mrslai1314的個人專頁

今日難得落太子，見肚餓即刻諗起嚟新川食米線。店員一如以往地殷勤有禮，見我拎住個大袋，主動拎個籃俾我放低個袋，加分。講返食物，有段時間無嚟，見佢哋有新嘅配料 - 鮮魚片可以揀，即刻試試。米線一如以往軟硬適中，魚片更加係爽滑彈牙，鮮甜可口，配合埋酸辣湯底，食得過癮 …查看更多

用心經營的小店，標榜不加味精。米線每碗$24起，可選米線、米粉、拉麵、薯粉，甚至可以揀菜底，餸每款$6-7，份量十足，如果唔扣底，普通女子好難食得曬。配料特別推薦雞絲、紫菜、炸醬。雞絲雞味濃郁，手撕得十分幼細，有咬口但不柴，凸顯店主處理食物的誠意；紫菜爽口無沙，即使食到尾都不會發漲變淋，選料很好；精心烹調的炸醬味道濃郁，令湯頭更惹味。店主堅持不用味精，湯底雖濃但不會令人食後口渴，抵讚。新川美食除左米線外，小食都十分出色，尤其係炸雞翼，外脆內嫩，又醃得好入味，有人話日本「世界之山」雞翼好食，但如與新川美食嘅雞翼相比，我認為後者完勝，屬世界級好食，無得輸。雞翼控一定要黎試試。不過溫馨提示，由於係即點即炸，雞翼送上枱時香氣撲鼻，熱辣辣的，試過幾次太心急食，俾啲雞翼肉汁燙傷個咀，勸大家真係要放涼少少先食。另外，店主整嘅尖椒皮蛋亦非常美味。佢哋特別揀選用成本較高的黃金皮蛋，沒有普通皮蛋的腥澀味，配上特別調配的尖椒辣汁，惹味而不嗆喉，開胃之選。同場加映：店內養了肥貓一大隻，貓咪個性溫馴，愛貓食客可以隨便抽水。…查看更多

一向對中區的舊建築有份特別感情，所以知道Fringe Club開左間日法fusion 餐廳，即時約埋幾個朋友上去試下。一入門口waitress 有禮地為我地安排座位。雖然餐廳設於Fringe Club內，但是不會感到局促，即使有時笑得大聲左都唔會尷尬。可能因為新開將，客人唔多，服務更加貼身。餐廳manager為我地介紹各款飲品及食物。佢知道小妹感冒食緊藥，唔飲得酒精飲品，就好細心咁叫bar 調較左杯mocktail, 味道好fresh，本來口啖啖的感覺都一掃而光。講返食物，starters 及main courses 的選擇唔算多，但我地所點的每款食物精緻，亦十分啱我地口味。豆腐吞拿魚他他牛肉薯餅米線炸蝦炸魚薯條單骨雞翼明太子薄餅特別特別推介明太子意粉配大蝦，以及A5熊本和牛。微微辛速辣的明太子令意粉倍添咸香鮮味，大蝦肉質爽脆鮮甜，忌廉汁濃厚香滑，我地迅速KO左一碟然後再encore兩碟。至於熊本和牛，剛好是medium，一放入口油香爆發，充滿肉汁。相信除了因為是食材優質外，廚師火候控制應記一功。口感、味道可與日本某名店媲美。（後來從其他食評知道大廚大有來頭，難怪難怪）其他main course:海膽risotto龍蝦伊面最後，以兩道美味甜品作總。…查看更多

想試三多好耐，咁啱行過荃灣分店，所以就算食完晚飯都走叫左隻炸脾食。餐牌仲有好多其他小食，下次會試下。因為即叫即炸，俾完錢大約要等10分鐘，等到好心急，但因為舖頭唔大，要係門口等，但又怕舖内叫我我聽唔到，感覺忐忑😆😆一拎到手不得了，熱辣辣，香噴噴，完全無油味。咬落去層皮好酥脆，肉嫩juicy。小妹本身偏愛重口味，覺得調味可以再濃啲。平時我食雞係少食皮的，但三多呢隻脾真係忍唔住成塊皮食曬。另外想讚佢有支竹籤穿住隻脾，食落好方便。整體滿意。…查看更多