飲咗一口，唔..... 有陣油味。個杯仲見到薄薄一層油。忍唔住皺咗一吓眉。
叫咗招牌酸菜魚，海南雞，成都擔擔麵，白灼鵝腸。
酸菜魚份量好足，有大豆芽，幾塊蓮藕片同幾塊蒿筍。但個湯嘅酸味唔似鹹酸菜煲出嚟嘅酸菜味，反而似加醋煮嘅味；魚片厚咗啲，硬身咗啲，鞋咗啲；鹹酸菜得幾條，少得可憐。唔！又皺咗一吓眉。
海南雞半隻。我揀咗微辣，但係食唔出。反而漿汁碟右邊第二格嘅花椒油幾好味。有少少鹹味，又唔嗆喉。雞夠滑，但話呢度就係半隻雞，好似都偷得唔少。又再皺咗一吓眉。
白灼鵝腸。似乎灼得過火了。唔爽，有啲韌。麻麻哋。
成都擔擔麵。麵質較平時食嘅淋。湯唔夠辣又唔夠香。最重要係湯都唔夠熱。忍唔住又再皺咗一吓眉。
好彩有海港城 coupon。原價嘅話真係唔值。
