睇~wow...呢到又幾靚裝修時尚，環境真係幾唔錯~有Lunch Set呀，岩晒我~$198一位，前菜 + 主菜 + 甜品都ok, 就呢間啦落完order後，服務員就上了一份餐包比我~前菜 Appetizer 香煎帶子配香草牛油.朝鮮薊蓉 (+$68)Seared Scallops Herbs Butter and Artichoke Puree 帶子有2粒，咬落去好軟滑，香草牛油汁都好creamy主菜 Main Course美國特級西冷. 日本飯配燒汁U.S.D.A. Prime Striploin with Japanese Rice,Teriyaki Sauce賣相不錯，西冷好香呀，點埋個甜甜辣辣既燒汁，好開胃惹味呀西冷叫左7成熟，廚師煮得恰到好處，唔會太生出血水，亦都唔會太熟太乾，肉質非常juicy👍 ，甜品 Dessert 雜莓鮮果撻 Fresh Marinated Mixed Berries Tart雜莓有桑莓和草莓，另外有球桑莓雪糕係頂，底下就係花生味既威化餅~雪糕味道就偏酸，如果吃不了酸的朋友也可以叫Tiramisu~食完lunch,又要趕番公司工作了，放鬆的一個下午~…查看更多

好耐都冇食過Buffet了，見德福閣晚市自助餐$308一位，用Openrice訂枱仲有85折，就同媽咪去食~仕德福酒店搭Lift，㩒M樓就係德福閣，一開門就已經見到朱古力噴泉，仲有好多精美甜品，全都擺放得好靚冷盤就有生蠔、長腳蟹、刺身、蜆和壽司仲有沙律和火腿etc.我就緊係第一時間食生蠔啦除左生蠔，仲有鮮茄醬焗蠔菜乾湯呢個完全係我既至愛，我前前後後飲左3碗XD因為d菜乾實在太出味，熱熱地，好暖胃蠔仔粥呢個都好暖胃，唔知有冇加入藥材去煮，點解粥水好似食到d藥材味🤔不過係好味個隻到左8pm，師傅會即場表現火焰田螺串😮我最鐘意睇呢d野，哈哈，見到d火光藍藍地就會覺得好靚😁呢個就係師傅既結作，俄羅斯伏特加火焰田螺串好重酒味，同埋比較細串，好快就食完~其實熱盤都仲有其它野食，如意粉、炒飯、甜醋骨、咕嚕肉etc....甜品方面，有個即整pancake,自己揀配料然後師傅會即場整比你，我就揀左雜果加忌廉，再加煉奶係面正呀🤤最後食左士多啤梨同芒果布甸Remark:甜品仲有雪糕、生果和一堆糕點~總結: 熱盤款式種類就不算太多，但都會夠食，其實食唔到咁多，因為最後都會食到好飽，性價比高…查看更多

今日終於都唔駛OT嗱，好滾動呀😭😭😭放工就同同事去左工廈食飯，鬆一鬆✌我地揀左Call Me Chef,因為在公司附近，同埋之前在某周刊已見到介紹，一直都想去，今日終於都有時間去食了🤟呢到環境唔算大，燈光微暗~Call Me Chef 個Logo好得意呀，係一個熊仔頭帶住廚師帽~是日套餐睇完餐牌後，決定叫2個套餐套餐包括湯、沙律、主菜、甜品和餐茶都幾多野食餐湯係雜菜湯，裏面有蘿蔔、洋蔥同西芹清清地，夠熱又好飲薯仔沙律就正常沙律味，底下都係新鮮既蔬菜~三色有機凍蝴蝶粉雜菜沙律配炸蒜香雞粒 $98成日出街都叫意粉，今次就食蝴蝶粉，d粉有綠有黃，唔同顏色，感覺冇咁悶，同埋佢唔係熱盤，食落去係凍凍地的沙律醬又唔漏，不錯BBQ豬仔髀配香甜蕃茄燴飯 $128呢個都好好味，d飯酸酸甜甜，夠晒開胃，豬仔髀好香bbq味主菜份量就唔算太多，但加埋之前d餐湯同沙律就剛剛好~食完之後仲會有甜品特盛水果茶水果茶入面有蘋果、橙和哈蜜瓜飲到果味之餘仲飲到茶味芒果雪糕係勁香濃既芒果味，食完好冰涼總結: 不錯的餐廳，性價比高~…查看更多

小妹好鐘意食車仔麵，知道小儀係新都城開左間麵麵店，一直都想去，但成日都見好多人排隊，所以都冇食到，難得今次人少少，就同媽咪去食麵麵店車仔麵做緊$44套餐優惠，任揀4餸包細豆漿或細紫貝天葵~排隊買既時候，都可以scan QR code 預先揀餸，落定單，一到收銀直接比錢就得，省時又方便~如果剛巧電話冇電或有長者唔識用手機落單，都可以直接叫店員幫忙落單~去完收銀比錢後，就可直接番埋位，轉頭服務員會拎埋比你~顧客亦都可以坐低左先，再係位到用手機scan QR code落單, 只係我覺得一路排隊一路落單會比較省時，大前題係要確保有枱坐先,不然買左冇位坐就大獲 XD本來諗住食套餐，但睇完menu發覺有好多餸都想食，4餸應該唔夠🙈，最後還是散點吧~同埋散點飲品大杯d~大約等左10分鐘到，車仔麵就送到枱上1. 自由選車仔麵 河粉蘿蔔、豬紅、咖哩魷魚、炸魚皮、雞中翼清湯 咖哩汁 加$6紫貝天葵2. 自由選車仔麵 米粉炸魚皮、雞中翼、紅腸、咖哩魷魚、韮菜餃清湯底、咖哩汁 加$6紫貝天葵wow...🤤又幾大碗，2碗都係好豐富既5餸麵，仲跟埋辣菜脯炸魚皮香脆， 鹵水雞翼好入味紅腸爽口，蘿蔔清甜韮菜餃都好香韮菜味，好食咖哩魷魚同豬紅就啖味左小小，如果濃味d就very good嗱~清湯加咖哩汁再放辣菜脯，湯底都變得濃味起來，話時話，辣菜脯都真係幾辣下，真係要飲番杯酸酸甜甜既紫貝天葵， 解下辣同解下渴先得大滿足，食完真係好飽肚，車仔麵又一好選擇🤘~…查看更多

最近心情都不太好，就約左朋友出來傾訴，朋友都在銅鑼灣工作，所以我地就去左ember，同埋9pm有live band可以聽歌放鬆一下裏面燈光暗暗的，都幾有氣氛入面裝修時尚，天花同牆身都整得幾等別~酒吧除了9pm有line band之外，仲有埋足球睇，岩晒d睇波人士，可惜小妹係唔睇足球😂立體既牆身再加燈光效果，巧令呀9:00pm live band，我鐘意聽住音樂飲野食野🤟so relax~Grasshopper 薄荷甜酒再加朱古力，酒味不重，非常易入口，成杯飲品係綠柔柔既顏色，面頭再拉出蜘蛛網花紋，I like itNoble Laddy充滿椰奶味既飲品，成杯係白色的，呢杯冇酒精成份飲品底下係切粒既涼粉，非常Q彈有口感龍蝦湯Lobster Bisque 叫主菜就可以加$35配龍蝦湯餐湯跟2塊麵包，龍蝦湯帶微苦，龍蝦肉大約有2粒~烤阿根廷草飼肉眼牛扒9安士配薯條 $278Grilled Argentina Grass Fed Rib Eye Steak 9oz with French Fries 我地叫左7成熟，肉眼肉質嫩滑，容易切開，7成煮得剛好，又唔會太生出血水，又唔會太乾唔juicy，不錯😋烤羊扒配意大利粉 $188Grilled Lamp Chop with spaghetti 羊架服務員都有問我地想要幾成熟，真有service我地都係揀7成熟，羊架上枱仲係熱的，一啲都唔蘇再點埋薄荷啫喱食，甜甜地，好味蘋果酥Daily Dessert 主菜加$28配甜品是日甜品係蘋果酥，一客有2件，蘋果外層係酥皮，面頭脆口，入面就好香牛油味，再加埋蘋果粒，酸酸甜甜~愉快的晚上，好耐都冇聽過live band了，心情放鬆❤…查看更多