I豬的個人專頁

同家人本來開開心心去呢間酒樓食飯飲茶….結果成肚氣話說食飯其間我哋叫咗幾籠燒賣，每籠各兩粒，當我食其中一籠時食到一粒竟然內有一條膠物體（拉得出嚟而且唔算細條）。於是乎我都呆咗呆，家人話不如唔好食果籠叫人換一籠，好啦咁，我哋就舉手叫侍應，咁啱我哋果一小區有個著淺灰色嘅西裝男人（其實我哋唔知佢係經理還是店長，因為佢嘅衣着明顯同一般員工不同，但佢接住落嚟嘅態度似老闆！）個男人行埋嚟，我指住籠燒賣話入面有膠物體（真心後悔當時無先影果籠燒賣，因為諗住換過一籠就解決事情），點知個男人拎起籠燒賣話：我幫你哋取消（一邊講一邊打算走）我話：吓，唔換一籠俾我哋？個男人突然好憤怒又大聲地話：你鍾意啦！你換咪幫你換囉！換唔換呀！我哋一家俾佢嘅反應嚇親，而我本能反應地用佢同樣聲量話：換！跟住個男人竟然一路拎住籠燒賣離開時一路口up up，轉彎時仲回望睥我又口up up, 做嘢經過我哋附近又再望住我口up up 。明顯係鬧緊我哋！酒樓侍應工作辛苦我一向都認同，遇到食物有問題時每次都係講句唔好意思換過籠正常嘅就算，但從未遇過呢種情況…服務態度差到好似欠咗佢咁！仲要不停俾佢睥受佢氣！一整日嘅好心情完全被佢破壞晒！需要重申嘅係成間酒樓，目測其他侍應嘅服務態度都好正常，唯獨呢位淺灰色西裝男人態度惡劣。講返食物質素，當日我哋叫了數籠燒賣、一碟炒飯、叉燒包、煎餅等。食物質素一般，燒賣算大大粒外觀亦很討好（不過入面有非一般料），炒飯一上枱唔算熱，雖然粒粒分明但略乾所以感覺有點兒硬，叉燒包味道正常，煎餅則較為油膩。…查看更多

朋友11月生日，又係搵好嘢食嘅時間了今次我book咗呢間响士丹利街馬會樓上二樓嘅洋日式餐廳。其實之前都嚟過幾次買六合彩，好幾次都話有機會一定要試下呢間餐廳，終於！今次OpenRice可以book到！話說我同朋友一上到餐廳一坐低，侍應過嚟話叫我哋自己去櫃位點餐同俾錢先，話因為唔够點餐code用sorry我真心笑咗，呢個原因太搞笑了吧，結果我提議轉一張有點餐code嘅枱，就係咁解決咗問題（其實侍應應該醒目少少主動提出，因為成間餐廳得一半枱有客，大把枱可轉）好啦，咁我哋坐低後即時有馬會職員過嚟sell做會員開投注戶口，搞咗成十幾分鐘先可以食飯…..正題！我哋今次係食lunch set, 點咗份紐西蘭西冷蛋包飯餐+漢堡扒蛋包飯餐，隨餐有餐湯/沙律+一杯餐飲。食物賣相其實幾好朋友份西冷蛋包飯都好靚仔不過牛肉食落略硬，有改善空間。另外，我哋大家都叫咗杯香茅疆茶（跟餐餐飲），聞落好香，但飲落疆味不足。總結而言，呢間餐廳食物賣相唔錯，質素正常，餐廳環境舒適，不過大家記得點完餐要先付款後送餐！…查看更多

好耐無同兩位朋友仔食飯見面，今晚決定試新嘢嚟呢間新式懷舊大排檔食晚飯。最正係佢個名叫港久新街，令我諗起港九新界😂我哋一人叫咗一隻燒蠔，好抵食$10/隻叫咗唔少燒串，其中雞腎同牛舌都好爽口呢份煎蠔餅出乎意料地巨型，我哋食第一啖都覺得好似食緊雞蛋仔。其實煎得幾香脆，但食到中途覺得好油膩同熱氣，結果食剩半份叫咗支支裝可樂，最愛係佢主動送上一杯冰其他就仲叫咗燒茄子同花甲，味道不過不失。因為啲食物好多都係蒜茸味，食完個口。由於餐廳似室內大排檔, 成間餐廳都好熱鬧同好吵😂同朋友講嘢要大大聲先聽到👂。總結，食物質素可以，價格亦唔算貴。可一試，但怕吵嘅話就要三思🤭…查看更多

今晚一行六人嚟呢度食夜晚自助餐，其中有四位係長者，所以特登簡啲多熱葷嘅酒店食👍一開波，我一定係先食刺身回本先不過刺身質素一般，鮮味略欠食完冷食開始食牛扒同海鮮🦞，龍蝦尾好食够和味，牛扒亦都唔會太「鞋」口其他熱葷例如檸檬魚，我都覺得唔錯嚟呢度一定要試下海南雞好滑好食，啲飯都好好味，可惜個肚無咁多位只食咗少少鵝肝西多，第一次食自助餐有呢樣野食，不過我比較鍾意佢另一款有苺响上面嘅鵝肝，食落一啲都唔油膩呢度嘅炸物係即叫即炸，好好好食😋呢款係我其中一款鍾意嘅湯/粥？其實佢係龍蝦湯糙米，味道唔錯，但都幾飽肚🤣，只能夠食少少🤏年紀大，好快覺得飽開始食甜品。呢度嘅甜品唔算多款，蛋糕亦偏大件。我最鍾意應該係呢款，酸酸甜甜幾開胃。由於戰鬥力弱，食咗幾款甜品就收檔總結而言，如果家中有長輩，簡呢間食應該唔差，雖然食飯款種唔算多，但係樣樣水準都好好，有水準。特別係一啲小炒，例如牛仔粒，好好食。…查看更多

今日約咗兩位姊妹嚟食lunch， 秉承年尾一定要有一次完美嘅聚會，同時又為開展新一年而作準備，其實總結而言都係吹水大會由於醉翁之意不在酒在乎吹水，所以我哋今日三個都係叫咗sukiyaki lunch。lunch 性價比好高，一位都只係一百廿幾蚊，仲有小型沙律吧同任飲飲品👆🏻食物賣相唔差除咗食物，餐廳環境坐得舒服，唔會太擠逼，枱同枱之間又唔會太窄。不過唔知點解人流都幾少吓，除咗我哋，今日中午得2、3枱客。不過無所謂，人少反而坐得舒服又啱我哋吹水👍…查看更多

今年生日，老公book咗港島香格里拉下午茶。話說有次嚟食自助餐時，發現呢到嘅大堂好舒服仲有現場樂隊演奏，我哋都覺得好好feel， 我估係因為咁所以令到一向無乜idea嘅佢諗到嚟呢到食Tea生日一定要有蠟燭🕯️，酒店好貼心咁插上蠟燭同加咗塊生日塊其實我覺得afternoon tea間間四五星酒店都差唔多，食物甜品無乜太大突破，所以環境真係好重要‼️呢到大堂坐得算疏，唔會好擠逼，而且有特大玻璃可以睇到出面啲樹木，加上又有音樂即場演奏，感覺好relax 好有情調。Good Good …查看更多

舊同事好好，請我食生日飯，仲介紹去食呢間西餐廳當日我哋食lunch, 因為無得book所以舊同事一早就去咗拎位，真係辛苦晒一坐低我哋就決定叫兩個2 courses set lunch， 我哋叫咗一份牛扒同一份三文魚扒，仲有兩份前菜，分別係例湯同煙三文魚卷。牛扒叫咗半成熟，口感幾好唔會太韌，但感覺少咗啲牛肉味。薯條就香脆可口。三文魚扒味道唔差，有魚味，同埋份量都算大，男仔食都唔會唔飽。兩個前菜，我比較鍾意煙三文卷，因為例湯味道唔太够，塊面包偏硬。總結，以中環地段嘅西餐嚟講，呢間餐廳食物份量足夠，價錢唔會太高，而且坐得舒服，性價比算高。不過食完就無得吹多陣水，侍應會過嚟話出面好多人等緊所以要埋單了😂😂😂。…查看更多

次次經過呢間餐廳都排長龍，一直都想知有冇真係咁好食？好啦咁，咁啱屋企人知佢原來係米芝蓮話要去試下，於是就特登揾日去食晚飯一探究竟～首先一入到黎都會覺得啲餐具幾靚仔嘅之後梗係先點碟傳說中嘅海南雞試下先啦。我哋三個人食，所以叫咗碟大份嘅，但大份嘅份量其實都只係半隻雞，價錢$268。雞肉食落其實無乜雞味，但都算滑同無肥膏。我就覺得味道還好，驚喜就無乜有海南雞，點少得油飯。叫咗3-4人份量，HK58, 味道不過不失。另外，仲叫咗酸菜石斑，HK138，呢道菜我反而覺得ok, 魚肉滑，酸辣味够。呢道係腩筋相逢，都係米芝蓮推介，牛腩同牛筋係炆到好冧，唔差嘅，但可能因為打住米芝蓮旗號所以期望比較高，最終食落又唔係覺得有驚喜…..只能夠話期望愈大失望愈大食完飯最尾又再order呢個茄子🍆嚟試。雖然好細份但以冷盤嚟講都算好食:)總結而言，叫做試過食過米芝蓮級餐廳，未必會特登再去，但又唔會抗拒再去咁囉…查看更多

今日過開嚟旺角，所以响朗豪坊揾早餐食。敏華其實食過幾次，算抵食所以再嚟食。不過疫情期間，呢間敏華某啲座位就係安排得好差，夾硬將4人位分成2人位，食得勁辛苦其實已經接近中午，所以我直情點咗黯然銷魂飯食+奶茶☕️。我鍾意食呢度嘅叉燒，肥得黎唔算油膩我老公就鍾意食沙爹粉面，仲有呢度嘅多士面包，因為舊多士的確比好多茶記有誠意，鬆軟香口。最後仲叫個咗咸牛肉三文治，味道不過不失。綜合黎講，我覺得食物質素唔差，但餐廳同衛生環境有進步空間，仲有普遍敏華嘅員工都一般般，有時問佢拎杯水或追食物都叫我哋等等，之後好明顯係唔記得follow，搞到經常食完碗面，份多士都仲未到…..…查看更多

好朋友生日，大家當然要食返餐好嘅。於是就訂咗牛大人打邊爐。話說我以為尖沙咀呢間牛大人應該會幾寬敞，誰不知都有些少迫，可能當晚食客太full。今晚我哋7點10分入座，選擇咗「120分鐘澳洲極上和牛食到飽」（$318/位）選擇咗兩款湯底：牛骨&酸菜。其實味道一般，無太大驚喜。牛丸方面，朋友覺得好好食，不過我覺得韌咗少少🤏牛肉就比較新鮮，切得唔會太厚，好味😋牛大人嘅食物，有一部分需要自行出去拎，包括丸類及蔬菜類….因為座位較狹窄難出入+人山人海，所以好唔方便。如果無咁多食物需要自行拎會好啲。飲品方面，呢度款式真係好多，而且都係台灣飲品。醬料也很多選擇…查看更多

好耐無食過自助餐，今次一行4人黎cafe 103食buffet dinner。久聞呢到景靚食物質素好，今次終於可以一試。老實講，未黎之前係幾期待，黎咗之後就真係失望咗少少，因為近窗有靚景嘅座位比我想像中少好多，而食物選擇種類又唔多，唯有當試新嘢見識過就好。我哋嘅座位都睇到夜景，不過就頗遠呢一區就係熱食區，你無睇錯，係咁多….海鮮區唔記得影…不過值得一提嘅係有生蠔🦪，我嘅至愛甜品區嘅甜品擺放得好齊整，種類算多，而且質素唔錯，係成餐自助餐我最滿意嘅地方。講返食物，一如既往，我先食刺生。剌生算新鮮，但就無我鍾意食嘅甜蝦之後又拎咗其他海鮮，包括龍蝦、生蠔和螺。特別一讚嘅係生蠔，够新鮮和乾淨輪到熱食，乳豬脆口，牛扒生熟度適中另外，試咗西班牙海鮮飯，呢個我老公話幾好食最後就係甜品，全晚最滿意嘅一part，可惜太飽，只試了呢幾樣總結而言，都係果句，食物種類過少….希望可以改善下。…查看更多

好耐無同兩位好友聚會，今次揾到呢間有好多like 嘅餐廳試試。嚟之前上黎睇過食評，好多評價都好好，食完覺得真心唔錯一入餐廳，無論係門面定入面嘅裝修都不太吸引🤣（不過好似有海景位，只係我哋訂唔到位）。坐低後，經過一番討論，我哋決定各自叫Tasting Menu 嘅set dinner 。Set dinner 有5樣前菜+餐湯，而主菜就五選二，最後仲有一道甜品。先講第一道前菜：本身係有隻生蠔，但被通知話無所以補多隻鮑魚，鮑魚真係好好味，唔腥又唔會橡膠口感驚喜第二道係餐湯，開胃第三道係松露煮日本年糕，第一次食松露年糕，感覺新鮮，而年糕雖然得三條，但其實食落又啱啱好因為需要留肚食其他野。 第四道係焗連殼食法國田螺。原本以為殼係唔食得，點知其實係可以。賣相幾好，不過味道無乜驚喜。第五道係鮮鱸魚柳酸甜香草汁，魚有少少乾，不過整體都算👌🏻主菜可選兩樣，我選咗慢燒美國牛肉眼 & 法國鵪鶉胸配蝦肉蘑菇汁牛肉眼我要求7成熟，啱啱好仲伴有甜紫薯，個人覺得好食過配薯蓉。至於呢道鵪鶉胸，我覺得係菜式中最一般嘅一道，鵪鶉胸肉肉質略乾….最後係甜品Tiramisu，細細舊兩啖啱啱好呢個Dinner 成為$388+10%，個人覺得性價比高…查看更多

今晚一家人即興嚟陳根記食晚飯，場面好旺好多人。第一次幫襯，我哋叫了5個小菜，但等咗半個幾鍾先陸續上菜…都真係有啲耐，因為我哋叫嘅菜都唔係全部需時咁耐…第一個餸到嘅係呢碟椒鹽九肚魚，脆口好味😋第二道係呢碟孜然一條骨，老公覺得幾好食，我就覺得無乜特別😆第三道菜係馬拉盞通菜，我覺得唔够味，偏淡。第四道菜係鬼馬鴛鴦浴，用蝦醬蒸豬肉，低舖有一層油炸鬼，係幾鬼馬嘅，但我覺得有少些咸。最後係咕嚕雞球，雖然外型一啲都唔似球體，但味道唔差，够脆口同甜酸味適中大排檔有冷氣都坐得舒服，但係雖然店内已使用了掃code落單，但係由於客人太多，店員比例偏少，呢樣我覺得有改善空間。…查看更多

好耐無嚟一風堂食拉麵，今次又係貪佢人少好坐，心血來潮就同老公嚟食。今次坐到對正大門口，餐廳入面客人數量唔算多，只坐滿一半坐位。疫情下唔想同人迫嘅話，呢到係一個好選擇，當然前提係你鍾意食拉麵🤭今次我又點咗個赤丸，够辣够香口我鍾意呢個有支肥仔水嘅係我老公點嘅👆🏻小食就叫唔客餃子同唐揚雞，好味😋總結嚟講，我哋都幾鍾意食一風堂，雖然佢未至於話好好食好正宗，但係以價錢及餐廳環境仲有服務態度嚟講，我覺得都唔錯…查看更多

好耐無同朋友仔們gathering, 今次有朋友提議食泰菜，所以選咗呢間。每次黎食泰菜，必點冬陰公湯，今次呢個湯唔錯，唔會死咸死辣，仲有個小火爐熱住！3個女仔點咗呢個拼盤，結果食唔晒🫠，下次都係唔好咁貪心🤭呢個柚子沙律係今晚我至鍾意嘅菜色，因為柚子好新鮮同多汁，酸酸甜甜好開胃。驚唔够又點咗個豬頸肉炒河，最尾飽到上心口仲有個通菜😝總結，每道菜嘅賣相都唔錯，不過偏辣少少🤏，如果食唔到辣嘅點菜可能要小心啲。…查看更多