candacepiggy的個人專頁

今次試中環新外賣店，見到門口menu幾多選擇👍🏻揀左A+B+C套餐，今次試左雞鎚、焗南瓜同卡邦尼意粉🍝 飯盒好精緻，有3格放唔同食物見到D魚都好似好好食，下次都想試下🤗…查看更多

餐廳就係西營盤地鐵站第一街出口對面，非常方便！今朝時間比較充裕，食個豐富早餐先返工啦！朝早唔想食咁多肉，揀左veggie breakfast! $82配regular drink, 可選擇drink menu內$37飲品，或補差價。我見menu內大部分咖啡都係$37，不過我又要decaf又要soy milk所以要加$8。雖然係veggie breakfast，但其實非常豐富，鮮奶炒蛋非常香滑，配埋牛油果同多士一齊食，真係好正！大蘑菇都好香架，沙律菜配黑醋，仲有水果。肚仔、視覺同心情都非常滿足呢！總共$90，配埋杯咖啡其實幾抵食！平時搵間好少少cafe買杯咖啡都要$40幾蚊啦！…查看更多

今日係中環做野，一個人唔想出去食，中環間間都好多人，都係買外賣算！頹飯係利源東街，個名雖然叫頹飯，但質素認真唔頹！午餐即叫即煎，等5-10分鐘到就有得食！豬牛雞魚都有，可揀茄汁黑椒汁或白汁。我今次試左茄汁去骨雞脾飯，賣相真係唔錯架！大大塊雞扒，煎得好香，亦都醃得夠味😋😋😋仲有伴碟嘅車厘茄同粟米，食得健康d!份量超大，食到好飽呢！跟餐加$6叫左杯熱檸蜜，好滿足呀！總共都係$49！中環黎講，算好抵食，而且質素幾好！…查看更多

地點係西營盤街市附近一個公廁再行入去嘅巷仔到，咁近公廁咪好唔衛生？其實都距離個公廁好遠嘅！今日經過，試下午餐，揀左叉燒滑蛋飯，梗係要試下熱奶茶水準啦！相信店主好喜愛香港電影，餐廳裡面都係香港電影嘅怖置。門口都有幾張枱，有d朋友可能鐘意坐係巷仔感受下！叉燒好淋，應該係梅頭，半肥瘦，好味！炒蛋唔算好滑，甜豉油太甜喇，甜到有少少苦澀味。奶茶係好味嘅，奶同茶嘅比例幾好，無苦澀味！價錢$48連飲品，今時今日，都算係幾抵！…查看更多

今日係附近睇完醫生，特登黎到日本米芝蓮拉麵店到朝下聖！午餐時間竟然唔洗排隊，係門口點好餐就可以入座喇！價錢實在唔平，最平普通沾麵$138，只有肉丸兩粒，無其他配料。$158沾麵就有雞肉同豚肉各一件，同埋一隻溏心蛋。店員提醒我，$138嘅沾麵只係得兩粒丸，所以我選擇左$158沾麵。麵好快就到，店員問要唔要介紹點食，梗係好啦！麵放入湯到2-3秒，湯如果凍左可以請店員整返熱，食完麵想飲湯可以加清湯，無咁濃味！先試下個湯，魚介湯，唔算好濃味，幾好，平時食沾麵覺得太咸喇！仲可以加埋櫻花蝦碎添！不過，湯只係微暖，完全唔熱，扣晒分！沾麵本身已經係唔熱架啦，要靠熱湯先可以整返熱架嘛！溏心蛋，真係溏心嘅，但無奈真係好咸！咸到不能接受！雞肉同豚肉就幾好，兩塊都好滑！本來餐廳望出去係海景，但今日有郵輪泊係到咩都睇唔到米芝蓮拉麵，都係試過就算喇！…查看更多

老公生日大日子，梗係要食餐好啦！一星期前訂位，因為好想帶埋2歲女女一齊去，但餐廳無high chair，餐廳都特別留左梳化位置比我地坐，而且可能怕bb會扭計，餐廳都安排左自成一角嘅位置比我地。本來想叫兩個tasting menu唔洗諗，但我暫時唔食得生野，個餐又有最出名嘅beef tartarte，所以最後叫一個比老公，我自己叫左一份American Prime Rib eye。先黎beef tartarte，我唔食得所以comment唔到，老公就話口感好好，但就無咩味道。之後個beef tataki，係燒牛肉咁樣，好好食，入口即溶。本來都驚老公會食唔飽，但原來tasting menu包左ravioli，牛肉味都重。Tasting menu個扒係韓牛，脂肪多，相對牛肉味較少。而另外叫嘅American prime rib eye，值得推介，就算我唔食得太生，叫medium well都仍然好好食，牛肉味超濃的！食甜品前就有杯cocktail清下味蕾。甜品叫左tiramisu，同平時好唔同，呢個質地好特別，味道都一流，真係要試下！…查看更多

4點幾先食午餐，係旺角朗豪坊搵食，周圍都好多人！本來諗住去food court算，行行下見到呢間有套餐食，岩晒我地兩個人share!套餐有黑松露白汁意粉$72，有飲品，我地加$10要左特飲，抹茶鮮奶。另外可以加$38要一杯乳酪芭菲，杯乳酪賣相好靚架！呢個餐，一男一女share岩岩好，男仔可以食主菜，女仔鐘意甜品可以食乳酪！乳酪係原味，配有蜜糖隨意加，仲有好多雜莓，夏天咁熱，唔想食太多野就岩晒啦！而且都幾大杯，夠飽喇！…查看更多

係附近睇完醫生，一個人食咩好？上環好多好野食，行到去蘇杭街見到熊拉麵，岩晒啦，一個人食拉麵快靚正！午飯時間店內坐滿人，我一位就等左幾分鐘有位，坐bar檯。試下招牌熊拉麵，可以揀健康無油，叉燒都有得揀肥瘦，可以食得健康d！拉麵真係無油👍🏻👍🏻👍🏻 豬骨湯底夠濃，食完無口渴感覺，正！溏心蛋夠溏心，不過蛋味唔夠濃！麵嘅質地幾好，唔硬唔軟岩岩好！價錢$85，女士食就岩岩好，男士可能未必夠飽呢！或者加個小食啦😅😅😅…查看更多

Lunch time黎到利舞臺，本來想試岩鹽日本菜，點知要等位。試下隔離嘅新寧餐廳啦，反正都想試好耐！同太平館有d相似，不過呢到大d，同埋d位舒服d，無咁迫！午餐得兩個選擇，一個係燴牛脷，另一個係豬扒。從店員口中得知，仲可以選擇炸魚！午餐有湯，紅湯或白湯，店員會拎一籃麵包比你選擇，有好多種類，多士、餐包、軟包、法包等等！白湯略為咸左少少，不過懷舊餐廳多數都係重手d！多士好簿好脆。下次要試紅湯，太平館個紅湯好好飲，睇下邊到好飲d啦！主菜叫左燴牛脷，跟飯，黎到個賣相好靚呀，靚過太平館個咸牛脷乾爭爭咁。個汁酸酸的好好味，牛脷煮得好食，岩岩好，juicy架！跟餐仲有甜品，係雜果啫喱呀，兒時回憶返晒黎！…查看更多

同事見到呢到lunch打邊爐$58！咁吸引梗係去試下啦，一直都未有機會夜晚黎試呀嘛！超吸引呀，原來$58包湯底，自選3種材料，再加自選麵底，再加珍珠奶茶呀！自選3款配料都係平時打邊爐嘅材料，但牛肉豬肉就要另加$20；而自選麵底都有好多選擇架，烏冬粉絲公仔麵等等。如果叫特色嘅魚麵就加$12。湯底有麻辣、蕃茄、雞湯、豬骨湯等！講到呢到都已經覺得價錢真係超值啦！不過呢，落完order之後差唔多半個鐘個鍋先黎呢，等得黎都差唔多完lunch time啦！特色魚麵都爽爽地幾好食，其他火鍋材料就正常啦，無咩特別驚喜。蕃茄湯底都幾濃，有茄味嘅。珍珠奶茶d珍珠好硬呀，我淨係飲晒d奶茶咋。…查看更多

因為AE卡有75折，所以同屋企人好多時食日本野都會選擇呢到。位於中環中心地帶，所以星期六日反而仲少人d，星期五happy friday係最旺場。先叫d凍野食左先，魚生都好新鮮，賣相都好靚。不過咁岩舊拖羅有根呢！沙律係和風汁，酸酸地好開胃！食完魚生壽司就叫熱食啦！蒜片牛肉炒飯，雞扒冷烏冬，燒牛舌。燒牛舌麻麻地，好硬，$75兩串都唔平。炒飯幾好，粒粒分明，不過如果重口味嘅朋友應該覺得淡味。冷烏冬好岩夏天食，芝麻醬汁好開胃。雞扒有少少唔夠熟，太厚了。…查看更多

從小就住石塘咀，睇住呢區嘅變化，特別係地鐵通車之後。從前只有老店，而家多左好多特色cafe。今日難得可以自己嘆下，黎到保德街試下d新cafe!Artisan cafe，上網見到好多好評，今日第一次光臨。店內有好多水杯，裝潢唔錯，感覺幾舒服。我叫左杯latte，有soy milk供應，soy latte難得地有靚拉花，平時好多地方都話好難拉，呢到就做得唔錯！仲叫左件chocolate truffle cake，好濃嘅朱古力味呀，好好食！就咁係到渡過左一個悠閒嘅下午，感覺好舒服，好慢活！btw,店員服務都好好呀！…查看更多

係附近食完午飯，經過呢間新開嘅水果茶店，原來做緊買一送一優惠，梗係要試下啦！水果四季春，即係鳥龍茶底嘅水果茶，買一送一即係$30兩杯，抵呀！一杯都有好多水果，蘋果橙士多啤梨西瓜熱情果等，我地叫少甜所以唔算太甜！酸酸地幾清新，岩晒夏天呀！…查看更多

又係公司附近搵好野食，今日黎到希雲街Woody，有次經過見到好多人等位，所以特登黎試下！繁忙時間所以要搭檯，兩人坐一邊，我地早左所以唔需要等位，1點到就開始多人喇。午餐都有好多選擇，唔同菜式都有，日式中式西式泰式飯類同麵類，配搭都幾有心思！平均$60幾蚊一款包飲品，冷熱飲品都唔洗加錢，特飲除外。我見對面個咖哩好似幾好咁，於是叫左咖啡豬扒飯試下！一黎到，嘩，咁靚嘅，presentation有心思，客人見到都開心d!咖哩好香呀，豬扒又脆又juicy，仲有菜添！感覺食得健康d嘛！跟餐熱奶茶都幾好呀，唔錯唔錯！期待下次試其他食物呀！…查看更多

開張咁耐都無試過，有時經過見到好多人等位，今日黎食下午茶，試下佢係咪咁好味先！下午茶都幾多選擇，湯粉、撈檬、飯類都有，$40幾至$50幾蚊，包飲品。我地叫左一個香茅豬扒金邊粉，咖哩牛腩飯，凍檸檬菜蜜同熱檸檬菜蜜。黎到個陣，變左兩杯凍菜蜜，同侍應講我地叫左一杯係熱嘅，佢態度勁差又唔想幫我地換咁。明明係佢自己落錯單！跟住，換返杯熱菜蜜黎，檸檬呢？我地好無奈，阿姐話，下？又唔岩呀？明明係佢地又整錯，點解講到我錯咁呢？玩完一輪飲品落錯單事件，食物終於黎喇，點知金邊粉變左河粉，又落錯單！算了，費事又要換，照食吧啦！其實豬扒整得幾好味架，幾入味，炸完都仲juicy，河粉湯底都唔錯。，老公食個咖哩個汁都好好味架，不過呢，牛腩同咖哩好明顯係分開煮嘅，牛腩完全無咖哩味嘅。呢到食物其實唔錯，價錢合理，但服務態度真係要改善下！…查看更多