hoilingk的個人專頁

前兩日夜晚係荃灣廣場行完街，見到附近有間新開既西餐廳 因為佢地個招牌夠曬sharp！望真啲 裡面都裝修到好靚 好有文青feel 岩曬啲女仔黎打下卡。去到門口都有waiter好熱情咁叫我同屋企人入去試下 ，咁我就不妨試試新嘢啦。我地3個人叫左豬手，肉眼排同巴馬火腿辣肉腸意大利飯。豬手超級大份 二百幾蚊超級抵食 皮夠曬脆 肉都好入味😋💯💯肉眼排都煎得好香 話5成真係5成！ 意大利飯都好食 不過都係啱啱嗰兩款出色啲🤣下次一定會叫多啲親朋戚友黎食 試埋其他main course！！ 我仲見到佢地有好多桌上遊戲比客人玩 可以一路玩game一路chill drink💯💯…查看更多

今日下午同屋企人一齊去左饒宗頤文化館散下步 影下相 行完之後又熱又攰 開始肚餓 就去左裡面既西餐廳食晚飯 食完之後真係返唔到轉頭我地5個大人叫左3個法國泥蟹湯，2個鵪鶉清湯，法國油封鴨，蘋果木煙燻野雞，美國牛腹肉（5成），澳洲M5和牛斧頭扒（5成）泥蟹湯唔洗多講，一定要試！超級濃郁，好重蟹味，不過飲得多會有啲漏。鵪鶉清湯就好清甜，好適合小朋友同老人家飲。Main course方面，油封鴨都好入味，野雞就有個爐係你面前夾出黎，夠曬壯觀。 兩塊牛扒話要5成，佢真係煮到5成！岩岩好！ 牛腹肉就少啲脂肪 肉質嫩滑，而斧頭扒就好重牛味，入口即溶！最緊要係價錢一啲都唔貴！係出面比更高既價錢都食唔到呢啲質素！一定會再帶其他朋友黎食…查看更多