Orange Elephant Thai Restaurant (利奧坊) (已結業)

原本喺大角咀博文街嘅Orange Elephant搬左去利奧坊，新鋪位置更方便。每日都有一樣野係做一蚊優惠價超抵食，抵到咁冇理由唔叫呀？
星期一1蚊優惠係原價179嘅《泰式明爐烏頭魚》，真係抵到爆，條魚都幾大條，湯汁酸酸辣辣，仲有啲肉碎同菇，幾豐富足料。
泰式生蝦幾新鮮，蝦肉彈牙，夾埋啲配料一齊點汁食，酸辣得好過癮。
海南雞我地揀左半隻，好好肉又嫩滑，雞皮夠黃又夠香，真係幾高質素。
餐廳暫時未有酒牌所以冇得啤啤佢，叫左龍眼冰同菠蘿冰都幾好飲，龍眼冰好清甜，有成十粒龍眼肉好足料。