茶咖里

營業中

休息中

地點係西營盤街市附近一個公廁再行入去嘅巷仔到，咁近公廁咪好唔衛生？其實都距離個公廁好遠嘅！今日經過，試下午餐，揀左叉燒滑蛋飯，梗係要試下熱奶茶水準啦！相信店主好喜愛香港電影，餐廳裡面都係香港電影嘅怖置。門口都有幾張枱，有d朋友可能鐘意坐係巷仔感受下！叉燒好淋，應該係梅頭，半肥瘦，好味！炒蛋唔算好滑，甜豉油太甜喇，甜到有少少苦澀味。奶茶係好味嘅，奶同茶嘅比例幾好，無苦澀味！價錢$48連飲品，今時今日，都算係幾抵！