Wil1213的個人專頁

今個星期六終於無落雨，涼涼地行左上星街食個brunch. 呢間餐廳spacing唔錯，啱哂同朋友chill下。一坐低就見到佢地個breakfast & bunch menu有好多選擇, 不過我地都係揀d有smoked salmon/avocado/egg/mushroom嘅dish😬Smoke Salmon Rosti有牛油果、煙三文魚，bb 菠菜egg topping同埋煎到外皮脆脆裡面軟林林嘅薯餅。出面通常下面嗰層係麭或多士，但佢係薯餅所以值得一試.4 Egg Omelette 可以揀3種toppings, 不過我覺得味道一般唔值呢個價錢.…查看更多

我是龍蝦粉！平時同朋友食龍蝦都好似要搶食咁😂最後可能只係食得兩三件或者係芝士同伊面....今日俾我搵到呢間已龍蝦做主題嘅餐廳真係有好多龍蝦菜式啊😍😍避風塘龍蝦好有鑊氣，蒜蓉爆得好乾身好香，同避風塘炒蟹唔同嘅係龍蝦係啖啖肉而蟹係蟹鉗先多肉，同避風塘炒蟹相比CP值更高，值得一試啊！半隻龍蝦麵見到呢碗面真係好自瘉啊，有種好似做咗皇帝嘅感覺😂，龍蝦肉好鮮甜湯底亦都好清沒有遮蓋龍蝦本身嘅鮮味。唔記得咗呢度叫咩菜，我就叫佢做金華火腿開花菜。手工技巧菜式，打卡用味道一般。開花豆腐花佢個樣真係好似開咗花咁同樣都係手工嘅菜式，打卡一流！不過，味道我反而鍾意平時厚身啲嘅豆腐花，因為傳統嘅比較有口感😬…查看更多

今日同女朋友去左踩單車入大尾篤，發現到一間幾有外國feel嘅cafe，簡單嘅貨櫃外形內原來係一間小店，店內仲有不同大小嘅仙人掌。雖然選擇食物唔多，但d花茶好足料。 除此之外，店外仲有好多打卡位，總知影完話比人知喺外國影都有人信～哈哈。不過，佢哋只係星期日下午先開。oh, 入夜會有蚊，唔建議着短褲去！…查看更多

銅鑼灣CP值不錯嘅和牛壽喜燒銅鑼灣最怕食野迫人同等位，呢間係利園後一條街，算係靜中帶旺。和牛壽喜燒本人確認確實入口即溶，湯底濃而不咸，仲有同平時一樣有蘑菇同菜做配搭。基本上同平時高級日式料理嘅壽喜燒差不多，但係我地兩人食都只係二百幾，抵！春季限定池魚壽司拼Tare tare (兩食)因為係好新鮮值得一試，不過後來先知兩食嘅其中一食係炸魚骨要補20蚊，個人覺得一食就夠了其他串燒中規中矩，沒有太大驚喜😅…查看更多

荃灣係一個泊車唔方便嘅地方，因為好多野食，而好多野食即係好多競爭，即係有益左我去食CP高餐廳!雖然十個有九個都會叫呢個爆丼海膽飯，但不代表小弟唔會叫，就算冒着被人話跟風危險我都要食海膽～膽～膽～膽🤣主打海膽爆丼海膽算不上是最尚盛同新鮮，不過勝在海膽多多，而且都有幾多飯喺底夠男士們飽肚，又啱女仔影相打卡，呢個海膽山打卡真係冇得輸😁火炙三文魚飛魚子元貝飯份糧真係史無前例地大，元貝4件，美中不足係三文魚好快就涼，CP值一樣咁高!…查看更多

呢間台灣菜地點係隱蔽，裝修特別偏向懷舊復古風，每對筷子都有不同四字詞，連舖名都別樹一格，未食前嘅印象都唔錯。滷肉飯食得台灣菜點可以唔叫滷肉飯呢，$30食到呢個入味滷肉飯性價比唔錯，美中不足係冇用到珍珠米。樹子水蓮好特別嘅蔬菜，外表似雜草但食落有好爽口好嫩，一D都唔老喎，必試必食。燻雞好濃嘅煙熏味，雞肉唔煙燻後變乾，但會有少少酸味。酒蒸蛤仔蜆肉好鮮甜呀！連唔飲酒嘅女朋友都覺得好好食連湯都想飲埋，必叫必食。…查看更多

留學返嚟香港之後都好耐冇食過一個似樣嘅pancake，諗住搵朋友介紹邊度有得食通常都係識得M記嘅早餐或all day breakfast，即係夜晚一定冇得食⋯點知尋日喺銅鑼灣總統戲院睇完戲後見到對面有間日本過江龍主打食pancake餐廳，咁就膽粗粗去試吓啦！一打開佢Menu真係全部都係pancake😍，裡面有啲好特別嘅配搭同埋竟然仲有平時好少機會食到嘅鹹味pancake😯。由於我今日冇食早餐，所以就決定點左佢哋一個幾有份量嘅pancake餐，和牛肉pancake😁上台第一感覺係好豐富，有些似和牛漢堡，但睇真夾住塊扒係pancake呀！肉醉好新鮮一d都唔乾身，另外我研究到肉醉有兩種食法:夾菜包住食或者夾pancake食，之後到壓軸和牛漢堡扒，肉汁豐富入口即溶再加上pancake本身鬆軟，食落去好有飽足感，係會飽而唔係滯，十分建議各位男仔食呢個！…查看更多

今個星期五同班同事去完happy hour之後個口乾乾，諗住去揾個地方食返啲凍嘅嘢中和下，就嚟咗呢度食冰啦。其實之前食過銅鑼灣果間鋪頭，覺得都幾好食，佢部刨冰機刨到啲冰都真係好薄好多layers，點知呢間中環分店水準差好遠...首先係氷刨得好厚，然後啲冰唔夠凍好快就溶，搞到個綠茶真係冇乜味。唯一可以讚係佢個摩茲仲keep到煙煙銀銀，同埋個朱古力餅保持到水準同夠軟，追返d口感分數。呢個我最多只可以比2/5粒星 😅…查看更多

今晚車完女朋友返屋企，有啲肚餓想食宵夜，心諗反正都過咗嚟九龍唔爭在入埋沙田大圍食燒乳鴿同雞粥啦。其實，呢間合法由細食到大。不過，以前就係放暑假同朋友踩完單車黎食嘅，宜家就揸車過黎，貪佢多街位迫車，亦算係支持下香港本土美食店啦，因為真係買少見少紅燒乳鴿同細個食一樣咁入味，唔似出邊食嗰啲咁得個炸字。呢味紅燒乳鴿，我比4/5粒星。雞粥個雞粥就有啲失色啦，唔知係咪太夜黎食呢，啲雞依然有味，粥雖然算滑但就冇雞味🤔。今次只可以比3/5粒星，希望下次利息會好啲啦…查看更多

今日喺灣仔修頓球場打完波，突然間好想食泰國嘢，但係又唔想食碳水化合物因為都已經夜晚十點，上左openrice道揾左好多間，大部分呢個鐘數好多泰國餐廳都收晒工唔知係咪泰國餐廳特別早收工嘅呢，好彩比我搵到一間泰國嘢喺廈門街。見到佢哋竟然有燒雞啊我就二話不說叫咗半隻黎食，啲皮笑得好香好入味，不過就唔算太平。下次試埋佢個燒雞飯先因為平成一半價錢。仲有一樣野啊！入面個廚師特別有性格特別惡，記住唔好串佢呀😅…查看更多

古月地點雖然唔起眼，但裝修唔錯卡通造型人物以外加左新加坡元素，令我想起會唔會食新加坡菜？今次點左3個餸，古惑雞飯/秘製魚露雞翼/串燒豬肉。古惑雞飯其實就係海南雞飯，首先個油飯幾香而且比平時出邊食嘅少油，值得比讚。雞就直接比肶肉，雖然表面個漿汁唔錯，但有少少overcook，變得乾身左少少。不過，份量唔錯，整體而言我比3/5星。秘製魚露雞翼聞到有少許魚露味，但食落去似南乳雞翼，每碟有4隻，味道都ok嘅。3/5星串燒豬肉兩個字太乾～ 2/5星…查看更多

嚟到呢間青藏牛肉麵，就見到個Menu有牛肉麵咁唔試唔得啦。湯底果然好牛肉味唔覺有放好多味精，牛肉都比出邊平時食開嘅牛肉麵多，而且啲牛肉都幾有牛肉味～唔錯。唔鍾意食濃味嘅朋友仔，可以一試我比4/5星。串燒拼盤，有5串性價比都幾高，啱晒第一次你識嘅朋友仔，我自己就比較鍾意食羊肉串所以之後我亦都叫多咗一串羊肉拼盤我比3.5/5星，羊肉我就比4/5星。因為個羊肉串唔錯我哋最後再叫多咗一份孜然羊假羊架試一試，調味料有啲重偏鹹，可能佢哋想我哋叫啲嘢飲掛～哈哈。呢個我以比3/5星😜…查看更多

灣仔囍匯隔離廈門街，都可以算係香港島嘅半條泰國街，事關一條街六七間餐廳裡，已經有三四間泰國食店。最近又開左呢間新野，見佢叫Thapei 就諗係咪食Thai x Taiwan fusion? 一睇menu原來唔係，只係一間餐廳可以有兩個地方嘅菜式。首先點左個泰國特色嘅船麵，湯底味道濃但又唔算太鹹，份量剛剛好夠一個男或女仔食，食材料都幾新鮮，肉丸彈牙，牛肉唔係安格斯但有肉味，麵條唔林都幾有咬口。外觀4/5粒星，味道4/5粒星 之後點左個台式鹵豬腩肉飯，鹵得幾入味。不過肉同脂肪比例，脂肪偏多。外觀3/5粒星，味道3/5粒星…查看更多

今日個個跑揸馬，港島大塞車轉左坐地鐵去下d平時唔多去嘅寶林行下新都城商場，行下街睇下戲食吓野。首先叫左個濃厚豬骨豚肉玉子拉麵，湯底同平時不一樣，有豬骨味唔太油，但塊叉燒有啲細塊囉同少，不過好彩有隻玉子蛋食下，整體來講我比三粒星⭐️（五星滿分）之後我叫左過限定加拿大原隻龍蝦拉麵配蝦湯底，湯有蝦味唔太鹹，不過...隻龍蝦就有啲失色，果然係急凍龍蝦肉質較乾，叫黎呃like都ok嘅，呢個價錢比到一隻龍蝦🦞拉麵算係咁啦，外觀可以比四粒星⭐️（五星滿分），但係未到就只有兩粒星⭐️（五星滿分）。不過我平時食兩個拉麵都要百幾二百幾蚊啦，雖然味道唔太出眾，不過呢個價錢可以食到兩碗拉麵其中一碗係龍蝦拉麵都算係一個幾好嘅體驗。…查看更多

上星期晏食晚飯好多地方都收咗了，咁唯有去食大排檔啦，不過港島西又真係唔係好多大排檔，咁就去咗兜下，經過西營盤水街有一檔大排檔好多人食喎，仲可以泊架車係門口唔使驚抄牌，正！一坐低就見到好多人食啫啫雞煲同椒鹽雞翼，我諗都唔諗就跟人叫，因為我本身好鍾意食雞（唔係打機嗰隻喎)。坦白講啫啫雞煲好多的大排檔都有得食，不過通常都好濕，原因係爆得唔夠香又唔夠火候，雖然等左都一段時間不過見到佢哋個廚房啲炒鑊聲好猛喎，就估應該有返咁上下火候。個啫啫雞煲真係冇令我失望，炒得好乾身好入味蒜頭同薑蔥都爆得好香，啲雞切得細細粒好入味，仲要會有豬潤，最重要係唔係求其加啲汁落個煲到👍🏼我會比四粒半星⭐️之後嚟咗個椒鹽雞翼一上枱已經好香，原本諗住係普通嘅炸雞翼，點知竟然咁鬼入味飯都可以食多幾碗。我會比五星啊滿分！最後叫咗個蒜蓉白菜，唔使咁熱氣嘛～✌🏼…查看更多