兩小口子的個人專頁

因為有 coupon，所以嚟呢度食。一入內就遞上一壺清水（不是茶）。飲咗一口，唔..... 有陣油味。個杯仲見到薄薄一層油。忍唔住皺咗一吓眉。叫咗招牌酸菜魚，海南雞，成都擔擔麵，白灼鵝腸。酸菜魚份量好足，有大豆芽，幾塊蓮藕片同幾塊蒿筍。但個湯嘅酸味唔似鹹酸菜煲出嚟嘅酸菜味，反而似加醋煮嘅味；魚片厚咗啲，硬身咗啲，鞋咗啲；鹹酸菜得幾條，少得可憐。唔！又皺咗一吓眉。海南雞半隻。我揀咗微辣，但係食唔出。反而漿汁碟右邊第二格嘅花椒油幾好味。有少少鹹味，又唔嗆喉。雞夠滑，但話呢度就係半隻雞，好似都偷得唔少。又再皺咗一吓眉。白灼鵝腸。似乎灼得過火了。唔爽，有啲韌。麻麻哋。成都擔擔麵。麵質較平時食嘅淋。湯唔夠辣又唔夠香。最重要係湯都唔夠熱。忍唔住又再皺咗一吓眉。好彩有海港城 coupon。原價嘅話真係唔值。…查看更多

比較喜歡這裡因為這店醃肉並不太重味。不過我今次點嘅霜降牛，護心肉，醃五花肉，牛舌都唔太有牛味亦係真嘅。前菜方面泡菜同豆芽好味，要 refill. 醃青瓜同蘿蔔就嘛嘛哋了。柚子冰茶我本身好喜歡的。但今次呢杯太甜了，我特意叫了少甜都仲要加水...服務我覺得 ok 喎。前菜喺我未要求 refill 就自動幫我落單，我哋在討論嗰三種調味料，傳菜嘅服務員就主動介紹了。但係呢，佢張枱就都幾黐納納。明白嘅，通常呢類咁大油煙嘅食市都難免咖啦，但如果可改善就更好啦。唯一一樣嘢就係佢個抽氣扇。睇住佢滴油，滴返落啲食物度... 成餐飯要𥄫實，要搵紙抺。唔係幾好啦。…查看更多

比起我食過嘅其他海逸集團其他酒店 buffet, 呢間啲嘢食叫做高檔啲啦，但係其實又唔係話好好味。之前有食評話好多內地人又爭又搶食物，但我今日去又冇呢個情況。食物方面其實都係大路嘢，但魚生刺身稍嫌冇乜味，豉油太鹹。可能唔係咁多客，見佢盤壽司擺到乾哂，更加冇人有興趣攞。蟹腳係佢供應嘅海鮮裏面最好味，最有味的了。蟹粥，周打蠔湯比較好味，希望今晚唔會太口渴啦。甜品呢，佢嘅芒果拿破崙輸咗畀 8 度海逸，仲係慘敗添；豆腐花又唔滑... 飲品佢有 Expresso, coffee, 紅茶，橙汁任飲。但expresso 同 coffee 都冇乜味，奶係凍奶，加咗落去立即凍哂；紅茶味怪，熱水最穩陣。最特別係佢有 live band 演唱。但係唱嘅大多數係舊嘅廣東歌同國語歌，演唱者仲會同食客傾計互動。咪就係「流行經典 50 年」囉！反而場內職員工作態度好好，收碟快，笑容可躬。…查看更多

初初新開時食，好多食物都很 ok 的。近期久不久都有嚟，睇住佢無論食物，服務...... 都差了。今餐點了特價魚，椒鹽骨，椒絲腐乳通，都係啲家常到不得了嘅菜式。唉，點知椒鹽骨超級乾，又鞋又硬，好似翻炸又翻炸咁。椒絲腐乳通冇味。冇鹹味冇腐乳味，完全唔好味。條魚仔，唉！ $4x 一條魚，都唔要求得多了。豉油又太甜，連蔥都唔香......說實在的，失望了。…查看更多

人日諗住食餐好好哋嘅，選擇咗嚟九龍灣 Megebox 小南國。叫咗生煎包，鍋貼，水煮魚，醉雞。生煎包，鍋貼：皮厚，入面粒肉好似魚旦咁，唔鬆軟，太甜；最重要係凍，啲所謂肉汁好似食豬油一樣。水煮魚：魚肉帶腥，平時出面食嗰啲好嫰好滑嘅，呢度嘅魚肉質好硬好鞋。味就少少辣，香欠奉。薯粉結成一餅，應該係整咗好耐。醉雞：一般，鞋，有酒味冇香味。我知係冷盤，但唔好真係雪櫃攞出嚟就咁就 serve 會好啲啦。全晚最好的就係壺香片，茶味香，有淡淡茉莉味... …查看更多

上幾日喺稻香打邊爐見有個優惠，半斤蝦 半隻吊燒雞=$88抵吖，今日就試吓佢。蝦：size ok, 唔係蝦毛，但係隻隻都有沙，有啲新鮮，但都有啲食落好梅。雞：ok, 大路嘢都唔會差得去邊！另外叫咗個臘雞砵仔飯同鮮果咕嚕肉。飯啱啱蒸熱上，有鹹味，啲臘雞鹹得滯添。咕嚕肉味濃，又係大路貨。其實呢餐話好好食又唔講得上係，但係我估有下次嘅！…查看更多

燒油甘魚頭，唔好食，好腥，又燶喎。姜汁黑豚肉定食都麻麻哋，乾爭爭冇汁嘅。（唔記得個名）？辣味牛肉拉麵，呢個掂呀，好好味，但係好味當然因為有味精！好口喝呀！餃子，ok 啦。栗子餅，蕃薯餅，good 呀，好香好脆。（用 iphone submit, upload 唔到相呀）…查看更多

價錢加咗但係食物質數反而差哂。兩隻蜜川雞二十蚊，四隻四十蛟，六隻六十蚊，咁駛鬼你列出嚟咩，同埋十蚊一隻雞翼？值唔值呀？之前食過其實都唔係好食得咁緊要啫！其他小食加得仲勁，反而米線加幅都可以接受。仲有一樣嘢，啲湯底真係鹹得好緊要，飲多多水都唔掂。我覺得唔值得再嚟啦。…查看更多

馬碲牛腸：粉皮都算滑，但係太厚。牛肉有陣梳打粉味。陳皮牛肉球：同出一徹，大陣梳打粉味，牛肉好實，硬掘掘。焗叉燒包：上枱已經係凍嘅，餡少，太甜。蝦餃：皮韌，蝦肉唔夠爽，超鹹。牛柏葉：算最好食啦，如果薑葱味重啲仲好。好一般，有絕對改善空間。…查看更多

冇服務。三個人叫咗兩碗細嘅乜嘢牛脊肉湯粉，即係生牛河啦；一個迷你焗牛柳粒飯；一個越式春卷；野箘什菜粉絲同一個柚子鳳爪。兩個河粉都唔係越南河粉，係中式河粉嚟嘅，仲好嚡身添喎。一碗得三小片牛肉，啲湯又唔熱。焗飯個味道 ok，但啲飯好似叮完又叮咁，一粒粒硬嘅。春卷又係返炸咁，個心凍嘅，柚子鳳爪冇味道，$16 得一支一開四嘅鳳爪同兩撮柚子肉，唔值囉。基本上全餐都唔值亦唔值得再嚟！…查看更多

行到攰想去食個 tea, 行吓行吓嚟到呢間新星, 咁啱有位就入去啦. 叫咗個常餐 & 蜜糖雞翼.常餐 ($38): 五香肉丁 + 腸仔 + 炒蛋 + 餐肉 + 出前撈丁 + 餐飲. 以為佢點撈丁法, 原來係嗰幾樣配料同個出前一丁一齊放喺個碟度, 個味精湯另上. 所以個麵係冇味咖. 咁整都幾好笑喎, 蜜糖雞翼 ($30): 6 隻雞翼. 幾好味喎. 雞翼係生炸. 唔係返炸幾廿次嗰啲. 咬落口仲有肉汁咇出嚟, 嘩, 熱到吖, 熱到咀都腫呀.... 但係佢唔係淋蜜糖, 而係西多士用嘅糖膠. Anyway, 都好好食. 本來想叫個 "醉雞翼麵", 但係落單亞姐話麵當師傅放假冇得叫喎. 下次再去試過.…查看更多

第一次食呢間, 都係諗住試啦, 估唔到 ok 喎. 等咗 around 20mins 入坐, waiter 問飲熱定涷水, 我想要杯熱茶但係原來係要收錢. 咁熱水算啦. 叫咗個 New York Strip & 安格斯 steak, 都係要 medium rare. 配菜要咗焗薯仔, 炒什菜, 蒜味薯蓉 & 焗甜蕃薯; 一個餐湯 (cream onion soup); 一個 salad (house salad) 配 藍芝士沙律醬; 另外佢有個黑糖麵包送...cream onion soup: 好好飲呀:), 好 creamy, 佢應該加咗啲 cheese, 好味道呀, 但係估佢都加咗一定份量嘅味精, 因為好口渴!:(house salad: 都係有啲菜呀, 烘麵包呀... 咁啦. 呢個冇乜特別. 但係個藍芝士醬就好好味. 我好鍾意個 sauce.黑糖麵包: 又係好好食呀. 好香黑糖味. 應該係自家製, 都幾軟熟. 炒什菜: :(麻麻哋啦, 一啲味都冇, 又話係炒, 似烚熟又啲.焗薯仔, 薯蓉 & 焗甜蕃薯: ok 啦. 個甜蕃薯好好味呀, 食到停唔到口.到主菜啦. 個 steak 同個 strip: order medium rare, 個 steak 就係, 但係個 strip 就過咗火啲. 搞到塊 strip 啲肉有啲實. 另外件 steak 好多筋. 又切唔到, 咬都咬唔開. 總括而言, 呢一餐我都覺得幾 ok, 會有下一次嘅. Next time 我想試佢個炸洋蔥. 好似好好味咁咖.…查看更多

啲食評冇寫錯, 真係咁差咖, 早知我就睇完先決定食唔食啦.個濃湯牛肉米線, 仲衰過 "大家食" 嗰啲, 宜家仲覺得 "大家食" 都幾好味添呀. 唔止湯, 粉,牛冇咪, 連個番茄都冇味. 番茄個蒂又唔切走, 一啲誠意都冇...個餐旦治諗住冇事啦, 又係冇味咖. 餐肉冇味, 雞蛋冇味... 畀喊面都益咗佢啦.…查看更多

好耐冇去 "茶" 飲茶, 今朝就去幫襯吓啦. 攞起張點心紙, 發覺加哂價. 茶由 $3/位, 加到 $4/位. 每樣點心都加 $1 - $2 , 加幅真係都幾大!:( 又冇咗竽角...:( 叫咗幾碟點心, 但係覺得普遍差咗.牛腸: 牛肉 ok, 但係個粉就麻麻地, 靭得滯. 可能啲粉溝得唔係咁好.沙嗲味菜大腸, 聽個名就知鹹, 但係冇諗過真係咁鹹.鮮竹卷, 又係鹹爆.糯米雞: 超淋, 冇咬感. 之前食好好多.蝦餃: 冇嚟味道, 但係係咁多碟中我覺得最好味嘅一碟啦.2 個人, 5 碟點心盛惠 $94, 我真係覺得貴, 仲好唔值添呀.:(…查看更多

兩個去食, 叫咗兩個常餐. 個通粉硬咗啲, 可以淋少少, 個湯就... 硬係差啲啲. 冇澳牛咁惹味.(唔通就係冇咗啲味精?)個炒蛋話就話用北海道牛奶炒, 但係唔覺得滑喎. 件多士一句講哂就係唔新鮮. 硬掘掘.火腿 & 义燒又 ok 喎. 义燒夠肥美, 讚!最好係唔似澳牛咁一坐低就趕人走咁囉. 可以坐得舒服少少.…查看更多