perry314的個人專頁

本來抱住純粹思鄉食下嘅心態入去食章魚燒而且間餐廳仲響food court 個名仲改得咁囂張 通常都出事 點知竟然有驚喜建議返即場食 熱辣辣 章魚燒係即做即食預返要等15分鐘(證明真係超級思鄉 15分鐘一丁友等😂）今次叫咗四粒原味試吓 入面QQ彈彈咁 接近日本類嘅章魚燒但醬汁個方面就比較港式 味道有啲似以前旺角好出名食章魚燒嗰間 但係就日式口感嘅章魚燒雖然日式章魚燒係幾好食 但食得多都會覺得單調 港式章魚燒雖然都好食 但食多兩粒都覺得好漏所以呢個組合對我來講係非常理想嘅組合 有其他嘅味道 下次一定會幫襯拼盤試下…查看更多

稀左好多，前兩個月已經係咁樣。而家好似水咁，已經唔係好似以前結濃個種味道冇左火鴨絲香味，好失望. 其實可以同大半年前既食評相比較下 就知道差左幾多感覺好似變稀左既碗仔翅咁差 希望可以改善下…查看更多

比想像中抵食同好食，叫左2人餐，個人經驗通常人數少既套餐既用料都麻麻，今次真係好有驚喜以下個人認為特別（其他都相當唔錯）好食蠔-有鮮味唔腥 馬友-驚喜 ，魚好難咩都唔落都有鮮味 魚夠滑蝦-彈牙，其實落鍋之前隻蝦仲郁緊,冇霉味大閘蟹-正，充滿蟹膏 ，蟹肉一舊舊唔會成pack野咁同埋會有侍應幫手逐樣野蒸，好細心…查看更多

岩岩打電話去呢度問：「仲有冇得叫外賣？而家即刻落黎拎。」聽電話個阿姐一隻字答；「冇」就cut線，咁既態度真係諗唔到點解幫襯，反正隔離正對面同側邊都有糖水鋪，無謂俾氣自己受之後都唔幫襯…查看更多