geeleegulu的個人專頁

一行入鋪唔知點解覺得似大陸野d色彩配搭 字體設計個feel似大陸d酸菜魚舖頭d裝修上網查一查發現係太興旗下真係睇唔出 舖頭裝修中資味好濃😂可能為左縮皮揾左大陸人設計講返食物我食下午茶時段老老實實 2025年佢d茶餐係抵食既$48 有3塊牛 3塊豬一碗珍珠米白飯 一碗牛肉湯兩格前菜 一杯玄米茶食完唔會飽 但下午茶想食light d絕對ok叫石鍋湯餐 仲要白飯前菜野飲任添但要午市晚市用正價百幾二百蚊就真係唔會考慮因為唔係賣平 賣性價比純講食物質素既話 我會話係中下最好食得碗飯同隔離d醬 (蒜蓉醬 韓式辣醬真心正)泡菜唔夠爽口 有酸味湯得咸味 無乜層次肉好薄 無乜肉香呢個質素我只接受到食個50蚊有找既茶餐要用多過100蚊食真係不了…查看更多

第一次食洪記睇裝修同餐牌都知係連鎖式經營但估唔到都幾有質素叫左艇仔粥 再加$8加生菜叫完之後發現隔離幾枱d阿叔都係食艇仔粥心諗應該真係好食所以個個都食呢款等左大約5分鐘一試 果然好食粥底好綿好滑 又足粒撈勻再食 每啖既口感都好豐富有脆卜卜既花生粒有爽脆既生菜絲有彈牙既魷魚有爽口既豬皮最正係d免治牛肉米粉通量夠多 成碗都係d咸香味真係勁滿足另外仲叫左炸兩腸粉佢上菜好快 講緊落單後一分鐘內已經有所以應該係預先整好味道就唔差 不過就無話好好食炸兩黎講會略嫌唔夠香…查看更多

老闆娘話做到18號唔做😭😭特此紀念最後一次食金潮泰都係一樣咁好食🥲唉 以後無得再食了上次老闆娘疫情間抖左兩年兩年後石門重開而家差唔多又兩年又唔做唔知仲有無下次！米線都係一樣咁好食夠酸多辣沙嗲燒雞超正沙嗲汁好多花生粒 勁香…查看更多

調左舖之後係有d難揾3樓直入條食街 行過寫住類似美食廣場既牌匾位彎入去先揾到但呢邊無2樓同3樓大巷咁多人清靜d 感覺乾淨d又食得舒服d同其他食評講既一樣服務態度唔太好係真既如果好介意服務既話 真係唔洗試不過食物本身係ok既 幾好食但真係等得比較耐講緊人流唔多既情況下都要等20分鐘如果趕時間 又係唔洗試今次第一次食 試左原味爆蒜同花椒麻辣兩款都有加粉絲我覺得粉絲份量唔算話好少 (見有食評話粉絲少)唔會食兩啖食完咁蜆洗得好乾淨 無沙每碗8粒 多肉既湯底我覺得原味正d有海水咸香 又有好濃既蒜味食蜆最啱既經典組合花椒麻辣味似日清即食粉絲果種麻辣味唔係難食 但原味係香d!!!另外少貴都係真既一個湯蜆$47 加埋粉絲就$55…查看更多

店員做野有d甩漏不過我見廚房同收銀都好年輕各位包容下😂😂但食物係好食既 由於我係m記豬柳蛋死忠第一次食就叫左翻版mcgriddles楓糖芝士豬柳蛋格仔餅落完單等大約5分鐘就拎得幾好食 絕對可以encore不過唔太食到楓糖味如果多d楓糖就完美！另外豬柳係m記好食d呢度塊豬柳偏乾 無m記咁juicy不過整體黎講都係好食既今日葵廣食左幾間唔同既小店我覺得最值得encore係呢間烔路人！下次其實想試下佢個豬柳蛋雞蛋仔或者流心奶黃雞蛋仔都想試！…查看更多

個個食完都話個湯蝦味好濃我食完就覺得還好可能因為我心入面會忍唔住同馬拉d蝦麵比我會覺得佢可以再濃d如果對個湯期望好大既話有機會會有少少失望叫左廣島蠔蟹鉗蝦湯拉麵蠔係幾好食 多汁又嫩蟹鉗就一般 d肉好散又無乜蟹味不過佢會幫你剝左有肉果忽既殼呢個位我欣賞既麵質就偏稔果種 蛋黃色所謂日本拉麵唔係日本幼身果種似平時港式拉麵有果種麵質所以就中規中矩 唔會話難食 但又唔會話好食總的來說 會覺得食一次就夠下次去葵廣未必會再食…查看更多

第一次食 叫左海老湯拉麵湯同溏心蛋不過不失但麵質真係好差其實一上菜都覺得不妙因為睇落質地好杰d人成日話一蘭難食我想一蘭其實完全唔難食起碼麵質正常好多呢間一橋真係一言難盡未食過咁奇怪既日本拉麵煮太稔 煮到起晒膠似煮左好耐既雲吞麵多過日本拉麵個麵既質地完全唔係日式拉麵叉燒質感同味道都係好奇怪無肉香味 直情無味食左3塊都唔知食緊咩食完一次真心唔會再食完全業餘水平雖然佢價錢比普通拉麵舖係平好多講緊連加一都係50幾60幾蚊一碗…查看更多

知道佢d waffles一向出名 經過見順路就試一試一見menu覺得價錢偏貴連埋加一要$130不過上菜之後我明點解收呢個價錢因為真係好大碟！！！😂😂佢一舊waffle係半隻手板咁大跟住仲要有四大舊份量係真心多一個人去食叫一盤waffle已經會超飽基本上唔洗食其他野😆😆🤣但佢唔係得個大 佢又真係好食既Waffles好重蛋香雪糕係Häagen-Dazs 有焦糖同冧酒味揀有兩個球 我每款揀左一球食完覺得冧酒好食d下次黎食會叫兩球冧酒佢中間仲有好大兜朱古力醬連住cream點waffle同香蕉勁好食同埋d醬真係好多食完仲有好多剩另外要讚既係環境設計有高級感 舒適又休閒都市綠洲既感覺一個人黎食下下午茶應該都幾寫意…查看更多

一直留意到石門開左幾間餃子店琴日餃子癮起 見近就揀一間入去食呢間比較吸引到我 因為佢名比較特別上網查下其他食評 原來佢係出名用蘿蔔粟米湯仲有d創意餃子見到蘿蔔湯果下我有d擔心 因為怕會唔夾但食過之後原來都ok唔係屋企煲開果種好甜既粟米蘿蔔湯味再加上我揀左要辣所以d湯會多左辣醬加埋就只係一d咸咸地辣辣地既高湯好似普通車仔麵既湯底咁所以同餃子都夾叫左6隻韭菜湯餃加上海麵佢d餃比我想像中大隻同好食料多 但唔知點解佢d料係有d黏黏地同埋比較容易散出黎餃子黎講唔係最top既味道但整體黎講唔差 近近地既話食得過我會話幾好食 但未去到超正舖頭裝修偏暗 同油煙味有少少大講環境唔係話好舒適不過小店黎講可以接受下次再經過會想試埋佢d煎餃!…查看更多

成日聽人講意樂難食 其實我覺得真係唔差起碼佢d焗飯 管意粉 同芝士薯條都好好食每次去都會叫呢幾樣今晚又想去意粉食佢個青醬大蝦蜆管意粉自從發現左有走青(走青豆)呢個選擇之後每次都食走 因為意樂煮意粉中意落好多青豆然後之前食過落豆係覺得怪怪地但係走左豆就真係超級正佢落青醬真係落超多 蝦同蜆都係多 好足料管意粉又唔會煮太稔 好好咬真心有質素芝士薯條就已經食過好多次用車打芝士 勁香 應該仲有落沙律醬 好似食到有沙律醬未薯條又夠脆口 點落去d熱溶左既芝士真係勁好食今次仲叫多左碟長柄西蘭花呢個以前無食過係餐廳做緊食滿$100就88折先加錢食估唔到咁好食個葉既位煎到脆脆地 好香口但個莖位又似芥蘭咁爽口 好好食下次會再嗌飲品叫左個凍既拖肥latte 因為見佢唔洗加錢又幾好飲 真係好香拖肥味總的言之 今個呢餐食得好滿意食左四樣野 埋單先$90.7 抵食 好飽 大滿足!…查看更多

第一次食漁樂 美孚店係正意樂隔離睇裝修 睇名 睇餐牌設計 一望就知同一個集團開就係因為咁 所以我期望唔太大諗住佢都係中等至中上水平無諗過d食品會咁掂 呢個好驚喜下午茶時段入 所以餐廳無乜人超寬敞 坐得勁舒適叫左個冬蔭功河粉 再加錢叫椒鹽薯條同黑醬雞翼野飲就叫左爆珠鳳梨柳橙梔子花茶盛惠＄79我想講除左野飲味道有d奇怪之外其他野食都好好食特別係冬蔭功河粉同雞翼河粉冬蔭功湯底超濃超足料不過隻河粉就唔夠滑 麵質差d但食湯麵湯底好食真係加好多分所以整體黎講都係好食 但我想講佢d餐具可唔可以換一換？佢用金屬筷子同匙羹完全唔隔熱 食野果時係辣嘴 食得好唔舒服換返膠造會好好多另外黑醬牛油雞翼應該係焗外脆內嫩 超級好食黑醬甜甜地 雞翼又大隻又香套餐加＄13有3隻 我覺得物有所值!至於椒鹽薯條就有少少失望因為無乜椒鹽味就係好普通 少少咸 但唔太香既炸薯條唔係難食 但無乜特別…查看更多

今個星期連續食左兩日因為佢d麵食的確出色無論拉麵同撈麵都好好食真正色香味俱全 係會令人想一食再食既味道不過飲品就真係唔多掂 淡而無味所以加埋食物質素只能比4星詳細講下兩次各自食左d咩先第一次叫左雞白湯拉麵一上枱已經聞到超級香但唔係普通拉麵味 好建議食之前索下佢陣味先😂😂賣相當然係超好睇味道都出色 食得雞白湯就係貪佢唔太重口味D雞湯好香濃 但唔會太咸麵質偏粗 但好彈牙溏心蛋好好食 不過其他配菜就差d 肉少少韌另外仲叫左杯白桃沙冰味道就一般 偏淡不過佢d沙冰有個好大既問題 就係太滿!!!放上枱10秒已經溶到成枱係水就算你話係咁飲 佢會keep住溶好快又滿瀉 搞到成枱水下次唔會再嗌第二次食就叫左佢個招牌正宗全料東京撈麵跟足佢指示牌分次落胡椒 落醋 落飯真係超級香中間我仲額外加左辣粉 因為我食開辣我想講落完少少辣 味道層次更豐富中意食辣既朋友記住落辣!!!佢個麵底真係好好食 超彈牙比拉麵個麵底更粗更彈牙更香為左呢個麵底 我決定呢幾日會再食第三次下次黎會想試佢話中辣果款撈麵睇下係咪一樣咁正飲品就叫左芝士奶蓋抹茶超難飲 因為佢係完全唔落糖可能飲開走甜既人會覺得ok但我接受唔到芝士奶蓋既飲品係無糖So far試過兩款飲品都唔多掂下次去食都係飲水算佢轉枱都算轉得快因為撈麵好快食完所以就算要排隊 都好快有位不過舖頭比較細 座位偏擠迫所以唔會坐得舒服最後講下服務我覺得就無一般日式餐廳質素特別帶位既男員工 基本上同茶記侍應無異係得個別一兩個女員工態度比較好…查看更多

叫左個常餐 叉燒意就中規中矩叉燒一般 唔夠香湯有dd偏淡意粉就好食 無煮過熟 有咬口整體唔算係好食既叉燒意牛油多士加煉奶我唔太中意因為d煉奶滴埋落奄列d蛋度 有d奇怪至於奄列本身就一般 唔夠咸要自己落鹽雜果冰唔係用七喜做底 似普通水加糖漿d雜果唔知點解有少少臭 好似唔新鮮咁成杯野味道比較奇怪 有up味唔知冰出事定水果出事由於係要加錢飲既特飲 呢個係有d失望不過服務係抵讚收銀哥哥好有禮貌 態度超級好如果食物質素可以再提升就好!…查看更多

So far 食過三次第一次食覺得麻麻但有時拉麵癮起 見佢又近屋企所以見順路又食多兩次坦白講 無食評講得咁差可能因為我係食辣果款見其他人話難食都係原味/牛骨果d我叫左大辣 辣度同胡椒濃度都係揀大我覺得對平時食譚仔中辣既我好適合但佢隻辣係好多辣粉 好多胡椒既辣 湯入面仲有好多洋蔥粒 同薑粒第一次食覺得有少少奇怪再食第二次第三次就會覺得別有一番風味係一種食完會想再食既味道麵係用粗拉麵我自己中意食粗多過幼因為麵香味出d同飽肚d不過我唔太中意佢用即棄木筷子明明堂食都似外賣我覺得食麵用返日本尖筷子食係最正至於d配料 我覺得舊豬肉係好好食佢個味道似平時米線舖d豬軟骨甜甜地 肉質煮到好軟 好香不過個溏心蛋就差d頭兩次去食到係實心 做唔到流心既狀態第三次食就好左 有返dd流心一碗拉麵$105佢無收加一 可能因為落單自己用QR code 斟水又要自己出去環境新裝修係舒適既坐靠窗位有市景睇 望下天都幾寫意總的而言 絕對唔係超好食 唔需要跨區入黎食但住得近間唔中食下係ok ge…查看更多

今晚突然有日本拉麵癮 比佢d poster吸引左就入左去食一入座佢話夜晚8半後9折其實計返條數同餐單個價錢一樣因為佢只係收少左你加一服務費叫左個煮干辛味噌拉麵因為想食辣佢湯底係啡黃 飲落其實係濃d味噌湯有好多洋蔥 乾蒜片辣味主要係黎自碗中間果羹辣醬所以要撈勻先食到辣味不過就撈勻晒都只係小辣叫做係提升左少少味道層次但無乜好明顯既辣味佢無得揀辣度/個人化湯底既任何野我覺得如果有食更好不過個湯係比我想像中正因為我見好多食評話呢間麻麻地搞到我無乜期望但同某d食評講既一樣 個湯唔夠熱係真既麵質都係比我想像中好我中意佢偏粗偏硬好有咬口 好正我個人中意呢種拉麵舖既太麵肉就一般 無乜香味 少韌環境我覺得就坐得唔太舒服因為比較暗 好似長期半打烊既狀態咁食物就真係比我想像中好唔係超好食 但都唔係難食5分有3.5果種程度另外佢d水就唔落冰同檸檬食拉麵黎講 有檸檬冰水飲我覺得會正d…查看更多