奶油包的个人专页

和朋友行完葵蔥廣場， 去新都會睇下有咩食, 朋友想食D香口野提議試下嚐越，未食過甘就試下。 入到去環境好逼，D冷氣仲好唔夠， 不過我唔太理環境，D野好食價錢合理最緊要，打開MENU， 我有冇眼花， 條春卷四十四蚊2條，叫四條就八十八蚊，我望下隔離叫左2條春卷， 1條個SIZE只係中指甘長，剪開一半，竟然要22蚊1條，會唔會貴得過左火位，喱條春卷係最普通果種， 入面都係蘿蔔，粉絲木耳果隻，唔係有什麼蝦，蟹，我覺得唔係食唔起， 但係唔值得，所以唔會叫。   尋覓下其他野食 ，最後叫左牛肉湯河，網蝦，牛油雞翼 ，牛肉湯河合格，網蝦炸到全部有黑屎，勁油   ，牛油雞翼我會提議佢改名，完全冇牛油味，又硬，我阿媽仲炸得好過佢，成餐最好係杯青檸梳打，調得唔太甜，不過喱間唔會再黎。                              …查看更多

好想去放題 , 上喱度搵下info , 其實都好多間放題都試過 , 甘岩搵到喱間 , 好似都好特別 , 唔似平時d港式放題 , 都好正宗下 , 一於試試佢去到巳經7點 , 不過 , 佢可以食到11點 , 所以慢慢黎到唔遲 , 佢唔係寫字仔 , 係打開本menu 點 , 然後寫紙 , 睇見本meun , 好多野食 , 有d仲好正宗 , 又有納豆食 , 好多日本前菜 , 睇見都好正 , 甘就點左幾個前菜 , 納豆 , 蟹子沙律 , 三文魚沙律 , 喱d都ok , 跟住 緊係點魚生 , 點左個五色魚生 , 真係唔太得 , d三文魚超細件 , 無味 , d蝦霉 , 其他都麻麻 。 食完第2round , 開始d上菜speed超慢 , 等左成10鐘先黎一碟 , 仲要入左五樣野 , 黎得一樣 , 嘩 , 真係好唔惦 , 等到真係好唔耐煩 , 都算 , 喱間d服務真係零 , 成個場得果1個待應 , 直頭完全要自己走去沖茶 , 請多幾個伙記先好學人做放題呀 , 真係食甘多次放題喱間d服務真係最cheap , 仲要唔怪之得可以食4個鐘 , 等到等左2個鐘 下次都唔會再黎 , d野食亦麻麻 …查看更多

譚仔開左甘耐 , 我真係一次都冇試過 , 因為次次經過每一區ga譚仔 都係插針都唔入 , 仲要出面排晒隊 , 都冇機會試 , 但我估應該真係好正 , 唔係點會甘多人呀!今日去旺角行街 , 經過喱間譚仔 , 見入面仲有幾個位 , 就今日試下啦!我叫左麻辣(中) , 貢丸 同墨丸 , 碗野黎到 , 真係好多大碗 , d米線好多 , 試下個湯底先 , 個味道我覺得麻麻地 , 好似d麻辣清湯 , 無咩味道 , 係d米線煮得幾好 , d料都ok , 不過 ,總括黎講一般啦 , 唔明點解甘多人 。可能我自己鐘意d米線成碗橙色果d , 睇見都好hot果種 , 對面雲南岩我d , 不過 , 未試過試下都ok! …查看更多

同個朋友慶祝生日 , 行開旺角又想食放題 , 大多會簡喱間青葉 。 青葉我都食過3次 , 水準都算唔錯 , 價錢都ok , 一於再幫親!今次星期六上到去超多人 , 不過 , 等左一陣就入得去 , 環境真係好似街市甘 , 嘈到爆 , 最頂唔順係個知客阿哥勁大聲講" 易啦絲媽些" 響正我耳邊講 , 耳膜都穿 , 總之比起以前個環境嘈左好多 , 好唔舒服。不過 , 都唔理叫左野食先 , 一開始都係大多叫刺身 , 咩都要d啦! 之後 , 睇下其他點菜紙仔 , 發覺好多野都冇左 , 換黎d比較平ga款式 。 刺身上黎 , 個買相都好唔惦 , d三文魚好細塊 , 望落仲要好唔新鮮 , 全無光澤 , 食落去仲要好梅 , 好無魚味 。 至於其他刺身好求求其其 , 無heart何言 。 壽司好硬 , 至於其他食物水準下降 , 我唔會再去 。我食過有幾間比多20蚊 , 水準高班勁多 , 點解唔搵間好d呢 ? …查看更多

今日尊登去深水步 , 試下連阿so都大讚ga魚蛋 , 睇下佢有幾好食 , 要左一串小辣 , 大辣 。魚蛋好腥 , 入邊好實 , 入左好多粉落去 , 完全唔可以用彈牙黎形容 , d醬汁好似沙爹醬甘 , 好多花生粒 , 有一陣冬菇味, 自己屋企都可以做得好過佢 , d醬滴到好似落雨 , 成地都係 , 總之唔惦啦! 真係好想食魚蛋就唔好食佢喱d , 試其他小食店點都好過佢 , 真係唔好信阿so講得甘正 。 …查看更多

響尖咀食過晒所有雲南桂林過橋米線 , 比較鐘意喱間 , 因為比較少人 , 個米線都幾隱定 , 今次巳是第4次光臨 , 叫左雞翼 , 都係大辣 。 碗野黎到 , 望上去d湯勁結 , 平時都唔係甘 , 心lum可能d米線過冷河未夠 , 搞到d湯結 , 試一啖 , 嘩 , d湯勁油 , 直頭好似成碗油甘 , 點都要食啦 , 加埋野飲成30蚊 , 愈食愈頂唔順 , 好似食緊四川ga水煮牛肉甘 , 食左一半唔食啦 , 好失望水準差左 , 好希望會charge番好d啦 。…查看更多

住響喱度都好耐 , 所以金城都係我ga飯堂之一 , 我覺得最正係個午餐 , 食過好多其他地方ga午餐 , 講真都係麻麻 , 反而金城個午餐 真係值得試下 。 個餐可以任配 , 我自己最鐘意係雪菜肉絲米 , 炒蛋火腿多士 , 炒蛋水準都好高 , 好滑好香 , 拍得住澳洲 , 正!…查看更多

今日路經第一城 , 時間剛好食lunch , 行左一個圈 , 見到喱間金禾閣 , 覺得應該都唔錯就走入去試下啦! 我點左午餐 , 炸醬魚蛋雪菜米線 ,阿哥要左豬扒湯意 。嘩! 碗米線一黎到 , 好唔惦 , 好家庭式 , 一pat野甘 , 都唔知係咩喱! 試一啖米線 , 甘快斷ga , 食落口痴立立 , 有冇過冷河ga , d魚蛋好膠 , 好渣 , d炸醬紅色ga , 都唔敢食 , 成碗野超難食 。 阿哥碗豬扒湯意 , 阿哥話完全係水煮意粉 , 無味 , 塊豬扒就好硬 。 我果碗加埋野飲成27蚊 , 真係食完好滾 , 最吹漲間野好多人 , 唔會再黎 !…查看更多

今日好想食涷豆腐花, 行到花園街附近見到有間食豆腐花 , 甘就入去食碗啦!地方細服務差我全部不介意 , 只要豆花正食完就算 。 叫左碗涷豆花 , 一黎到 , 嘩 , 唔係呀嘛 , 碗野碎晒瓓晒 , 好似嘔出黎甘 , 唔係人為攪難果隻(我巳經唔係挑剔的人唔係太差我都照食ga啦) , 我一畢起第一啖 , 就好似腐竹糖水甘 , 超市果d豆腐花好過佢多多聲 , 佢夠膽收人10蚊被喱d豆腐花人食, 真係想叫個師傅出黎 , 咩叫做豆腐花 。 做左甘耐人都未食過甘難食ga豆腐花。…查看更多

去完尖咀, 一路行落去睇下有咩食, 行到去白加士街, 見到有間唯珍上海野, 之前響喱到都見到有好多笑面, 應該都幾正, 我都幾like食上海野ka!入到去, 唔知食咩好, 就叫個剩水餃, 一個馅餅, 叫左d阿姐2次, 佢地都掛住傾計, 到第3次先至聽到。碗水餃黎到, 好家庭式, 試下隻水餃, 唔太掂, 皮硬, d餡好散, 味道真係麻麻。比起之前食過有d上海北京水餃, 喱間真係唔太ok。個餡餅煎左都涷冰冰, 阿姐煎左5 ,6秒就走去傾計, 傾左一陣就上碟, 有d求其。我食過一次唔會試, d野都唔太平。…查看更多

今日路過此店, 見有拿破崙買, 我超喜歡拿破崙, 急不及待夾件邊行邊食, 見買相唔錯, 應該食味都不錯, 一咬落去, 嘩, 甘鬼硬, 完完全全死實實, 仲衰過d連鎖店果d。見佢將d拿破崙放響開揚處, 以為招牌貸色, 點知甘鬼硬, 仲要買$9 , 真係唔抵!…查看更多

自己住響沙田, 行過好多次宜家, 都未試過喱間餐廳, 係睇左阿穌介紹喱到d meat ball , 仲上埋黎睇左好多網友ga食評, 好想試下, 睇d相真係好正。今日去左試, 我都幾鐘意self-services , 叫完野先去被錢, 刀叉鹽胡椒自己搞掂。我叫左個凱撒沙律, 15粒肉丸拼薯條, 一杯汽水, 一個雞批。凱撒沙律買相唔ok , d菜好霉,不過$9質素都係甘。最期待ga肉丸拼薯條, 我食薯條先, d薯條涷晒, 無甘好食, 如果新鮮d會正好多, d肉丸都ok , 不過, 唔係話真係超正, 算ok , 個汁就好正, 加埋d 紅莓醬好醒胃。而個雞批就唔係好得, d餡好小, 仲要好涷。d汽水任飲, good!最重要我鐘意個環境, 好relax。總估黎講d野食都叫ok , 但係又唔係話真係好好食。…查看更多

近排想去据下扒, 黎喱到取下經, 睇到喱間飛鷹都唔錯, 就不如試下啦!裝修同服務我都唔係太著重, 最重要都係食物質素。(應該要有ga服務都做到被你)首先黎ga係餐湯, 我要ga係羅宋湯, ok啦, 不過頗甜。(唔係蔬菜甜, 係落太多糖ga甜)餐包真係好巨型, 熱吼吼, 加埋牛油食, 估唔到又幾好食, 最正係冇提子(個人喜好)。到餐飲, 叫左檸檬茶,被普通茶餐廳細1/3 , 但係好好飲, 值得一叫。到主打ga牛扒, 我叫左2份西泠牛扒, 都係七成熟, 一份蒜容汁, 一份黑椒汁。飲完湯, 食完包, 飲淡餐茶, 因為都唔係太差, 對於等一陣份牛扒都好期待。牛扒一到, 巳經淋左汁, 份量無想像中甘大同甘厚, 牛扒外觀有小小唔對路, 見塊牛扒有半煎炸質感, 我都試過好多喱種類型ga扒屋, 未試過有喱種牛扒出現。放舊牛扒入口, 覺得有種食中式牛柳ga感覺, 即係塊牛扒走過油, 落梳打, 牛肉味唔突出, 唔覺自己据緊扒, 反而似食緊塊嫩滑牛肉。我個黑椒汁淋得好小, 啖而無味, 而另一個蒜容汁就過多, 都幾ok好食。配菜就好劣作, 薯條竟然只得3條, 据扒据左甘耐都係第一次, 蕃茄同椰菜唔食唔可惜。總結, 食左$128連加一, 響深水步黎講都略貴, 最重要係唔值得好似我甘尊登去試。…查看更多

我鐘意食放題, 所以都會響喱度搵下有咩放題好食, 見到喱到有放題食, 都好想試下, 見網友評論都係好壞參半, 都試下!book左6點鐘, 同朋友準時到, 一入去差d比佢塊地板線親, 勁肥。個格局好茶餐廳, 坐落去之後感覺周圍都好油膩膩。我本身唔介意地方dirty , 大排檔照坐, 不過, 你收甘ga價錢(比其他放題貴), d環境真係唔得。不過, 心lum唔黎都黎左, 唔好食下次唔黎, 同朋友開始商量食咩好, 見張落單紙d刺身好唔惦, 得果幾款, 其他又無咩野食, 最慘係我坐坐下覺得間野好大陣酸宿味, 食刺身要好講衛生,間餐廳連基本衛生都好似攪唔好, 叫人點樣食你d野落肚呀!所以同朋友都唔食, 入左去5分鐘就走, 去搵其他野食。…查看更多

未裝修之前都會成日黎食, 都算係唔錯。裝修之後都未黎過, 所以都同埋屋企人黎試下個lunch自助餐。裝修之後, 環境都唔錯, 不過, 對佢地食物質素, 數量就真係好唔滿意, 好劣作。我出去巡左個圈, 好失望, 發覺完全冇咩野食, 好似沙律果到, 擺左幾盤番茄仔, 栗米粒, 青瓜, 豬腰豆, 好行呀! 連d醬汁都好冇heart , 得d沙律醬就算。連我最鐘意食ga煙三文魚只係出左1次就冇出(lee d 最基本ga自助餐頭盤都冇refill , 好離譜), 我都係食左3塊。之後就出左盤涷肉(得1款)就算。去到熱盤方面, 炒菜心, 紅燒豆腐, 炒飯, 炒麵, 連麵包都係一個爐, 好唔惦。仲要攪埋d即炒意粉, 要左1個, 炒到1pat野甘, 唔惦!係燒牛肉算好看,魚生係師傅被, 都算新鮮, 生蠔我唔食ga , 我阿哥話太涷, 都普通。去到甜品, 簡直係我最慶ga 一part, 食自助餐最enjoy就係食甜品, 佢d甜品真係好cheap , 被d jelly , mousse , 蛋糕仔(孖寶蛋糕果種) , 我未見過自助餐d甜品甘差, 最想食ga 芝士蛋糕都冇, 點都有其他蛋糕, 點會被d好似孖寶蛋糕。雖然唔係好貴, 但係都要百幾蚊, 真係食到成肚氣, 情願被多小小都唔係響喱度食, 我唔會再去呀!…查看更多