一坐低就見到好多人食啫啫雞煲同椒鹽雞翼，我諗都唔諗就跟人叫，因為我本身好鍾意食雞（唔係打機嗰隻喎)。坦白講啫啫雞煲好多的大排檔都有得食，不過通常都好濕，原因係爆得唔夠香又唔夠火候，雖然等左都一段時間不過見到佢哋個廚房啲炒鑊聲好猛喎，就估應該有返咁上下火候。
個啫啫雞煲真係冇令我失望，炒得好乾身好入味蒜頭同薑蔥都爆得好香，啲雞切得細細粒好入味，仲要會有豬潤，最重要係唔係求其加啲汁落個煲到👍🏼我會比四粒半星⭐️
之後嚟咗個椒鹽雞翼一上枱已經好香，原本諗住係普通嘅炸雞翼，點知竟然咁鬼入味
飯都可以食多幾碗。我會比五星啊滿分！最後叫咗個蒜蓉白菜，唔使咁熱氣嘛～✌🏼
