Oct, 2014由於一早就食完飯, 所以我地見唔多人, 就是但搵左哩間糖水客棧試一試. 內在環境幾舒服架, 又有特色. 講返甜品先. 哩度係自助形式去飲水的. 正確o黎講, 佢地唔係水, 因為係有少少甜. 幾好飲的. 我地睇o黎睇去都唔知食咩好. 之後每人都叫左個有"花膠"o既甜品. 哈叫左兩個花膠燉蛋.我沒有食到. 我朋友話都ok 滑. 甜味都適中. 但d 花膠就好膠下. 我笑了. . . 叫左個類似係 - 花膠燉雪梨.夠晒熱喇喇, 我好鐘意. 不過, 味道都少少過甜. 可以改進下. 可能今次唔識叫, 所以下次都可以試第二樣. 可能有驚喜.…Read More
Dec, 2014一早BOOK 左位, 所以一分鐘都唔洗等. 坐就真係唔會話坐得好舒服, 但試下D 食物先.1) Sashimi哩個Sashimi我想講真係整得幾似模似樣. 無論係外觀, 亦或口感都好似. 再點D 鼓油 + Wasabi, 我地三個都話好似. 哈~~~當然佢係扮, 口感不錯, 但味道一般般. 只係貪得意叫一碟o黎影下相. 2) 壽司又係扮得幾似架. 唔知真係以為自己食緊真壽司. 3) 菜煲哩個菜煲好食. 好味在佢個湯味道適中. 加埋d 茹, 菜一齊食, 清清地, 但我食唔停口. 4) 茄汁豬扒飯講到最好食, 成晚都非佢莫屬. 真係整得超似真o既"茄汁豬扒飯". 豬扒整得似. 蕃茄味又夠, 又有芝士一齊撈埋d 飯食. 好攪笑, 哩碟飯, 我地三個人搶住食. 最尾係唔夠食. 哈哈~~~我地仲係咁研究佢地點整個豬扒出o黎. 真係值得推薦!
…Read More
Nov, 2014我係從網上見到哩間cafe 的. 一見到咁可愛3 D 拉花就被佢深深吸引了. 由於揀左平日去, 所以完全唔洗等位. 叫左個Karena breakfast.諗住係主打招牌早餐, 點知有所失望. 因為凍冰冰的. 炒蛋: 真係炒蛋. 一點也不滑. 蕃茄: 有點酸. 茹: 沒有味道.麵包: 不脆的.整體, 我覺得好似已經預先整好, 然後每樣放返上碟比客人食. (可能我個段時間少人, 所以係咁. 但本人認為繁忙時間又好, 定非繁忙時間都好. 應該即叫即造) 凍了就會令食物失色. 由於唔太好食, 所以比多次機會, 叫多左一份"Classic Egg Benedict" 試一試.個汁不錯.個蛋入面都唔會整到熟晒, 不錯.但包就只係包, 有點難咬. 整體沒有太大驚喜. 講左咁內, 我都仲未講杯3 D 咖啡? 之唔係因為失望囉. 拉花出o黎梗係好興奮, 係咁影相. 因為都整的OK. 不過, 一飲落去就偏苦, 亦飲唔到滑同香o既感覺. 仲要每杯另加HKD38, 因為有顏色. 未免貴了點吧?…Read More
Oct, 2014 一o黎到, 黑黑暗暗咁, 個感覺 + 環境有點舊. 一來到又唔覺得特別吸引. . . 但都會影下相留念的.scones . . . 一d 都唔熱/暖. 好失色.不鬆脆, 咬落去感覺實實的. 好似雪過. 果jam 無特色, 果肉亦不多.. . . 個Cream 唔滑. 坦白講, 食完成個tea set, 都無一樣我係鐘意/我覺得好食. 樣樣都只係不過不失. 有幾樣甜品我只係食左一啖.係得個"三文卷"叫好食.例如: d 批, 一咬落去凍冰冰, 然後成個批個外殼落埋落o黎. 個批外殼好粉. 入面個d 肉淡淡的. (我本身都食淡, 淡但我都覺得淡.)哩個菠蘿包仔, 咬落去少少硬. 講真, 個層菠蘿脆脆, 我都唔知係硬? 定係脆?哩個甜品. 上面d 生果係酸的. 下面好甜. . . . 食左一啖, 已經滯左. Waffle; 本身最期望...但整得一d 都唔脆. 外面個層都係軟的.. 整唔到外脆內軟個重效果. 沒有特色可言.…Read More
NOV.2014 由於去信德拎野, 又唔想周圍搵野食, 於是朋友是但提議左食哩間.諗住都應該唔會太差o既, 最多咪好似出面d 茶餐廳.睇裝飾好似ok, 係咪? (:))1) 朋友仔話食頭兩啖都唔錯, 再食. . . 就覺得麻麻. 可以因為無晒d "薑蔥油", 咁咪變左咩味都無. . . . 2) 哩個. . .. 我一食第一啖. . . 第一個感覺好似係, 名過與實.. . . 看不見特色, 只係用羅宋湯 + D 餸. 感覺就好似食緊隔夜湯撈埋d 通粉一齊食.只係上面加左塊豬扒. . . 無就是這樣. . . . 
真係食左幾啖, 食唔落去.…Read More
Dec. 2014 朋友仔今年生日, 但想比一個又好食, 又好玩, 又有得影得多相o既地方. 所以我就揀選左 - "秋田". (轉眼間好內無o黎過.)訂左枱, 不用等. 
去片~~~我地兩人, 各自叫左一款不同o既餐, 之後將個"牛簿燒"升級去"厚切和牛". (人家生日, 氹下朋友仔開心.)1) 龍蝦新鮮指數係十. 
我個人就偏向鐘意淡淡地味食龍蝦, 所以哩個整法並不是唔好吃. 只係個人o黎講唔太喜好; 但d 肉質炒得岩岩好, 唔會覺得(鞋). 食完個龍蝦, 師父會將個頭去煲湯. 但好似不太特別.2) 鮑魚 + 魚. (我朋友仔叫左"魚", 而我就叫左"鮑魚"; 所以有兩款)鮑魚新鮮指數又係10 !! 拎上o黎仲係咁(毓). . . . (A) 鮑魚. 彈牙, 又唔會太濃味. 但我更愛"魚"(B) 魚完全無諗到個魚咁好食. 一片片咁食, 唔會散. D 肉質又好味, 完全係無(梅)o既感覺. 真係外脆, 內軟. 如果再比我揀, 我會揀"魚"多過"鮑魚". 一來好食, 二來又經濟d. 3) 鵝肝多士我本身唔太好"鵝肝", 因為我不太懂得欣賞. 同埋高膽固醇, 間中食下好了. 但佢地又整得幾好食, 唔會有個陣腥腥地o既味道. 我好少可會成塊食得晒. 比個like! 嘻
4) 升級版和牛.之前兩次都只係牛簿燒, 但我覺得一般. 所以今次決定將佢升級. 食d 有口感多d. 肉味夠, 口感真係好好多. 好味!!滿意.(不過, 係澳洲當地食, 覺得總有差別.
)附加: 佢地d蒜片係即場自己炒. 香而不太油. 我想係咁食, 不過, 怕熱氣都係唔敢食太多. 哈5) 炒飯成晚戲肉到!!!因為眾所周知, 哩個度炒飯係會整個公仔氹下大家. 佢地盡量會將生日人士安排坐同一枱. 當晚我地係被安排同其他人坐, 起初我係有點不太歡喜.點知, 完來唔係架. 多人一齊坐, 先可以影得多公仔. 成晚總共影到3個公仔. 開心死我朋友仔. 大家唔以為得個樣. 除左靚之外, 師父炒得好好味.粒粒分明, 味道適中. 我都有食到. 不過, 已食到好好好飽. 6) 炒菜爽口而不(淋), 亦唔會太多油. 不錯. 有我愛的牙菜.7) 甜品又係即場整的豆沙餅.煎到個面脆一脆. 我要讚一讚個d 豆沙, 一d 都唔甜. 唔會話食多一啖就甜滯.如果唔係食到飽晒, 我會再想食. 哈哈 8) 蛋糕朋友仔生日, 秋田送上一件蛋糕. 我真係飽到完全食唔落. . . 我無試到. 但我朋友仔食晒, 仲話好食.…Read More
Oct, 2014平時經過都見到多人排隊, 今晚經過無咩人. 就啦啦聲走入去食. 1) 2) (1) 同(2) 比較, 我比較鐘意(1), 可能因為個雪糕球.令到成個甜品有色彩. 而(2)個個甜品唔係唔好食, 珍珠又夠彈牙. 可惜都唔夠凍. . . . . 立刻比下去了. …Read More
Oct, 2014 朋友仔揀左哩間食晚飯. 我係人生暫時第二次去到油塘咁遠食晚飯. 朋友仔話哩個泰餐掂. 我話"有幾掂? 掂得過九龍城嗎?"朋友仔答: "你食完先再講野喇."
ok, ok!1) 一坐底, 朋友仔就先叫左"泰式鳳爪".都ok呀, 夠晒凍. 味道適中, 但唔會有繼續想食o既感覺.嘻2) 之後都唔知點解o黎左個湯先, 碟蝦都未o黎. 唔緊要喇, 照飲左先. 以, 又ok喎. d 酸味又唔會搶左d 辣味.隻蝦又夠大隻, 又夠膏. 熱騰騰咁飲, 爽.3) 嘻嘻, 由於朋友仔同我都係勁愛"生蝦".所以, 我地每人各自叫左一碟. 終於o黎左喇, 真係好好好味.點解咁正? 因為d 蝦肉夠晒厚身, 咬落去唔會"淋吱吱", 又夠大隻. 再加埋佢地個汁, 掂呀!!之後, 忍唔住, 再叫左多一碟生蝦. (即係前後3碟)4) 哩樣唔得. 又係辣味還辣味, 螺肉還螺肉. 唔好食. 5) 哩個薄餅ok鬆軟好食喎, 都唔會成手都係油o既. 咖哩一般般.6) 哩個超唔得, 食落去有酸味. 特別係d 栗米仔, 味道怪怪. (唔知係咪壞左? 定係真係咁o既味)…Read More
07.NOV.2014 (FRI)朋友選擇的, 我是第一次來臨. (朋友們都食開的)1) 一坐底, 我九秒九叫左個椰青比自己定驚. (故事放左係題外話)呀, 個椰青好味呀. 好味在於, d 椰青肉唔老架. 2) 叫左個蕃茄蟹湯底.個蟹新鮮超掂. d 肉好爽. 啖啖皆是肉.3) 個魚(唔記得左叫咩名)老闆娘介紹的. 真係一條唔夠食, 如果唔係飽, 我真係會叫多一條. 4) - 湯底:唔好睇哩個湯底平平無奇喎. 入面d 材料幾好食架喎. d 蕃茄唔知點解特別甜, 好食. 薯仔又好食過人. 同平時食個d 好似不同架喎. - 碟牛肉仲攪笑. 我地3個女性係咁笑住講 "點解碟牛, 食極都仲有, 食極都食唔完o既呢?"大家唔好以為唔好食先食唔晒喎. 碟牛好新鮮架, 又有牛肉味. 5) 我真係第一次打油條. 感覺都唔差呀, 但我都係覺得油, 所以唔係食左太多. 6) 我地3個人都覺得蝴蝶腩麻麻. 覺得好難咬到o黎食. 都係牛肉d 肉味重d, 鐘意多d. (可能係我地唔識打, 可能要再滾內d)7) 個四寶丸, 好好味呀. 個蝦丸入面係有蝦架. 真材實料. 總結:佢地d 鼓油好好味架!!!…Read More
NOV.2014大閘蟹就食得多, 但係講到團購就真係第一次.因為驚團購買返o黎質素唔夠好. 最慘係, 到時大家約好, 滿心歡喜拆蟹, 點知浪費手力去拆d 唔靚o既蟹,咁就唔抵喇嘛. 好喇, 我朋友們話要試. 好, 都要試下新事物o既. 嘻每人買左兩隻5両半, 公. 一蒸個時, 慢慢已經嗅到種香味. 一蒸好, 梗係喇喇聲拆蟹. 一開個蓋, 嘩, 嘩, 嘩. 好開心呀. d 膏好靚, 好香. 好正. 白色"精"算多, 好味. (去片)總結:5両半已經好好. 聽"老三陽"d 蟹靚就聽得多, 今次真係第一次試到. 眾望所歸, 有得留低. 哈哈下年我會再買佢. 支持下嘛. …Read More
10.NOV.2014(MON)朋友們想出去食餐大閘蟹宴. 本人原先揀左另一間, HKD5XX左右, 不過得一隻大閘蟹. 但大家嫌貴, 咁無辦法喇, 唯有揀比較平的一間. 所以, 最終揀左哩間. 哩度話就話有3隻大閘蟹, 不過, 唔洗問都心裡有數, 唔會大隻得去邊. 鴻星話: 兩隻公就5両, 而一隻乸就得三両半. 好喇, 上蟹次序係, 先公, 後乸, 然後再上公.我地一開D 蟹公, 完全唔覺得有5両, 大家都估係唔足両數. 哩個蟹粉小籠包, 我要讚一讚. 熱騰騰咁上枱, 入面好多湯. 好好味. 個個都讚. 好喇, 去去片, 比大家睇下D 膏.大閘蟹, 乸都好食, 不過, 我還是最愛係公多D. 每一轉D 大閘蟹都有甩左D 腳情況. 感覺有D 不太新鮮.個餐仲有乳鴿仔, 燒得好香, 好脆. 幾好食. 有個糯米飯, 個個都話整得幾好食. 其他菜式, 沒有什麼特別. …Read More
14.NOV.2014(FRI)以前就成日都食佢地個"魚肉春卷"
, 真係無得輸. 今晚行過, 心血來潮想回味一下想當年. 好喇, 今晚就食你喇. 不過, 今晚無叫到我一直食開o既"魚肉春卷", 反而叫左一碗"豬腸米線", 小辣.想試一試佢地整米線又得唔得嘛. 嘻呀, 果然都無令我失望.佢地都做到出面個種湯底, 個種風味.我唔識形容, 總之就唔係湯同味道分開個種. 辣辣地, 幾開胃. 豬腸又入味. P.S.: 不過, 我次次食完哩間都會覺得好口渴.…Read More
Oct, 2014 三名女子組突然想浪漫一下, 就揀哩度喇. 平時經過見到間餐廳樓底又高, 感覺係貴價野. 同埋眼見平時都有不少人食lunch, 同dinner. 所以我諗都唔係得個樣o既. 好喇, 一坐低就決定各自叫一個set lunch喇. 1) 頭盤- 麵包d 麵包唔係凍冰冰, 係烘到暖. (一開始麵包比我地印象分不錯)d 麵包軟綿綿, 都幾鬆軟. 好食2) 前菜 - 沙律哩個沙律唔ok, 佢地落左太多醋, 攪到(那)咀. 沙律個精髓就係個汁, 就係因為個汁唔ok, 所以成碟沙律好失色.3) 我叫左個羊, 叫左3-4成熟.切羊個邊都仲ok好食, 但再切入少少時, 發現好多根, 好難咬.無咩"so"味, 同埋肉味唔多. 麻麻4) 我同事叫左 - 雞胸意大利飯.一開始我睇到雞胸, 我就好怕"鞋"唔好食. 點知. . . . 嘩. 好食, 真係好食. 我地研究佢地係咪用個d 真空袋 + 低溫去煮.因為, 大家咬落去係仲feel 到有水份, 一d 都唔乾身. 而d 飯又整得味道適中, 唔會話個感覺食到好膩.5) 唔記得叫xx魚哩個又有驚喜, 本身諗住應該都係d 魚, 再加d 汁, 應該都係普普通通, 所以我無叫到.以, 當一到時, 我地又交換食. 個魚外面係脆脆的, 入面D 肉係嫩的. 唔錯6) 甜品臨尾仲送上每人一個甜品. 清清地幾好食架喎. …Read More
Nov, 2014我同事話好鐘意食哩間d 蝦子撈同冬茹. 而我個人之前已食過, 評價一般. 不過, 同事又好想食, 咁我就再試多一次喇. 由於同事話冬茹好好味, 咁我地3個都一齊叫晒冬茹喇. 哈冬茹的確係夠晒厚同入味, 唔錯. 但係我個d 牛筋, 牛腩無我想像中o既好. 我同事話佢個碟d 豬手唔錯. 蝦子夠晒多, 但係唔知點咁. (唔識形容, 但唔特別喜歡)介蘭加腩汁, 好難唔好食. 哈~~起碼無苦先. 總結:兩樣餸撈HKD43, 無個種"嘩一聲"o既感覺. 可以再食, 但唔會特登返去食.…Read More
Nov, 2014其中一個朋友話好想食MINI BURGER. 好喇, 我地係短短半個月又走去食多一次喇. 1) 哩杯係服務員介紹的, 唔記得左叫咩XXXMango.我同我朋友都叫左一杯. 我個人就超鐘意飲; 但相反我朋友覺得好甜, 超唔鐘意.2) Salad bar 夾返o黎的. 我地就失敗喇. . . 眼見其他人個個都堆度好似一個小山坡咁. 真係不得不比個叻字佢地. 而我地就. . . . 嘻嘻, 唔好笑我地. 3) 呀, d 雞翼好似差左, 無以前咁好食. 好似好乾咁.4) 哩個ribs 今次乾左少少, 不過, 都保持到應有水準.個汁又夠辣, 真係辣得過癮.5個人分全份都好似唔夠喉.5) 哩個mini burgers 真係掂. 佢地烘過每個包o既面, 咬落去個下脆脆地.加上我地女士份量, 岩晒我地個口型. 總結:因為我地有50% OFF 個張咭, 所以抵食. 如果無, 我覺得每人要比$500就唔抵了. …Read More
