章魚燒大師 (得寶商場)

本來抱住純粹思鄉食下嘅心態入去食章魚燒
而且間餐廳仲響food court 個名仲改得咁囂張
通常都出事 點知竟然有驚喜
建議返即場食 熱辣辣 章魚燒係即做即食
預返要等15分鐘(證明真係超級思鄉 15分鐘一丁友等😂）
今次叫咗四粒原味試吓

原味章魚燒

$20

入面QQ彈彈咁 接近日本類嘅章魚燒
但醬汁個方面就比較港式 味道有啲似以前旺角好出名食章魚燒嗰間 但係就日式口感嘅章魚燒

雖然日式章魚燒係幾好食 但食得多都會覺得單調
港式章魚燒雖然都好食 但食多兩粒都覺得好漏
所以呢個組合對我來講係非常理想嘅組合

有其他嘅味道
下次一定會幫襯拼盤試下