superyummytummy的個人專頁

去澳門點都要食番餐葡國菜啦出發前上網睇左好多間 花多眼亂最後揀左去氹仔官也街附近食葡富軒網上評價都幾正面 食完確實係唔錯一坐低就送上熱辣辣嘅餐包橄欖同香草牛油份量都幾大 我地叫左幾款野食share葡萄牙煙燻火腿幅葡萄牙直送 煙燻味幾突出24個月嘅火腿味道咸香 做開胃前菜幾唔錯白酒忌廉煮蜆個白酒忌廉醬汁好香好creamy每隻蜆都新鮮爽甜又冇沙葡式經典椰汁非洲雞葡國菜其中一個必食嘅經典菜式呢度嘅非洲雞唔會好辣 但好香椰香味道雞皮香口雞肉好嫩滑 味道比較惹味配埋薯茸藜麥飯都幾夾葡式白酒風味什錦海鮮扁麵海鮮多到鋪滿意粉 意粉煮得啱啱好幾彈牙又掛汁甜品方面我地揀左主廚自製手工義式雪糕同葡式經典木糠蛋糕木糠蛋糕好好味呀 一層木槺一層cream咁口感幼滑又唔會太甜自製gelato都唔錯 同官也街間出名甜品店有得flight…查看更多

一向慳家嘅朋友突然提議食香江花月，即刻覺得好出奇係咪發左達，後尾發現原來依家出左個勁抵二人套餐，288就食到咁多野又可以打港女卡真係好正呀!!!雖然冇得叫啲fancy打卡湯底，但菇菌拼沙嗲湯都好味，菇菌湯仲好多料添。呢個餐包兩盤牛肉，雖然唔多油花但都算嫩滑，用沙嗲湯煮好好食呀。脆肉鯇魚都幾厚切又新鮮，魚油部分幾香。呢個價仲有手工丸餃真係喜出望外，蟹籽墨魚丸足料彈牙，午餐肉粟米餃甜甜咸咸幾得意。鴨血好滑溜，我地冇揀到麻辣湯有啲可惜。個餐仲有芝士腸，菜籃同烏冬，食到好飽呀。…查看更多

母親節飯梗要食好啲 但食得好又唔代表一定要食得貴朋友介紹我去呢間街坊小店 真係高質又抵食好彩我有訂位先 真係一位難求 成晚都不停有人想walkin但都冇位媽咪鍾意食海鮮我地就叫多啲真係好抵食 媽咪話自己去街市買都要咁上下價叫左隻南澳龍蝦勁大隻成兩斤重都係488好新鮮 肉質好彈牙鮮甜 龍蝦頭超多膏好甘香仲叫左海鮮拼盤 有兩隻肉蟹 啖啖肉之餘仲有膏仲有元貝 大頭蝦 脆肉鯇等等 真係好大盤手切霜降牛個擺盤好霸氣 成隻牛咁搬出嚟忍唔住要打個卡先 牛肉好嫩滑呀油花都好靚最後用個咁鮮嘅湯嚟煮個烏冬超正如果有碗飯加落去煮個雜炊就冇得彈呢度每樣料都係咁大堆頭份量十足老闆又好熱情咁請我地飲野 爹哋話父親節要再嚟過…查看更多

臨近年尾特別多公司飯食，今次掹車邊去到呢間家全七福，原來係米芝蓮餐廳😍好正呀成千蚊位，多謝公司俾我去威威！頭盤都有三款，雞子戈渣睇個名唔知咩嚟，原來係名菜，口感好滑溜，值得一試。鑲蟹蓋每啖都食到嘅鮮甜蟹肉，口感好有層次。平時多數燕窩都係食甜嘅，呢個加咗雞蓉都幾鮮味 ，燕窩嘅份量都好多。田雞起肉炒，幾有鑊氣幾惹味，燒過嘅雲腿好加分。彩椒牛肉炒得好嫩，紅黃椒好甜好好味四季豆炒完都仲keep到鮮綠色 ，口感好爽脆。荷葉飯好足料，入面有雞肉同埋好多瑤柱絲蟹肉 ，口感好豐富。最後連甜品都有三款，甜品愛好者表示好滿足。…查看更多

「霸王山莊」我細細個就聽過呢個名啦呢度無論上海菜同川菜都一樣咁出色以前細個嚟親一定係食片皮鴨今次我就想試下其他野霸王小籠包真係皮薄餡靚 成隻夾起都唔會穿一啖放入口爆曬湯汁 好正好好味上簽口水雞用竹籤穿住口水雞 每一件都係雞髀肉夠晒香辣惹味 而且肉質都幾滑韭黃炒鱔糊上海名菜 黃鱔好細心去晒骨加咗好多韭黃炒 嫩口冇渣 口感都好爽蘇杭東坡肉好肥好邪惡但太好味 忍唔住明知肥都要食燉煮得好腍好入味 層肥膏入口即化味道甜甜地 肥而不膩豬柳扒擔擔麵擔擔麵真係正 好香花生醬味少少辣豬扒層炸粉唔太厚 但略嫌油咗少少上海灘豆沙鍋餅同出邊食過嘅豆沙窩餅唔一樣 面層鋪滿芝麻口感似叉燒酥 但入面包咗豆沙餡 味道唔太甜…查看更多

食飽飯本身想同朋友去食下呢排好hit嘅榴槤雪糕點知行到去先知賣晒真掃興 好彩搵下附近邊度有榴槤甜品就搵到有人介紹呢間去到見到餐牌熟口熟面 原來係平時去大圍都會食嘅甜品分店榴槤椰椰原個椰王上嘅甜品 入面有燉蛋白 西米露同榴槤蓉未送到埋嚟已經聞到好勁榴槤味 食落好香濃因為真係好大pat榴槤肉仲有球榴槤雪糕 個雪糕就相對奶味比較重菠多野結冰透明人間篇 個名好頂癮 次次去親糖宮都會叫菠蘿雪花冰酸酸甜甜食落好fresh透心涼 仲有原片菠蘿配水晶涼粉朱古力心太軟心太軟好濃朱古力味唔算太甜 可以自己揀兩球雪糕新鋪呢度幾好坐又有打卡位老闆仲話遲D有機會帶大圍D貓過嚟 諗起可以邊吸貓邊食甜品就開心…查看更多

原本喺大角咀博文街嘅Orange Elephant搬左去利奧坊，新鋪位置更方便。每日都有一樣野係做一蚊優惠價超抵食，抵到咁冇理由唔叫呀？星期一1蚊優惠係原價179嘅《泰式明爐烏頭魚》，真係抵到爆，條魚都幾大條，湯汁酸酸辣辣，仲有啲肉碎同菇，幾豐富足料。泰式生蝦幾新鮮，蝦肉彈牙，夾埋啲配料一齊點汁食，酸辣得好過癮。海南雞我地揀左半隻，好好肉又嫩滑，雞皮夠黃又夠香，真係幾高質素。餐廳暫時未有酒牌所以冇得啤啤佢，叫左龍眼冰同菠蘿冰都幾好飲，龍眼冰好清甜，有成十粒龍眼肉好足料。…查看更多

朋友知我好鍾意貓但屋企又養唔到貓，所以食飯都特登搵左貓貓餐廳，好開心呀！！一入到去見場地都好大，仲有幾十隻貓喺度行嚟行去，簡直係天堂呀！平時去寵物店都係隔住玻璃撩佢地，今次係可以落手摸，好興奮又緊張！呢度D貓完全唔驚人，食食下仲自己走埋嚟要人摸，好得意。本身諗住呢D餐廳都係俾人玩貓，野食麻麻地，點知又唔係喎，夜晚有二人套餐328，包沙律餐湯野飲，可以揀兩個main。叫左日式咖哩牛肋條飯，炆得幾淋，pizza都幾重芝士，另外叫左個小食拼盤好大份，炸得又脆又熱好好食！…查看更多

朋友話去九龍城間BTS食泰菜，我第一時間諗起韓團 BTS，以為係fans開嘅，但原來係泰國空鐵咁解，唔怪得佢嘅裝修風格咁有鐵路feel啦，門口仲有個好搶眼好熱情嘅揮手公仔，好搞笑。叫左個青木瓜沙律做前菜，半隻海南雞再加個油飯，幾香雞油味又唔會太淋，隻雞夠大隻又夠滑。冬蔭雞都好大煲，分到4-5碗，少少辣酸酸地幾重香料味。泰皇咖哩法包軟殼蟹，咖哩加左蛋漿幾香但唔辣，個包唔係想像中嘅脆但幾軟熟，索晒咖喱醬好好味，軟殼蟹炸得夠脆。…查看更多

朋友約去大鴻輝燒蝦放題，上網睇完真係好吸引好多野食，所以我由lunch就開始留肚喇。一上到去，個場真係好大，見到每排座位隔離都係流水蝦缸，坐喺度就夾到，即夾即燒好好玩。啲蝦好生猛游得好快，要夾到佢都要有D技巧，最好浸落冰水整暈佢先燒會好D，最初心急唔知直接放上燒熱到佢彈起，嚇死我。趁D蝦燒緊就出去攞其他野食，佢自助區都有好多款海鮮，Ｄ貝類隻隻都好大隻，之前疫情自己屋企煮去多左街市，知道呢D都唔平，食多幾轉好易回本。仲有好多肉食串燒，同埋有D熟食可以趁燒緊海鮮時食住先，因為燒海鮮要D時間。雖然佢限時兩個半鐘，但我地過左兩個半鐘仲食雪糕佢都冇趕我地走，服務都幾好。…查看更多

星期五晚嘅新港城食咩都要排隊，好彩我醒目諗到搭多個站喺烏溪沙落車，呢間西餐好似新開，就試呢間啦。價錢都唔貴，大約百零蚊有交易，始終馬鞍山區都係街坊生意，定價都算貼地，叫左幾樣野都幾好味，馬友可以bookmark呢間。叫左個set dinner ，138已經包左餐湯沙律飲品，加錢可以轉特飲，西班牙黑毛豬燒到7成熟，入口都幾juicy，加左蘋果醬酸酸甜甜幾開胃。美式豬肋骨同平時食開唔一樣，勁大條又厚肉，食肉獸最愛。珍寶雜錦薄餅材料都幾豐富好多芝士，餅底係近似餅乾底，幾脆口幾好食。炸蕃薯條炸得好脆，甜甜地好正呀。3個人埋單590，除開都唔洗200一位，算幾抵食嘅。…查看更多

約左朋友食lunch但佢臨時要開會晏左，咁我就逐層睇下有咩好食啦，經過呢間職員好用心介紹佢地幾款今期嘅set lunch，仲有semi buffet都好似幾豐富咁呀，我一於食住salad bar等。Salad bar除左一般嘅沙律菜之外，仲有煙三文魚，魷魚仔，各式芝士同cold cuts，款式多到淨係salad bar都好飽。是日餐湯係松茸湯，一入口嗰陣菇味超濃，好想飲多碗呀。168呢個價錢有3款main course可以揀，想再食得豪D可以加錢轉羊架同澳洲和牛西冷，我地就揀左素菜千層麵同水煮格陵蘭比目魚。千層麵嘅麵條係店家手造，感覺比較有咬口d，味道都幾濃郁。比目魚嘅調味比較淡，更加可以食到魚嘅鮮味，肉質都好嫩滑。主廚都好熱情去每枱傾下計介紹d食物同問意見，講開原來夜晚係有tasting menu服務，下次再約朋友嚟試下夜晚先。…查看更多

旺角塘尾道呢間宮廷feel嘅火鍋店超搶眼，離遠已經見到喇，除左火鍋好食，佢仲有一點勁吸引我，就係任食水果喇，一齊睇睇今晚食左咩先。湯底揀左鮮淆百豬骨湯，入面有啲火腿冬菇蝦米大蔥，都幾鮮味。火鍋料都有幾多可以揀半份，啱晒人少少試多幾樣野。手切極品prime牛小排啲雪花紋幾靚，入口夠滑牛味都唔錯。極品鵝腸用隻鴨仔裝住好得意，好爽脆完全唔肥，新鮮嘅唔係雪藏野。老友鬼鬼即係墨魚滑鑲油炸鬼，都幾得意值得試下，另外菠菜墨魚滑就夠晒eye catching同彈牙。餃類都幾出色，蛋餃嘅蛋皮做得夠薄，西洋菜餃嘅茶菜肉比例都啱啱好。仲有少見嘅水蓮同未見過嘅高原雪花繡球菌，食落好爽口一定要試下。紫薯寬粉顏色勁靚，好煙韌有咬口，煮到透透地就食得。最後就係狂食水果喇，今晚簡直係芒果放題，我地食左十幾個呀。佢地仲有好多優惠，首先7點半前離坐有68折，再加上打卡同用指定app落單又有野飲送，抵食！…查看更多

趁停左雨入科學園食個晚飯，估唔到夜晚都幾多人，好多都係一家大細，可能因為出面有好大片草地，啱晒小朋友放電。佢啲野好多都係百幾蚊，唔算貴，野食質素都唔錯。威靈頓牛柳一上枱時仲驚會太生，但原來切開嚟睇都ok大約7成熟，酥皮偏薄卷住牛柳食到野菌味，旁邊嘅焗薯好味甜甜地。香烤厚切豬鞍成寸半咁厚，對我嚟講熟左少少，好彩豬味濃搭夠，點埋醬汁仲好味，配菜有串茄蘆筍炸薯角，串茄燒過幾香甜。煙三文魚牛油果班尼迪蛋配搭幾健康，隻蛋好流心。得閒入嚟科學園行下食下野都幾chill，日頭嚟應該會仲靚。…查看更多

喺尖沙咀睇完戲想打邊爐，睇見呢間又有雞煲又有火鍋，好多人推介就上去試下啦，好彩walkin都有位。價錢都好抵食，假期228已經可以任食兩個鐘，仲有幾款煲可以揀，我就揀左雞煲小辣，一上枱就聞到好香喇，都幾多份量，應該有成大半隻雞。職員會幫手炒，雞都幾滑又入味。食完係會換另一個湯底打邊爐，湯底都有成8款，我揀左懷舊沙嗲湯底，都幾濃郁。火鍋料有劃紙仔同雪櫃自己攞，款式都算多，推介鱔片都幾厚身，牛肉唔係好多油花但肉味都幾重，任食嚟講都算唔錯。…查看更多